ARYNews.tv | Urdu – Har Lamha Bakhabar

Tag: Parliament

  • وفاقی بجٹ 17-2016 تین جون کو پارلیمنٹ میں پیش کیا جائے گا

    وفاقی بجٹ 17-2016 تین جون کو پارلیمنٹ میں پیش کیا جائے گا

    اسلام آباد : قومی بجٹ سال دوہزار سولہ سترہ وفاقی کابینہ سے منظوری کے بعد وفاقی بجٹ تین جون کو پارلیمنٹ میں پیش کیا جائے گا۔ اےآر وائی نیوز نے بجٹ کی بعض اہم تجاویز حاصل کرلی ہیں۔

    ذرائع کے مطابق آئندہ مالی سال کےبجٹ میں چینی پر8 فیصد ایکسائز ڈیوٹی عائد کرنے کی تجویز ہے جبکہ چینی پر سیلز ٹیکس کو کم کرکے8 فیصد کرنے کی تجویز ہے۔

    سیمنٹ پرعائد 5 فیصد ایکسائز ڈیوٹی ہٹا نے کی تجویز دی گئی ہے۔ اس کی جگہ سیمنٹ پر ایک روپے فی کلو ٹیکس لگانے کی تجویزہے۔

    زرعی ادویات پر ایکسائز ڈیوٹی کم کرکے7 فیصد کرنےکی تجویز ہے۔ ادویات کے خام مال کی درآمد پرعائد سیلز ٹیکس ختم کرنے کی تجویز ہے۔

    لیپ ٹاپ اورکمپیوٹرز پرعائد سیلز ٹیکس ختم کرنے کی تجویزبھی دی گئی ہے۔ کاٹیج انڈسٹری کوسیلزٹیکس سے مستثنی کرنے کی تجویز ہے۔

    اس کے علاوہ گوادرپورٹ کو سیلز ٹیکس اورایکسائز ڈیوٹی سے مستثی کرنے کی تجویز بھی بجٹ میں شامل ہے اورگوادر پورٹ پرچینی جہازوں کیلئے خصوصی رعایت بھی تجویزکی گئی ہے۔

    امکان ہے کہ چائنا کے بحری جہازوں کو 40 سال تک ایکسائز ڈیوٹی سےچھوٹ دے دی جائے گی۔

     

  • سوالات کےجواب تو میاں صاحب کودینا ہی ہوں گے، اعتزاز احسن

    سوالات کےجواب تو میاں صاحب کودینا ہی ہوں گے، اعتزاز احسن

    اسلام آباد : پاکستان پیپلزپارٹی کے رہنماءاور سینیٹراعتزازاحسن نے کہا ہے کہ اپوزیشن کے سوالات کےجواب تو میاں صاحب کودینا ہی ہوں گے۔ وزیراعظم نے دو مرتبہ قوم سےخطاب کیا تو پا رلیمنٹ میں جواب دینےسےکیوں گریزاں ہیں؟

    ان خیالات کا اظہار انہوں نے قومی اسمبلی کے اجلاس سے واک آؤٹ کے بعد پارلیمنٹ سے باہر صحافیوں سے بات چیت کرتے ہوئے کیا۔

    اعتزازاحسن نےوزیر اعظم نوازشریف پرخوب طنز کےنشترچلاتے ہوئے ایوان سے غیرحاضری پر وزیراعظم کوپارلیما نی قواعد سےنابلد قراردے دیا۔

    انہوں نے کہا کہ ملزم اپنےلئےٹی اوآرزنہیں بناسکتا۔جیسےمائیں بچوں کوسبق یاد کراتی ہیں ایسے ہی وزیراعظم کو تقریریاد کرائی جارہی ہے۔

    انہوں نے کہا ہے کہ امید تھی آج وزیراعظم پارلیمینٹ میں آ کر اپوزیشن کے سوالوں کے جوابات دیں گے لیکن انہیں مشورہ دیا جاتا ہے کہ اس گلی میں نہ جاﺅ، اگر جاﺅ گے تو پھنس جاﺅ گے۔

    اعتزازاحسن نےپیرکو وزیراعظم پربھرپورجرح کرنےکا اعلان کرتے ہوئے کہا کہ پیر کو پارلیمینٹ کے اجلاس کیلئے نئی حکمت عملی بنائیں گے۔

