ARYNews.tv | Urdu – Har Lamha Bakhabar

Tag: PCB

  • پی ایس ایل تھری کا پلئیرز ڈرافٹ بارہ نومبرکولاہورمیں ہوگا

    پی ایس ایل تھری کا پلئیرز ڈرافٹ بارہ نومبرکولاہورمیں ہوگا

    لاہور : پی ایس ایل تھری کا پلئیرز ڈرافٹ بارہ نومبر کو لاہورمیں منعقد ہوگا، ایونٹ کی چھٹی ٹیم ملتان سلطان سمیت تمام ٹیمیں کھلاڑیوں کا انتخاب کریں گی۔

    تفصیلات کے مطابق دو ایڈیشنز کی شاندار کامیابی کے بعد اب پاکستان سپر لیگ کا تیسرا ایڈیشن اور بھی شاندار ہوگا، اس بار پی ایس ایل میں چھٹی ٹیم ملتان سلطان کی شمولیت سے مقابلے مزید رنگین ہوں گے۔

    پی ایس ایل تھری کے لئے کھلاڑیوں کا انتخاب بارہ نومبر کو لاہور میں کیا جائے گا، اس موقع پر پی ایس ایل کی تمام چھ ٹیمیں پلاٹینئیم ، ڈائمنڈ اور گولڈ کیٹگری میں ایک ایک کھلاڑی کا انتخاب کریں گی۔

    سلور اورایمرجنگ کٹیگری میں دو دو کھلاڑیوں کا انتخاب کیا جائے گا، سپلیمنٹری میں ہر ٹیم چار کھلاڑیوں کو منتخب کرے گی۔

    دوسرے ایڈیشن کی ناکام ٹیم لاہور قلندرز کی ہر کٹگیری میں پہلی باری ہے جبکہ کراچی کنگز تیسرے نمبر پر کھلاڑی کا انتخاب کرے گی، ملتان کو ہر کٹیگری میں کھلاڑی کے انتخاب کا موقع سب سے آخر میں ملے گا۔

    مزید پڑھیں: پی ایس ایل کے 4 میچز کراچی میں کروانے کا فیصلہ

    واضح رہے کہ تیسرے ایڈیشن میں آسٹریلیا کے مچل جونسن اورکرس لین، ویسٹ انڈیز کے ڈوین براوو، سری لنکا کے انجیلو میتھیوز، جنوبی افریقہ کے وائن پرنل ،کولن انگرم، عمران طاہر اور جے پی ڈومینی جبکہ نیوزی لینڈ کے لیوک رونچی بھی ایکشن میں دکھائی دیں گے۔

  • ٹیسٹ سیریز جادو کی وجہ سے نہیں خراب بیٹنگ سے ہارے، سرفراز احمد

    ٹیسٹ سیریز جادو کی وجہ سے نہیں خراب بیٹنگ سے ہارے، سرفراز احمد

    کراچی: قومی کرکٹ ٹیم کے کپتان سرفراز احمد نے کہا ہے کہ ٹیسٹ سیریز جادو کی وجہ سے نہیں خراب بیٹنگ کی وجہ سے ہارے، سری لنکن کپتان کے بیان پر ہنسی آرہی ہے۔

    تفصیلات کے مطابق قومی کرکٹ ٹیم کے کپتان سرفراز احمد نے اے آر وائی نیوز سے گفتگو کرتے ہوئے کہا کہ سری لنکا کے خلاف ٹیسٹ سیریز جادو کی وجہ سے نہیں ہارے بلکہ ہار کی وجہ ہماری خراب بیٹنگ تھی۔

    کپتان قومی کرکٹ ٹیم نے کہا کہ سری لنکن کپتان دنیش چندی مل کے بیان پر ہنسی آرہی ہے، کسی کپتان کا ایسا بیان دینا حیران کن ہے۔

    سرفراز احمد نے کہا کہ ٹیسٹ سیریز اگر ہم جادو کی وجہ سے ہارے ہیں تو کیا ون ڈے اور ٹی ٹوئنٹی سیریز میں جادو الٹا ہوگیا تھا؟

    اسی سے متعلق: پاکستان کو جادو ئی مدد سے ٹیسٹ سیریز میں شکست دی، سری لنکن کپتان کا اعتراف

