ARYNews.tv | Urdu – Har Lamha Bakhabar

Tag: passes away

  • معروف ڈرامے ‘تنہایاں’ کا مشہور اداکار اب ہم میں نہیں رہا

    معروف ڈرامے ‘تنہایاں’ کا مشہور اداکار اب ہم میں نہیں رہا

    کراچی : پاکستانی تاریخ کے مشہور ڈرامے “تنہایاں” میں سعد سلمان کا کردار ادا کرنے والے اداکار اب ہم میں نہیں رہے، عامر حتمی نے شہناز شیخ یعنی (زارا) کے مد مقابل کام کیا تھا۔

    تفصیلات کے مطابق پاکستان ٹیلی ویژن پر ماضی کےمشہور ڈرامے تنہایاں میں مختصر کردار نبھانے والے سابق ماڈل اور اداکار عامر حتمی انتقال کرگئے، عامر حتمی کا تعلق کراچی میں ایئرفورس کے گھرانے سے تھا، ان کے والد پاک فضائیہ کے آفیسر تھے۔

    صحافی فی فی ہارون کی جانب سے سماجی رابطے کی ویب سائٹ ٹوئٹر پر اداکار عامر حتمی کے انتقال کی خبر دی گئی۔

    پاکستان ٹیلی ویژن کے کلاسک اور شہرہ آفاق ڈرامے تنہایاں میں عامر حتمی نے شہناز شیخ یعنی (زارا) کے مد مقابل کام کیا تھا، ڈرامے میں ان کا نام سعد سلمان تھا، عامر نے ڈرامے میں مختصر کردار نبھایا لیکن ان کی بہترین اداکاری کی وجہ سے لوگ انھیں سعد سلمان کے نام سے ہی جانتے رہے۔

    پر کشش شخصیت کے مالک عامر حتمی کچھ عرصے تک ماڈلنگ سے بھی وابستہ رہے اور کئی مشہور برینڈز کیلئے ماڈلنگ بھی کی۔

    خیال رہے اس ڈرامے کی مقبولیت کا یہ عالم تھا کہ ٹیلی کاسٹ ہونے کے وقت یعنی رات 8 بجے سڑکیں ویران ہوجاتی تھی، دو بہنوں کی جدوجہد کے گرد گھومتی کہانی پر مبنی ڈرامہ ’تنہایاں‘ سنہ 1985 میں پیش کیا گیا تھا، جو اپنے والدین کے انتقال کے بعد آپنی آنٹی کے گھر پروان چڑھیں، ان دونوں بہنوں کی زندگی کا مقصد اپنے آبائی گھر کو خریدنا تھا۔

    اس ڈرامے میں شہناز شیخ، مرینہ خان، جمشید انصاری سمیت دیگر اداکاروں نے اپنی صلاحیتوں کے جوہر دکھائے۔

  • قاتلانہ حملے میں زخمی ڈپٹی کسٹم کلکٹر ڈاکٹر عبدالقدوس شیخ انتقال کرگئے

    قاتلانہ حملے میں زخمی ڈپٹی کسٹم کلکٹر ڈاکٹر عبدالقدوس شیخ انتقال کرگئے

    کراچی : کوئٹہ میں نامعلوم افراد کے قاتلانہ حملے میں شدید زخمی ہونے والے ڈپٹی کسٹم کلکٹر ڈاکٹر عبد القدوس شیخ زخموں کی تاب نہ لاتے ہوئے چل بسے، ان کو ائیرایمبولنس کےذریعے کراچی لایا گیا تھا۔

    تفصیلات کے مطابق کوئٹہ میں دہشت گردی کا نشانہ بننے والے پاکستان کسٹمز کے ڈپٹی کسٹم کلکٹر ڈاکٹر عبدالقدوس شیخ کراچی میں انتقال کرگئے، کوئٹہ میں گزشتہ دو نامعلوم مسلح افراد نے ڈپٹی کسٹمز کلکٹر ڈاکٹرعبدالقدوس پر شدید تشدد کیا تھا۔