    پی پی پی سینیٹرکا کہنا تھا کہ حکومتی صفوں میں مایوسی نظرآرہی ہے۔ سینئر وزراء وزیراعظم کی صفائی پربولنےکوتیارنہیں۔ وفاقی وزیراطلاعات بھی بیک فٹ پرچلےگئےہیں۔

     

  • سانحہ لاہوراورپارلیمنٹ کے سامنے مارچ قابل مذمت ہے، ایچ آرسی پی

    سانحہ لاہوراورپارلیمنٹ کے سامنے مارچ قابل مذمت ہے، ایچ آرسی پی

    لاہور : پاکستان کمیشن برائے انسانی حقوق (ایچ آر سی پی) نے اتوار کولاہور میں ہونے والے بہیمانہ بم دھماکے کی شدید مذمت کی ہے اور اس امر پر تشویش کا اظہار کیا ہے کہ دہشت گردوں کے خلاف جاری آپریشن ضرب عضب کے باجود دہشت گرد اب بھی بڑے حملے کرنے کی اہلیت رکھتے ہیں۔

    ایچ آر سی پی نے اس امر پر بھی تشویش کا اظہار کیا ہے کہ ایک پرتشدد ہجوم بغیر کسی مزاحمت کے راولپنڈی سے اسلام آباد پہنچ گیا اور اس نے پارلیمنٹ کے قریب ایک انتہائی حساس علاقے میں دھرنا دیا۔

    پیر کو میڈیا کو جاری کئے گئے ایک بیان میں کمیشن نے کہا کہ ” ہم ان خاندانوں کے غم میں برابر کے شریک ہیں جو اتوار کو گلشن اقبال پارک میں ہونے والے قتل عام میں اپنے پیاروں سے محروم ہوگئے۔ جاں بحق اور زخمی ہونے والوں میں بہت سے بچے شامل تھے جو اقبال پارک کے کھیل کے میدان میں خودکش حملہ آور کے دھماکے کا شکار ہوئے۔

    اس واقعے پر ملک میں سکیورٹی کا بندوبست کرنے والوں کی آنکھیں کھل جانی چاہئیں کیونکہ اس واقعے سے ظاہر ہوتا ہے کہ دہشت گردوں کے خلاف جاری آپریشن کے باوجود وہ اب بھی تباہ کن حملے کرنے کی صلاحیت رکھتے ہیں۔

    سکیورٹی کی موجودہ صورتحال میں یہ سمجھنا مشکل ہے کہ پارک میں سکیورٹی کا خاطر خواہ بندوبست کیوں نہیں کیا گیا تھا،

    یہ حیران کن امر ہے کہ اتنا بڑا مشتعل ہجوم راولپنڈی سے بڑی آسانی کے ساتھ اسلام آباد پہنچنے میں کامیاب ہوگیا۔اس چیز کی انکوائری ہونی چاہئے کہ آیا مظاہرین کو روکنے کے ذمہ دار پولیس اہلکاروں میں ان کے حمایتی تھے یا ایسا انتظامیہ کی نااہلی کے باعث ہوا۔

    ہمیں امید ہے کہ حکام مستقبل میں لوگوں کی جانوں اور املاک کو کسی قسم کے نقصان سے تحفظ فراہم کرنے کے اہل ہوجائیں گے اور ہجوم کو طاقت کے غیر ضروری استعمال کے بغیر کنٹرول کرلیں گے۔

     

  • اسلام آباد : پولیس اورمشتعل مظاہرین میں تصادم، دھرنا، فوج طلب

    اسلام آباد : پولیس اورمشتعل مظاہرین میں تصادم، دھرنا، فوج طلب

    اسلام آباد : ڈی چوک میدان جنگ بن گیا، پولیس اورمشتعل مظاہرین میں تصادم ہوگیا۔

    تفصیلات کے مطابق اسلام آباد کے ڈی چوک پر مظاہرین نے ریڈ زون میں کھڑے دو کنٹینرز کو آگ لگادی،اس کے علاوہ مظاہرین نے چائنہ چوک میٹرو بس اسٹیشن کو بھی آگ لگا دی۔

