ARYNews.tv | Urdu – Har Lamha Bakhabar

Tag: Pays Tribute

  • یوم دفاع و شہدا، شوبز شخصیات کا شہدا کو خراجِ عقیدت پیش

    یوم دفاع و شہدا، شوبز شخصیات کا شہدا کو خراجِ عقیدت پیش

    کراچی : ملک بھرمیں یوم شہداو دفاع ملی جوش وجذبے سے منایا جارہا ہے، مشہورو معروف شوبز ستارے بھی پاکستان سے محبت کا اظہار کرتے ہوئے شہدا کو سلام اور خراج تحسین کررہے ہیں۔

    تفصیلات کے مطابق یوم دفاع و شہدا کے موقع ہر جہاں پاکستانی قوم مادر وطن پر جان نچھاور کرنے والوں کو خراج عقیدت کررہی ہیں وہیں شوبز اسٹار بھی کسی سے پیچھے نہیں ہیں۔

    سماجی ویب سائٹ ٹویٹر پر کئی مشہورو معروف شخصیات بھی وطن کی محبت میں پرجوش نظر آئے اور شہیدوں کو خراج عقیدت پیش کیا۔

    فیصل قریشی

    فیصل قریشی نے شہداء کی قربانیوں پر ویڈیو شئیر کرتے ہوئے پاک فوج کوسلام پیش کیا۔

    اداکارحمزہ علی عباسی

    اداکارحمزہ علی عباسی نےٹوئیٹ کرتے ہوئے باہمت شہداء کو خراج تحسین پیش کرتے ہوئے کہا پاکستان سے محبت محض ایک زمین کے ٹکڑے سے محبت نہیں بلکہ اس منشور سے محبت ہے، سلام ان شہدا کو جنہوں نے اس منشور کے لیے جانیں قربان کی۔

    اداکارہ صباقمر

    اداکارہ صباقمر نے بھی اپنے ٹوئٹ میں شہداء کو سلیوٹ پیش کیا۔

    گلوکار عاطف اسلم

    گلوکار عاطف اسلم نے یوم دفاع و شہدا کے موقع پر سماجی رابطے کی ویب سائٹ ٹوئٹر پر اپنے گانے ’ ہمیں پیار ہے پاکستان سے ‘ کی ویڈیو شیئر کی اور شہیدوں کو خراج عقیدت پیش کیا۔

    عائزہ خان

    اداکارہ عائزہ خان نے بھی ٹوئٹر پر اپنے پیغام میں کہا ہم ہر سال یوم دفاع پاکستان پر اس دن کی یاد تازہ کرتے ہیں ، جو ہمیں ملک کے لئے جان قربان کرنے اور اس جنگ کے شہیدوں کا احترام اور وطن سے پیار کا سبق دیتا ہے۔

    شہزاد رائے

    گلوکار شہزاد رائے نے اپنے پیغام میں شہیدوں کو خراج عقیدت پیش کرتے ہوئے کہا مجھے پاکستانی ہونے پر فخر ہے۔

    فخر عالم

    گلوکار فخر عالم نے یوم دفاع و شہدا پر اپنے پیغام میں کہا اس آزادی کے پیچھے وردی ہے، یاد رکھیں آزادی کی قیمت شہیدوں کا خون ہے، یونیفارم میں ان بہادر مردوں اور خواتین کو سلام ، جو سوال کے بغیر خدمت کرتے ہیں۔

  • ریل گاڑیاں بھی ” ہمیں پیارہے پاکستان سے” کا پیغام دینے لگیں

    ریل گاڑیاں بھی ” ہمیں پیارہے پاکستان سے” کا پیغام دینے لگیں

    لاہور : یوم دفاع و شہدا پر ریل گاڑیاں بھی” ہمیں پیار ہے پاکستان سے” کا پیغام دینے لگیں ، مختلف ریل گاڑیوں کی بوگیوں پر خصوصی تصاویر و پیغامات آویزاں کردیئے گئے ہیں۔

    تفصیلات کے مطابق یوم دفاع و شہدا پر شہیدوں کو خراج عقیدت پیش کرنے میں پاکستان ریلوے بھی پیش پیش ہیں، ریل گاڑیاں بھی ” ہمیں پیار ہے پاکستان سے” کا پیغام دے رہی ہے۔

     

     

    پاکستان ریلوے کی جانب سے ریل گاڑیوں کو دفاع وطن کے لئے جانیں قربان کرنے والے شہدا اور غازیوں کی تصاویر سے سجا دیا جبکہ مختلف ریل گاڑیوں کی بوگیوں پرخصوصی پیغامات بھی درج کئے گئے ہیں۔

     

    یاد رہے پاک فوج نے یوم دفاع و شہدا 2018 کو ’ہمیں پیار ہے پاکستان ’سے کے نام سے منفرد انداز میں منانے اعلان کیا تھا اور اس حوالے سے آئی ایس پی آر اس نے نیا نغمہ بھی جاری کیا تھا۔

