Tag: parvez musharaf

عبدالرشید غازی قتل کیس : سابق صدرپرویزمشرف اشتہاری ملزم قرار

اسلام آباد : عدالت نے عبدالرشید غازی قتل کیس میں سابق صدر پرویزمشرف کو اشتہاری ملزم قرار دے دیا۔ ان کی زر ضمانت ضبط کرنے کا حکم بھی دے دیا گیا۔

تفصیلات کے مطابق ایڈیشنل اینڈ سیشن جج اسلام آباد پرویز قادر میمن کی عدالت میں عبدالرشید غازی قتل کیس کی سماعت ہوئی، عدالت نے غازی عبدالرشید قتل کیس میں پرویز مشرف کی عدم پیشی پر پہلے سے محفوظ فیصلہ سنایا۔

عدالت نے پرویز مشرف کو اشتہاری قرار دیتے ہوئے ان کی جانب سے ضمانتی مچلکے ضبط کرنے کا حکم دے دیا۔ مقدمے کی مزید سماعت 25 جون کو ہوگی۔

یاد رہے کہ عدالت نے فریقین کے وکلاء کے دلائل مکمل ہونے پر 14جولائی کو فیصلہ محفوظ کیا تھا۔ اس سے قبل عدالت سابق صدر پرویز مشرف کے ناقابل ضمانت وارنٹ گرفتاری بھی جاری کرچکی ہے۔

واضح رہے کہ اس سے قبل بھی سندھ ہائی کورٹ نے سابق صدرپرویزمشرف کا نام ای سی ایل سے نکالنے کا حکم جاری کیا تھا جس کے خلاف وفاق نے سپریم کورٹ میں اپیل دائر کی تھی۔

عدالت عظمیٰ نے سندھ ہائیکورٹ کا فیصلہ برقرار رکھا تھا۔ وفاق کی جانب سے نام ای سی ایل سےنکالنےکےبعد سابق صدربیرون ملک روانہ ہوئے تھے۔

گزشتہ ماہ کے اوائل میں عبدالرشید غازی قتل کیس کی سماعت کے دوران اسلام آباد کے ایڈیشنل سیشن جج پرویزالقادرمیمن نے بھی سابق صدر کی بیرونِ ملک روانگی پراظہارِ برہمی کیا تھا۔

مئی 21, 2016
مشرف کی روانگی کا ذمہ دار کون ہے، عدالت کا سیکریٹری داخلہ سے سوال

اسلام آباد : خصوصی عدالت نے وفاقی سیکریٹری داخلہ سے سابق صدرپرویزمشرف کی بیرون ملک روانگی پروضاحت طلب کر لی۔

تفصیلات کے مطابق مشرف غداری کیس کی سماعت کے دوران عدالت نے سیکٹریری داخلہ کے پیش نہ ہو نے پربرہمی کا اظہا کیا۔

عدالت نے سوال کیا کہ سیکٹریری داخلہ خود عدالت میں پیش کیوں نہیں ہوئے۔ جس پر جوائنٹ سیکریٹری نے بتایا کہ سیکریٹری داخلہ دو روز کی رخصت پر ہیں۔

عدالت کا کہنا تھا کہ گذشتہ تاریخ پر انہیں وضاحت پیش کرنے کو کہا گیا، حاضری سے استثنٰی نہیں کیا گیا۔ عدالت نے پرویز مشرف کی بیرون ملک روانگی سے متعلق وزرات داخلہ کا جواب مسترد کرتے ہوئے استفسار کیا بتایا جائے کہ مشرف کی بیرون ملک روانگی کا ذمہ دار کون ہے۔

جسٹس مظہر عالم نے استفسار کیا کہ کیاملزم کو نہ روکنے کے ذمہ دار سیکریٹری داخلہ ہیں جس پر اکرم شیخ نےکہا کہ ملزم پر لازم تھا کہ وہ باہر جانے سے پہلے عدالت کو اعتماد میں لیتا۔ پرویز مشرف کے وکیل احمد رضا قصوری نے عدالت کو بتایا کہ مشرف کی روانگی کی ذمہ دار وزارت داخلہ ہے۔

اپریل 19, 2016
مشرف واپس نہ آئے توانٹرپول کے ذریعے لائینگے، چوہدری نثار

اسلام آباد : وفاقی وزیر داخہ چوہدری نثار نے کہا ہے مشرف خود واپس نہ آئے توانٹرپول کے ذرئعے واپس لائیں گے،یہ بات انہوں نے پارلیمنٹ کے مشترکہ اجلاس سے خطاب کرتے ہوئے کہی۔

