Tag: PAT head Tahir ul qadri

اسلام آباد: ڈاکٹر طاہرالقادری نے حکومت کو دعوت دی ہے کہ دو چیزوں پر سزائے موت کا قانون بنایا جائے کہ کسی پارٹی نے غیرملکی ایجنسی یا ملکی ایجنسی سے پیسہ لیا ہوتواس کو سزائے موت دی جائے ۔

اسلام آباد میں جاری انقلابی دھرنے سے خطاب میں پاکستان عوامی تحریک کے سربراہ ڈاکٹرطاہرالقادری کا کہنا تھا کہ پارلیمنٹ کے جاری مشترکہ اجلاس پر 62لاکھ روپے روزانہ کا خرچہ ہو رہا ہے مگر اس مشترکہ اجلاس میں عوام کی بہتری اورآئین پرعمل درآمد کے سلسلے میں کوئی اقدامات نہیں کئے جا رہے، آئین کا آرٹیکل 38لوگوں کا معیار زندگی بلند کرنے کی گارنٹی دیتا ہے لیکن اس پارلیمنٹ نے اس پرعمل درآمد میں کوئی کردار ادا نہیں کیا، موجودہ اجلاس میں بھی جاری احتجاج کے باوجود اس ضمن میں کوئی اقدامات سامنے نہیں آئے۔

طاہرالقادری نے کہا کہ بیرون ملک سے فنڈنگ لینے اور کرپشن کرنیوالوں کیلئے سزائے موت کا قانون بنایا جائے، احتساب کیلئے سب سے پہلے خود کو پیش کرتا ہوں، کبھی شریعت کے نام پر مشرق یا مغرب سے پیسہ نہیں لیا، حکمرانوں میں جراٴت ہے تو فنڈنگ اور کرپشن پر قانون بنائیں۔34 سال میں میری جماعت نے ایک پیسہ بھی لیا ہو تو سزائے موت کیلئے تیار ہوں، کبھی شریعت یا سیاست کے نام پر پیسہ لیا ہو تو بھی پھانسی کیلئے تیار ہوں، ہمارے دھرنے سے قوم کو شعور ملا، آج ن لیگ کے کنونشن میں بھی ‘‘گونوازگو’’ کے نعرے لگے۔
.

اسلام آباد: طاہرالقادری نے کہا کہ پی ٹی وی کے حملے میں خود پی ٹی وی کے ملازمین شامل ہیں۔

اسلام آباد میں دھرنے کے شرکاء سے خطاب میں پاکستان عوامی تحریک کے سربراہ علامہ ڈاکٹر طاہر لقادری کا کہنا تھا کہ اطلاع ہے پی ٹی وی پر حملے کو جواز بنا کرآج رات حکومت پولیس کے ذریعے مظاہرین پر تشدد کی تیاری کر رہی ہے، اگر تشدد کیا گیا تو ہم دفاع کریں گے، میں خود لوگوں کی قیادت کروں گا اور حکومت کا حشرایسا عبرت ناک ہو گاکہ کسی کو آگے بڑھنے کی جرات نہیں ہو گی، اگر آج رات حملے کی کوشش کی گئی تو ’دمادم مست قلندر‘ہو گا۔

ان کا کہنا تھا کہ عوام جاگ گئی ہے، لوگوں نے ان حکمرانوں کے وی آئی پی کلچر کے خلاف بغاوت کر دی ہے، یہ شعور اس انقلاب مارچ نے دیا ہے، جھنگ کے ایک علاقے میں آج ایک سیلاب زدہ شخص نے وزیر اعلی پنجاب شہباز شریف کو جوتا دے مارا ہے ، کل سکھر میں وزیر اعلی سندھ کی آمد پر سڑک بند کر دی گئی، ممبران قومی اسمبلی کی گاڑیوں کے چالان ہو رہے ہیں،یہ اس انقلاب مارچ کی دی ہوئی بیداری ہے۔