    سیکیورٹی فورسز کی جانب سے مظاہرین کو اسلام آباد جانے سے روکنے پر مظاہرین اور سیکیورٹی فورسز کے درمیان جھڑپ ہوئی، اس دوران مظاہرین نے سیکیورٹی فورسز کو تشدد کا نشا نہ بنایا،

    پولیس نے صورتحال کنٹرول کرنے کیلئے شیلنگ کی، مشتعل مظاہرین نے پولیس پرپتھراؤ بھی کیا، رینجرز بھی موقع پر پہنچ کر صورتحال کو کنٹرول کررہے ہیں۔

    ذرائع کے مطابق مظاہرین اوراہل کاروں کے درمیان جھڑپ میں دیگر دس افراد بھی زخمی ہوئے. جب کہ ایک زخمی کو تشویش ناک حالت میں ڈی ایچ کیو منتقل کر دیا گیا ہے۔

    صورت حال نزاکت کے باعث ڈی چوک اور اطراف کی سڑکوں کی تمام اسٹریٹ لائٹیس بند کردی گئیں ہیں۔

    مظاہرین نے پارلیمنٹ کے باہر دھرنا دے دیا، مظاہرین کا کہنا ہے کہ گرفتار افراد کو رہا کیا جائے، ان کا کہنا تھا کہ ہم اس سے آگے نہیں جائیں گے۔

    پاک فوج کو طلب کر لیا گیا

    تازہ ترین اطلاعات کے مطابق پاک فوج کو طلب کر لیا گیا ہے اور اہم عمارتوں پر فوج کو تعینات کر دیا گیا ہے۔

     

  • حکومت قرضے لے کرعوام کو غلام بنارہی ہے، عمران خان

    حکومت قرضے لے کرعوام کو غلام بنارہی ہے، عمران خان

    اسلام آباد: پاکستان تحریک انصاف کے سربراہ عمران خان کا کہنا ہے کہ حکومت نےعوام کو بھاری قرضوں تلے جکڑدیا ہے۔

    تحریک انصاف کے سربراہ نے ان خیالات کا اظہار پارلیمنٹ میں اسیپکر کے انتخاب کے لئے ووٹ کاسٹ کرنے کے بعد میڈیا سے گفتگو کرتے ہوئے کیا۔

    عمران خان نے میڈیا سے گفتگو کے دوران اسپیکرکے انتخاب پر کسی بھی قسم کا تبصرہ کرنے سے اجتناب کیا۔

    ان کا کہنا تھا کہ عالمی طاقتیں قرضوں کے ذریعے پاکستان پرتسلط حاصل کررہی ہیں اورہمیں امداد اورقرضوں کے ذریعے اپنا غلام بنایاہواہے۔

    اس موقع پرعمران خان نے شاعر مشرق علامہ اقبال کو ان کے یومِ پیدائش کے موقع پر خراج تحسین پیش کرتے ہوئے ان کا شعر بھی پڑھا۔

  • نیپال میں پارلیمنٹ نے ملک کی پہلی خاتون صدرِ مملکت کو منتخب کرلیا

    نیپال میں پارلیمنٹ نے ملک کی پہلی خاتون صدرِ مملکت کو منتخب کرلیا

    کھٹمنڈو: نیپال کے صدارتی انتخابات میں اس وقت ایک نئی تاریخ رقم ہوگئی جب پہلی مرتبہ نیپالی عوام نے ملک میں عہدہ صدارت کے لیے کسی خاتون کا انتخاب کیا گیا ہے۔

    تفصیلات کے مطابق نیپال میں آج ہونے والے صدارتی انتخابات میں پارلیمنٹ نے کیمونسٹ پارٹی کی نائب سربراہ اور خواتین کے حقوق کے لیے ایک عرصے سے جدوجہد میں مصروف سماجی رہنما بدھیا دیوی بھنداری کو اپنے ملک کا صدرمنتخب کرلیا ہے۔

    بدھیا نے پارلیمنٹ میں ہونے والی رائے شماری میں 327 ارکان پارلیمنٹ کا اعتماد حاصل کیا اوران کے مخالف امیدوار کو 214 ووٹ ملے ہیں۔

    اس سے قبل کیمونسٹ پارٹی کے سربراہ اپنے اتحادیوں کی مدد سے وازرت عظمیٰ کے عہدے پرمنتخب ہوچکے ہیں یعنی اب نیپال میں کیمونسٹ پارٹی نے مکمل طور پراقتدارحاصل کرلیا ہے۔