تفصیلات کے مطابق پارلیمنٹ کا مشترکہ اجلاس ہوا تو اپوزیشن اور حکومتی بینچوں سے مشرف مشرف ہی کی صدائیں بلند ہوتی رہیں۔

اپوزیشن لیڈر خورشید شاہ نے سابق صدر مشرف کے باہر جانے پر حکومت کو تنقید کا نشانہ بنایا ان کا کہنا تھا کہ پیپلز پارٹی کی حکومت تو کمزور تھی لیکن (ن) لیگ والے تو شیر تھے، ڈکٹیٹر کو جانے کیوں دیا؟

تحریک انصاف کے شاہ محمود قریشی نے بھی حکومت کو آڑے ہاتھوں لیتے ہوئے کہا کہ قوم جاننا چاہتی ہے کہ ڈیل ہوئی یا مُک مُکا؟

اعتزاز احسن نے بھی سابق صدر کو بیرون ملک روانگی کی اجازت پر کڑی تنقید کی۔ جس پر وفاقی وزیر داخلہ چوہدری نثارجواب دینے کھڑے ہوئے۔ ان کا کہنا تھا اس سے پہلے کسی مارشل لاء ایڈمنسٹریٹر نے ایسے دن نہیں دیکھے جو مشرف کو دیکھنے پڑے ۔

انہوں نے کہا کہ پرویزمشرف خود وطن واپس نہ آئے تو قانون ان کا پیچھا کرے گا، ان کو انٹرپول کے ذریعے واپس لائیں گے ۔ وفاقی وزیرداخلہ کا کہنا تھا کہ بے نظیر کیس میں مشرف کا نام آیا تو پیپلز پارٹی نے مجرمانہ خاموشی اختیار کی۔ پیپلز پارٹی کے رہنما حکومت پر تنقید سے پہلے ذرا اپنے ورکرز کو تو جواب دے لیں۔

مارچ 21, 2016
پرویزمشرف کی بیرون ملک روانگی سے متعلق اپیل سماعت کیلئےمنظور

اسلام آباد : سپریم کورٹ نے پرویز مشرف کو بیرون ملک روانگی کی اجازت سے متعلق اپیل کی سماعت جلد کرنے کی استدعا منظور کرتے ہوئے وفاق کی اپیل کل سماعت کے لئے مقرر کر دی ہے۔

بدھ کی صبح چیف جسٹس انور ظہیر جمالی کی سربراہی میں پانچ رکنی لارجر بنچ سندھ ہائی کورٹ کے فیصلے کے خلاف وفاق کی اپیل کی سماعت کرے گا۔

سندھ ہائی کورٹ نے پرویز مشرف کی درخواست پر پرویز مشرف کا نام ای سی ایل سے نکالنے کا حکم دیا تھا جس کے خلاف وفاق کی اپیل پر سپریم کورٹ نے سندھ حکم کا ہائی کورٹ معطل کر کے باقاعدہ سماعت غیر معینہ مدت کے لئے ملتوی کر دی تھی.

آج جنرل ر پرویز مشرف کی جانب سے بیرسٹر فروغ نسیم عدالت میں پیش ہوئے۔انہوں نے بتایا کہ پرویز مشرف کو ریڑھ کی ہڈی کا عارضہ لاحق ہوا ہے جس کا علاج بیرون ملک ہی ممکن ہے،انہوں نے عدالت کق یقین دہانی کرائی کہ علاج کے بعد پرویز مشرف وطن واپس آجائیں گے،انہیں کسی عدالت نے نہ گرفتار کرنے کا حکم دے رکھا ہے نہ ہی علاج کے لیے کہیں جانے پر پابندی عائد کی ہے.

انہوں نے کہا کہ اگر پرویز مشرف کو بیرون ملک جلد جانے کی اجازت نہ دی گئی تو خطرہ ہے کہ ان کا دھڑ مفلوج نہ ہو جائیں ۔

اس موقع پر فروغ نسیم نے تازہ ترین میڈیکل رپورٹ عدالت میں پیش کی جس کا جائزہ لیتے ہوئے چیف جسٹس نے کہا کہ اس موقع پر ہم کوئی تبصرہ نہیں کریں گے کیونکہ ہمرا تبصرہ میڈیا کی ہیڈ لائن بن جاتا ہے،تاہم عدالت آپ کی استدعا منظور کرتے ہوئے اپیل کی سماعت کل کر کے فیصلہ سنا سکتی ہے۔

فروغ نسیم اور اتارنی جنرل کے اتفاق رائے سے اپیل کی باقاعدہ سماعت بدھ کی صبح کے لیے مقرر کر دی گئی۔