    واضح رہے کہ سری لنکن ٹیسٹ ٹیم کے کپتان دنیش چندی مل نے گزشتہ روز بیان دیا تھا کہ پاکستان کو ٹیسٹ سیریز میں شکست دینے کے لیے دوست کی والدہ سے جادوئی مدد حاصل کی تھی۔

     3-0 یاد رہے کہ ٹیسٹ سیریز میں 2-0 سے ہارنے کے بعد پاکستان نے سری لنکا کو ون ڈے سیریز میں 5-0 اور ٹی ٹوئنٹی سیریز  سے شکست دی تھی ۔

    یہ پڑھیں: تیسرا ٹی ٹوینٹی: پاکستان نے سری لنکا کو 36رنز سے شکست دے دی

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • نوجوان کھلاڑی بہترین کھیل پیش کررہے ہیں، مصباح الحق

    نوجوان کھلاڑی بہترین کھیل پیش کررہے ہیں، مصباح الحق

    لاہور: قومی کرکٹ ٹیم کے سابق کپتان مصباح الحق نے کہا ہے کہ نوجوان کھلاڑی بہترین کھیل پیش کررہے ہیں، ایک آدھ شکست سے پریشان نہیں ہونا چاہئے۔

    میڈیا سے گفتگو کرتے ہوئے سابق کپتان قومی کرکٹ ٹیم نے کہا کہ قومی کرکٹ ٹیم کی ون ڈے کی کارکردگی بہترین ہے، ٹیم میں تبدیلیوں سے پرفارمنس میں فرق پڑتا ہے۔

    مصباح الحق نے بلے باز امام الحق کو پہلے ہی ون ڈے میچ میں سنچری اسکور کرنے پر مبارکباد دیتے ہوئے کہا کہ امام الحق میں کافی ٹیلنٹ ہے۔

    سابق کپتان نے کہا کہ سری لنکن ٹیم کا پاکستان آنا خوش آئند ہے، انٹرنیشنل کرکٹ کی بحالی میں سری لنکن ٹیم کی آمد بہترین قدم ہے۔

    مصباح الحق نے کہا کہ قومی ون ڈے ٹیم کی کارکردگی دن بہ دن بہترین کی طرف جارہی ہے، نوجوان پلیئرز اچھی کارکردگی پیش کررہے ہیں۔

    انہوں نے کہا کہ محمد حفیظ کی باؤلنگ قومی ٹیم کے لیے اضافی سہولت ہے، تاہم ان کے باؤلنگ ایکشن پر کچھ کہنا قبل از وقت ہوگا۔

    یہ پڑھیں: محمد حفیظ مشکل میں، باؤلنگ ایکشن تیسری بار مشکوک

    واضح رہے کہ سری لنکن ٹیم 29 اکتوبر کو لاہور میں تیسرا اور آخری ٹی ٹوئنٹی میچ کھیلے گی۔

    یاد رہے کہ پاکستان اور سری لنکا کی ٹیمیں ان دنوں دبئی میں ون ڈے سیریز کھیلنے میں مصروف ہیں، پاکستان نے سری لنکا کو ون ڈے سیریز میں شکست دے دی ہے جبکہ ابھی دو ون ڈے میچز باقی ہے۔

    مزید پڑھیں: تیسرا ون ڈے: پاکستان نے سری لنکا کوشکست دے کرسیریز جیت لی

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ٹی ٹوئنٹی سیریزکیلئے قومی ٹیم کے کھلاڑیوں کے ناموں کا اعلان

    ٹی ٹوئنٹی سیریزکیلئے قومی ٹیم کے کھلاڑیوں کے ناموں کا اعلان

    لاہور : پاکستان کرکٹ بورڈ نے سری لنکا کیخلاف سیریز کیلئے قومی ٹی ٹوئنٹی ٹیم کا اعلان کردیا، فاسٹ بولر محمد عامر کی ٹیم میں شمولیت فٹنس سے مشروط ہوگی۔

    تفصیلات کے مطابق پاکستان اور سری لنکا کے درمیان26اکتوبر سے شروع ہونے والی تین میچوں پر مشتمل ٹی ٹوئنٹی سیریز کیلئے قومی ٹیم میں شامل کھلاڑیوں کے ناموں کا اعلان کردیا گیا ہے۔

