Tag: PAT head Tahir ul qadri

اسلام آباد: عوامی تحریک کے سربراہ طاہرالقادری  آج رات وہ بیرونِ ملک روانہ ہونگے۔

میڈیا سے گفتگو میں پاکستان عوامی تحریک کے سربراہ ڈاکٹر طاہرالقادری کا کہنا تھا کہ وہ امریکہ جا رہے ہیں جبکہ وہاں سے کینیڈا کا بھی دورہ کریں گے جہاں عوامی تحریک کی تنظیم سازی سمیت اہم ملاقاتیں کریں گے۔

ان کا کہنا تھا کہ عوامی تحریک ملکی سیاست کے دھڑے میں شامل ہوچکی ہے اور ملک میں حقیقی اپوزیشن کا کردار ادا کرئے گی۔

طاہرالقادری کا کہنا تھا کہ پاکستان میں کرپٹ نظام کے خاتمے کے لئے جدوجہد جاری ہے ،عوامی تحریک نے تاریخی دھرنا اور جلسہ کر کے دیکھایا۔ان کا کہنا تھا کہ وہ 16 نومبر کے بعد واپس پاکستان آ کر تمام جلسوں سے خطاب کریں گے۔

اس موقع پر انہوں نے ایک بار پھر یقین دہانی کرائی کہ عوامی تحریک اور حکومت کے درمیان کوئی ڈیل نہیں ہوئی، ڈیل کی خبر بے بنیاد ہے، یہ ہمارا چیلنج ہے کہ کوئی بھی یہ ثابت کر کے دکھادے کہ کوئی ڈیل ہوئی ہے۔

علامہ طاہر القادری نے ستر روز تک وفاقی دارلحکومت اسلام آباد میں حکومت کے خاتمے کے لئے دھرنا دیئے رکھا تھا تاہم بعد نہ صرف انہوں نے انقلاب لانے کے لئے جاری دھرنا ختم کرے دھرنے کو پورے ملک پھیلانے کا حکم دیا۔

ہری پور: ڈاکٹر طاہر القادری کا کہنا ہے کہ ستر دن کے دھرنےنے کروڑوں افراد کو جگا دیا ہے۔

ہری پور میں بڑے دھرنے سے خطاب کرتے ہوئے پاکستان عوامی تحریک کے سربراہ ڈاکٹر طاہر القادری کا کہنا تھا کہ موجودہ نظام کاعلامتی جنازہ نکال گیا ہے،جلد حقیقی جنازہ بھی نکلےگا،ہم شہیدوں کا لہو بیچنے والے نہیں ہیں۔

 ڈاکٹر طاہرالقادری کا کہنا تھا کہ لعنت ہے ایسی جمہوریت اورنظام پرجس میں مقتولوں کی ایف آئی آربھی درج نہ ہو اور یہ کہاں کا انصاف ہے کہ ملزم حکومت کوتفتیش کے لئے جے آئی ٹی بنانے کا اختیارحاصل ہو، سانحہ ماڈل ٹاﺅن کے شہیدوں کے خون سے کوئی شخص غداری نہیں کرسکتا اور ان پر نہ کوئی دیت ہوئی ہے اور نہ ہوسکتی ہے۔

ان کا کہنا تھا کہ کروڑوں لوگ انقلاب کے دھرنے کا حصہ بننا چاہتے تھے اس لئے ملک بھر میں دھرنے کو پھیلانے کا اعلان کیا ہے۔

اسلام آباد: طاہرالقادری نے دھرنا ختم کرنے کا اعلان کرتے ہوئے کہا کہ دھرنا اب پورے ملک میں ہوگا۔

اسلام آباد میں انقلاب مارچ کے شرکاء سے خطاب میں پاکستان عوامی تحریک کے سربراہ ڈاکٹر علامہ طاہرالقادری کا کہنا تھا کہ اسلام آباد میں انقلاب کا مقصد حاصل ہو گیا ہے، ہم اگلے مرحلے میں داخل ہو گئے ہیں، دھرنا انقلاب کے سفر میں بدل گیا ہے اور اب ڈی چوک میں جاری انقلاب مارچ کا دھرنا ختم کر کے اس دھرنے کوپور ے ملک میں منتقل کر رہا ہوں، دھرنوں کا سلسلہ پورے ملک میں جاری ہو گا، لوگ اپنا سامان سمیٹنا شروع کر دیں اور اب ہر شہر میں دودن دھرنا دیں گے

ڈاکٹر طاہر القادری کا کہنا تھا کہ شہیدوں کا بدلہ قانون کے ذریعہ قصاص ہوگا، نہ کوئی ڈیل ہوئی ہے اور نہ ہوئی تھی، ہم نے کبھی بات چیت سے انکار نہیں کیا مگر 14 شہیدوں کا خون نہیں بیچیں گے۔

انہوں نے کہا کہ  ہم اگلے مرحلے میں شہر شہر دودو دن کے دھرنے دیں گے، شرکاءاپنا سامان تیار کر لیں اب ہم پور ے ملک میں انقلاب کا سفر طے کریں گے، شرکاءانقلاب کے قائد ہیں یہ گھروں کو جا کر پیغام پھیلا دیں، انقلاب مارچ کے شرکاءنے ایثار کی مثال قائم کر دی ہے، اب 14 دسمبر کو علامہ اقبال کے شہر سیالکوٹ اور 25دسمبر کو شہر قائد کراچی میں جائیں گے۔