طاہرالقادری نے دعویٰ کیا کہ پی ٹی وی پر حملے کے ملزمان کی جاری کی گئی تصاویر میں 6لوگ پی ٹی وی کے ملازم ہیں ان میں کینٹین کا ملازم ،اسی محکمے کے اپنے ملازمین اور انجینئرز بھی شامل ہیں، حکومت ان لوگوں کو ہمارے کارکن قرار دے کر لوگوں کو بے وقوف بنا رہی ہے، ہم نے ۶ افراد کی شناخت کر لی ہے اب حکومت حملہ آوروںکی شناخت کی اعلان کردہ رقم میں 6لاکھ انقلاب مارچ کو جمع کروا دے، اگر عام لوگ پی ٹی وی پر حملہ آور ہوتے تو سارا سامان توڑ دیتے15 منٹ بعد اس ادارے کی نشریات بحال نہ ہو جاتیں، ماروی میمن کی باتیں خاموشی سے سننے والے ہمارے کارکن نہیں تھے بلکہ مسلم لیگ ن کے ملازم تھے۔

انہوں نے کہا کہ ریمنڈ بیکر نے اپنی کتا ب میں تحریر کیا کہ موٹر وے کی تعمیر کے دوران میاں نواز شریف نے 6ارب روپے کی کمیشن لی، گندم کی درآمد میں بھی اتنی ہی رقم کمائی گئی اور بڑی بڑی رقوم غیر قانونی طور پر بیرون ملک منتقل کی گئی۔

اسلام آباد:  ڈاکٹر طاہرالقادری نے شریف برادران کو انقلاب مارچ میں شرکت کی دعوت دیتے ہوئے کہا کہ انشااللہ انقلاب بہت قریب ہے اوربہت جلد حکمرانوں کےاقتدارکاخاتمہ ہونےوالاہے۔

ڈاکٹر طاہرالقادری نے انقلابی دھرنے سے خطاب کرتے ہوئے کہا کہ اللہ کی لاٹھی بے آواز ہے حکمرانوں کو ظلم کا حساب دینا ہوگا، انقلاب لوگوں کےذہنوں اورسوچوں میں آچکا ہے، انقلاب بہت قریب ہے، حکمرانوں کے اقتدار کا خاتمہ ہونے والا ہے۔

ڈاکٹرطاہرالقادری نےشریف برادران کوبھی انقلاب مارچ میں شرکت کی دعوت دیتے ہوئے کہا کہ نواز شریف استعفیٰ دےکرانقلاب مارچ میں آجائیں اورموجودہ نظام کیخلاف جہاد کریں، ڈاکٹر طاہرالقادری کا مزید کہنا تھا کہ انقلاب مارچ میں ظلم کیخلاف آواز بلند ہورہی ہے، انقلاب مارچ نے مایوس دلوں میں امیدوں کے چراغ جلا دیے ہیں۔

اسلام آباد : ڈاکٹرطاہرالقادری کا کہنا ہے کہ حکمرانوں کے خلاف قتل کا مقدمہ درج ہونے کا مطلب ہے کہ انقلاب مارچ پچاس فیصد کامیاب ہوگیا ہے۔

وفاقی دارالحکومت میں انقلاب مارچ کے شرکاء سے خطاب کرتے ہوئےڈاکٹر طاہرالقادری نے کہا ہے کہ اس تمام عرصے میں پارلیمنٹ میں ہونے والی تقاریر میں اپوزیشن کے تمام لیڈران نے حکومت پر سخت ترین تنقید کی ہے کیونکہ وہ بھی جان چکے ہیں کہ حکومت کی رٹ ختم ہوچکی ہے۔

انہوں نے یہ بھی کہا کہ اپوزیشن نے پمارے دھرنوں کی حمایت نہیں کی لیکن ہرلیڈرنے ہمارے مؤقف کی حمایت کی اور ہمارے مطالبات کو جائزقراردیا ہے۔

انہوں نے کہا کہ وزیر اعظم کو احتجاج میں بیٹھے یہ افراد چند ہزار لگتے ہیں لیکن یہ دھرنا دینے والے کروڑوں افراد کی آواز ہیں اور ان کے حقوق کی جنگ لڑ رہے ہیں۔

انہوں نے ساؤتھ کوریا کے وزیر اعظم کے استعفے کا حوالہ دیتے ہوئے کہا کہ اگر وہ کشتی ڈوبنے سے تین سو افراد کی موت پر استعفیٰ دے سکتا ہے تو وزیراعظم نواز شریف کیوں نہیں دیتے، وہاں بھی چند ہزارافراد نے حکومت پرتنقید کی تھی۔