    نیپال میں بادشاہت کے خاتمے کے بعد بدھیا دیوی دوسری منتخب صدرہیں ان سے قبل رام باران یادیو آئین کی عدم موجودگی کی بنا پر7 سال تک صدر رہے۔

  • بھارت باز نہ آیا تو زبان کھینچ کے نکالنا بھی جانتے ہیں، شیخ رشید

    بھارت باز نہ آیا تو زبان کھینچ کے نکالنا بھی جانتے ہیں، شیخ رشید

    اسلام آباد :  پاکستان عوامی مسلم لیگ کے سربراہ شیخ رشید احمد نے کہا ہے کہ دشمن اپنے زبان اور بیان سمبھال کررکھے۔

    سماجی رابطے کی ویب سائٹ ٹوئٹر پر اپنے ایک ٹوئٹ میں پاکستان عوامی مسلم لیگ کے سربراہ شیخ رشید احمد کا کہنا تھا کہ دشمن اپنے بیان اور زبان سمبھال کے رکھے ۔

    شیخ رشید احمد بھارتی جارحیت کا کرارا جواب دیتے ہوئے کہا کہ پاکستان کے لئے ہم ہاتھ توڑنا بھی جانتے ہیں اور زبان کھینچ کے نکالنا بھی جانتے ہیں۔

    اس سے قبل قومی اسمبلی کے باہر میڈیا سے گفتگو کرتے ہوئے شیح رشید احمد کا کہنا تھا کہ نواز شریف بھارت کو منہ توڑ جواب دیں، اگر بھارت نے جارحیت بند نہ کی تو نہ مندروں میں گھنٹیاں بجیں گی نہ چڑیا چہکیں گی۔

  • پاکستان نے ہر مشکل وقت میں چین کا ساتھ دیا، چینی صدر

    پاکستان نے ہر مشکل وقت میں چین کا ساتھ دیا، چینی صدر

    اسلام آباد: چینی صدر شی جنگ پن نے پاکستانی پارلیمنٹ کے مشترکہ اجلاس سے خطاب کرتے ہوئے اسے اپنے لئے اعزاز قراردیا ان کا کہنا تھا کہ کبھی نہیں بھول سکتے کہ پاکستان نے سب سے پہلے چین کو تسلیم کیا تھا۔

    چینی صدر دو روزہ دورے پر پاکستان تشریف لائے ہوئے ہیں ان کی آمد پر دونوں ممالک کے درمیان 51 ارب ڈالر کے معاہدے تکمیل پائے ہیں۔

    ان کا کہنا تھا کہ پاکستان ہمارا اچھا دوست، ہمسایہ اور بھائی ہے دونوں ممالک کی دوستی خطے کے لئے امن کا پیغام ہے۔

    انہوں نے کہا کہ دہشت گردی کے خلاف جنگ میں پاکستان کی قربانیاں لازوال ہیں۔

    چینی صدر نے مفکرِ پاکستان کی برسی کے موقع کی مناسبت سے کہا کہ علامہ اقبال نے قومی شعور بیدار کرنے کا لازوال کردار ادا کیا ہے۔

    ان کا کہنا تھا کہ دونوں ممالک کے تعلقات اسٹریٹجک پارٹنرشپ میں تبدیل ہورہے ہیں دونوں ممالک مستقبل میں درپیش چیلنجز کا مل کر مقابلہ کریں گے۔

    چینی صدر نے کہا کہ پاکستان نے چین کے 8 جبکہ چین نے پاکستان کے 176 شہریوں کو یمن سے نکالا جو کہ مشکل وقت میں ایک دوسرے کے کام آنے کی عمدہ مثال ہے۔

    انہوں نے کہا کہ دونوں ممالک کے درمیان تجارتی تعلقات کے فروغ کے لئے کوشاں ہیں اور چائینہ پاکستان اکانامک کوریڈر اس سلسلے میں اہم کردار ادا کرے گا۔

    انہوںنے یہ بھی کہاکہ دونوں ممالک کے شہریوں کے باہمی تعلقات کا فروغ دونوں ممالک کی ترجیحات میں شامل ہے اور اسی مقصد کے لئے ایک ہزارچینی زبان کے اساتذہ پاکستان میں اپنی خدمات انجام دے رہے ہیں۔

