راجن پور : انڈ س ہائی وے پر ٹریفک حادثے میں ایک بچہ جاں بحق جبکہ انیس افراد زخمی ہوگئے۔
زرائع کے مطابق راجن پور کے قریب انڈ س ہائی وے پر مسافر کوچ اور ٹریلر میں تصادم ہوا ، جس کے نتیجے میں ایک بچہ جان بحق جبکہ انیس افراد زخمی ہوگئے۔
زخمیوں کو ڈسٹرکٹ ہیڈ کواٹر اسپتال راجن پور منتقل کردیا گیا ہے۔
مسافر کوچ باجوڑ ایجنسی سے کراچی جارہی تھی۔
چکوال: کلر کہار کے قریب موٹر وے پر تیز رفتار مسافر وین اور ٹرالر کے تصادم میں پانچ افراد جاں بحق ہوگئے۔
چکوال سے سرگودھا جانے والی تیز رفتار مسافر وین ٹرالر سے ٹکرا گئی، خوفناک تصادم کے نتیجہ میں خاتون سمیت چار افراد موقع پر ہی جان بحق ہوگئے۔
حادثے کی اطلاع ملتے ہی امدادی ٹیم جائے حادثہ پر پہنچی۔
ریسکیو رضاکاروں نے حادثے میں جاں بحق اور زخمی ہونے والے افراد کو ڈسٹرکٹ ہیڈکوارٹرز اسپتال چکوال منتقل کر دیا گیا۔
اسپتال ذرائع کے مطابق تین زخمیوں کی حالت تشویشناک ہے، حادثے میں جاں بحق اور زخمی افراد کے لواحقین بڑی تعداد میں پیاروں کی تلاش میں اسپتال پہنچ گئے ہیں۔