انہوں نے یوکرائن اورلیبیا کے سربراہانِ مملکت کے استعفوں کا ذکر بھی کیا کہ کس طرح ان ممالک کے سربراہان نے اخلاقی حمایت ختم ہونے پر استعفیٰ دیا، اسی طرح نواز شریف بھی استعفیٰ دیں۔

انہوں نے یوکرائن کے ہی ایک واقعے کا ذکر کیا کہ جہاں عوام نے ممبر پارلیمنٹ کو کچرے دان میں پھینک دیا اورساتھ ہی ساتھ حکمرانوں کو تنبیہہ کی کہ اگر وہ استعفیٰ نہیں دیں گے توعوام انہیں اٹھا کرپھینک دیں گی۔

طاہرالقادری نے وزیراعظم کے کروڑوں افراد کانمائندہ ہونے کے دعوے پر بھی تنقید کی کہ ان کے خلاف تودھاندلی کے واضح ثبوت موجود ہیں۔

انہوں نے یہ بھی کہا کہ عراق ، ویتنام ، بنگلہ دیش اور گھانا جیسے ممالک بھی اقوامِ متحدہ کی ’میڈیم ہیومن ڈیولپمنٹ‘ میں آتے ہیں لیکن پاکستان ان لوگوں کی کرپشن کے باعث ’لوئرمیڈٰیم ڈیولپمنٹ‘ کی فہرست میں آتا ہے جس میں نمیبیا اورصومالیہ جیسے ممالک ہیں۔

بھارت میں دوہزاراڑسٹھ افراد کونااہل قرار دے کر اسمبلیوں سے باہرنکال دیا گیا اوریہاں ایک شخص کو بھی نہیں نکالاجاستکا۔

عوامی تحریک کے سربراہ نے کہا کہ عوام کی بنیادی سہولیاتِ زندگی سی محرومی کی صرف دوبنیادی وجوہات ہیں ایک حکمرانوں کی کرپشن اورایک انکی نااہلیت۔ یہی وجہ ہے کہ ایک مہینہ چار دن سے بیٹھے احتجاج کرتے ہوئے لوگ نواز شریف کو نظر نہیں آرہے ہیں۔

انہوں نے اولڈ ایج بینفٹ میں ہونے والی چالیس ارب روپے کی کرپشن کا حوالہ دیتے ہوئے کہا کہ یہ غریب بزرگوں کاحق مارا ہے، بڑھاپے کا سہارا چھینا ہے ان سب کی بد دعائیں لگیں گی۔

 انہوں نے دعویٰ کیا کہ اگر نواز شریف واقعی کروڑوں لوگوں کے نمائندے ہیں تو جتنی عوام ہم اسلام آباد میں لے کر بیٹھے ہیں وہ اتنی ہی عوام لے کر صرف ساتھ دن کہیں بیٹھ جائیں تو دھرنا ختم کردیا جائے گا۔

اسلام آباد: ڈاکٹر طاہرالقادری کا کہنا ہے کہ کروڑوں افراد کا سوچنے کا نظریہ بدل رہا ہے، قوم میں اپنے اوپر ہونے والے مظالم کے خلاف بولنے کا حوصلہ آگیا ہے۔

وفاقی دارالحکومت میں انقلاب مارچ کے شرکاء سے خطاب کرتے ہوئے بتایا کہ ڈینگی ڈے ک واک میں سرکاری اسکول کے بچوں نے ’گونوازگو‘ کے نعرے لگائے، یہ حوصلہ دھرنے میں بیٹھے ہوئے لوگوں کی وجہ سے عام ہورہا ہے، اب حکمرانوں کو سوتے میں بھی یہی آوازیں آئیں گی۔

ان کا کہنا تھا کہ انقلاب اس سرزمین کا مقدر بن چکا ہے حکمرانوں کو گھر بھیج کر ہی گھرجائیں گے، گو نواز گو اب اس قوم کا ترانہ بن چکا ہے۔

