اسلام آباد: دسمبر کے دوسرے ہفتے کے دوران مہنگائی کی شرح میں صفر اعشاریہ چار فیصد کی نمایاں کمی ریکارڈ کی گئی۔
پاکستان بیورو شماریات کےمطابق بارہ دسمبر کو ختم ہونے والے ہفتے کے دوران ٹماٹر، مرغی،ادرک، گندم اور مٹی کاتیل سمیت سات اشیائےکی قیمتوں میں اضافہ ہوا۔
پیاز، چینی، انڈے،مسور کی دال ،چنے کی دال ،سرخ مرچ ،ایل پی جی ، دال ماش ،آٹا ،کیلا، چاول اور خوردنی تیل سمیت سترہ اشیائےکی قیمتوں میں کمی ریکارڈ کی گئی، جبکہ گیس وبجلی کے نرخ ، کپڑے اورکھلا گھی سمیت انتیس اشیائے کی قیمتوں میں استحکام رہا۔
اسلام آباد: رواں مالی سال 2014-15ء میں اکتوبر 2014ء کے دوران پھلوں کی ملکی برآمدات میں 27 لاکھ ڈالر کا نمایاں اضافہ ریکارڈ کیا گیا۔
ادارہ برائے شماریات پاکستان (پی بی ایس) کے اعدادوشمار کے مطابق رواں مالی سال میں ماہ اکتوبر کے دوران پھلوں کی برآمدات سے 24.7 ملین ڈالر کا قیمتی زرمبادلہ کمایا گیا ۔
جبکہ گزشتہ مالی سال 2013-14ء میں اکتوبر کے ایک ماہ کے دوران پھلوں کی ملکی برآمدات کا حجم 22 ملین ڈالر ریکارڈ کیا گیا تھا، اس طرح صرف ایک ماہ کے قلیل وقت میں پھلوں کی ملکی برآمدات میں 2.7 ملین ڈالر کا اضافہ ملکی معیشت پر انتہائی خوشگوار اثرات مرتب کرے گا ، جس سے زرمبادلہ کے ملکی ذخائر کے استحکام میں بھی مدد حاصل ہوگی۔
اسلام آباد: رواں مالی سال 2014-15ء کے چوتھے ماہ اکتوبر 2014ء میں پاکستان سے ٹیکسٹائل اور کپڑوں کی برآمدات میں 6.51 فیصد اضافہ ریکارڈ کیا گیا ۔
اکتوبر میں ٹیکسٹائل برآمدات 1.108 بلین ڈالر سے بڑھ کر 1.180 بلین ڈالر تک آگئی تھیں ، وفاقی ادارہ شماریات کے اعدادوشمار کے مطابق گزشتہ سال برآمدات کے مجموعی حجم میں 2.75 فیصد سے 25.132 بلین ڈالر اضافہ ہوا جو کہ 2012ء میں 24.460بلین ڈالررہی تھیں۔
ٹیکسٹائل مصنوعات کے حساب سے کم معیار کی مصنوعات جیسے کہ کاٹن کلاتھ کی برآمدات میں 22.31 فیصد ‘ کاٹن یارن کی برآمدات میں 1.81 فیصد اور کاٹن کارڈیڈ کی برآمد میں 98.22 فیصد کمی آئی تاہم خام کاٹن کی برآمد میں اکتوبر میں 58.08 فیصد اضافہ ہوا ۔
بنے بنائے خیموں کی برآمد میں 153 فیصد اور سلک کی برآمد میں اس ماہ میں 520 فیصد اضافہ رہا، نٹ ویئر کی برآمد میں 1052ء فیصد ‘ بیڈویئرز کی برآمد میں 7.06 فیصد ‘ تولیوں کی برآمد میں 4.22 فیصد اور ریڈی میڈگارمنٹس کی برآمد میں 28 فیصد اضافہ ہوا ۔
جولائی تا اکتوبر کی سہ ماہی میں ٹیکسٹائل برآمدات کے حجم میں 6.96 فیصد سے 7.962 بلین ڈالر کمی آئی۔
اسلام آباد: دسمبردو ہزار چودہ کے پہلے ہفتے کے دوران مہنگائی کی شرح میں صفراعشاریہ آٹھ نو فیصد کی نمایاں کمی ریکارڈ کی گئی۔پاکستان بیورو شماریات کےمطابق کم ماہانہ آمدنی والےطبقے کیلئے پانچ دسمبر کو ختم ہونے والے ہفتے کے دوران مرغی،دالوں اورجلانے کی لکڑی سمیت آٹھ اشیائے ضروریہ کی قیمتوں میں اضافہ ہوا۔