    جس کے بعد ان کو سی ایم ایچ کوئٹہ منتقل کیاگیا، وہاں سے ان کو ائیر ایمبولینس کے ذریعے کراچی لایاگیا، تاہم وہ زخموں کی تاب نہ لاتے ہوئے دم توڑ گئے۔

    ڈپٹی کسٹم کلکٹر کی ہلاکت پر محکمہ کےافسران واہلکار کا کہنا ہے اسمگلروں کی طرف سے جان سے مارنے کی دھمکیاں معمول ہیں جبکہ کسٹم حکام کے مطابق پتا لگانے کی کوشش کر رہے ہیں کہ حملہ کس نے اور کیوں کیا‘عبدالقدوس شیخ کا دو ماہ قبل کوئٹہ تبادلہ ہوا تھا۔

    خیال رہے کوئٹہ میں 2جولائی کی رات کارروائی سے واپسی پر انھیں نشانہ بنایا گیا، محکمہ انکے اہل خانہ کے ساتھ ہے۔

    دورسری جانب اولڈ کسٹم ہاؤس کراچی میں ڈپٹی کلکٹر کسٹم عبدالقدوس کیلئے دعائیہ تقریب کا انعقاد کیاگیا ۔ تقریب میں ایک منٹ کی خاموشی اختیار کی گئی اور ان کے ایصال ثواب کیلئے خصوصی دعا مانگی گئی ۔

    ممبر کسٹم جواد آغانے تقریب سے خطاب میں کہا کہ یہاں موجود کسٹم کا ہر اسٹاف ڈاکٹرعبدالقدوس کی کارکردگی کی گواہی دیتا ہے۔ڈاکٹروقدوس نے محکمہ کسٹم میں اہم ذمہداریاں نبھائی اور جرائم کی روک تھام میں اہم کردار ادا کیا۔

    انہوں نے کہا کہ ملزمان کے ناپاک عزائم کو خاک میں ملا کراسمگلنگ کو ناکام بنایا، ہم سب کو ان کی خدمات کا اعتراف ہے اور انکی طرح کام کرنے کی ضرورت ہے۔ہمیں اپنی قابلیت کو ظاہر کرنا ہوگا اور ملک کے مختلف حصوں میں اپنی ذمہ داریاں نبھانی ہیں اورکوئٹہ میں بڑی اسمگلنگ کی کارروائیاں ناکام کی۔

    ان کاکہنا تھا کہ پورٹ قاسم میں اپریزمنٹ میں بھی ڈاکٹر عبدالقدوس نے ذمہ داریاں نبھائی،کوئٹہ کلکٹریٹ میں بھی ذمہ داریاں نبھائی،ہمیں اسٹاف کی کمی ، وسائل کی کمی کے باوجود انھوں نے ثابت کیا کہ وہ دشمن کے خلاف تھے۔

    جواد آغا نے کہا کہ ہم ہر اس کارروائی کو کریں گے کہ ملزمان جلد گرفتار کیے جائیں،عبدالقدوس کی قربانی رائیگاں نہیں جائیں گی،ہم ان کے مشن کو آگے اور موثر انداز میں آگے بڑھائیں گے۔

  • مقبول ترین ملی نغمے ”دل دل پاکستان“ کے شاعر نثار ناسک انتقال کرگئے

    مقبول ترین ملی نغمے ”دل دل پاکستان“ کے شاعر نثار ناسک انتقال کرگئے

    راولپنڈی : مشہورملی نغمےدل دل پاکستان کےشاعر نثارناسک انتقال کرگئے ، مرحوم کو آج راولپنڈی میں نماز جنازہ کے بعد سپرد خاک کیا جائے گا۔

    تفصیلات کے مطابق مقبول ترین ملی نغمے ”دل دل پاکستان“ کے شاعر نثار ناسک انتقال کرگئے، نثار ناسک گزشتہ چند برسوں سے شدید بیمار تھے، انہوں نے آخری ایام غربت کے باعث نہایت کسمپرسی میں گزارے۔

    مرحوم کو آج راولپنڈی کے علاقہ رتہ ڈھوک  میں نماز جنازہ کے بعد سپرد خاک کیا جائے گا۔