مارچ 16, 2016
پرویزمشرف کی کمرمیں شدید تکلیف، نجی اسپتال منتقل

کراچی : سابق صدر پرویز مشرف کی کمرمیں شدید تکلیف کے باعث انہیں کراچی کے نجی اسپتال منتقل کردیاگیا۔

سابق صدرکمرمیں تکلیف کے باعث کراچی میں واقع کلفٹن کے نجی اسپتال منتقل کیا گیا۔ پرویز مشرف کی میڈیکل ٹیم نے ان کا معائنہ کیا۔

ذرائع کا کہنا ہے کہ پرویز مشرف کا بایاں پیر سن ہوچکا ہے تاہم حتمی رپورٹ ملنے تک ان کو درد کی ادوایات دی گئی ہیں ۔

ڈاکٹروں نے پرویز مشرف کو آرام کا مشورہ دیا ہے۔ اس سے قبل پرویز مشرف کا علاج پی این ایس شفا اسپتال سے ہوتا رہا ہے، پہلی بار ان کو نجی اسپتال منقتل کیا گیا ہے۔

مارچ 14, 2016
ججزنظربندی کیس، پرویزمشرف کو حاضری سے استثنیٰ مل گیا

اسلام آباد : سابق صدرپرویز مشرف کو ججزنظر بندی کیس میں انسداد دہشت گردی کی عدالت سے حاضری سے استثنیٰ مل گیا۔انسداد دہشت گردی کی عدالت نے سماعت 25مارچ تک ملتوی کردی ۔

تفصیلات کے مطابق اسلام آباد میں انسداد دہشت گردی کی عدالت نے سابق صدر پرویز مشرف کو ایک بار پھر عدالت میں حاضری سے مستثنیٰ قرار دے دیا۔

ججز نظر بندی کیس کی سماعت انسداد دہشت گردی کی عدالت میں ہوئی۔انسداد دہشت گردی کی عدالت کے جج سہیل اکرم نے سابق صدر پرویز مشرف کے خلاف کیس کی سماعت کی۔

عدالت نے سابق صدر کو ایک بار پھر حاضری سے استثنی دے دیا ہے۔عدالت نے میڈیکل رپورٹ کی تصدیق کیلئے بھجوا دی ہے۔

انسداد دہشت گردی کی عدالت نے سماعت 25مارچ تک ملتوی کردی ۔دوران سماعت سرکاری وکیل نے میڈیکل رپورٹ پر اعتراض کیا کہ نئی میڈیکل رپورٹ پیش کی جائے۔

مارچ 11, 2016
عدالتی فیصلے نے ثابت کر دیا کہ میرے خلاف مقدمہ سیاسی تھا، پرویز مشرف

کراچی : سابق صدر پرویز مشرف نے کہا ہے کہ آج کے فیصلے کے بعد اطمینان ہوا ہے کہ میرے خلاف جتنے مقدمات بنوائے گئے تھے وہ سیاسی تھے ۔

کوئٹہ کی عدالت کی جانب سے اکبر بگٹی کیس پر بری ہونے والے فیصلے پر رد عمل ظاہر کرتے ہوئے پرویز مشرف نے کہا کہ مقدمے میں سچائی نہیں تھی اور مجھے زبردستی ملوث کیا گیا تھا .

اکبر بگٹی کیس میں عدالتی فیصلے نے ثابت کر دیا کہ ان پر بنایا گیا مقدمہ سیاسی تھا جس میں کوئی سچائی نہیں تھی۔

میں جانتا ہوں کہ تمام مقدمات من گھڑت اور سیاسی بنیادوں پر درج کیے گئے ہیں اور مجھ پر داخل تمام مقدمات اسی نوعیت کے ہیں۔ مجھے امید ہے کہ انصاف ملے گا، اور پاکستان سب سے پہلے رہے گا۔

جنوری 18, 2016
رینجرز سندھ میں اچھا کام کررہی ہے، پرویز مشرف

کراچی : سابق صدر جنرل ریٹائرڈ پرویز مشرف نے کہا ہے کہ ملکی بہتری کے لئے ایک بار کیا سو بار بھی ایمرجنسی لگانا پڑے تو لگنی چاہئیے۔رینجرز اچھا کام کررہی ہے، پاک بھارت تعلقات صرف برابری کی بنیاد پر ہی ممکن ہیں۔

ان خیالات کا اظہار انہوں نے کراچی میں گورننس اور معیشیت کے موضوع پر منعقدہ تقریب سے خطاب کرتے ہوئے کیا۔

اپنے خطاب میں پرویز مشرف نے معیشیت اور گورننس کی تباہ حالی پر اظہار خیال کرتے ہوئے کہا کہ کسی حکومت نے بے روزگاری، غربت کے خاتمے، تعلیم اور صحت کے لئے کام نہیں کیا۔

