Tag: Parineeti Chopra

پرینیتی چوپڑا اور راگھو چڈھا کے ہاں پہلے بچے کی پیدائش متوقع

نئی دہلی(25 اگست 2025): بالی ووڈ اداکارہ پرینیتی چوپڑا اور سیاستدان شوہر راگھو چڈھا نے جلد والدین بننے کی تصدیق کردی ہے۔

بالی ووڈ اداکارہ پرینیتی چوپڑا اور رکن پارلیمنٹ راگھو چڈھا جلد ہی اپنے چھوٹے سے فرشتے کا استقبال کرنے والے ہیں، جوڑے نے پیر کے روز ایک انسٹاگرام پوسٹ کے ذریعے یہ خوشخبری اپنے مداحوں کے ساتھ شیئر کی ہے۔

پرینیتی نے اپنے انسٹاگرام پر راگھو چڈھا کے ساتھ ایک مشترکہ دو سلائیڈ والی پوسٹ شیئر کی، جس میں ایک کیک کی تصویر تھی جس پر "1+1=3” اور چھوٹے پاؤں کے نشانات بنے تھے، جو ان کے بڑھتے ہوئے فیملی کی طرف اشارہ کرتے ہیں۔ دوسری سلائیڈ میں ایک مختصر ویڈیو تھی جس میں یہ ہونے والے والدین پارک میں سیر کرتے دکھائی دے رہے ہیں۔

View this post on Instagram

A post shared by @parineetichopra

انہوں نے کیپشن میں لکھا "ہمارا چھوٹا سا کائنات۔۔جلد ہی آنے والا ہے، بے حد مبارکباد،” ساتھ ہی سرخ دل اور نظر بد سے بچاؤ کے ایموجیز شامل کیے، اس خوشی کے اعلان پر لاکھوں مداحوں اور شوبز انڈسٹری سے وابستہ شخصیت نے بے پناہ جوش و خروش کا مظاہرہ کیا اور پوسٹ کے کمنٹس سیکشن میں جوڑے کے لیے دلی مبارکباد کے پیغامات شیئر کیے۔

واضح رہے کہ بالی ووڈ اداکارہ پرینیتی چوپڑا نے 2023 میں اڈی پور میں ایک نجی تقریب میں سیاستدان راگھو چڈھا کے ساتھ شادی کی تھی۔

اگست 25, 2025
پرینتی چوپڑا نے بھارتی میڈیا کو جھوٹا قرار دے دیا

بھارتی اداکارہ پرینیتی چوپڑا نے بھارتی میڈیا کو جھوٹی خبریں پھیلانے سے گریز کرنے کا مشورہ دے دیا۔

بھارتی میڈیا کی جانب سے جھوٹا واویلا مچانے پر اب خود بھارت کے اندر سے آوازیں اُٹھنا شروع ہوگئیں، بھارتی اداکارہ پرینتی چوپڑا کا کہنا تھا کہ جھوٹی خبریں نہ پھیلائیں، ذمہ دارانہ رپورٹنگ کا مظاہرہ کریں۔

اداکارہ کا بھارتی میڈیا کی جانب سے جھوٹی خبر پھیلانے پر کہنا تھا کہ اس وقت ہم جو سب سے برا کام کر سکتے ہیں وہ ہے جعلی خبریں پھیلانا اور ان لوگوں کو خوفزدہ کرنا جو گھرون میں بیٹھے ہیں، صرف حکومتی ذرائع پر بھروسہ کریں اور کچھ نہیں۔

واضح رہے کہ گزشتہ روز بالی وڈ کی معروف اداکارہ سوناکشی سنہا نے بھی بھارتی نیوز چینلز کی مضحکہ خیز خبروں اور غیر ذمہ دارانہ رپورٹنگ پر سخت مؤقف اختیار کرتے ہوئے انہیں خبروں کا سرکس کہہ دیا تھا۔