    روزیراعلیٰ پنجاب  عثمان بزدار نے نثار ناسک کےانتقال پر اظہار افسوس کرتے ہوئے اہلخانہ سے تعزیت کی۔  

    سن 1943 میں راولپنڈی میں پیدا ہونے والے شاعر نثار ناسک نے”دل دل پاکستان“ کی شاعری لکھی تھی، ان کی دو کتابیں ”چھوٹی سمت کا مسافر“ اور ”دل دل پاکستان“ شائع ہوئیں۔

    نثار ناسک کو اردو لٹریچر میں بہترین خدمات انجام دینے کے لیے پی ٹی وی کی جانب سے لائف ٹائم اچیومنٹ ایوارڈ سے بھی نوازا گیاتھا۔

    خیال رہے 1987 میں مشہور پاپ بینڈ وائٹل سائنس کی جانب سے پیش کیا جانے والا ملی نغمہ ”دل دل پاکستان“ پاکستان کا مشہور ترین ملی نغمہ ہے، جسے جنید جمشید نے اپنی خوبصورت آواز میں گایا۔ اس ملی نغمے نے جنید جمشید کوراتوں رات شہرت کی بلندیوں پر پہنچادیا۔

    ”دل دل پاکستان“ کی شہرت کا اندازہ اس بات سے لگایا جاسکتا ہے کہ اسے پاکستان کا دوسرا قومی ترانہ بھی کہا جاتا ہے، دہائیاں گزرنے کے باوجود آج بھی یہ ملی نغمہ بچے بچے کی زبان پر ہے۔

  • معروف بالی ووڈ کامیڈین دینار کنٹریکٹر چل بسے

    معروف بالی ووڈ کامیڈین دینار کنٹریکٹر چل بسے

    نئی دہلی : چہروں پرخوشیاں بکھیرنے والے معروف بالی ووڈ اداکار دینار کنٹریکٹر خرابیِ صحت کے باعث انتقال کرگئے۔

    تفصیلات کے مطابق اپنے مزاحیہ انداز سے لوگوں کے چہروں پر مسکراہٹیں بکھیرنے والے اداکار اور معروف کامیڈین دینار کنٹریکٹر خرابیِ صحت کے باعث 79 برس کی عمر میں وفات پاگئے۔

    معروف کامیڈین کے اہل خانہ کی جانب سے بیان جاری کیا گیا ہے جس میں کہا گیا ہے کہ دینار اپنے گھر میں انتقال کرگئے۔

    شہرہ آفاق بالی ووڈ کامیڈین دینار کنٹریکٹر بھارت میں 1941 میں پیدا ہوئے اور انہوں نے 1966 میں 25 سال کی عمر میں اپنے کیریئر کا آغاز کیا۔

    کامیڈی کے بادشاہ دینار کنٹریکٹر نے بالی ووڈ کی متعدد مزاحیہ و رومانوی فلموں میں مرکزی کردار ادا کیے تاہم انہیں شہرت 1992 میں بنائی گئی فلم’کھلاڑی‘ سے ملی جس میں دینار نے پرنسپل کا کردار ادا کیا۔

    دینار کی مشہور فلموں میں 1999 میں شارخ خان کی ریلیز ہونے والی فلم بادشاہ، 1992 میں اکشے کمار کی ریلیز ہونے والی فلم کھلاڑی اور کرینہ کپور کی مزاحیہ رومانوی فلم 36 چائینہ ٹاؤن شامل ہیں۔

    ذرائع کے مطابق دینار نے متعدد گجراتی و ہندی تھیڑ بھی کام کیا ہے کہ اور دینار نے اپنے کیریئر کا آغاز بھی تھیڑ سے کیا تھا اس کے علاوہ متعدد مزاحیہ ڈراموں میں اہم کردار ادا کیے ہیں جن میں تارک مہتا کا الٹا چشمہ، دو اور دو پانچ اور کبھی ادھر اور کبھی ادھر شامل ہیں۔

    بھارتی میڈیا کا کہنا ہے کہ دینار کنٹریکٹر کو رواں برس جنوری میں پدما شری ایوارڈ سے بھی نوازا گیا تھا۔

