پتوکی(31 اگست 2025): پولیس کا کہنا ہے کہ اسسٹنٹ کمشنر فرقان محمد خان واش روم میں مردہ حالت میں پائے گئے ہیں۔
پولیس رپورٹ کے مطابق اسسٹنٹ کمشنر فرقان محمد خان واش روم میں مردہ حالت میں پائے گئے ہیں، واش روم میں گرنے سے ان کے سر پر چوٹ آئی ہے۔
پولیس رپورٹ میں مزید بتایا گیا ہے کہ سر کی چوٹ اور خون بہنے سے اسسٹنٹ کمشنر فرقان محمدخان کی موت ہوئی ہے۔
ڈائریکٹر جنرل پی ڈی ایم اے عرفان علی کاٹھیا نے اسسٹنٹ کمشنر پتوکی فرقان احمد کے انتقال پر گہرے غم اور افسوس کا اظہار کیا۔
پتوکی(10 اگست 2025): پولیس نے 14 سالہ لڑکے کے ساتھ زیادتی کرنے والے 2 ملزمان کو گرفتار کرلیا۔
تفصیلات کے مطابق پتوکی کے تھانہ سٹی پولیس نے کارروائی کرتے ہوئے 14 سالہ لڑکے سے زیادتی کرنیوالے 2 ملزمان کو گرفتار کرلیا، پرانی منڈی کا رہائشی 14 سالہ لڑکا دکان پر سامان لینےگیا تھا۔
دکان سے ملزمان ساتھ لے گئے، یامین اور مسعود نے لڑکے سے زیادتی کی اور ویڈیو بھی بناتے رہے، تھانہ سٹی پولیس نے مقدمہ درج کرکے ملزمان کا ریمانڈ حاصل کر لیا۔
دوسری جانب لاہور کے علاقہ راج گڑھ میں لڑکی سے دو رشتہ داروں کی مبینہ زیادتی کا مقدمہ درج کرلیا گیا، تھانہ وویمن پولیس ریس کورس نے لڑکی سے زیادتی میں ملوث دونوں ملزمان کو گرفتار کرلیا۔
https://urdu.arynews.tv/muridke-alleged-rape-girl/
پولیس کے مطابق ملزمان متاثرہ لڑکی کے رشتہ دار ہیں، ملزمان لڑکی کو جان سے مارنے کی دھمکیاں بھی دیتے رہے۔
پولیس کے مطابق والدین کی علیحدگی کے بعد متاثرہ لڑکی اپنے والد کیساتھ رہائش پذیر تھی، ملزمان نے متاثرہ لڑکی کے گھر والوں کی غیر موجودگی میں زیادتی کی، متاثرہ لڑکی کو مکمل قانونی وطبی امداد فراہم کی جارہی ہے۔
پولیس نے پتوکی میں شادی رکوانے کے لئے دلہا کو قتل کرنے میں ملوث دو ملزموں کو گرفتار کرلیا۔
تفصیلات کے مطابق پتوکی میں شادی رکوانے کے لئے دلہا کے قتل میں ملوث دو ملزموں کو گرفتار کرلیا گیا، تھانہ صدر نے تفتیش کے بعد ملزم اظہر منظور اور ساجد کو حراست میں لے لیا۔
ملزمان نے مقتول عمر شہزاد کو شادی سے سات دن پہلے چھت پر فائرنگ کر کے قتل کیا تھا، پولیس کی خصوصی ٹیم نے جدید ٹیکنالوجی سے ملزمان کو ٹریس کیا۔
پولیس کا کہنا ہے کہ مرکزی ملزم اظہر، مقتول کی منگیتر سے تعلق رکھتا تھا اور عمر شہزاد کی شادی رکوانا چاہتا تھا اس بنا پر اس نے دلہے کو قتل کیا۔
https://urdu.arynews.tv/sahiwal-accident-2-died/
اس سے قبل لاہور ڈویژن کے علاقے سندر میں شادی کے روز نوجوان لڑکی عائشہ حبیبہ کو قتل کرنے والے ملزم کو پولیس نے گرفتار کیا تھا۔
ڈی آئی جی انویسٹی گیشن کے مطابق ملزم اکرام مقتولہ کا بہنوئی ہے، ملزم نے مقتولہ کو رشتہ کے تنازعہ کی وجہ سے فائرنگ کرکے قتل کردیا تھا اور واردات کے بعد موقع سے فرار ہو گیا تھا۔
ڈی آئی جی سید ذیشان رضا کا کہنا تھا کہ قانون شکن عناصر سے آہنی ہاتھوں کےساتھ نمٹاجائےگا۔
سی سی ڈی نے 5 کروڑ روپے تاوان کے لیے قصور سے اغواء ہونے والے لاہور کے نوجوان کو بازیاب کرا لیا گیا۔
تفصیلات کے مطابق کرائم کنٹرول ڈیپارٹمنٹ (سی سی ڈی) پتوکی نے کارروائی کرتے ہوئے 5 کروڑ تاوان کے لیے اغواء ہونے والے نوجوان کو قصور سے بازیاب کروالیا۔
پولیس حکام کے مطابق اغواکاروں نے لڑکے کی رہائی کے بدلے پانچ کروڑ روپے تاوان طلب کیا تھا، تاہم لڑکے کی بازیابی کیلئے سی سی ڈی نے کارروائی کرتے ہوئے مغوی کو بازیاب کرالیا۔
