کراچی : سابق صدر (ر)پرویز مشرف نے کہا ہے کہ پاکستان میں قانون صرف عام آدمی کیلئے ہے خاص لوگوں کیلئے نہیں، پاکستان میں تیسری سیاسی قوت کا آنا لازمی ہے۔
سابق صدرپرویز مشرف کی آل پاکستان مسلم لیگ سندھ کے صدر شہاب الدین حسینی کے گھر پہنچ کر ان کے بیٹے کی وفات پر تعزیت کا اظہار کیا اور درجات کی بلندی کے لئے دعا کی۔
اس موقع پر میڈیا سے بات کرتے ہوئے سابق صدرپرویز مشرف نے کہا کہ ملکی میں تبدیلی آنی چاہئے ملک میں ایسی حکومت آنی چاہیئے پاکستان میں تیسری سیاسی قوت کا آنا لازمی ہے جو پاکستان کے مسائل حل کرنے کی سکت رکھتی ہو۔
گذشتہ کئی سالوں سے پیپلزپارٹی اور مسلم لیگ ن حکومت کرتی آرہی ہے، انہوں نے کہا کہ ترقی یافتہ ممالک میں شامل ہونا ہےتو میڈیا کو عزت دینی ہوگی۔
مسلم لیگ ن کی اس حکومت میں صوبہ سندھ کیلئے کوئی بڑا ترقیاتی منصوبہ شروع نہیں کیا گیا، میرے جانے کے بعد تمام بجلی اور پانی کے منصوبے بند ہوگئے۔
انہوں نے کہا کہ کے فور کا منصوبہ وقت پر بن جاتاتو پانی کے بحران میں کمی ہوتی، کراچی میں پانی کا بحران مصنوعی ہے، حکومت کوشش کرے تو کراچی میں پانی کا مسئلہ حل ہوسکتا ہے۔
پرویز مشرف کا بول چینل میں پروگرام کی میزبانی کے متعلق پوچھے گئے سوال کا جواب میں ان کا کہنا تھا کہ میں کسی چینل پر کوئی پروگرام کی میزبانی نہیں کرنے جارہا، نیویارک ٹائم کی اسٹوری سے لگتاہے کہ دال میں کچھ کالا ہے۔