    بھارتی وزیر اعظم نریندر مودی نے دینار کنٹریکٹر کی موت پر غم و رنج کا اظہار کرتے ہوئے کہا ہے کہ وہ اہل خانہ کے دکھ میں برابر کے شریک ہیں، دینار کی موت سے وہ سخت اداس ہیں۔

  • وفاقی وزیر سردارعلی محمدمہر حرکت قلب بند ہونے پر انتقال کرگئے

    وفاقی وزیر سردارعلی محمدمہر حرکت قلب بند ہونے پر انتقال کرگئے

    گھوٹکی: وفاقی وزیرسردارعلی محمدمہرحرکت قلب بندہونے سے انتقال کرگئے، ان کی عمر باون سال تھی ، سردارعلی محمد مہر عمران خان کابینہ میں اینٹی نارکوٹکس کے وزیر تھے۔

    تفصیلات کے مطابق وفاقی وزیر برائے اینٹی نارکوٹکس سردار علی محمد مہر گھوٹکی میں انتقال کرگئے، سردارعلی محمدمہرکی آج صبح اچانک طبیعت خراب ہوئی تھی ، خاندانی ذرائع کاکہنا علی محمد مہر کا انتقال حرکت قلب بند ہونے سے ہوا، ان کی عمر باون سال تھی۔

    گھوٹکی میونسپل چیئرمین اور قریبی دوست سید اصغرگیلانی کی جانب سے تصدیق کردی ہے۔

    سردارعلی محمدمہر نے 1995 میں سیاسی میدان میں قدم رکھا تھا، وہ این اے دو سو پانچ گھوٹکی سے ایم این اے منتخب ہوئے تھے، اور بعد ازاں تحریک انصاف میں شمولیت کا اعلان کیا۔

    سردار علی محمد مہر مشروف دور میں دو ہزار دو سے دو ہزار چار تک وزیراعلیٰ سندھ کے عہدہ پر بھی فائض رہے۔

    سردارعلی محمدمہرعمران خان کابینہ میں اینٹی نارکوٹکس کے وزیر تھے جبکہ وہ سیاست کیساتھ سماجی خدمات میں بھی نمایاں رہتے تھے۔

    وزیراعظم سمیت سیاسی رہنماؤں کا سردارعلی محمدمہر کے انتقال پر افسوس کا اظہار

    وزیراعظم عمران خان نے سردارعلی محمدمہر کے انتقال پر دکھ اور افسوس کااظہار کیا، اور مرحوم کے ایصال ثواب اور بلندی درجات کی دعا کی۔

    وزیرخارجہ شاہ محمودقریشی نے کہا سردار علی محمد مہر کے انتقال کی اطلاع ملی ، سردار علی محمدمہر کے انتقال پر انتہائی دکھ اور افسوس ہے، علی محمد مہر ایک منجھے ہوئے سیاستدان اور انتہائی خلیق شخصیت تھے۔

    وزیرخارجہ نے مرحوم کی مغفرت اوربلندی درجات کے لئے دعا کی اور وفاقی وزیرسردارعلی محمد مہر کے لواحقین سے اظہار تعزیت کی۔

    گورنرسندھ عمران اسماعیل نے بھی وفاقی وزیرسردار علی محمد مہر کے انتقال پر اظہار افسوس کرتے ہوئے کہا دکھ میں سردار محمد علی مہر کے خاندان کے ساتھ برابر کےشریک ہیں۔

    سابق صدرآصف زرداری نے سردارعلی محمدمہر کے انتقال پر اظہار افسوس کرتے ہوئے خاندان سےاظہار ہمددری کیا جبکہ رہنما ن لیگ شہبازشریف نے بھی سردارعلی محمد مہر کے انتقال پر اظہار افسوس کیا۔

  • امریکا میں دنیا کے سب سے عمر رسیدہ شخص 123 سال کی عمر میں چل بسے

    امریکا میں دنیا کے سب سے عمر رسیدہ شخص 123 سال کی عمر میں چل بسے

    اٹلانٹا : امریکا میں دنیا کے سب سے عمر رسیدہ شخص 123 سال کی عمر میں چل بسے،  اس سے قبل یہ اعزاز فرانس کی 122 سالہ جینی کلیمنٹ کے پاس تھا۔