پٹرول ،ڈیزل،مٹی کاتیل،ایل پی جی،پیاز،آلو،ٹماٹر، آٹا ،کیلا،چینی ، انڈے، باسمتی چاول اور تیل سمیت اٹھارہ اشیائے کی قیمتوں میں کمی ریکارڈ کی گئی۔ دھی اری چاول ، گھی، گیس وبجلی کے نرخ ،ملک پاؤڈر ، نمک چائے ، کپڑے اورگھی سمیت ستائس اشیائے کی قیمتوں میں استحکام رہا۔
اسلام آباد: ماہ نومبر کے چوتھے ہفتے کے دوران کم آمدنی والے طبقے کیلئے مہنگائی میں صفر اعشاریہ پانچ نو فیصد کمی ریکارڈ کی گئی۔ادارہ شماریات کے مطابق اٹھائیس نومبر کو ختم ہونے والے ہفتے کے دوران، دال ماش ،مسور کی دال ،انڈے،دہی ،باسمتی چاول اور ادرک سمیت گیارہ اشیائے ضروریہ کی قیمتوں میں اضافہ ہوا۔
جبکہ ، پیاز،آلو،ٹماٹر، زندہ مرغی اور ایل پی جی سمیت چودہ اشیائے ضروریہ کی قیمتوں میں کمی ریکارڈ کی گئی، ادارہ شماریات کے مطابق گائے کے گوشت ، اری چاول ،پٹرول ،ڈیزل ، سبزی ، گھی ، آٹا ، مٹی کےتیل ،گیس و بجلی کے نرخ اورکھلے گھی سمیت اٹھائیس اشیائے کی قیمتوں میں استحکام رہا۔
اسلام آباد: رواں مالی سال 2014-15ءکے پانچویں ماہ (نومبر 2014ء)کے تیسرے ہفتے کے دوران مہنگائی کی شرح میں 0.12 فیصد کا اضافہ ریکارڈ کیا گیا تاہم کم آمدنی والے طبقے کے لئے قیمتوں کے حساس اعشاریئے میں 0.10 فیصد کمی دیکھنے میں آئی۔
پاکستان بیورو شماریات کے اعداد و شمار کے مطابق 8 ہزار روپے تک کی ماہانہ آمدنی والے طبقے کیلئے 21 نومبر کو ختم ہونے والے ہفتے کے دوران ٹماٹر، زندہ مرغی ، انڈے، مونگ کی دال ،چنے کی دال ،دال ماش ،مٹن، بیف اور ادرک سمیت 10 اشیائے ضروریہ کی قیمتوں میں اضافہ ہوا۔
پیاز،آلو،گندم،کیلا،چینی ،مسور کی دال ، گڑ اور ایل پی جی سمیت 9 اشیائے ضروریہ کی قیمتوں میں کمی ریکارڈ کی گئی، ادارہ شماریات کے مطابق اری چاول ،پٹرول ،ڈیزل ،ویجی ٹیبل گھی ، آٹا ،سرخ مرچ ، مٹی کاتیل ،گیس نرخ ، تازہ دودھ، دھی ،خوردنی تیل ، باسمتی چاول،بیف ،ملک پاﺅڈر ، نمک ، بجلی کے نرخ ، باسمتی چاول ، چائے ، کپڑے اورکھلا گھی سمیت 34 اشیائے کی قیمتوں میں استحکام رہا۔
ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.00، 0.06 ،0.13 اور 0.21 فیصد کا اضافہ ریکارڈ کیا گیا ۔
اسلام آباد: رواں مالی سال 2014-15ءکے پانچویں ماہ (نومبر 2014ء) کے دوسرے ہفتے کے دوران مہنگائی کی شرح میں 0.26 فیصد کا اضافہ ریکارڈ کیا گیا ، جبکہ کم آمدنی والے طبقے کے لئے قیمتوں کے حساس اشاریئے میں 0.03 فیصداضافہ دیکھنے میں آیا۔
پاکستان بیورو شماریات کے اعداد و شمار کے مطابق 8 ہزار روپے تک کی ماہانہ آمدنی والے طبقے کیلئے 14 نومبر کو ختم ہونے والے ہفتے کے دوران مونگ کی دال ،مسور کی دال ،چنے کی دال ،دال ماش ، زندہ مرغی ، انڈے، گندم، آٹا ،ادرک ،کیلا اور چینی سمیت 12 اشیائے ضروریہ کی قیمتوں میں اضافہ ہوا۔