انسٹاگرام اسٹوری پر سوناکشی سنہا نے بھارتی نیوز چینلز کو پاکستان کے ساتھ جاری کشیدگی میں سنسنی خیز اور فلمی کوریج کی وجہ سے تنقید کا نشانہ بنایا اور الزام عائد کیا کہ وہ حقیقت بیان کرنے کے بجائے لوگوں میں خوف و ہراس پیدا کر رہے ہیں۔

بالی وڈ اداکارہ نے کہا کہ ہمارے نیوز چینلز ایک مذاق ہیں، میں ان کی حد سے زیادہ ڈرامائی انداز، چیخ و پکار اور خوف پھیلانے سے شدید متاثر ہوئی ہوں، آپ کر کیا رہے ہو؟ بس اپنا کام کرو اور حقائق سامنے لاؤ۔

’جنگ کو سنسنی خیز بنانا اور ان لوگوں میں خوف و ہراس پیدا کرنا بند کریں جو بہرحال بے چین ہیں۔ لوگوں سے گزارش ہے کہ وہ صرف ایک قابل اعتماد خبر کا ذریعہ تلاش کریں، خبروں کے نام پر اس گندگی کو دیکھنا بند کریں۔‘

سوناکشی سنہا کی جانب سے مذکورہ بیان بھارتی وزارت دفاع کی جانب سے نیوز چینل، میڈیا آؤٹ لیٹس اور ڈیجیٹل پلیٹ فارمز کو باضابطہ ایڈوائزری جاری کرنے کے چند گھنٹے بعد سامنے آیا۔

ایڈوائزری میں زور دیا گیا کہ فوجی آپریشنز، فوجیوں کی نقل و حرکت اور حکمت عملی کے فیصلوں کی لائیو کوریج کو نشر کرنے سے گریز کیا جائے۔

پاک بھارت کشیدگی سے متعلق تمام خبریں

بھارتی وزارت دفاع نے خبردار کیا کہ اس طرح کی کوریج آپریشنل سکیورٹی اور اہلکاروں کو خطرے میں ڈال سکتی ہے۔

مئی 10, 2025
’غیر اہم لوگوں کو اہمیت نہ دیں‘ پرینیتی چوپڑا کی پوسٹ سے مداح تشویش میں مبتلا

بالی ووڈ کی معروف اداکارہ پرینیتی چوپڑا کی حالیہ سوشل میڈیا پوسٹ نے مداحوں کو تشویش میں مبتلا کردیا۔

فوٹو اینڈ شیئرنگ ایپ انسٹاگرام پر اداکارہ پرینیتی چوپڑا نے ایک مختصر ویڈیو شیئر کی ہے جس میں انہیں پُرسکون انداز میں کشتی کی سواری سے لطف اندوز ہوتے ہوئے دیکھا جاسکتا ہے۔

پرینیتی چوپڑا نے ویڈیو پر لکھا کہ ’’ اپنی مرضی کے مطابق زندگی جیو ‘‘ ساتھ ہی ایک تفصیلی نوٹ بھی شیئر کیا جس میں انہوں نے لکھا کہ’ اس مہینے میں نے کچھ توقف کیا اور اپنی زندگی پر غور کیا، میں اس نتیجے پر پہنچی کہ آپ کے سوچنے کا انداز ہی سب کچھ ہے‘۔

View this post on Instagram

A post shared by @parineetichopra

انہوں نے لکھا کہ’ غیر اہم چیزوں (یا لوگوں) کو اہمیت نہ دیں اور اپنی زندگی کا ایک لمحہ بھی ضائع نہ کریں، زندگی ایک ٹک ٹک گھڑی ہے ہرلمحے کو اپنی پسند سے گزاریں، دوسروں کے لیے جینا چھوڑ دیں، دنیا کیا سوچے گی اس کی پرواہ نہ کریں ‘۔