    بین الاقوامی خبر رساں ادارے کے مطابق روسی نژاد جارجیا کے رہائشی اپپاز ایلیو123سال کی عمر میں خالق حقیقی سے جا ملے، ان کے 8 بچے ہیں جب کہ پوتے پوتیوں اور نواسے نواسیوں کی تعداد 35 ہے جب کہ پڑ پوتوں کی تعداد 25ہے۔

    اپپا ایلیوز کے پاس پیدائش کی سند نہیں ہے اس لیے عمر کی تصدیق ان کے اپنے دعوؤں کے تحت سفری دستاویز میں درج کی گئی جو کہ126سال بنتی ہے اور اگر یہ درست ہے تو اپپا ایلیوز دنیا میں سب سے زیادہ عمر پانے والے شخص ہیں۔

    اپپا ایلیوز نے جنگ عظیم دوم میں بھی حصہ لینے کا دعویٰ کیا تھا، انہوں نے کم عمری میں محنت و مشقت کا آغاز کردیا تھا، کھیتی باڑی کی، ٹریکٹر چلائے اور جنگ میں حصہ بھی لیا, وہ مرتے دم تک متحرک اور روز مرہ معمولات زندگی کو نبھا رہے تھے۔

    اپپا ایلیوز اپنی طویل عمری کا راز روزانہ11گھنٹے سونے کو کہتے ہیں جب کہ انہوں نے تمام عمر شراب اور تمباکو نوشی نہیں کی۔

    اس سے قبل یہ اعزاز فرانس کی 122 سالہ جینی کلیمنٹ کے پاس تھا۔ جنہوں نے122سال 164دن کی زندگی پاکر جہان فانی سے کوچ کیا تھا، جینی کلیمنٹ21فروری 1875 کو پیدا ہوئیں اور سال1997 میں ان کا انتقال ہوا

  • معروف اداکارہ روحی بانو انتقال کر گئیں

    معروف اداکارہ روحی بانو انتقال کر گئیں

    لاہور: 70 اور 80 کی دہائی کی مشہور ٹی وی اداکارہ روحی بانو انتقال کر گئیں، وہ گزشتہ 2 ماہ سے شدید علیل تھیں۔

    تفصیلات کے مطابق ماضی کی مشہور اداکارہ روحی بانو 2 ماہ کی علالت کے باعث گزشتہ 10 دن سے وینٹی لیٹر پر تھیں جہاں وہ آج انتقال کرگئیں۔

    روحی بانو کی بہن یاسمین کا کہنا ہے کہ روحی بانو کو 3 دسمبر کو استنبول کے اسپتال میں داخل کیا گیا تھا۔

    روحی بانو 10 اگست 1951 کو کراچی میں پیدا ہوئیں تھی۔ وہ نامور طبلہ نواز اللہ رکھا خان کی بیٹی تھیں۔ روحی بانو نے کرن کہانی، زرد گلاب، دروازہ اور دیگر بے شمار سپر ہٹ ڈراموں میں یادگار کردار ادا کیے ہیں۔

    سنہ 1981 میں انہیں حکومت پاکستان نے صدارتی تمغہ برائے حسن کارکردگی عطا کیا۔ اس کے علاوہ بھی وہ متعدد ایوارڈز حاصل کرچکی ہیں۔

    سنہ 2005 میں ان کے 20 سالہ اکلوتے بیٹے کو گولی مار کر قتل کردیا تھا جس کے بعد وہ اپنا ذہنی توازن کھو بیٹھیں۔

    کچھ عرصہ قبل روحی بانو کے لاپتہ ہونے کی اطلاعات موصول ہوئی تھیں تاہم بعد ازاں معلوم ہوا کہ وہ اپنے بھائی کے گھر پر صحیح سلامت موجود ہیں۔

