Tag: Paris Fashion Week

پیرس: خوشبوؤں کے شہر پیرس میں فیشن کی دنیا کی رنگینیاں چھائی ہیں جہاں روزانہ نت نئے فیشن شو دیکھنے کو ملتے ہیں۔

حسن کے جلوے ،نزاکتیں اور دلربا انداز،پیرس فیشن ویک میں ہر طرف رنگ روشنیاں اور فیشن کی رنگینیاں ہیں، فیشن ویک میں موسم سرما کے گرم ملبوسات نے ماحول گرما دیا۔

ماحول کی دلکشی کے ساتھ خوبصورت لبادوں نے چارچاند لگائے،فیشن شو میں ایئرپورٹ لائونج کی طرح بیگ اٹھائے ماڈلزنے منفرد طریقے سے کیٹ واک کرکے دادوصول کی۔

کری ایٹو ڈائریکٹر کلیر ویٹ کیلر کے زیرانتظام کیٹ واک کو دیکھنے والوں میں اداکارہ جیڈا پنکیٹ سمتھ، فین بنگ بنگ، ایمیلین ولاد، اینا ونٹورشان پین کی ماڈل بیٹی ڈیلن اور ہمیش باؤلز جیسی اہم شخصیات بھی موجود تھیں۔

فیشن ویک کے تیسرے دن پیش کئے جانیوالے بوہیمائی طرز کے شفاف ملبوسات میں قوس و قزاح کے رنگ نمایاں تھے۔

پیرس:  فیشن ویک میں رنگا رنگ فیشن شو میں دلکش و دیدہ زیب ملبوسات کی نمائش کی گئی۔

فرانس کے شہر پیرس میں جاری فیشن ویک میں مشہور ڈیزائنز تھیری مگلر نے فیشن شو میں اپنے نئے کلیکشن کے ملبوسات پیش کیے۔

ڈیزائنزنے دلچسپ طورپر نے سرکٹ بورڈ اور کمپیوٹر چپ کے ڈیزائنز کو اپنے ملبوسات میں استعمال کیا،ان منفرد ڈیزائنز کے ملبوسات کو زیب تن کیے ماڈلز نے ریمپ پر کیٹ واک کی ۔

ملبوسات کے ڈیزائنز میں ڈیزائنر کی انوکھی کاوش کو شائقین نے بے پناہ سراہا۔پیرس فیشن ویک میں دنیا بھر سے ڈیزائنر اپناکلیکشن نمائش کے لیے پیش کریں گے۔