لاہور : واہگہ بارڈرپاکستان زندہ باد اور اللہ اکبر کی صداؤں سے گونج اٹھا، پر چم کشائی کی تقریب میں لوگوں کا ہجوم امڈآیا۔ ہزاروں پاکستانی بچے، نوجوان بوڑھے اور خواتین جوق درجوق اس تقریب کو دیکھنے کیلئے واہگہ بارڈر پہنچے۔
نوجوانوں اور بچوں کاجو ش و جذبہ دیدنی تھا۔منچلوں کے بھنگڑوں اور نعرے بازی نے ماحول کو گرمائے رکھا، فلک شگاف نعروں کی گونج، جوش وجذبے سے جگمگاتے چہروں اورلہراتے پرچموں کے ساتھ واہگہ بارڈرپرہونے والی تقریب نے انیس سوپینسٹھ کی تاریخی فتح کی یادیں تازہ کردیں۔
پاکستان رینجرزکے شیردل جوانوں کے بوٹوں کی گھن گھرج اوروطن کی حفاظت کے جذبے سے معمورپریڈ پاکستانیوں کا لہوخوب گرماتی رہی۔ واہگہ پرموجود کیابچے، بزرگ، خواتین سب ہی بہت پُرجوش اوربھرپوراندازمیں اپنے سپاہیوں کاحوصلہ بڑھاتےرہے۔
بارڈرپر موجود ننھے سپاہی بھے کسی سے کم نہیں۔ بہادر جوانوں کی طرح طاقت کا مظاہرہ کرکے ننھے سپاہیوں نے سب کے دل موہ لئے۔ خوشی کوئی بھیہو ہماری نئی نسل کسی سے پیچھے نہیں رہتی۔
