اسلام آباد:پاکستان عوامی تحریک کے قائد ڈاکٹر طاہر القادری کی طبیعت ناساز ہو گئی، جس کےباعث جلسہ سےان کےخطاب میں کچھ تا خیر ہوسکتی ہے۔
ڈاکٹر طاہرالقادری کےگلےمیں خراش ہونے کی بنا پاکستان عوامی تحریک کا جلسہ شروع ہو نے میں تاخیرہوگی،عوامی تحریک کےشرکا زیرو پوائنٹ پرجمع ہیں،طبیعت کی بحالی اورطاہ القادری کی طرف سےاگلی ہدایت پرعوامی تحریک کےکارکن خیا بان سہر وردی میں موجود جلسہ گاہ پہنچیں گے۔
اسلام آباد: پاکستان عوامی تحریک اورانتظامیہ کے درمیان دھرنے کے مقام پر معاملات طے پاگئے
پی اے ٹی کے رہنما شیخ زاہد فیاض کےمطابق اسلام آباد کی انتظامیہ اور پی اے ٹی میں دھرنے کے مقام پر معاملات طے پاگئے ہیں ۔ پاکستان عوامی تحریک کو خیابان سہروردی پر دھرنے کی اجازت مل گئی، خیابان سہروردی اور آب پارہ چوک قریب قریب ہیں، شیخ زاہد فیاض کا کہنا ہے دونوں دھرنے ایک ہی جگہ ہوں گے، جبکہ گاڑیوں کی پارکنگ سیونتھ ایونیومیں کی جائے گی ۔
جہلم: پاکستان عوامی تحریک کے سربراہ ڈاکٹرطاہر القادری نے کہا ہے کہ عوامی تحریک کے کارکنان پر امن ہیں ،اور ہم اسی پر امن مارچ کی بدولت انقلاب مارچ کے مقاصد حاصل کرینگے،ان خیالات کا اظہا ر انہوں نے جہلم پہنچنے پر پریس کانفرنس کرتے ہوئے کیا، انہوں نے کہا کہ ہمارا انقلاب مارچ پر امن تھا پر امن ہے اور رہیگا۔،
انہوں نے کہا کہ یہ انقلاب 18 کروڑ عوام کے لئے ہے جو اپنی بنیادی ضروریا ت سے محروم ہیں،ہم اس ظلم کو امن کی قوت سے ختم کریں گے۔انقلاب مارچ حکومت کو گھٹنے ٹیکنے پر مجبور کردے گا اوروہ وقت دور نہیں جب عوام کو انصاف ملے گا،کرپشن کا خاتمہ ہوگا اور اقتدار نچلی سطح تک منتقل ہوگا۔
ایک سوال کے جواب میں ڈاکٹر طاہر القادری نے کہا کہ ہم مارشل لاء کی شدید مخالفت کرتے ہیں اورہم کسی بھی صورت میں مارشل لاء کے حامی نہیں۔انہوں نے کہا کہ کیا حکمران اقتدار میں رہنے کے قابل ہیں؟ ان کا کہنا تھا کہ اس وقت انقلاب مارچ کے شرکاء کی تعداد چھ لاکھ کے قریب ہے اور اسلام آباد پہنچنے تک یہ تعداد دس لاکھ تک ہو جائیگی۔
گجرانوالہ:ڈاکٹرطاہرالقادری نےکہاہےکہ ان کےقافلےپرحملےکا خطرہ ہے لیکن اس کے باوجود انقلاب مارچ رکےگانہیں بلکہ اپنی منزل پر پہنچ کردم لےگا۔
انقلاب مارچ کےگجرانوالہ پہنچنے پرڈاکٹرطاہرالقادری نے اے آر وائی نیوز سے خصوصی گفتگو میں کہا کہ انقلاب مارچ سےخوفزدہ ہوکرمسلم لیگ ن نے کئی گلو بٹ کرائے پرلےلئےہیں جوقافلے پرحملہ کرسکتے ہیں۔
ڈاکٹر طاہرالقادری نےکارکنوں کو ہدایات کی کہ وہ کسی بد نظمی کےدوران لڑائی میں نہ الجھیں۔
قافلے کےشرکاء غیرمسلح ہیں جبکہ انشار پھیلانے والے مسلح کاروائی کرسکتے ہیں، طاہرالقادری نے کہا کہ شدید حملے کی صورت میں وہ نئی حکمت عملی سے آگاہ کریں گے۔
طاہرالقادری کا مزید کا کہنا تھا کہ انقلاب مارچ کا روٹ پلان تبدیل کردیا گیا ہے قافلہ کسی شہر میں پڑاؤ ڈالے بغیر اڑتالیس گھنٹوں میں اسلام باد پہنچ جائے گا۔
لاہور: پاکستان عومی تحریک کے سربراہ ڈاکٹر طاہرالقادری نے اے آروائی نیوز سے خصوصی گفتگو کرتے ہوئے کہا ہے کہ ہماری گاڑیاں بجبر روک لی گئی ہیں نہیں معلوم ہم کتنے دن میں اسلام آباد پہنچیں گے۔