انہوں نے کہا کہ موجودہ حکمران اختیارات اور وسائل پر پنجے گاڑکر بیٹھے ہیں اوراپنے خاندان والوں کے علاوہ کسی کو اس اختیار تک رسائی نہیں دیتے جبکہ انقلاب کے بعد اقتدارواختیاراس ملک کے چھوٹے چھوٹے قصبوں تک پہنچےگا۔

انہوں نے نیوزی لینڈ، کروشیااورجاپان سمیت دنیا کے کئی ممالک میں کی جانے والی اصلاحات کا تذکرہ کیا کہ کس طرح مقامی حکومتوں کاجال بچھا کرترقی کا سفرکیا گیا ہے۔

ان کا کہنا تھا کہ ہمیں کہا جاتا ہے کہ پارلیمنٹ کے ذریعے حکومتی ڈھانچے کو بدلا جائے، پارلیمنٹ نے 65 سالوں میں اقتدار کی نچلی سطح پرمنتقل کرنے کے لئے کوئی قدم نہیں اٹھایا اسی لئے ہم انقلاب کے ذریعے تبدیلی لانا چاہتے ہیں۔

انہوں نے کہا کہ نئے صوبے اور یونین کونسلیں ملک کی فوری ضرورت ہے اور انقلاب کے بعد دیہی علاقوں میں پانچ سو افراد پرمشتمل ایک یونٹ ہوگا، دس یونٹ مل کرایک رورل کونسل بنائیں گے، دس رورل کونسل مل کر رورل تحصیل کونسل بنائیں گے یعنی ہر پچاس ہزار افراد کے لئے ایک منتخب حکومت ہوگی جس کے ہردو سال بعد الیکشن ہونگے۔

شہری علاقوں میں ہزارافراد کا یونٹ ہوگا اور دس یونٹ مل کر وارڈ بنائیں گے اور دس وارڈ مل کر ایک اربن کونسل بنائیں گے یعنی ہر ایک لاکھ افراد کی اپنی حکومت ہوگی اور عوام کے مسائل کا حل محلوں میں ہوگا اور اسکے بھی ہر دو سال بعد الیکشن ہونگے۔

انہوں نے یہ بھی کہا کہ یہ ہوائی باتیں نہیں بلکہ فرانس اور برطانیہ میں یہ خاکہ اعداد کے فرق سے کامیاب ہوچکا ہے، چھوٹے مسائل کے حل کے لئے علاقوں کی سطح پر انصاف کمیٹیاں بنائی جائیں گی جن میں پانچ سے سات افراد کی جیوری ہوگی جو پڑھے لکھے اور نیک نام لوگوں پر مشتمل ہوگی یعنی معمولی نوعیت کے مسائل عدالت جائے بغیرحل ہوجائیں گے۔

انہوں نے ترکی کی مثال دیتے ہوئے کہا کہ وہاں کی آبادی ساڑھے ساٹھ کروڑ افراد پر مشتمل ہے اور وہاں اکیاسی صوبے ہیں تو ہمارے ہاں سارے وسائل چار لوگوں کے ہاتھ میں کیوں ہیں؟۔

انہوں نے یہ بھی کہا کہ حکمرانوں اور میری سوچ میں یہی فرق ہے، حکمران وہاں سے ٹھیکیدارلاتے ہیں جبکہ میں وہاں کا نظام لانا چاہتا ہوں۔

ڈاکٹرطاہرالقادری نے کہا کہ دنیا کہ حکمران عوام کے معیار کے مطابق زندگی گزارتے ہیں یہاں عوام بھوکے مر رہے ہیں اور حکمران مغل بادشاہوں کی سی زندگی گزار رہے ہیں۔

اسلام آباد: طاہرالقادری کا کہنا ہے کہ وزیراعظم نواز شریف سیلاب زدہ علاقوں میں اپنے ہی کارکنوں سے ملاقات کرکے واپس آگئے ہیں، پارلیمنٹ کا جنازہ معصوم بچوں نے اپنے کاندھے پراٹھایا ہے ۔