    پی سی بی کے مطابق کپتان سرفراز احمد، فخرزمان، احمد شہزاد، بابراعظم، شعیب ملک، محمدحفیظ، عماد وسیم کو قومی ٹیم میں شامل کیا گیا ہے۔

    اس کے علاوہ  شاداب خان، محمد نواز،فہیم اشرف، حسن علی، عامر یامین، رومان رئیس، عثمان شنواری اور عمر امین بھی ٹی ٹوئنٹی ٹیم کا حصہ ہونگے جبکہ محمد عامر کی ٹیم میں شمولیت فٹنس سے مشروط ہوگی۔

    یاد رہے کہ پاکستان اورسری لنکا کے درمیان سیریز کا پہلا میچ26اکتوبر اور دوسرا27اکتوبر کو ابو ظہبی میں کھیلا جائے گا، سیریز کا تیسرا اور آخری میچ لاہور کے قذافی اسٹیڈیم میں29اکتوبر کو کھیلا جائے گا۔

    پی سی بی نے میچ کے ٹکٹوں کی تفصیلات جاری کردیں

    پاکستان کرکٹ بورڈ نے میچ کیلئے ٹکٹس کی تفصیلات جاری کردیں ہیں، جس کے مطابق وی آئی پی وسیم اکرم انکلیوژر کا ٹکٹ5 ہزار روپے۔ وی آئی پی عمران خان انکلیوژر کا ٹکٹ3ہزارروپے۔

    وی آئی پی فضل محمود انکلیوژر کا ٹکٹ3ہزار روپے جبکہ جاوید میانداد فرسٹ کلاس، رمیزراجہ فرسٹ کلاس، عبدالقادر اور ایچ اے کاردارفرسٹ کلاس انکلیوژر کا ٹکٹ1500روپے میں فروخت ہوگا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کرکٹربابراعظم آج 23 ویں سالگرہ منارہے ہیں

    کرکٹربابراعظم آج 23 ویں سالگرہ منارہے ہیں

    ابو ظہبی : قومی کرکٹ ٹیم کے بلے باز بابر اعظم آج اپنی 23 ویں سالگرہ منارہے ہیں، بابر اعظم 15 اکتوبر 1994 کو لاہور میں پیدا ہوئے۔

    تفصیلات کے مطابق قومی کرکٹ ٹیم کے ابھرتے ہوئے مڈل آرڈر بلے باز بابر اعظم نے آج اپنی 23 ویں سالگرہ ابو ظہبی میں ساتھی کھلاڑیوں اور کوچ مکی آرتھر کے ساتھ منائی۔

    بابر اعظم نے ون ڈے کیریئر کا آغاز 31 مئی 2015 کو زمبابوے کے خلاف میچ سے کیا جبکہ انہیں ٹیسٹ کیپ 13 اکتوبر 2016 کو ویسٹ انڈیز کے خلاف میچ سے ملی۔

    مڈل آرڈر بلے باز بابر اعظم نے اپنا پہلا ٹی ٹوئنٹی میچ 7 ستمبر 2016ء کو انگلینڈ کے خلاف کھیلا۔

    بابر اعظم نے ون ڈے کیریئر میں 6 سنچریوں اور 6 نصف سنچریوں کی بدولت 1558 رنز 55.64 کی اوسط سے بنارکھے ہیں جبکہ سری لنکا کے خلاف جاری ون ڈے سیریز کے پہلے میچ میں بھی بابر اعظم نے شاندار سنچری اسکور کی تھی۔

    مڈل آرڈر بلے باز نے 11 ٹیسٹ میچز کی 22 اننگز میں 23.75 کی اوسط سے 475 رنز بنائے ہیں جس میں چار نصف سنچریاں شامل ہیں جبکہ سب سے زیادہ اسکور 90 رنز ہے۔

    گیارہ ٹی ٹوئنٹی میچز میں بابر اعظم 2 نصف سنچریوں کی بدولت 432 رنز بنارکھے ہیں، واضح رہے کہ بابر اعظم پاکستان سپر لیگ میں کراچی کنگز کی جانب سے کھیل رہے ہیں۔

