لاہور: پاکستان عوامی تحریک نے تجویز دی ہے کہ پولیس اہلکاروں کو فوج سے تربیت دلائی جائے جبکہ پراسیکیوشن نظام کوسیاسی اثر سے پاک اور مؤثر بنایا جائے۔
پاکستان عوامی تحریک کے مرکزی صدر ڈاکٹر رحیق عباسی کی زیرِ صدارت اجلاس میں صوبائی حکومتوں سے کہا گیا ہے کہ پولیس میں بھرتی اور تربیت کا نظام فوج کے سپرد کیا جائے، لیپ ٹاپ، آشیانہ اور پیلی ٹیکسی جیسی سیاسی اسکیموں کا بجٹ سکیورٹی مقاصد پر خرچ کیا جائے۔
انھوں نے کہا کہ پولیس میں اراکین اسمبلی کی سفارشات پر تقرر و تبادلہ کا سلسلہ فی الفور بند کردیا جائے، پراسیکیوشن کا نظام مؤثر بنانے کیلئے قابل وکلاءاور ریٹائرڈ ججز کی خدمات حاصل کی جائیں۔
انکا کہنا تھا کہ فوری بلدیاتی انتخابات کروا کر یونین کونسل کی سطح پر امن کمیٹیاں تشکیل دی جائیں۔