اسلام آباد میں دھرنے کے شرکاء سے خطاب کرتے ہوئے  پاکستان عوامی تحریک کے سربراہ ڈاکٹرطاہرالقادری کا کہنا تھا کہ موجودہ نظام سے پارلیمنٹ میں بیٹھے لوگوں کو تو سب کچھ ملتا رہا ہے کیونکہ اس نظام میں مراعات یافتہ طبقے کے لئے سارے وسائل موجود ہیں، اس نظام کے تحت غریب کو کوحق نہیں کہ وہ زندہ رہیں، زندگی ہی ان کا سب سے بڑا جرم ہے، پارلیمنٹ گونگی اور بہری ہوچکی ہے۔

ان کا کہنا تھا کہ انقلاب کی جدوجہد حکمرانوں کی کرپشن کوبے نقاب کررہی ہے، ملک میں ہرطرف ’’گو نواز گو ‘‘کی مہم شروع ہوگئی ہے،  نام نہاد وزیراعظم کے دن تھوڑے رہ گئے، مچھر سونے نہ دیں، مکھیاں تنگ کریں، بجلی اور گیس نہ آئے یا پھرعلاج کی سہولت دستیاب نہ ہوتوبولوگونوازگو، مکھیاں تنگ کریں توبولوگونوازگو، مچھرسونے نہ دیں تو لوگ گو نواز گوکا نعرہ لگائیں۔

طاہرالقادری کا کہنا تھا کہ نام نہاد وزیراعظم کے دن تھوڑے رہ گئے ہیں، پارلیمنٹ گونگی اور بہری ہوچکی ہے، نوے کی دہائی میں دس ارب سے زائد کی رقم لوٹی گئی، کسی بزنس پر پاکستان میں حکمرانوں کا ذاتی پیسہ نہیں لگا، سب کرپشن کا پیسہ ہے، ہرکوئی اپنا پیسہ ملک سے نکال کر باہرلے گیا۔

انہوں نے کہا کہ یہ قوم اوربنکوں کے پیسے سے بزنس کرتے ہیں، جس کو حکمران جمہوریت کا نام دیتے ہیں وہ کرپشن ہے، حکمرانوں کا اقتدار کاروبار کیلئے ہے، اقتدار کی کرسی حکمرانوں نے لوٹ مار کے لئے رکھی ہوئی ہے، جمہوریت لوٹ مار بن گئی ہے، حکمران اس نظام کی پیداوار ہیں اور اسی کی حفاظت کرنے والے ہیں۔

اسلام آباد:  ڈاکٹرطاہرالقادری نے کہا ہے کہ قوم جمہوریت کے ثمرات سے محروم ہے ۔

اسلام آباد میں انقلابی دھرنے کے شرکاء سے یوم جمہوریت کے موقع پرخصوصی خطاب میں پاکستان عوامی تحریک کے سربراہ ڈاکٹر علامہ طاہرالقادری کا کہنا تھا کہ جمہوریت کا وجود انتخابات سے پہلے کا ہے، جمہوریت صرف انتخابات نہیں اور بہت کچھ ہے، جمہوریت کا مقصد غریب اور امیر میں فرق ختم کرنا ہے، جمہوریت کا نام جعلی ووٹ لے کراسمبلی میں پہنچنا نہیں ہے ۔

ان کا کہنا تھا کہ جمہوریت کی بنیاد عدل وانصاف پر مبنی ہوتی ہے،جمہویت کا نام اقتدار کا نچلی سطح تک پہنچنا ہے،حقیقی جمہوریت کے لئے نظام کو بدلنا ہوگا، ناانصافی کو ختم کرنا ہوگا،معاشرے میں انسانی حقوق کی فراہمی جمہوریت ہے

طاہرالقادری نے کہا کہ انقلاب کے بعد ہر بے گھر کو گھر دیں گے،عوام کو ان کے تمام بنیادی حقوق گھر کی دہلیز پر مہیا کئے جائیں گے، بے روز گاروں کو پیسے دیئے جائیں گے، ضرورت مندوں کو25 سال کی آسان قسط پر قرضے دیں گے ۔

علامہ طاہرالقادری نےکہاہےکہ وہ عوامی مفادکی خاطرکرنسی نوٹوں پرگونوازگولکھنےکی مہم سےدستبراردارہوتےہیں۔