پرینیتی چوپڑا نے لکھا کہ جب آپ دوسروں کی رائے سے ڈرتے ہیں تو آپ اپنی زندگی جینا چھوڑ دیتے ہیں اور بعد میں اس سے بڑا کوئی پچھتاوا نہیں ہوگا، زہریلے لوگوں کو اپنی زندگی سے باہر پھینکنے سے بالکل نہ ڈریں۔

اداکارہ پرینیتی چوپڑا نے مزید لکھا کہ ’ دنیا کیا سوچ سکتی ہے اس کی پرواہ کرنا چھوڑ دیں،اپنے خود کو اور اپنے لوگوں کو خوش رکھیں، چیزوں کے بارے میں اپنے ردعمل کو تبدیل کریں، زندگی بہت چھوٹی ہے تو اس زندگی کو ایسے گرزاریں جس طرح آپ چاہتے ہیں۔

View this post on Instagram

A post shared by @parineetichopra

دوسری جانب اداکارہ پرینیتی چوپڑا کے اس پوسٹ نے مداحوں کو تشویش میں مبتلا کردیا۔ ایک صارف نے کمنٹ میں لکھا کہ ’ کیا یہ پیغام کسی خاص فرد کے لیے ہے‘؟۔

خیال رہے کہ پرینیتی چوپڑا اور بھارتی سیاسی جماعت عام آدمی پارٹی کے رہنما راگھو چڈھا گزشتہ سال 24 ستمبر کو شادی کے بندھن میں بندھے تھے۔

جولائی 26, 2024
آنکھوں کی کامیاب سرجری کے بعد راگھو اور پرینیتی منظر عام پر آگئے

بالی ووڈ کی معروف اداکارہ پرینیٹی چوپڑا اور ان کے سیاستدان شوہر راگھو چڈھا لندن میں آنکھوں کی کامیاب سرجری کے بعد پہلی بار منظر عام پر آگئے۔

بالی ووڈ کی معروف اداکارہ و گلوکارہ پرینیتی چوپڑا اور اُن کے سیاست دان شوہر، راگھو چڈھا نے طویل مدت بعد ایک ساتھ انٹری دی ہے، دونوں ایک ساتھ سدھی ونائک مندر میں ’آشیرواد‘ لینے کے لیے پہنچے تھے۔

یاد رہے اداکارہ کا اپنے شوہر کے ساتھ سدھی ونائک مندر کا دورہ لندن میں راگھو کی آنکھوں کی کامیاب سرجری کروانے کی خبر کے فورا بعد کیا ہے، اس سے قبل دونوں ہی منظر عام سے غائب تھے۔

View this post on Instagram

A post shared by Bollywood (@bollywood.mobi)

سوشل میڈیا پر وائرل متعدد ویڈیوز میں دیکھا جا سکتا ہے کہ اس جوڑی نے میچنگ کا سفید لباس زیب تن کیا ہوا ہے اور ماتھے پر تلک لگائی ہوئی ہے، پرینیتی اور راگھو کو کئی مہینوں بعد ایک ساتھ دیکھنے پر مداح و صارفین خوشی کا اظہار کر رہے ہیں۔

واضح رہے کہ گزشتہ دنوں یہ خبر آئی تھی کہ عام آدمی پارٹی کے سیاسی رہنما راگھو چڈا کو ریٹینا میں سوراخ کا مسئلہ پیدا تھا اور لندن کے ایک اسپتال میں ان کی ایمرجینسی سرجری ہوئی تھی، ریٹینا میں سوراخ سے اداکارہ کے شوہر مستقل طور پر بینائی سے محروم ہوسکتے تھے۔

یاد رہے کہ پرینیتی چوپڑا نے گزشتہ سال 24 ستمبر کو بھارت کی عام آدمی پارٹی کے رہنما راگھو چڈھا سے شادی کی ہے۔