سندھ میں رینجرز اختیارات پر سابق آرمی چیف نے کہا کہ رینجرز اچھا کام کررہی ہے، سندھ حکومت کو رخنہ نہیں ڈالنا چاہئیے،ان کا کہنا تھا کہ سندھ میں رینجرز کے ساتھ جو ہوا اس کے حق میں نہیں ہوں، انہیں اختیارات دیئے جانے چاہئیں۔

ان کا کہنا تھا کہ ریاست اور عوام کی ترقی حکومت کی ذمہ داری ہوتی ہے اور بہتر طرز حکمرانی سے معاشی دہشت گردی ختم ہو سکتی ہے۔

پرویز مشرف نے کہا کہ پاکستان میں کوئی حقیقی و عوامی لیڈر نہیں ، ملک میں ٹیکس چوروں کے لئے پالیسی بنانا ہوگی۔ انہوں نے کہا کہ پاک بھارت تعلقات برابری کی سطح پر ہونے چاہئیں،عزت اور ملکی بقا کو قربان کرکے نہیں۔

دسمبر 22, 2015
کشمیر میں لڑنے والے دہشت گرد نہیں مجاہد ہیں، پرویز مشرف

کراچی : سابق صدر جنرل ریٹارئرڈ پرویز مشرف نے کہا ہے کہ کشمیر میں لڑنے والے دہشت گرد نہیں مجاہد ہیں،مودی پاکستان کودباناچاہتے ہیں ،ان کی سوچ بدلنے تک معاملہ آگے نہیں بڑے گا۔

برطانیوی نشریاتی ادارے کو انٹرویو میں سابق صدر جنرل ریٹائرڈ پرویز مشرف نے کہا کہ کشمیر میں لڑنے والے طالبان نہیں ہم انہیں مجاہدین یا فریڈم فائٹرز کہتے ہیں، انھیں کشمیر اور پاکستان میں بہت بڑی مدد حاصل ہے، سابق صدر نے کہا کشمیر میں ظلم ہو رہا ہے۔

سابق صدر نے کہا نریندر مودی پاکستان کو مروڑنا اور دبانا چاہتے ہیں ان کی سوچ کو تبدیل کرنے کی ضرورت ہیں اگر وہ سوچ تبدیل نہیں کریں گے تو معاملہ آگے نہیں بڑے گا۔

سابق صدر نے لال مسجد آپریشن کے فیصلے کو درست قرار دیا او کہا کہ انھوں نے جو کیا وہ درست تھا۔

دسمبر 8, 2015
ملک میں نئے صوبے بننے چاہئیں، سابق صدر پرویز مشرف

کراچی : سابق صدر پرویز مشرف نے کہا ہے کہ ملک میں نئے صوبے بننے چاہئیں، ان کا کہنا تھا ملک کو اور نظام کو تبدیلی کی ضرورت ہے۔

سابق صدرپرویزمشرف نے اے آر وائی نیوز کے پروگرام’سوال یہ ہے‘میں خصوصی گفتگو کرتے ہوئے کہا کہ 2013ءکے الیکشن میں دھاندلی ہوئی عدلیہ کو انتخابات کالعدم قرار دینے چاہیے۔معیشت کے بارے میں غلط معلومات دیکر عوام کو خوش کرنے کی کوشش کی جارہی ہے،جب تک تیسری طاقت نہیں بنتی ملک کی صورتحال ٹھیک نہیںہوسکتی،اس وقت ملک کے نظام اور حکومت میں تبدیلی چاہیے۔

پرویز مشرف کا کہنا تھا کہ ملک میں کوئی ترقیاتی منصوبہ نہیں،قرض پہ قرض لیا جارہاہے۔ملک میں نئے صوبے بننے چاہیئں اٹھارویں ترمیم نے ملک کو کمزور کیا ہے۔

انہوں نے کہا سابق چیف جسٹس نے زندگی میں پہلی بار عقل کی بات کی ہے تاہم جب تک چیک اینڈ بیلنس نہیں آتا کوئی بھی نظام کامیاب نہیں ہوسکتا۔

سابق صدر کا کہنا تھا کہ پاکستان کو روس اور ترکی کے درمیان کشیدگی اور شام میں قیام امن کیلئے اپنا کردار ادا کرنا چاہیے۔امریکہ کے ساتھ تعلقات میں انڈین فیکٹر کو بھی دیکھنا چاہیے۔شوسینا کو اقوام متحدہ دہشت گرد قرار دے۔

نومبر 29, 2015