ان کا کہنا تھا کہ آج ہردیکھنے والا یہ کہہ رہا ہے کہ پاکستان کی تاریخ میں اتنا بڑا مارچ کبھی نہیں ہوا، سات گھنٹے میں عوام ماڈل ٹاؤن سےمال روڈ تک نہیں پہنچ پائے ہیں۔
انہوں نے کہا کہ پنجاب حکومت نے ہماری بکنگ والی بسوں کوروک رکھا ہے اڈے بند سیل کردئے ہیں اور پیٹرول پمپ بھی بند کرادئے ہیں کہ ہم اسلام آؓباد نہ پہنچ پائیں۔
انہوں نے ایک سوال کے جواب میں کہا کہ پی ٹی آئی کے ساتھ اکھٹے نکلنا ایک آئیڈیل صورتحال تھی لیکن ہر پارٹی کا اپنا طریقہ کار ہے اور اپنے مقاصد ہیں وہ نکل چکے ہیں اور ہم بھی جارہے ہیں۔
ڈاکٹر طاہر القادری نے کہا ہمارے لوگ پچھلے بارہ دن سے محصور تھے اور آج آپنے دیکھا کہ کس طرح لوگوں نے کنٹینر اٹھا کر پھینک دئے اورہمارے ساتھ آکر شامل ہوئے ہیں اور یہ ایک تاریخ سازمارچ ہے۔
سوال پوچھا گیا کہ وہ کب تک اسلام آباد میں بیٹھے گے تو ان کا کہنا تھا کہ حکومت کی برطرفی ہمارے انقلاب کا ایک چھوٹا سا حصہ ہے اور ہم اس کے بغیر واپس نہیں پلٹیں گے۔
ان کا مزیدکہناتھا کہ ہماری ٹرانسپورٹ روک لی گئی ہے جس کے باعث ہمارے لوگ پیدل جارہے ہیں یہ پنجاب حکومت کی جانب سےظلم کی انتہا ہے، ہمیں نہیں معلوم کہ ہم کتنے دن میں اسلام آباد پہنچیں گے اور اس پیدل مارچ کے ہمارے لوگوں کی زندگیوں پر کیا اثرات ہونگے۔
لاہور میں منہاج القرآن سیکریٹریٹ میں پاکستان عوامی تحریک کے کارکنوں کا انقلاب مارچ کے لئے جوش و خروش بڑھتا جا رہا ہے۔ پاکستان عوامی تحریک کی خواتین کارکنوں نے آٹھ دن ہمت کا مظاہرہ کر کے مثال قائم کردی ہے۔ انقلاب زندہ باد کے نعروں کے ساتھ پاکستان عوامی تحریک کی خواتین کارکن انقلاب مارچ کی تیاری کر رہی ہیں۔
ہر طرح کی رکاوٹیں عبور کرنے کا عزم ہے اور انقلاب تو لانا ہی ہے۔ ساٹس آٹھ دن منہاج القرآن سیکریٹیریٹ کے باہر گزارے ، سخت گرمی، شدید بارش اور پولیس کی شیلنگ اور ہر طرح کی مصیبت کا سامناکیا۔ لیکن ہمت نہیں ٹوٹنے دی۔ ساٹس پاکستان عوامی تحریک کی کارکن خواتین کا جذبہ مردوں سے بھی بڑھ کر ہے جو ہر حال میں اسلام آباد جانے اور انقلاب کے نعرے کو حقیقت میں بدلنے کو تیار ہیں
ملتان:تحریک انصاف کے صدرمخدوم جاوید ہاشمی نےکہا ہےکہ جمہوریت ان کا ایمان ہے، کسی غی جمہوری عمل کاحصہ نہیں بن سکتے، آزادی مارچ میں شرکت کرنےیا نہ کرنے کےبارےمیں شام کوبات کریں گے۔
تحریک انصاف کے رہنما جاوید ہا شمی ملتان میں اپنی رہائشگاہ پہنچ گئے،میڈیا سےبات کرتےہوئےجاوید ہاشمی کا کہنا تھا کہ آزادی مارچ میں شرکت کرنےیا نہ کرنےکے بارے میں شام کو بتائیں گے،مستقبل کےلائحہ عمل کے بارےمیں آج شام کوبتاؤں گا،ان کا کہنا تھا کہ وہ تحریک انصاف میں ہی ہیں،ان کے پارٹی میں کسی سے کو ئی اختلافا ت نہیں،جمہوریت ایمان کا حصہ ہے،ساتھ سال جمہوریت کیلئے قید کا ٹی۔
ان کا کہنا تھا کہ وہ سیاست میں مشکل محسوس کرنے پراپنے حلقے میں آجاتے ہیں اور کسی نتیجےپرپہنچنےکیلئےاپنےحلقےکےلوگوں سےمشاورت کر تے ہیں،جاوید ہاشمی نے کہاکہ ان کا ابھی تک پارٹی رہنماوں سےکو ئی رابطہ نہیں ہوا،کسی غیرجمہوری عمل کا حصہ نہیں بن سکتے،ساتھیوں سےمشاورت کےبعدآئندہ کے لائحہ عمل کااعلان کریں گے۔