مئی 25, 2024
پرینتی چوپڑا نے شادی سے متعلق اہم راز بتا دیا، مداح حیران

ممبئی : بالی ووڈ کی معروف اداکارہ اور فلم چمکیلی میں مرکزی کردار ادا کرنے والی پرینیتی چوپڑا نے اپنی شادی سے متعلق اہم راز بتا کر مداحوں کو حیرت میں ڈال دیا۔

اپنے ایک حالیہ انٹرویو میں انہوں نے بتایا کہ راگھو چڈھا سے پہلی ملاقات میں ہی محبت ہوگئی تھی اور پہلے 5 منٹ میں ہی فیصلہ کرلیا تھا کہ شادی ان سے ہی کروں گی۔

بھارتی شوبز ویب سائٹ کی رپورٹ کے مطابق پرینیتی چوپڑا نے راگھو چڈھا کے ساتھ اپنی پہلی ملاقات کے بارے میں تفصیلی بات چیت کی۔

اپنے شوہر راگھو چڈھا کے ساتھ محبت کی کہانی بیان کرتے ہوئے ان کا کہنا تھا کہ ان سے ہیلو ہائے کے وقت مجھے نہیں معلوم تھا کہ وہ کون اور کیا ہیں؟

35سالہ اداکارہ نے بتایا کہ لندن میں ایک تقریب کے دوران ان سے سامنا ہوا اور صرف ہیلو ہائے کی، لیکن اس بار میں نے کہا کہ چلو ناشتے پر ملتے ہیں میں اور میری ٹیم کے تقریباً آٹھ لوگوں نے اگلے دن ان کے ساتھ ناشتہ کیا۔

پرینیتی چوپڑا کا کہنا تھا کہ میں نے ناشتے کے بعد انہیں بہت غور سے دیکھا، ان کے کیے گئے تمام کاموں کے بارے میں جانا، میں قسم کھا کر کہہ سکتی ہوں کہ میں راگھو چڈھا سے ملی اور پانچ منٹ میں یہ جان لیا کہ ہمیں شادی کرلینی چاہیے۔

بھارتی اداکارہ نے بتایا کہ میں یہ بھی نہیں جانتی تھی کہ آیا ان کی شادی ہوگئی ہے، بچے ہیں، یا ان کی عمر کتنی ہے؟ بس ان سے شادی کرنے کی خواہش میرے اندر کی آواز تھی۔

واضح رہے کہ پرینیتی چوپڑا اور راگھو چڈھا کی شادی 24 ستمبر 2023 میں بہت دھوم دھام سے ہوئی۔ راگھو چڈھا ایک سیاستدان ہیں اور ان کا تعلق عام آدمی پارٹی سے ہے۔

مئی 1, 2024
پرینیتی چوپڑا کا بالی ووڈ میں ’فیورٹزم‘ سے متعلق چونکا دینے والا تبصرہ

بالی ووڈ کی معروف اداکارہ پرینیتی چوپڑا نے بالی ووڈ میں ’فیورٹزم‘ سے متعلق چونکا دینے والا تبصرہ کیا ہے۔

ایک حالیہ انٹرویو میں پرینیتی چوپڑا سے انڈسٹری میں ’فیورٹزم ‘ کے بارے میں پوچھا گیا جس پر انہوں نے فلم انڈسٹری میں کام کے کم مواقع ملنے پر کُھل کر بات کی۔

پرینیتی چوپڑا نے کہا کہ مجھے انڈسٹری میں کم کام ملنے کہ وجہ انڈسٹری میں فیورٹ ازم ہے، مجھے لگتا ہے کہ کچھ اداکاروں اور کچھ ہدایت کاروں تک رسائی کام کے مواقع ملنے کا باعث بنتی ہے اور میں یقینی طور پر یہی محسوس کرتی ہوں۔