    انکا کہنا تھا کہ پاک چین تعلقات سفارتی سطح سے کہیں زیادہ ہیں اور پاکستان کی مدد کرنا درحقیقت اپنی ہی مدد کرنا ہے اسی لئے توانائی، مواصلات اور بنیادی ڈھانچے کی درستگی کے لئے تعاون کررہے ہیں۔

    شی جنگ پن نے یہ بھی کہا کہ دونوں ممالک کو سیکیورٹی چیلنجز کا سامنا ہے فاٹا میں ترقیاتی کاموں میں ہر ممکن مدد دیں گے۔

    انہوں نے یہ بھی کہاکہ ہم کبھی نہیں بھول سکتے کہ چین کی آزادی کو تسلیم کرنے والا سب سے پہلا ملک پاکستان ہے چین میں قدرتی آفات پر پاکستان نے ہمیشہ ساتھ دیا۔

  • اسپیکرایازصادق کے رویّے پرشیخ رشید دلبرداشتہ ہوگئے

    اسپیکرایازصادق کے رویّے پرشیخ رشید دلبرداشتہ ہوگئے

    اسلام آباد : عوامی مسلم لیگ کے سربراہ شیخ رشید ایک بار پھر اسپیکر قومی اسمبلی  کے رویے پر شاکی نظر آئے۔ یمنی بحران پر پارلیمنٹ کے مشترکہ اجلاس میں اک بار پھر شیخ رشید کے ساتھ ہاتھ  ہوگیا۔

    اسپیکر قومی اسمبلی  ایاز صادق سے اپنا موقف بیان کرنے کی اجازت چاہی تو اسپیکر نے اجازت نہ دی جس پر شیخ رشید اجلاس سے اُٹھ کر باہر چلے آئے اورشیخ صاحب نے پارلیمنٹ کے باہر اپنے دل کی بھڑاس نکالی۔

    انہوں نے صحافیوں سے بات چیت کرتے ہوئے کہا کہ اسپیکر نے ایک بار پھر ان کی حق تلفی کی ہے، ایوان میں عوامی مسلم لیگ کے سربراہ نے اپنی رائے کا اظہار کرنا چاہا تو اسپیکر نے انہیں روک دیا کہاکہ آپ کو کیسے باری دوں۔

    پہلے ہی ایک ایک جماعت کے پانچ پانچ ارکان ہیں۔ آپ کل بات کر لیجئے گا،اسپیکر نے شیخ رشید کو اگلے روز کاوقت دے دیا۔

    شیخ رشید  نے الزام لگایا کہ اسپیکر کو ریموٹ کنٹرول سے چلایا جا رہا ہے۔ اب دیکھنا یہ ہے کہ چوتھے روز بھی شیخ صاحب کو موقع ملتا ہے کہ نہیں۔

  • یمن جنگ کا فائدہ اسرائیل کو ہوگا، سراج الحق

    یمن جنگ کا فائدہ اسرائیل کو ہوگا، سراج الحق

    اسلام آباد : یمن جنگ کا فائدہ اسرائیل کو ہوگا، ان خیالات کا اظہار امیر جماعت اسلامی سراج الحق نے یمن کی صورتحال پر پارلیمنٹ کے مشترکہ اجلاس سے خطاب کرتے ہوئے کیا۔

    سراج الحق کا کہنا تھا کہ  حکومت یمن کے معاملے پر ثالثی کا کردار ادا کرے۔ امیر جماعت اسلامی سراج الحق کا کہنا تھا کہ سعودی عرب سے دوستی نبھانی ہے تو اسے جنگ سے روکنا ہوگا۔

    اےاین پی کےرہنما غلام بلور اور میر حاصل بزنجو نے پاک فوج کو یمن  بھیجنے کی مخالفت کردی، یمن جنگ میں شرکت کے حوالے سے ایوان میں دوسرے روز بھی بحث جاری رہی ۔

    بلوچستان نیشنل پارٹی کےسربراہ میرحاصل بزنجو نےیمن لڑائی کوخانہ جنگی قراردےدیا، اراکین اسمبلی نےحکومت پرزوردیاکہ پاکستان جنگ میں شرکت نہیں ثالثی کاکرداراداکرے۔