انہوں نے کہا کہ انقلاب کے بعد کرپشن کرنے والوں کے ہاتھ توڑے جائیں گے، میٹرک تک ہر جگہ تعلیم مفت کی جائے گی، معاشرے میں حقوق کی مساوی تقسیم کی جائے گی، تحریک طالبان کا جنگ بندی کا اعلان خوش آئند ہے، انقلابی پالیسی سے دہشتگردی کا خاتمہ کریں گے۔

اسلام آباد:  ڈاکٹرطاہرالقادری نے کہا ہے کہ نواز شریف نے آئی بی کو انقلاب مارچ کو روکنے کے لئے پونے تین ارب روپے دیئے۔

اسلام آباد میں انقلابی دھرنے کے شرکاء سے خطاب میں پاکستان عوامی تحریک کے سربراہ ڈاکٹر علامہ طاہرالقادری کا کہنا تھا کہ ملک میں اتنی بربرریت ہے کہ غریب زندہ نہیں رہ سکتا ،بد قسمتی کی انتہا ہے کہ ملک میں آئینی تحفظ حاصل نہیں ہے، 11 ستسمبر کو فیصل آباد سے لڑکی کو اغواء کیا گیا، ن لیگ کے ایم این اے بیٹوں نے متاثرہ لڑکی کو فیصل آباد سے اغوا کرکے اجتماعی زیادتی کا نشانہ بنایا،انہوں نے متاثرہ لڑکی کا میڈیکل ٹیسٹ بھی کروانے نہیں دیا، ھمکی دے کر ایف آئی آر واپس لے لی گئی ، لڑکی سے زیادتی کی ایف آئی آر میرے پاس ہے، ن لیگ کے درندوں کے نام کے بجائے ایف آئی آر میں نامعلوم لکھا گیا۔

ان کا کہنا تھا کہ ملک میں رہنے والے غریب غیر محفوظ ہیں ، ملک میں قانون اور جمہوریت کو بھی بھوک ہرتال کرنی چاہیٗے، کیا ملک میں بیٹیوں کی عزت اسی طرح لٹتی رہیں گی، کہاں ہے پارلیمنٹ اور کہاں ہے آئین، ہم ایسا نظام چاہتے ہیں جہاں غریب اور امیر کے لئے یکساں قانون ہو ، یہ دھرنا صرف سانحہ ماڈل ٹاون کے لئے نہیں ہے پورے ملک کے لئے ہے۔

طاہرالقادری نے کہا کہ حکومت اور ظلم وجبر کے خاتمہ تک احتجاج جاری رہنا چاہیئے،آئین کو پامال کیا جارہا ہے،ایک عرصے سے ملک میں باریاں لگی ہوئی ہیں،کرپٹ حکمران کو اسمبلی میں جانے سے روکنے کا نظام چاہتے ہیں ،ہم امانت دیانت اور شفافیت کا نظام چاہتے ہیں۔

انہوں نے کہا کہ حکمران اپنی مل بچانے کے غریبوں کو ڈبو رہے ہیں، شریف فیملی کے شوگر مل بچانے کے لئے بند توڑ کر ہزاروں افراد کو متاثر کیا گیا،سیلاب آنے کے بند کی مرمت ہو رہی ہے، جو کام 4 سال پہلے ہونا تھا وہ اب کیوں ہورہا ہے، نواز فیملی کے دو شوگر مل کے لئے چناب پر بند بنایا گیا

ان کا کہنا تھا کہ پولیس والے ہماری گاڑیوں کے پیڑول اور ڈیزل بھی لے گئی، پولیس والے 20،20 گھنٹے کی ڈیوٹی کرتے ہیں، ان سے ظلم و بر بریت کا کام لیا جارہا ہے ۔

طاہرالقادری کا کہنا تھا کہ نواز شریف نے آئی بی کو انقلاب مارچ سے دو دن قبل مارچ کو روکنے کے لئے پونے تین ارب روپے دیئے، آئی بی کا سالانہ بجٹ 100 کڑور کے اندر اور دھرنوں کے لئے اربوں روپے کیوں دیئے گئے،ایک سال کا بجٹ 42 دن میں ختم کردیاگیا، شریف برادران نہ حکومت نہ اپوزیشن میں بیٹھنے قابل ہیں، افسوس اپوزیشن حکومت بچانے کے لئے ن لیگ کے ساتھ کھڑی ہے ۔