    مزید پڑھیں: بابراعظم کی سنچری،ویسٹ انڈیز کو 283 رنز کا ہدف

    یاد رہے کہ قومی کرکٹ ٹیم ان دنوں ابوظہبی میں سری لنکا کے خلاف جاری سیریز کھیلنے کے لیے موجود ہے۔

    یہ پڑھیں: ویرات کوہلی اور میرا کوئی موازانہ نہیں، بابر اعظم

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پاک سری لنکاون ڈے سیریز:15رکنی ٹیم کا اعلان، اظہرعلی ڈراپ

    پاک سری لنکاون ڈے سیریز:15رکنی ٹیم کا اعلان، اظہرعلی ڈراپ

    لاہور : پاکستان کرکٹ بورڈ نے سری لنکا کے خلاف ون ڈے سیریز کے لئے پندرہ رکنی ٹیم کا اعلان کردیا، سابق کپتان اظہرعلی کو ڈراپ کردیا گیا، انضمام الحق کے بھتیجے کو ٹیم میں جگہ مل گئی۔

    تفصیلات کے مطابق پاکستان اور سری لنکا کے درمیان پانچ ون ڈے میچز پر مشتمل سیریز کا آغاز تیرہ اکتوبر سے دبئی میں ہوگا۔ سلیکشن کمیٹی نے کوچ اور کپتان سے مشاورت کے بعد پندرہ رکنی ٹیم کا انتخاب کرلیا۔

    چیمپئنز ٹرافی کے فاتح اسکواڈ سے سابق کپتان اظہرعلی کی چھٹی کردی گئی ہے، سلیکٹرز نے آئی لینڈز کے خلاف سیریزکے لئے نوجوان کھلاڑی امام الحق کو چانس دیا ہے۔

    قومی ون ڈے ٹیم کی قیادت سرفراز احمد کریں گے، دیگر کھلاڑیوں میں احمد شہزاد، فخر زمان، محمد حفیظ، بابر اعظم، شعیب ملک، عماد وسیم، شاداب خان، فہیم اشرف، حسن علی، محمد عامر، رومان رئیس، جنید خان اور حارث سہیل شامل ہیں۔

    ابوظہبی ٹیسٹ: سری لنکا نے پاکستان کو شکست دے دی

    یاد رہے کہ نئے آنے والے کھلاڑی امام الحق چیف سلیکٹر انضمام الحق کے بھتیجے ہیں، اس حوالے انضمام الحق کا کہنا ہے کہ امام الحق کی سلیکشن کو میرے بھتیجے کے طور پر نہ دیکھا جائے،ان کی سلیکشن ڈومیسٹک میں اچھی کارکردگی پرکی گئی ہے۔

  • پی ایس ایل: کراچی کنگز میں شامل کھلاڑیوں‌ کے ناموں کا اعلان

    پی ایس ایل: کراچی کنگز میں شامل کھلاڑیوں‌ کے ناموں کا اعلان

    کراچی: پی ایس ایل میں شامل ٹیم کراچی کنگز نے پاکستان سپر لیگ کے تیسرے ایڈیشن کے لیے برقرار رکھے گئے 9 کھلاڑیوں کے ناموں کا اعلان کردیا، شاہد آفریدی اور محمد عامر پلاٹینئیم کٹیگری میں کراچی کنگز کا حصہ ہوں گے۔

    تفصیلات کے مطابق پاکستان سپرلیگ کے تیسرے ایڈیشن کی تیاریاں عروج پر ہیں، تمام پانچوں ٹیموں نے تیسرے ایڈیشن کے لیے جن کھلاڑیوں کو برقرار رکھا ہے پی سی بی نے ان کھلاڑیوں کے ناموں کا اعلان کردیا۔

    کراچی کنگز نے اس بار مختلف کٹیگریز سے نو کھلاڑیوں کو برقرار رکھا ہے، شاہد آفریدی اور محمد عامر پلاٹینیم کٹیگری میں کراچی کے لیے کھیلیں گے۔

    ڈائمنڈ کٹیگری میں بابراعظم اور عماد وسیم کراچی کنگز سے کا حصہ ہوں گے، گولڈ کٹیگری میں محمد رضوان اور روی بوپارہ کو رکھا گیا ہے۔