لاہور:تحریک انصاف کےصدرمخدوم جاوید ہاشمی آزادی مارچ سےالگ ہوکرملتان چلے گئے ہیں،شیریں مزاری کہتی ہیں جاوید ہاشمی مارچ سےعلیحدہ نہیں ہوئے اعجازچودھری کہتے ہیں جاویدہاشمی خودافواہوں کی تردیدکرینگے
تحریک انصاف کےصدرجاوید ہاشمی لانگ مارچ کے حوالے سےتحفظات پر پارٹی چئیرمین عمران خان اورشاہ محمود قریشی سے اختلافات کے بعد قیادت سے ناراض ہوکر ملتان واپس چلے گئے ہیں۔
تحریک انصاف کےصدر جاوید ہاشمی کی آزادی مارچ سےعلیحدگی کی اطلاعات کے بعد ترجمان تحریک انصاف شیریں مزاری نےجاویدہاشمی کےآزادی مارچ سےمتعلق اطلاعات کو بےبنیاد قرار دیا ہے۔
آزادی مارچ پر پوری قیادت متفق ہے اور کوئی اختلاف موجود نہیں ہے، جبکہ تحریک انصاف پنجاب کےصدراعجازچودھری کا میڈیا سےگفتگومیں کہنا تھا کہ جاوید ہاشمی طبیعت ناسازہونےکی بنا پرآرام کررہے ہیں ،طبیعت ٹھیک ہونے پر خود میڈیا سے گفتگو کریں گےاورآزادی مارچ کی قیادت کریں گے۔
کراچی:متحدہ قومی موومنٹ کےقائد الطاف حسین نےوزیراعظم میاں نوازشریف اوروزیراعلیٰ پنجاب میاں شہباز شریف سے پرزورمطالبہ کیاہےکہ وہ لاہور کے مختلف علاقوں میں کھڑےکئےگئےکنٹینرز،ٹرالرزاوردیگررکاوٹوں کوہٹانےکےفوری احکامات جاری کریں۔
اپنے بیان میں الطاف حسین نے کہاکہ گزشتہ کئی روزسےلاہورشہرمیں پولیس وانتظامیہ نے جگہ جگہ رکاوٹیں کھڑی کردی ہیں جس سےروزگار،کاروباراورملازمت پرجانے والے افرادکو شدید مشکلات کاسامناہے۔
ان رکاوٹوں سے سب سے زیادہ متاثر یومیہ اجرت پر کام کرنے والے وہ غریب مزدور اورمحنت کش ہیں جو ہرروزمحنت کرکے اپنے اہل خانہ کاپیٹ پالتے ہیں،اس کے ساتھ ساتھ شاہراہیں دن بندہونےسےمریضوں کواسپتال لانے لیجانےمیں بھی شدید دشواریوںکاسامناہے۔
جناب الطاف حسین نے حقوق انسانی کی تمام تنظیموں،سول سوسائٹی کی تمام انجمنوں، وکلاء برادری اورمختلف شعبہ ہائے زندگی سےتعلق رکھنےوالےافرادسے بھی اپیل کی کہ و ہ حکومت کی جانب سےاٹھائے گئے ان ظالمانہ اورآمرانہ اقدامات کےخلاف اپنے ظرف و ضمیرکے مطابق آواز احتجاج بلندکریں۔
لاہور: علامہ طاہرا لقادری کہتے ہیں کارکنان نے کبھی صبر کا دامن ہاتھ سے نہیں چھوڑا منہاج القرآن سےناجائز اسلحہ مل جائے تو انقلاب مارچ کی کال واپس لےلوں گا۔
منہاج القر آن سیکریٹریٹ کے باہر میڈیا سے گفتگو میں ڈاکٹر طاہر القادری کا کہنا تھا کہ پاکستان عوامی تحریک کبھی بدامنی کاتصور نہیں کرسکتی، طاہر القادری نے الزامات لگانے والے حکومتی وُزرا،سیاسی جماعتوں اور انسانی حقوق کی تنظیموں کو دعوت دیتے ہوئے کہا کہ وہ ماڈل ٹاؤن آئیں کہیں سے نا جائز اسلحہ بر آمد ہوا تو انقلاب مارچ کی کال واپس لےلی جائے گی، طاہر القادری کا کہنا تھا کہ پولیس اپنے لوگوں کو مار کر جھوٹےمقدمات بنا رہی ہے، علامہ طاہر القادری نے کھانا پہنچانے اور میڈیکل کیمپ لگانے پر ایم کیو ایم کے قائد الطاف حسین کا شکریہ ادا کیا اور ایم کیو ایم کی جانب سے بھیجے گئے امدادی سامان کے روکے جانے کو قابل مذمت قرار دیا۔