پیرس : فرانس کے ایلپس پہاڑی سلسلے میں شدید برفباری کے باعث پندرہ ہزار گاڑیاں پھنس گئیں ڈرائیوروں کو رات گاڑیوں میں ہی بسر کرنا پڑی۔شدید برفباری کے باعث حکومت نے ڈرائیوروں کو انتہائی احتیاط برتنے کی ہدایات جاری ہیں ۔
ڈرائیوروں سےکہا گیا ہے کہ جہاں تک ممکن ہو سفر سے گریز کریں ۔پھنسی گاڑیوں میں سے ایک شخص اس وقت ہلاک ہوگیا جب اسکی گاڑی پھسل کر کھائی میں جاگری ۔
فرانسیسی اخبار لاموند کے مطابق برفانی واقعات میں تین افراد جان کی بازی ہار چکے ہیں ۔محکمہ موسمیات کے مطابق برفباری کا موسم فرانسیسی ایلپس میں اتوار کو بھی جاری رہے گا جبکہ اس کے بعد کا ہفتہ منجمد کرنے والا ہوگا۔
فرانسیسی محکمۂ موسمیات کے ادارے کے مطابق پیرس کو تقریباً ایک سال بعد کہر اور پا لے والے سرد موسم کا سامنا ہوگا۔