    کراچی کنگز نے سلور کیٹگری میں عثمان شنواری، خرم منظور اور اسامہ میر کو برقرار رکھا ہے، پی ایس ایل کی سب سے مقبول فرنچائز نے کرس گیل، کمارا سنگا کارا اور کیرون پولارڈ کو ریلیز کردیا ہے۔

    مزید پڑھیں: آفریدی پی ایس ایل کا اگلا سیزن کراچی کنگز سے کھیلیں گے

    علاوہ ازیں پاکستان کرکٹ بورڈ کے چیئرمین نجم سیٹھی نے سماجی رابطے کی ویب سائٹ ٹوئٹر پر اپنے پیغام میں بتایا ہے کہ پی سی بی اور پی ایس ایل انتظامیہ نے حالیہ لیگ میں مزید سات غیر ملکی کھلاڑیوں کی شمولیت کی تصدیق کردی ہے۔

  • سری لنکا کے خلاف ٹیسٹ سیریز کے لیےقومی ٹیم کا اعلان

    سری لنکا کے خلاف ٹیسٹ سیریز کے لیےقومی ٹیم کا اعلان

    لاہور: پاکستان کرکٹ ٹیم کے چیف سیلکٹر انضمام الحق نے سری لنکا کے خلاف ٹیسٹ سیریز کے لیے قومی ٹیم کا اعلان کردیا۔

    تفصیلات کےمطابق لاہور میں لاہور میں پریس کانفرنس کرتے ہوئے پاکستان کرکٹ ٹیم کے چیف سیلکٹر انضمام الحق نے سری لنکا کے خلاف 2 میچوں کی ٹیسٹ سیریز کے لیے 16 رکنی ٹیسٹ اسکواڈ کا اعلان کردیا۔

    سری لنکا کے خلاف پاکستان کے 16 رکنی ٹیسٹ اسکواڈ میں کپتان سرفراز احمد، اظہرعلی،شان مسعود،وہاب ریاض، یاسرشاہ، سمیع اسلم، محمد اصغر، محمد عامر، محمد عباس، عثمان صلاح الدین، امیرحمزہ، بلال آصف، بابراعظم، اسد شفیق، حارث سہیل اور حسن علی قومی ٹیم کا حصہ ہیں۔

    چیف سیلکٹر انضمام الحق کا کہنا تھا کہ یاسرشاہ 4 سال کے دوران کامیاب باؤلر رہے اور یو اے ای کی کنڈیشنز میں وہ ٹیم کے لیے سازگار ہیں جبکہ اظہرعلی فٹنس ٹیسٹ کلیئرکرنےکےبعد ٹیم میں شامل ہوئے ہیں۔

    سری لنکا سے ٹیسٹ سیریز : کیمپ کیلئے18کھلاڑیوں کے ناموں کا اعلان

    انضمام الحق کا کہنا تھا کہ کہ سری لنکا کے خلاف نوجوان کھلاڑیوں کو موقع دیا ہے جبکہ مصباح الحق اور یونس خان کی کمی محسوس ہوگی۔ انہوں نے کہا کہ کوشش ہوگی کہ سری لنکا کے خلاف اچھی پرفارمنس دیں۔

    چیف سیلکٹر کا کہنا تھا کہ پاکستان کا فاسٹ باؤلنگ کا شعبہ بہت اچھا ہے اور کوشش ہے ٹیم میں 150 پلس اسپیڈ کا کوئی فاسٹ باؤلر آئے۔

    انضمام الحق نے کہا کہ کپتان سرفراز احمد سمیت سب کو پرفارمنس دینا ہوگی۔ انہوں نے کہا کہ سرفراز کی کارکردگی اچھی رہی ہے اورآئندہ بھی امید ہے اچھی رہے گی۔

    واضح رہے کہ سری لنکا اور پاکستان کے درمیان دونوں ٹیسٹ میچز دبئی اور ابوظہبی میں کھیلے جائیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • یقین تھا یووراج سنگھ آؤٹ ہے، شاداب خان