    مزید پڑھیں : ہمیں پیار ہے پاکستان سے‘ کے نام سے یوم دفاع وشہداء منایا جائے گا ،ڈی جی آئی ایس پی آر

    میجر جنرل آصف غفور کا کہنا تھا کہ شرکاء کو شہیدوں کی فہرست اور پتے مہیا کیے گئے ہیں، قوم کے نمائندے ہر شہید کے گھر جائیں گے، کوئی شہادت بھولی نہیں جائے گی، شہید کی تصویر پر شہادت کی تفصیل اور جائے شہادت لکھی جائے گی، وطن کی حفاظت کے لیے جانیں دینے والوں کو سلام پیش کیا جائے گا۔

    ڈی جی آئی ایس پی آر کا مزید کہنا تھا کہ شاپنگ مال شہداء کی تصاویر سے سجائے جائیں گے ، بسوں،ویگنوں ،ٹرکوں اور گاڑیوں پرشہدا کی تصاویر لگائی جائیں گی جبکہ ریلوے انتظامیہ کی جانب سے ٹرینوں اوراسٹیشنوں اور تمام ائیر پورٹس پر بھی شہداء کی تصاویر آویزاں کی جائیں گی۔

    ڈی جی آئی ایس پی آر نے قوم سے بھرپور شمولیت کی درخواست کرتے ہوئے کہا آئیے زندہ قوم کی طرح اپنے شہداکو یاد رکھیں ، ہمارےشہدا نے اپنا آج ہمارے محفوظ کل کے لیےقربان کیا ، شہید ہمارے اصل ہیرو ہیں۔

  • شہید ذوالفقاربھٹو آج بھی عوام کے دلوں میں زندہ ہیں،بلاول بھٹو

    شہید ذوالفقاربھٹو آج بھی عوام کے دلوں میں زندہ ہیں،بلاول بھٹو

    کراچی : پیپلز پارٹی کے چیئرمین بلاول بھٹو کا کہنا ہے کہ شہید ذوالفقاربھٹو آج بھی عوام کے دلوں میں زندہ ہیں، بھٹو نے جان قربان کی لیکن اپنے مشن پر سمجھوتہ نہیں کیا، قوم آج ذوالفقاربھٹوکی کمی شدت سے محسوس کر رہی ہے۔

    تفصیلات کے مطابق شہید ذوالفقار بھٹو کی90 ویں سالگرہ پر چیئرمین پی پی بلاول بھٹو نے خراج عقیدت پیش کرتے ہوئے کہا کہ شہیدذوالفقاربھٹو آج بھی عوام کےدلوں میں زندہ ہیں، شہیدذوالفقاربھٹو کو عوام ہمیشہ بطورہیرو یاد کرتے رہیں گے۔

    بلاول بھٹو کا کہنا ہے کہ قائد عوام آمریتوں کے خلاف عوامی حقوق کے لیے بہادری سے لڑے، بھٹونےجان قربان کی لیکن اپنے مشن پر سمجھوتہ نہیں کیا، مخالفین بھی بھٹوکی بہادری،قوم سےانکی محبت کے معترف ہیں۔

    پیپلز پارٹی کے چیئرمین نے کہا کہ قوم آج ذوالفقاربھٹوکی کمی شدت سے محسوس کر رہی ہے، پیپلز پارٹی قائدِعوام کے مشن اور وژن کی پیروی کرتی رہے گی موجودہ حالات میں قائدعوام ذوالفقاربھٹو جیسے لیڈر کی ضرورت ہے۔

    انکا مزید کہنا تھا کہ شہید بھٹو نے ٹوٹے پھوٹے ملک کو اپنے پاؤں پر کھڑا کیا، دشمن سے93ہزارجنگی قیدی،5ہزاراسکوائرمیل زمین چھڑائی، بھٹو نے حق رائے دہندگی، پاسپورٹ کا اجرا جیسے اقدامات کیے، کمزور طبقات کو تقویت دینا شہید بھٹو کاطرہ امتیاز ہے۔

    مزید پڑھیں : سابق وزیراعظم ذوالفقارعلی بھٹو کا 90 واں یوم پیدائش

    خیال رہے کہ پاکستان پیپلزپارٹی کے بانی اورپاکستان کے نویں وزیرِاعظم ذوالفقارعلی بھٹو کا 90 واں یوم پیدائش آج منایا جارہا ہے، اس موقع پر  میرپورخاص میں پیپلزپارٹی آج عوامی طاقت کا مظاہرہ کرے گی، سابق صدر آصف علی زرداری جیالوں سے خطاب کریں گے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