مغوی کے اہلِ خانہ نے کارروائی پر وزیر اعلیٰ پنجاب اور سی سی ڈی ٹیم کا شکریہ ادا کیا، مغوی نوجوان کو بائیس مئی کو تھانہ مصطفی آباد کی حدود سے اغوا کیا گیا تھا۔
https://urdu.arynews.tv/police-recover-kidnapped-businessman/
پتوکی: ریٹائرڈ اسکول ٹیچر کے اغوا اور قتل کا معمہ پتوکی پولیس نے تیزی سے حل کر کے قاتل کو چند ہی گھنٹوں میں گرفتار کر لیا۔
تفصیلات کے مطابق پنجاب کے شہر پتوکی میں ایک شخص نے ریٹائرڈ اسکول ٹیچر ذوالفقار کو اغوا کر کے قتل کر دیا، پولیس نے ملزم کو گرفتار کر لیا ہے۔
پولیس کا کہنا ہے کہ ملزم اقبال نے قتل کا اعتراف کر لیا ہے، ملزم نے انکشاف کیا کہ مقتول ذوالفقار نے اس کو سود پر رقم دی تھی، اور وہ سود سے تنگ آ گیا تھا، جس پر اس نے قرض دہندہ کو قتل کر دیا۔
پتوکی پولیس کے مطابق نائلہ ریاض نے اپنے شوہر محمد ذوالفقار کے اغوا کا مقدمہ درج کرایا تھا، جس پر پولیس نے کارروائی شروع کی اور چند ہی گھنٹوں میں ملزم تک پہنچ گئی۔
پولیس کے مطابق ملزم نے مقتول کو چھری کے وار کر کے قتل کیا تھا، اور پھر لاش کھیت میں پھینک دی تھی، پولیس نے ملزم اقبال کو ٹریس کر کے گرفتار کر کے آلہ قتل بھی برآمد کر لیا ہے۔
ادھر سندھ کے شہر شکارپور میں ایک ریٹائرڈ خاتون تعلیمی افسر کو دن دہاڑے مسلح افراد نے اغوا کر کے لوٹ لیا ہے، خاتون کو ہاتھی گیٹ میں 3 مسلح افراد کار میں اغوا کر کے لے گئے تھے۔ پولیس کے مطابق مسلح افراد نے خاتون سے 11 لاکھ روپے مالیت کا سونے کا ہار چھینا، اور پھر انھیں گاڑی سے اتار کر فرار ہو گئے۔
شکارپور ہی میں تھانہ سلطان کوٹ کی حدود میں پولیس مقابلے میں ایک ڈاکو ہلاک ہو گیا ہے، ڈاکو سڑک کنارے واردات کے لیے کھڑے تھے، پولیس کے مطابق ڈاکوؤں نے اہلکاروں پر فائرنگ کی اور جوابی فائرنگ میں ڈاکو مارا گیا۔
قصور: پنجاب کے شہر پتوکی میں کم سن بچیوں سے زیادتی کی کوشش کرنے والے ملزم یاسین نے 5 بچیوں سے زیادتی کی کوشش کا اعتراف کر لیا۔
تفصیلات کے مطابق پولیس کا کہنا ہے کہ ملزم نے متاثرہ 3 بچیوں سے زیادتی کی کوشش کی، میڈیکل رپورٹ میں بچیوں سے زیادتی ثابت نہیں ہوئی، 3 بچیوں سے ملزم نے زیادتی کی کوشش کی، 2 کو راستے میں ہی چھوڑ کر بھاگ گیا۔
پولیس نے اپنے بیان میں کہا ہے کہ ملزم نے اعتراف جرم کر لیا ہے، 5 روز کا ریمانڈ بھی حاصل کر لیا گیا، ملزم سے تفتیش میں مزید حقائق سامنے آ جائیں گے۔
پولیس کے مطابق ملزم کے ڈی این اے سیمپل حاصل کر کے پنجاب فرانزک لیب بھجوا دیے گئے ہیں، گرفتار ملزم نفسیاتی مریض لگتا ہے، اس سلسلے میں میڈیکل بورڈ تشکیل دیا جا رہا ہے، تمام تر حقائق سائنسی ثبوتوں کے ساتھ سامنے لائے جائیں گے۔
پتوکی، ایک ماہ میں6 بچیوں سے زیادتی کا انکشاف
پولیس کا یہ بھی کہنا ہے کہ بچیوں سے زیادتی کی کوشش کرنے والا ملزم نشے کا عادی اور غیر شادی شدہ ہے، ملزم سرائے مغل کے علاقے میں اینٹوں کے بھٹے پر کام کرتا ہے اور ادھر ہی رہتا ہے۔
پولیس کے مطابق ملزم یاسین کی فیملی کے حوالے سے مکمل تفصیلات اکٹھی کی جا رہی ہیں۔
یاد رہے کہ گزشتہ روز قصور کے شہر پتوکی میں ایک ماہ کے دوران چھٹی بچی سے زیادتی کا کیس سامنے آیا تھا جس پر علاقہ مکینوں نے شدید احتجاج کیا تو پولیس نے ملزم کی گرفتاری ظاہر کی۔ علاقہ مکینوں کا کہنا تھا کہ ملزم بچیوں کو ورغلا کر ویران جگہ لے جا کر زیادتی کر کے چھوڑ دیتا ہے۔
پتوکی: ضلع قصور کی تحصیل پتوکی میں چونیاں بائی پاس کے قریب تین لاپتا بچوں کی مسخ لاشیں اور انسانی اعضا برآمد ہوئے ہیں.