انہوں نے کرنسی نوٹ پر گو نواز گو مہم شروع کرنے کا اعلان کردیا، کارکنوں کو ہدایت کی ہے کہ خریداری کے وقت کرنسی نوٹوں پر گو نواز گو لکھیں

اسلام آباد:  ڈاکٹرطاہرالقادری نے کہا ہے کہ ہم نے حکومتی ٹیم سے مذاکرات معطل کردیئے ہیں، اراکین پارلیمنٹ گونگے بہرے اوراندھے ہیں۔

اسلام آباد میں انقلابی دھرنے کے شرکاء سے خطاب میں پاکستان عوامی تحریک کے سربراہ ڈاکٹر علامہ طاہرالقادری کا کہنا تھا کہ پنجاب حکومت نے ہمارے خلاف کریک ڈاون شروع کردیا ہے،گھروں میں داخل ہو کر لوگوں کو گرفتار کیا جارہا ہے، لوگوں کے گھروں سے زیورات، سامان اورنقدی لوٹ لی گئی ہے، ہمارے کئی کارکنوں کو گرفتار کیا گیا ہے جبکہ حکومت نے ان کے  سیکورٹی گارڈز سمیت ایک مذاکرات کارکو بھی گرفتارکرلیا ہے۔

ان کا کہنا تھا کہ پاکستان کی بقاء کے خلاف سازش ہورہی ہے، دھرنے میں آنے والے افراد کو گرفتار کیا جارہا ہے،کنٹینر لگا کرلوگوں کو روکا نہ جاتا تو لاکھوں لوگ یہاں موجود ہوتے،ہم نے حکومتی ٹیم سے مذاکرات معظل کردیئے ہیں۔

طاہرالقادری نے کہا کہ ظالموں اس وقت سے بچو! جب خونی انقلاب آئے گا،انقلابی ریلا حکومت کی نسلیں بھی نہیں روک سکتیں، یہ عوام  بپھرےہوئے شیر ہیں اورمیرے کہنے پر خاموش ہیں، ان بپھرے ہوئے شیروں کا ضبط ختم ہوگیا تو وہ تمہاری بوٹیاں کھا جائیں گے۔

انہوں نے کہا کہ سیلاب کے ذمہ دار شریف برادران ہیں،جنہوں نے اس سے نمٹنے کے انتظامات نہیں کئے تھے، اب لوگوں کے گھراجڑ گئے ہیں اوروہاں ڈاکے ڈالے جا رہے ہیں، وزیراعظم جہاں جائیں گو نواز گو کے نعرے لگائیں جائیں،وزیراعظم کے گھر کے لوگ پاکستان کے فیصلے کرتے ہیں، یہ ملک اٹھارہ کروڑ عوام کا ہے شریف خاندان کا نہیں ہے۔

طاہرالقادری کا کہنا تھا کہ تمام جماعتیں کہتی ہیں کہ الیکشن میں دھاندلی ہوئی ہے ،الیکشن کمیشن ٖخود غیر آئینی اورغیر قانونی ہے اوراس کے تحت ہونے والا الیکشن بھی غیر قانونی تھا،اراکین پارلیمنٹ گونگے بہرے اوراندھے ہیں،اگر یہ حکمران رہے تو ریاست اورملک نہیں بچے گا۔

ان کا کہنا تھا کہ میرے جاسوس حکومت کی ہر میٹنگ میں ہوتے ہیں، جو وزراء کہتے ہیں  پیسے دے کریہ لوگ لائے گئے ہیں وہ وزراء میرے پاس آئیں میں ضمانت دیتا ہوں، تم پر حملہ نہیں ہوگا ، ایک نعرہ تمھارے خلاف نہیں لگے گا ، عزت سے تمھارا استقبال کریں گے، یہاں آئیں اور پوچھیں ان لوگوں سے کہ کیا یہ لوگ پیسے لے کر آئیں ہیں؟ وزراء سے شرکاء کی ملاقات کے بعد اگرکارکنان نے کہا تو دھرنا ختم کردوں گا۔