ARYNews.tv | Urdu – Har Lamha Bakhabar

Tag: PAT dharna

  • عوامی تحریک دھرنا: ہائی کورٹ نے دھرنے کے خلاف درخواست مسترد کردی

    عوامی تحریک دھرنا: ہائی کورٹ نے دھرنے کے خلاف درخواست مسترد کردی

    لاہور: ہائی کورٹ نے 17 جنوری کو سیاسی جماعتوں کا دھرنا روکنے کی استدعا مسترد کر دی ‘ عدالت نے وفاقی حکومت کو نوٹس جاری کرتے ہوئے کیس کی سماعت کے لیے لارجر بنچ بنانے کی سفارش کردی۔

    تفصیلات کے مطابق لاہور ہائیکورٹ کے جسٹس شاہد کریم نے کیس کی سماعت کی جہاں درخواست گزار نے دھر نوں کو آئین کی خلاف ورزی قراردیتے ہوئے روکنے کی استدعا کی تاہم عدالتِ عالیہ نے معاملہ لارجر بنچ کے حوالے کرنے کا فیصلہ کیا۔

    درخواست گزار’اے کے ڈوگر ایڈووکیٹ‘نےدلائل دیتے ہوئے کہا کہ عوام کے ووٹوں سے منتخب ہونے والی حکومت کے خلاف دھرنے کا اعلان غیر آئینی اور غیر قانونی ااقدام ہے . عوامی تحریک سمیت سیاسی جماعتوں کی جانب سے دھرنے کا اعلان آئین کی خلاف ورزی ہے ۔

    انہوں نے یہ بھی کہا کہ سیاسی جماعتوں کے دھرنے سے ملک میں انتشار پھیلنے کا خدشہ ہے اور شہری زندگی مفلوج ہونے سے معیشت کو شدید خطرات لاحق ہوں گے‘ انہوں نے استدعا کی کہ عدالت سیاسی جماعتوں کو سترہ جنوری کو دھرنا دینے سے روکنے کا حکم دے اور سترہ جنوری کے احتجاج کے خلاف حکم امتناعی جاری کرے ۔

    عدالت نے دھرنا روکنے کی استدعا مسترد کرتے ہوئے وفاقی حکومت کو نوٹس جاری کر دئیے، اور کیس لارجر بنچ کے پاس سماعت کے لیے بھجوانے کی سفارش کرتے ہوئے کیس چیف جسٹس لاہور ہائی کورٹ کو بھجوا دیا۔ .

    یاد رہے کہ پاکستان عوامی تحریک نے سانحہ ماڈل ٹاؤ ن میں حکومت کی جانب سے موثر کارروائی نہ کیے جانے کے سبب پنجاب حکومت کے خلاف 17 مارچ کو احتجاج کا اعلان کیا ہے جبکہ پاکستان تحریک انصاف کے سربراہ عمران خان نے بھی احتجاج کی بھرپور حمایت کرتے ہوئے اپنے کارکنان کو تیار رہنے کا حکم دے رکھا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاکستان عوامی تحریک آج 5 شہروں میں دھرنا دے رہی ہے

    پاکستان عوامی تحریک آج 5 شہروں میں دھرنا دے رہی ہے

    اسلام آباد : پاکستان عوامی تحریک آج اسلام آباد سمیت پانچ شہروں میں دھرنا دے رہی ہے، طاہرالقادری کا کہنا ہے کہ قاتل حکمرانوں سےقصاص لے کردم لیں گے۔

     مزید پڑھیں : تحریک قصاص حکمرانوں کو منطقی انجام تک پہنچائے گی، طاہر القادری

    پاکستان عوامی تحریک سانحہ ماڈل ٹاؤں میں مارے گئے کارکنوں کا قصاص لینے سڑکوں پر نکل آئی، لاہور کی انتظامیہ نے چیئرنگ کراس سے مسجدِ شہدا تک مال روڈ خاردار تاریں اور کنٹینر لگا کر بند کردیا۔

    اےآر وائی نیوز سے خصوصی گفتگو کرتے ہوئے ڈاکٹرطاہرالقادری نے کہا کہ حکمران قاتل ہوں تو قصاص مشکل ضرور ہے ناممکن نہیں۔