،آلو، گڑ ، ٹماٹر،پیاز، اری چاول ،پٹرول ،ڈیزل ،ویجی ٹیبل گھی اور ایل پی جی سمیت 11 اشیائے ضروریہ کی قیمتوں میں کمی ریکارڈ کی گئی، ادارہ شماریات کے مطابق مٹن، بیف اورسرخ مرچ ، مٹی کاتیل ،گیس نرخ ، تازہ دودھ، دھی ،خوردنی تیل ، باسمتی چاول،بیف ،ملک پاﺅڈر ، نمک ، بجلی کے نرخ ، باسمتی چاول ، چائے ، کپڑے اورکھلا گھی سمیت 30 اشیائے کی قیمتوں میں استحکام رہا۔
ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.45، 0.27،0.24 اور 0.05 فیصد کا اضافہ ریکارڈ کیا گیا ۔
اسلام آباد: رواں مالی سال کے چوتھے ماہ (ستمبر 2014ء) کے دوران طبی آلات کی ملکی برآمدات میں 5.3 ملین ڈالر کا اضافہ ریکارڈ کیا گیا ۔
ادارہ برائے شماریات (پی بی ایس) کے اعدادوشمار کے مطابق جاری مالی سال میں ستمبر 2014ءکے دوران 30.7 ملین ڈالر مالیت کے طبی آلات برآمد کئے گئے ہیں۔
رپورٹ کے مطابق گزشتہ مالی سال میں ستمبر 2013ءکے دوران طبی آلات کی برآمدات سے 25.4 ملین ڈالر کا زرمبادلہ کمایا گیا تھا، اس طرح رواں سال گزشتہ سال کے ماہ ستمبر کے مقابلہ میں پچاس لاکھ ڈالر سے زائد کا قیمتی زرمبادلہ کمایا گیا۔
کراچی: رواں مالی سال 2014-15ءکے پانچویں ماہ (نومبر 2014ء) کے پہلے ہفتے کے دوران مہنگائی کی شرح میں 0.39 فیصد کا اضافہ ریکارڈ کیا گیا ، جبکہ کم آمدنی والے طبقے کے لئے قیمتوں کے حساس اشاریئے میں 0.73 فیصداضافہ دیکھنے میں آیا۔
پاکستان بیورو شماریات کے اعداد و شمار کے مطابق 8 ہزار روپے تک کی ماہانہ آمدنی والے طبقے کیلئے 7نومبر کو ختم ہونے والے ہفتے کے دوران زندہ مرغی ، انڈے،آلو،چنے کی دال ،دال ماش ، مٹن، ادرک ،بیف اورسرخ مرچ سمیت 9 اشیائے ضروریہ کی قیمتوں میں اضافہ ہوا، پٹرول ،ڈیزل ، مٹی کاتیل ، ٹماٹر،پیاز، کیلا ، چینی ، گڑ ، اری چاول ، مونگ کی دال ،مسور کی دال ،آٹا ،ویجی ٹیبل گھی ، اور ایل پی جی سمیت 14 اشیائے ضروریہ کی قیمتوں میں کمی ریکارڈ کی گئی۔
ادارہ شماریات کے مطابق گندم،گیس نرخ ، تازہ دودھ، دھی ،خوردنی تیل ، باسمتی چاول،بیف ،ملک پاﺅڈر ، نمک ، بجلی کے نرخ ، باسمتی چاول ، چائے ، کپڑے اورکھلا گھی سمیت 30 اشیائے کی قیمتوں میں استحکام رہا، ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.95، 0.49،0.39 اور 0.16 فیصد کا اضافہ ریکارڈ کیا گیا ۔
اسلام آباد: رواں مالی سال 2014-15ءمیں اگست کے دوران تمباکو کی برآمدات میں 5 لاکھ ڈالر سے زائد کا اضافہ ریکارڈ کیا گیا ۔
ادارہ برائے شماریات پاکستان کے اعدادوشمار کے مطابق گزشتہ مالی سال میں ماہ اگست کے دوران تمباکو کی برآمد سے 6 لاکھ 83 ہزار ڈالر کا زرمبادلہ کمایا گیا تھا جبکہ رواں مالی سال کے اسی عرصہ کے دوران تمباکو کی برآمدات سے تقریباً 12 لاکھ ڈالر کا قیمتی زرمبادلہ کمایا گیا ۔