    وزیر اطلاعات کا اظہار افسوس

    وفاقی وزیر اطلاعات فواد چوہدری نے روحی بانو کے انتقال پر دکھ اور افسوس کا اظہار کرتے ہوئے کہا کہ روحی بانو پاکستان کی انتہائی مقبول اور باکمال فنکارہ تھیں۔

    انہوں نے کہا کہ روحی بانو نے عوام کو فنکارانہ صلاحیتوں سے بے حد متاثر کیا، روحی بانو پرستاروں کے دلوں میں ہمیشہ زندہ رہیں گی۔

  • معروف بھارتی اداکار راج کپورکی اہلیہ کرشنا راج کپور انتقال کرگئیں

    معروف بھارتی اداکار راج کپورکی اہلیہ کرشنا راج کپور انتقال کرگئیں

    ممبئی : معروف بھارتی اداکار راج کپورکی اہلیہ 87 برس کی عمر میں انتقال کرگئیں، کرشنا راج کپورمعروف اداکار رشی کپور،رندھیرکپور کی والدہ جبکہ کرشمہ کپور، کرینا کپور اور رنبیرکپورکی دادی تھیں۔

    تفصیلات کے مطابق معروف بھارتی اداکا راج کپور کی بیوی کرشنا راج کپور ممبئی میں انتقال کرگئیں، وہ طویل عرصے سے بیمار تھیں، ان کی عمر 87 برس تھی۔

    کرشنا راج کپور کے بیٹے رندھیر کپور نے اپنی والدہ کے انتقال کی خبر کی تصدیق کرتے ہوئے کہا ہماری والدہ صبح پانچ بجے دل کا دورہ پڑنے سے انتقال کرگئیں، جس کی ایک اور بڑی وجہ ان کی عمر تھی، ان کے انتقال پر ہم شدید صدمے میں ہیں۔

    کرشنا راج کے انتقال پر ان کی پوتی ردھیما کپور نے سماجی رابطے کی ویب سائٹ انسٹاگرام پر تصویر شیئر کرکے دادی کو یاد کیا۔

    View this post on Instagram

     

    I love you- I will always love you – RIP dadi ❤️

    A post shared by Riddhima Kapoor Sahni (@riddhimakapoorsahniofficial) on

    View this post on Instagram

    Love you so much RIP ❤️🙏🏻

    A post shared by Riddhima Kapoor Sahni (@riddhimakapoorsahniofficial) on

    سن 1946 میں کرشنا راج کی شادی راج کپور سے ہوئی تھی، ان کے 5 بچے ہیں، جن میں رندھیرکپور، رشی کپور، ریتو کپورنندا، ریما کپوراور راجیو کپور ہیں، جب کہ ان کے پوتے پوتیوں میں اداکارہ کرینہ کپور، کرشمہ کپور اور اداکار رنبیرکپور شامل ہیں۔

    بالی ووڈ اداکاروں کی جانب سے کرشنا راج کے انتقال پر افسوس کا اظہار کیا جارہا ہے۔

  • سری دیوی کی ساتھی اداکارہ سجاتا کمار انتقال کرگئیں

    سری دیوی کی ساتھی اداکارہ سجاتا کمار انتقال کرگئیں

    ممبئی: بالی ووڈ کی کامیاب فلم ’انگلش ونگلش‘ میں آنجہانی اداکارہ سری دیوی کی بہن کا کردار ادا کرنے والی اداکارہ سجاتا کمار چل بسیں۔

    اداکارہ سجاتا کمار کینسر میں مرض میں مبتلا تھیں اور وہ کینسر سے جنگ لڑتے ہوئے زندگی کی بازی ہار گئیں، اس خبر کی تصدیق ان کی بہن سچترا کرشنا مورتھی نے سماجی رابطے کی ویب سائٹ ٹویٹر پر کی۔

    ٹویٹر پر سجاتا کمار کی بہن کا کہنا تھا کہ ہماری پیاری سجاتا کمار اب ہمارے درمیان نہیں رہیں، وہ ہم سب کو چھوڑ کر ایک بہترین جگہ چلی گئی ہیں اور ہمیں اکیلا کرگئیں، اب زندگی دوبارہ پہلے جیسی نہیں ہو پائے گی۔

