حیدر آباد: آئی جی سندھ اے ڈی خواجہ نے کہا ہے کہ عام انتخابات میں سیکیورٹی فراہم کرنے کے لیے مکمل طور پر تیار ہیں، اہلکار اپنے پیشہ ورانہ خدمات بخوبی انجام دیں گے۔
ان خیالات کا اظہار انہوں نے حیدر آباد میں میڈیا سے گفتگو کرتے ہوئے کیا، اے ڈی خواجہ کا کہنا تھا کہ کراچی کے حالات پر قابو پانے میں رینجرز کا کردار ہے، پولیس نے بھی آپریشن میں بھرپور رینجرز کا ساتھ دیا۔
انہوں نے کہا کہ اہلکاروں کی شہادت کی وجہ سے کراچی پولیس کا مورال کمزور ہوا تھا، ماضی میں شہر کے یہ حالات تھے کہ پولیس والوں کو دن دھاڑے شہید کردیا جاتا تھا، لیکن ایک کامیاب آپریشن کے بعد شہر کا امن بحال ہوا۔
عام انتخابات کیلئے کاغذات نامزدگی کے اجراء اور وصولی کا آغاز
صحافی کے پوچھے گئے ایک سوال آئی جی سندھ کا کہنا تھا کہ فنڈز ختم ہونے کے باعث پولیس اسپورٹس ونگ ختم ہوچکی ہے جبکہ دوسری جانب سیاسی شخصیات سے اضافی سیکیورٹی کی واپسی کے حکم پر بھی عمل درآمد ہوا ہے۔
خیال رہے کہ آج حیدرآباد میں واقع پولیس گراؤنڈ میں پولیس شہداء نائٹ کرکٹ ٹورنامنٹ کا انعقاد کیا گیا جہاں آئی جی سندھ اے ڈی خواجہ نے بطور مہمان خصوصی شرکت کی بعد ازاں انہوں نے میڈیا سے گفتگو کی۔
بیرون ملک پاکستانیوں کو عام انتخابات میں ووٹ ڈالنے کی اجازت کی درخواست پر مزید دلائل طلب
واضح رہے کہ ملک میں عام انتخابات 25 جولائی کو ہونے جارہے ہیں جس کےلیے تمام پارٹیوں نے اپنی اپنی تیاریاں تیز کردی ہیں، علاوہ ازیں سیکیوٹی کے لیے سخت اقدامات کیے جارہے ہیں تاکہ انتخابات کا عمل پر امن بنایا جاسکے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