    سربراہ عوامی تحریک نے کہا کہ احتجاج کے پہلے راؤنڈ میں وہ خودشریک نہیں ہونگے، پہلے مرحلے میں عوامی تحریک کے کارکن اسلام آباد سمیت پانچ شہروں میں دھرنے دیں گے۔

    یاد رہے کہ علامہ طاہرالقادری نے کہا کہ حکومت کے خلاف تحریک قصاص کا اعلان کیا تھا، اُنکا کہنا تھا کہ ’’6 اگست سے شروع ہونے والی تحریک حکمرانوں کو منطقی انجام تک پہنچائی گی۔

     مزید پڑھیں : جنرل راحیل شریف فوجی عدالت سے انصاف دلائیں، طاہر القادری کا مطالبہ

    واضح رہے کہ رواں سال 17 جون کو پاکستان عوامی تحریک نے سانحہ ماڈل ٹاﺅن کی دوسری برسی پر بھی دھرنا دیا تھا۔

    عوامی تحریک کے سربراہ علامہ طاہر القادری نے کہا ہے کہ دو برس گزرنے کے باوجود سانحہ ماڈل ٹاؤن میں ایک قدم بھی انصاف کی قدم کی جانب نہیں بڑھ سکا، متاثرین کو انصاف دلانے کے لیے ہر حد تک جائیں گے،جنرل راحیل شریف فوجی عدالتوں کے ذریعے متاثرین کو انصاف دلائیں۔

    یاد رہے کہ ڈاکٹر طاہر القادری نے جنوری دو ہزار تیرہ میں چار دن اور اگست دو ہزار چودہ میں ستر دن دھرنا دیا تھا۔

  • گلو بٹ کا بھائی بلو بٹ عوامی تحریک کے دھرنے میں پہنچ گیا

    گلو بٹ کا بھائی بلو بٹ عوامی تحریک کے دھرنے میں پہنچ گیا

    لاہور : ماڈل ٹاؤن آپریشن میں فرنٹ مین کا کردار ادا کرنے والے گلو بٹ کا بھائی بلو بٹ پاکستان عوامی تحریک کے جلسہ گاہ پہنچ گیا اور سب کو حیران و پریشان کردیا۔

    تفصیلات کے مطابق پاکستان عوامی تحریک کی جلسہ گاہ میں گلوبٹ کے بھائی بلو بٹ نے انٹری دے دی، دو سال قبل سترہ جون دوہزار چودہ کو ماڈل ٹاؤن آپریشن میں گلو بٹ نے منہاج القرآن سیکریٹیریٹ ماڈل ٹاؤن میں کھڑی گاڑیوں کا بھرکس نکالا تھا۔


    NEWS@6 – 17th June 2016 by arynews

    آج سترہ جون دوہزار سولہ کو اس کا بھائی بلو بٹ زخموں پر مرہم رکھنے عوامی تحریک کے دھرنے میں مال روڈ پر پہنچ گیا، بلو بٹ کی جلسہ گاہ آمد پرعوامی تحریک کے کارکن پھٹ پڑے اور اسے دھرنے کے پنڈال سے نکل جانے کو کہا۔

    مشتعل کارکنان کا کہنا تھا کہ یہ شہبازشریف کا آدمی ہے، ہمدردیاں سمیٹنےآیاہے، اس موقع پر بلو بٹ نے کہا کہ وہ طاہر القادری کے شہر اعتکاف میں بیٹھتا ہے ان کی تقلید میں نماز پڑھتا رہا ہے اور ان سے عقیدت بھی رکھتا ہے۔

    تاہم عوامی تحریک کے کارکنان اشتعال میں آ گئے جس پر بلو بٹ کو پنڈال سے واپس جانا پڑا۔

    یاد رہے کہ ماڈل ٹاؤن آپریشن کےدوران گلو بٹ نے علامہ طاہر القادری کی رہائش گاہ کے قریب کھڑی گاڑیوں کے شیشے توڑ دئیے تھے اور اب وہ جیل میں سزا کاٹ رہا ہے۔