    سچترا کرشنا مورتھی نے ٹویٹر پر فلم انگلش ونگلش کے این سین کی ایک تصویر شیئر کی ہے جس میں سجاتا کمار، سری دیوی کے ساتھ خوشگوار موڈ میں دکھائی دے رہی ہیں۔

    بھارتی میڈیا رپورٹس کے مطابق سجاتا کمار ممبئی کے اسپتال میں زیرعلاج تھیں جہاں وہ کینسر کی چوتھی اسٹیج سے لڑ رہی تھیں اور حالت تشویشناک ہونے کے سبب وہ چل بسیں۔

    واضح رہے کہ اداکارہ سجاتا کمار بھی متعدد بھارتی ڈراموں میں اداکاری کے جوہر دکھائے بعدازاں انہیں ہدایت گوری شندے نے 2012 کی فلم ’انگلش ونگلش‘ میں سری دیوی کی بہن کا کردار آفر کیا۔

    فلم ’انگلش ونگلش‘ میں ان کی اداکاری کو مداحوں کی جانب سے بے حد سراہا گیا تھا، خیال رہے کہ اداکارہ سری دیوی کا انتقال رواں سال فروری میں دبئی کے ہوٹل میں ہوا تھا۔

    آنجہانی اداکارہ سری دیوی کو دل کا دورہ پڑا تھا، جس کے بعد وہ باتھ ٹب میں ڈوب کر جان کی بازی ہار گئی تھیں۔

  • بھارت کے سابق وزیر اعظم اٹل بہاری واجپائی چل بسے

    بھارت کے سابق وزیر اعظم اٹل بہاری واجپائی چل بسے

    نئی دہلی: بھارت کے سابق وزیر اعظم اٹل بہاری واجپائی 93 برس کی عمر میں چل بسے، وہ کافی عرصے سے بیمار تھے۔

    بھارٹی میڈیا کے مطابق بھارت کے دو مرتبہ وزیر اعظم بننے والے 93 سالہ اٹل بہاری واجپائی کو طبیعت بگڑنے پر گزشتہ روز لائف سپورٹ سسٹم سے منسلک کیا گیا تھا، وہ آل انڈیا انسٹیٹیوٹ آف میڈیکل سائنس میں زیر علاج تھے اور آج شام دنیا سے رخصت ہوگئے۔

    بھارتی وزیر اعظم نریندر مودی نے آج صبح اسپتال میں ان کی عیادت کی تھی، اٹل بہاری واجپائی کو جون میں اسپتال میں داخل کرایا گیا تھا، ڈاکٹروں نے سانس کی نالی میں انفیکشن بتایا تھا جبکہ ان کو گردوں کا مرض بھی لاحق تھا۔

    اٹل بہاری باجپائی نے 1940 میں سیاست میں قدم رکھا تھا، 1942ء کی ’بھارت چھوڑو‘ تحریک میں پرجوش حصہ لیا، تحریک کی شدت کو دیکھ کر تحریک کے شرکا کو پکڑا جانے لگا تو یہ بھی گرفتار ہوگئے اور انہیں 24 دنوں کی قید بھگتنی پڑی۔

    اٹل بہاری واجپائی دو مرتبہ بھارت کے وزیر اعظم رہے، پہلی مرتبہ 16 مئی 1996ء سے یکم جون 1996ء یعنی 15 دن کے وزیر اعظم رہے، وہ دوسری مرتبہ 19 مارچ 1998 سے 22 مئی 2004ء تک وزارت عظمیٰ کی ذمہ داریاں نبھا چکے ہیں۔

    واجپائی سینئر سیاسی رہنما ہونے کے ساتھ ساتھ شاعری سے بھی لگاؤ رکھتے تھے، سیاسی مصروفیات کے باعث بھی انہوں نے شاعری کو نہ چھوڑا۔

    واجپائی جنہیں اعتدال پسند قائد کہا جاتا تھا انہوں نے اپنی شاعری میں بھی اپنے ان جذبات کی ترجمانی کی، اپنے طویل سیاسی سفر میں واجپائی نے وقت کے ہر سلگتے مسئلے پر نظمیں کہی ہیں۔