اسلام آباد : پاکستان میں مزید 44 کورونا کے مریض جاں بحق ہوگئے جس کے بعد اموات کی مجموعی تعداد 22 ہزار 152 ہوگئی، ملک بھر میں ایک ہزار52 نئے کیسز رپورٹ ہوئے ہیں۔
تفصیلات کے مطابق نیشنل کمانڈاینڈ آپریشن سینٹر کی جانب سے کورونا کیسز کےتازہ ترین اعداد وشمارجاری کردیئے گئے ہیں، جس میں بتایا گیا ہے کہ 24 گھنٹے میں مزید 44 کورونا کے مریض جاں بحق ہوئے جس کے بعد مجموعی اموات کی تعداد 22ہزار152 ہوگئی جبکہ ملک بھر میں کورونا کے 2ہزار29 کیسز تشویشناک نوعیت کے ہیں۔
ملک بھرمیں 24 گھنٹے کے دوران 45ہزار924 ٹیسٹ کئے گئے ، جس میں سے ایک ہزار52افراد میں کورونا وائرس کی تصدیق ہوئی، اب تک رپورٹ ہونے والے کیسز کی مجموعی تعداد 9 لاکھ52 ہزار 907 تک جا پہنچی۔
این سی او سی کا کہنا ہے کہ ملک میں 24گھنٹے میں کوروناوائرس کے ٹیسٹ مثبت آنےکی شرح 2.29 فیصد ہوگئی جبکہ کورونا کے 8لاکھ 97ہزار834 مریض صحت یاب ہوچکے ہیں۔
جاری اعداد و شمار کے مطابق سندھ میں 3 لاکھ34 ہزار 453، پنجاب میں 3 لاکھ 42 ہزار 498، خیبر پختونخوا میں ایک لاکھ 37ہزار 484، بلوچستان میں 26 ہزار 893 ، اسلام آباد میں 82 ہزار 502، آزاد کشمیر میں 20 ہزار 121 اور گلگت بلتستان میں 5 ہزار 908 افراد کورونا کا شکار ہوچکے ہیں۔
