Tag: PAT

لاہور: پاکستان عوامی تحریک نے وفاقی حکومت کی ایک سالہ کارکردگی پر حقائق نامہ جاری کردیا جس میں کہا گیا ہےکہ پانچ اہم قومی،عوامی اور آئینی ایشوزکے حل میں وفاقی حکومت نے دانستہ مجرمانہ رویہ اختیار کیا۔

پاکستان عوامی تحریک کے میڈیا سیل کی طرف سے جاری حقائق نامہ میںکہا گیا ہے کہ سانحہ پشاور کے بعد بھی وفاقی حکومت کوئی عملی قدم نہیں اٹھا سکی، اے پی سی میں جن امور پر اتفاق ہو گیا تھا وہ بھی بداعتمادی کا شکار ہوئے۔30 اکتوبر 2013 کو پھانسیوں کی سزا پر عمل درآمد روکنے کا صدارتی آرڈیننس غیر موثر ہونے کے باوجود ایک سال تک پھانسیاں نہ دے کر عدالتی احکامات کی خلاف ورزی کی ۔

 وزیر اعظم نے بیرونی ممالک کے 14دورے کئے مگر وفاقی کابینہ کے اجلاسوں میں صرف 4 بار شریک ہوئے، یہ بھی کہا گیا کہ پارلیمنٹ کا فلور افواج پاکستان کے خلاف استعمال کیا گیا اور حکومت قومی سلامتی کے ضامن ادارے آئی ایس آئی کے خلاف منفی مہم کا حصہ بنی۔

لاہور: پاکستان عوامی تحریک کےدس کارکنان کی درخواست ضمانت لاہور ہائیکورٹ نے مسترد کرتے ہوئے ٹرائل کورٹ سے رجوع کرنے کا حکم دیا ہے۔

ہائیکورٹ کے تین رکنی بنچ نے درخواست ضمانت کی سماعت کی۔ درخواست گزاروں عابد حسین، وقاص، عبدالرحمٰن اور سید اخلاق سمیت دس ملزمان نے مؤقف اختیار کیا کہ پولیس نے سیاسی بنیادوں پر مقدمہ قائم کیا۔

ان کا واقعات سے کوئی تعلق نہیں، اس لئے ضمانتیں منظور کی جائیں۔ عدالت نے دلائل مکمل ہونے پر درخواست مسترد کرتے ہوئے ٹرائل کورٹ سے رجوع کرنے کا حکم دیدیا۔

پاکستان عوامی تحریک کے کارکنوں کے خلاف بھیرہ میں دو پولیس اہلکاروں کو قتل اور توڑ پھوڑ کرنے کے الزام میں مقدمہ درج ہے۔