  • پولیس سےتعلق رکھنے والے ساتھیوں کی عظیم قربانیوں کو سلام کرتے ہیں، آرمی چیف

    پولیس سےتعلق رکھنے والے ساتھیوں کی عظیم قربانیوں کو سلام کرتے ہیں، آرمی چیف

    راولپنڈی : آرمی چیف جنرل قمرجاوید باجوہ نے شہید ایڈیشنل آئی جی محمد اشرف نور کو خراج عقیدت پیش کرتے ہوئے کہا کہ پولیس سےتعلق رکھنے والے ساتھیوں کی عظیم قربانیوں کو سلام کرتے ہیں۔

    تفصیلات کے مطابق ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پر بیان میں کہا آرمی چیف جنرل قمر جاوید باجوہ نے شہید ایڈیشنل آئی جی محمداشرف نور کو خراج عقیدت پیش کیا اور کہا کہ پولیس سے تعلق رکھنے والے ساتھیوں کی عظیم قربانیوں کو سلام کرتے ہیں۔

    آئی ایس پی آر کے مطابق آرمی چیف کا کہنا تھا کہ ہمارے حوصلے پست نہیں ہوں گے ، مادر وطن کو درپیش خطرات سے متعلق اعتماد متزلزل نہیں ہوگا۔

    مزید پڑھیں : پشاوردھماکےمیں ایڈیشنل آئی جی اشرف نوراورگن مین شہید

    یاد رہے کہ پشاور کےعلاقے حیات آباد میں صبح کے پونے نو بجے ایڈیشنل آئی جی ہیڈ کوارٹرزپشاورکی گاڑی پرخودکش حملہ دھماکہ سےعلاقہ گونج اٹھا، خودکش دھماکے میں ایڈیشنل آئی جی ہیڈ کوارٹرزمحمد اشرف نورموقع پر ہی شہید ہوگئے تھے۔

    حکام کے مطابق محمد اشرف نور اپنے سیکیورٹی اہلکاروں کے ہمراہ آفس کیلئے گھر سے روانہ ہوئے تو حیات آباد پر موٹرسائیکل سوار خودکش حملہ آور نے اپنے آپ کو اُن کی گاڑی کے قریب اڑالیا۔

    جس کے بعد پولیس افسرکی گاڑی تباہ ہوگئی اوراس میں آگ لگ گئی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • صادقین کی 87ویں سالگرہ ، گوگل ڈوڈل صادقین کے رنگوں میں ڈھل گیا

    صادقین کی 87ویں سالگرہ ، گوگل ڈوڈل صادقین کے رنگوں میں ڈھل گیا

    نیویارک : سرچ انجن گوگل نے مصوری اور خطاطی کی دنیا کے بےتاج بادشاہ صادقین کو ستاسی ویں سالگرہ پر خراج تحسین پیش کرتے ہوئے ڈوڈل صادقین کی تصویراور کیلیگرافی کے رنگوں سے سجا دیا ۔

    گوگل نے پاکستان کے معروف مصور، خطاط اور کیلی گرافر سید صادقین احمد کی سالگرہ کے موقع پر آج کا ڈوڈل صادقین کے نام سے منسوب کر دیا۔

     

    گوگل کا ڈوڈل صادقین کی تصویراور کیلیگرافی کی پینٹنگ میں پیش کیا ہے، جو پاکستان میں گوگل سرچ انجن کے پیج پر دیکھا جاسکتا ہے۔

    معروف کیلی گرافر صادقین کا شمار دنیا کے اُن چند گنے چنے مصوروں میں ہوتا ہے جنہوں نے اپنے ہنر سے فن خطاطی کو نئے زاویئے بخشے۔

    شہرہ آفاق مصور، خطاط اور نقاش، صادقین 1930 میں ہندوستان کے شہر امروہہ میں پیدا ہوئے، صادقین کے فن پاروں کی پہلی نمائش کوئٹہ میں ہوئی، جس کے بعد یہ سلسلہ امریکہ، فرانس، یورپ اور دنیا کے دیگر ممالک میں پھیل گیا۔

    مزید پڑھیں :  صادقین ۔ رباعی کا شاعر، خطاطی کا امام

    قرآنی آیات کو رنگوں سے مزین کرنے والے صادقین کے خطاطی اور مصوری کے فن پارے اسٹیٹ بینک کراچی، فیصل مسجد اسلام آباد اور پاکستان کی دیگر تاریخی عمارتوں میں موجود ہیں۔

    صادقین کو ان کی فن کی مہارت کے اعتراف میں حکومت پاکستان کی جانب سے تمغہ امتیاز، تمغہ حسن کارکردگی اور ستازہ امتیاز جیسے بڑے قومی اعزازات سے بھی نوازا گیا۔

    صادقین نے اپنی زندگی کے آخری ایام تک اپنی انگلیوں سے عظیم فن پا رے تخلیق کیے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