اداکارہ پرینیتی چوپڑا نے اپنے حمل سے متعلق افواہوں پر خاموشی توڑ دی

اداکارہ نے کہا کہ میں نیپوٹیزم کی بات نہیں کر رہیں لیکن اگر میں ہر وقت کچھ مخصوص افراد کی نظروں میں نہ رہوں تو میں کام کے موقع سے ہاتھ دھو بیٹھوں گی، انڈسٹری میں کیمپ ہیں اور اگر کوئی ایسے کیمپوں کا حصہ نہیں ہے تو وہ کام کے مواقع سے محروم ہو سکتا ہے۔

انہوں نے اپنی بات وضاحت میں کہا کہ اگر دو لوگ ایک جیسے باصلاحیت کے مالک ہیں، جو ایک ہی چیز پیش کرسکتے ہیں، ان میں سے ایک پسندیدہ ہوگا اور دوسرا نہیں، تو جو پسندیدہ نہیں ہوگا وہ کام کا موقع کھو دے گا۔

اداکارہ پرینیتی نے مزید کہا کہ اگر میں وہ ہنر پیش کرنے کے قابل ہوں، اگر میں اتنی ہی رقم کمانے کے قابل ہوں تو مجھے بھی موقع ملنا چاہیے اور اسے اس لیے کسی کی صلاحیت کو ضائع نہیں کرنا چاہیے کہ میرا کوئی رشتہ نہیں ہے یا میں آپ کے کیمپ کا حصہ نہیں ہوں۔

اداکارہ نے مزید کہا کہ میرے پاس کوئی ایسا فرد نہیں جو میرے لیے کالز کر کے یہ کہے کہ پرینیتی کو اس فلم میں لے لو، میرے پاس صرف میرا ہنر ہے۔

واضح رہے کہ پرینیتی چوپڑا کو حال ہی میں ریلیز ہونے والی امتیاز علی کی فلم امر سنگھ چمکیلا میں ان کی اداکاری کے لیے زبردست پذیرائی ملی ہے۔

اس فلم میں پرینیتی نے دلجیت دوسانجھ کے مد مقابل امرجوت کور کا کردار ادا کیا تھا، فلم میں جہاں ان کی اداکاری کو سراہا گیا ہے وہیں انہیں کئی گانے گانے پر بھی داد ملی ہے۔

اپریل 20, 2024
اداکارہ پرینیتی چوپڑا نے اپنے حمل سے متعلق افواہوں پر خاموشی توڑ دی

ممبئی: بھارت کی معروف اداکارہ پرینیتی چوپڑا نے اپنے حمل سے متعلق افواہوں پر خاموشی توڑ دی ہے۔

بالی ووڈ اداکارہ پرینیتی چوپڑا نے اپنی فلم کے ٹریلر لانچ کے موقع پر گزشتہ روز ایک تقریب میں شرکت کی جہاں انہوں نے بطور ہیروئن ڈھیلا ڈھالا گاؤن پہنا ہوا تھا۔

View this post on Instagram

A post shared by Viral Bhayani (@viralbhayani)

اس تقریب ویڈیو سامنے آنے کے بعد بھارتی میڈیا پر ہر جگہ اُن کے حاملہ ہونے سے متعلق افواہیں گردش کرنےلگی تھیں۔

اب اداکارہ پرینیتی چوپڑا نے فوٹو اینڈ شیئرنگ ایپ انسٹاگرام اسٹوری پر ردِ عمل کا اظہار کیا ہے، اداکارہ کہا کہ ’کفتان، اوور سائز یا کوئی بھی آرام دہ لباس پہن لو تو اُسے حمل سے جوڑ کہہ دیا جاتا ہے۔

View this post on Instagram

A post shared by Viral Bhayani (@viralbhayani)

اداکارہ نے اپنی اس اسٹوری کے آخر میں ہنسنے کے ایموجی کا بھی استعمال کیا ہے، واضح رہے کہ پرینیٹی کے ڈھیلے کپڑوں کے انتخاب نے اُن کے حمل سے ہونے سے متعلق افواہوں کو مزید ہوا دے دی تھی۔