تفصیلات کے مطابق ضلع قصور میں بچوں کی مسخ لاشیں ملنےکے واقعے نے سنسنی پھیلا دی ہے، زینب قتل کیس پھر تازہ ہوگیا۔
پتوکی میں تین بچوں کی لاشیں ملی ہیں، ایک بچےکی لاش مکمل حالت میں، جب کہ دوبچوں کے سر اور ہڈیاں برآمد ہوئیں۔
قتل ہونے والا آٹھ سال کا فیضان پیرکو لاپتا ہوا تھا، سلیمان دس اگست اور علی حسنین ایک ماہ سےلاپتا تھے، علاقہ مکینوں کے مطابق بچوں کے لاپتا ہونے کا سلسلہ دو ماہ سے جاری ہے، مگر کوئی کارروائی نہیں کی گئی۔
اس ضمن میں آئی جی پنجاب کا کہنا ہے کہ حالیہ واقعات میں مماثلت پائی گئی ہے، تفتیش جاری ہے، انویسٹی گیشن کے لئے خصوصی ٹیم چونیاں روانہ کردی ہے، جب کہ پنجاب فرانزک کی ٹیموں نے موقع سے اہم شواہد اکٹھے کر لیے ہیں۔
ادھر تنقید کے جواب میں ڈی پی او قصور نے ہاتھ کھڑے کرلیے، ان کا کہنا ہے کہ ہم ہر گلی میں پولیس والا نہیں کھڑا کرسکتے، لاش اور اعضا ملنے کے معاملے کی وجہ سے علاقے میںخوف و ہراس پایا جاتا ہے.
تفصیلات کے مطابق پتوکی میں کاٹن فیکٹری کے گودام میں رات گئے اچانک آگ بھڑک اٹھی جس نے دیکھتے ہی دیکھتے پوری عمارت کو اپنی لپیٹ میں لے لیا۔
آگ اتنی شدید تھی کہ فائر بریگیڈ کی گاڑیاں کم پڑگئیں۔ ساہیوال، اوکاڑہ، قصور، رائے ونڈ، چونیاں اور لاہور سے مزید گاڑیاں طلب کی گئیں۔
فیکٹری مالک کادعویٰ ہے کہ کاٹن کے 15 ہزار بنڈل جلنے سے کروڑوں روپے کا نقصان ہوا۔ ریسکیو آپریشن میں 15 گاڑیوں نے حصہ لیا۔
آگ لگنے کی وجوہات جاننے کے لیے تحقیقات شروع کردی گئی ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور: صوبہ پنجاب کے شہر پتوکی میں تیز رفتار بس اور وین کی ریس نے 5 افراد کی جان لے لی۔
تفصیلات کے مطابق ساہیوال سے لاہور جانے والی بس اور وین کی ریس ایک دوسرے سے آگے نکلنے کی کوشش میں دونوں گاڑیاں ٹکرا گئیں۔ تصادم میں خاتون سمیت ایک ہی خاندان کے 4 افراد لقمہ اجل بن گئے۔
واقعہ نعمت چوک کے قریب پیش آیا۔ حادثے میں مزید 15 مسافر بھی زخمی ہوئے۔
ریسکیو عملے نے لاشوں اور زخمیوں کو اسپتال منتقل کردیا۔
حادثے کے 6 زخمیوں کی حالت تشویش ناک ہونے پر انہیں لاہور روانہ کر دیا گیا۔ پولیس کے مطابق جاں بحق ہونے والے 4 افراد کی شناخت غلام مرتضیٰ، محمد سرور، رضیہ سلطانہ اور محمد عامر کے نام سے ہوئی، مذکورہ افراد کا تعلق چشتیاں سے تھا۔
یاد رہے کہ سڑکوں پر گاڑیوں کے ڈرائیورز اکثر آپس میں ریس لگاتے ہیں جس کا نتیجہ افسوس ناک حادثات کی صورت میں نکلتا ہے۔