واضح رہے کہ اداکارہ پرینیتی نے معروف سیاستدان راگھو چڈھا سے گزشتہ سال ستمبر میں شادی کی تھی۔

مارچ 29, 2024
پرینیتی چوپڑا کی گلوکاری شروع کرنے کی وجہ سامنے آگئی

بالی ووڈ کی معروف اداکارہ پرینیتی چوپڑا نے بالی ووڈ میں اداکاری کے بعد گلوکاری شروع کرنے کی وجہ بتادی۔

ایک انٹرویو کے دوران بالی ووڈ کی معروف اداکارہ پرینیتی چوپڑا نے کہا ہے کہ ’’میں نے اداکاری کے بعد اب دوسرے پروفیشن کا آغاز بطور گلوکارہ کیا ہے اور اس پروفیشن میں میرے شوہر راگھو چڈھا نے بہت ساتھ دیا‘‘۔

View this post on Instagram

A post shared by @parineetichopra

اپنے شوہر کا تذکرہ کرتے ہوئے مزید کہا کہ راگھو گلوکاری کے حوالے سے میری روزانہ حوصلہ افزائی کرتے ہیں، ایک عوامی شخصیت ہونے کی وجہ سے انہیں میرے شوق کا اندازہ تھا اسی لیے انہوں نے کہا کہ مجھے یہ کرنا چاہیے، اس سے کافی حوصلہ ملا۔

پرینیتی چوپڑا کا پہلا لائیو کنسرٹ، اداکارہ کا گانا سننے والوں نے کیا کہا؟

پرینیتی چوپڑا نے کہا کہ میرے شوہر میرے ریڑھ کی ہڈی کی مانند ہیں، وہ میری گلوکاری کے جذبے اور جنون سے بخوبی واقف ہیں، اس لیے اب میری کوشش ہے کہ پلے بیک سنگنگ کی جانب قدم بڑھاؤ۔

View this post on Instagram

A post shared by @parineetichopra

واضح رہے کہ پرینیتی نے حال ہی میں اسٹیج پرفارمنس کے حوالے سے اپنے ڈیبیو کا آغاز ممبئی میوزک فیسٹول میں کیا۔

یاد رہے کہ پرینیتی چوپڑا بچپن میں موسیقی کے مقابلوں میں شریک ہوا کرتی تھیں، جبکہ کم لوگوں کو یہ معلوم ہوگا کہ وہ لڑکپن میں ڈی ڈی چینل کے لائیو شوز میں گایا کرتی تھیں۔

فروری 1, 2024
پرینیتی چوپڑا نے حتمی فیصلہ کرلیا؟

بھارتی فلم انڈسٹری کی معروف اداکارہ پرینیتی چوپڑا نے میوزک انڈسٹری میں بطور گلوکارہ قدم رکھنے کا حتمی فیصلہ کرلیا۔

اداکارہ پرینیتی چوپڑا نے فوٹو اینڈ ویڈیو شیئرنگ ایپ انسٹاگرام پر ویڈیو کلپ شیئر کیا جس کے ساتھ منسلک کیپشن میں اداکارہ نے بڑی خبر کی نقاب کشائی کرتے ہوئے اپنے اپنے چاہنے والوں کو خوش کردیا۔

میوزک کی دنیا میں بطورِ گلوکارہ اپنے کیریئر کا آغاز کرنے کا اہم اعلان کرتے ہوئے پرینیتی چوپڑا نے لکھاکہ موسیقی ہمیشہ میرے لیے خوشی اور سکون کی وجہ رہی ہے۔

View this post on Instagram

A post shared by @parineetichopra

اداکارہ کا کہنا تھا کہ میں نے پوری دنیا کے لاتعداد موسیقاروں کو اسٹیج پر کام کرتے ہوئے دیکھا ہے اور اب آخر کار میں بھی موسیقی کی دنیا کا حصہ بن رہی ہوں۔

اداکارہ کا کہنا تھا کہ مجھے امید ہے کہ آپ بھی اس کے لیے اتنے ہی پُرجوش ہوں گے جتنی زیادہ میں پُرجوش ہوں۔ میں انٹرٹینمنٹ کنسلٹنٹ کے ساتھ مل کر کام کروں گی، ہم ایک ساتھ مل کر مداحوں کے لیے بہترین مواد فراہم کریں گے۔

ہالی ووڈ کے بہترین ایکشن اسٹار جیسن اسٹیتھم کتنی دولت کے مالک ہیں؟

یاد رہے کہ اداکارہ و گلوکارہ پرینیتی چوپڑا گزشتہ سال ماہِ ِستمبرمیں عام آدمی پارٹی سے تعلق رکھنے والے معروف سیاست دان راگھو چڈھا کے ساتھ شادی کرلی تھی۔

جنوری 26, 2024
شادی کے بعد پرینیتی چوپڑا کا اپنے کیریئر سے متعلق بڑا فیصلہ

ممبئی: بالی ووڈ کی معروف اداکارہ پرینیتی چوپڑا نے اپنے کیرئیر سے متعلق بڑا فیصلہ کرلیا، وہ میوزک انڈسٹری میں بطورِ گلوکارہ اپنے کیریئر کا آغاز کررہی ہیں۔

حال ہی میں رشتہ ازدواج میں بندھنے والی بھارت کی معروف اداکارہ پرینیتی چوپڑا ایک باصلاحیت اداکارہ کے ساتھ ایک تربیت یافتہ گلوکارہ بھی ہیں، انڈسٹری میں پہلے ہی ‘مانا کہ ہم یار نہیں’ اور ‘مطلبی یاریاں’ جیسے گانا گا چکی ہیں تاہم اب وہ باضابطہ طور پر اپنے موسیقی کے سفر کا آغاز بھی کررہی ہیں۔

فوٹو اینڈ شیئرنگ ایپ انسٹاگرام پر اداکارہ پرینیتی نے ایک پوسٹ کی جس میں انہوں نے بتایا کہ وہ ایک میوزک بینڈ کے ساتھ گلوکاری کررہی ہیں۔

View this post on Instagram

A post shared by @parineetichopra

اداکارہ کا کہنا تھا کہ ’’موسیقی، ہمیشہ میرے لیے خوشی اور سکون کی وجہ رہی ہے، میں نے پوری دنیا کے لاتعداد موسیقاروں کو اسٹیج پر پرفارم کرتے ہوئے دیکھا ہے اور اب آخر کار میں بھی موسیقی کی دنیا کا حصہ بن رہی ہوں‘‘۔

پرینیتی چوپڑا نے کہا کہ ’’انڈسٹری میں اپنے نئے کیریئر کا آغاز کرتے ہوئے خود کو خوش قسمت محسوس کررہی ہوں اور الفاظ میں بیان نہیں کرسکتی کہ میں اس موسیقی کے سفر کو شروع کرنے کے لیے کتنی پُرجوش ہوں‘‘۔

اداکارہ نے کہا کہ ’’میں ایک ساتھ اپنے دو مختلف کیریئر پر کام کروں گی، تھوڑی گھبراہٹ بھی ہے کیونکہ نئے لوگوں کے ساتھ کام کروں گی لیکن اس بات کی خوشی ہے کہ اب بطورِ گلوکارہ اپنا پہلا گانا ریکارڈ کرواؤں گی ‘‘۔

اُنہوں نے پوسٹ میں مزید لکھا کہ ’’میں انٹرٹینمنٹ کنسلٹنٹ کے ساتھ ملکر کام کروں گی، ہم ایک ساتھ ملکر مداحوں کے لیے بہترین مواد فراہم کریں گے اور مجھے امید ہے کہ آپ بھی اس کے لیے اتنے ہی پُرجوش ہوں گے جتنی زیادہ پُرجوش میں ہوں‘‘۔

جنوری 25, 2024