    یقین تھا یووراج سنگھ آؤٹ ہے، شاداب خان

    کراچی: پأکستان کرکٹ ٹیم کے لیگ اسپنر شاداب خان نے کہا ہے کہ چیمپئنز ٹرافی میں بھارت کے خلاف میچ میں یقین تھا کہ یووراج سنگھ آؤٹ تھے۔

    اے آر وائی نیوز کے پروگرام اسپورٹس روم میں گفتگو کرتے ہوئے شاداب خان نے کہا کہ مجھے حیرانگی تھی کہ امپائر نے یووراج سنگھ کو آؤٹ کیوں نہیں دیا، مجھے یقین تھا کہ بال پہلے پیڈ پر لگی ہے، سرفراز احمد نے بھی مجھ سے یہی پوچھا کہ گیند پیڈ پر لگی ہے جس پر میں نے کہا ہاں پھر سرفراز احمد نے ریویو لیا اور یووراج آؤٹ ہوگئے۔

    شاداب خان نے کہا کہ کپتان سرفراز احمد کا شکر گزار ہوں جنہوں نے مجھ پر بھروسہ کیا، ٹیم میں کوئی سینئر جونیئر کا سسٹم نہیں ہے ٹیم کے لیے اگر فائدہ ہو تو جونیئر بھی جاکر بول سکتا ہے۔

    لیگ اسپنر نے کہا کہ کوشش ہوگی کہ ملک کے لیے مزید اچھی کارکردگی کا مظاہرہ کروں، بالنگ کے ساتھ ساتھ فیلڈنگ اور بیٹنگ پر بھی خاص توجہ دیتا ہوں۔

    خیال رہے شاداب خان 4 اکتوبر 1998 کو میانوالی میں پیدا ہوئے، لیگ اسپنر نے باقاعدہ کرکٹ کا آغاز 16 سال کی عمر سے کیا، پاکستان سپر لیگ میں اسلام آباد یونائیٹڈ کی نمائندگی کی۔

    یاد رہے کہ شاداب خان نے 26 مارچ 2017 کو اپنا پہلا ٹی ٹوئنٹی انٹرنیشنل میچ کھیلا، شاداب خان نے پہلے ہی میچ میں 7 رنز دے کر تین وکٹیں حاصل کیں، شاداب خان ابتدائی دو ٹی ٹوئنٹی میچ میں مین آف دی میچ بھی رہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاکستان بمقابلہ سری لنکا ہوم سیریز، شیڈول کا اعلان

    پاکستان بمقابلہ سری لنکا ہوم سیریز، شیڈول کا اعلان

    لاہور : پی سی بی نے پاکستان اور سری لنکا کے مابین کھیلی جانے والی ہوم سیریز کے شیڈول کا باقاعدہ اعلان کردیا، سیریز میں 2 ٹیسٹ 5 ون ڈے اور 3 ٹی ٹوئنٹی کھیلے جائیں گے۔

    تفصیلات کے مطابق متحدہ عرب امارات میں سری لنکا اور پاکستان کے درمیان کھیلی جانے والی ہوم سیریز کے شیڈول کا اعلان کردیا ہے، سیریز میں دو ٹیسٹ، پانچ ون ڈے اور تین ٹی ٹوئنٹی کھیلے جائیں گے۔

    سیریز کا آخری ٹی ٹوئنٹی 29 اکتوبر کو لاہور میں ہوگا، پاکستان اور سری لنکا متحد عرب امارت میں مدمقابل ہوں گے، دونوں ٹیموں کے درمیان پہلا ٹیسٹ 28 ستمبر سے 2 اکتوبر تک ابوظہبی میں کھیلا جائے گا۔

    دوسرا ٹیسٹ 6 سے 10 اکتوبر تک دبئی میں شیڈول ہے جو ڈے نائٹ ہوگا، تیرہ اکتوبر کو پہلا ون ڈے دبئی میں، دوسرا اور تیسرا ون ڈے سولہ اور اٹھارہ اکتوبرکو ابوظہبی میں چوتھا اور پانچواں ون ڈے بیس اور تئیس اکتوبر کو شارجہ میں شیڈول ہے۔

    مزید پڑھیں: سری لنکا پاکستان میں ٹی ٹوئنٹی میچ کھیلنے پر آمادہ

    شیڈول کے مطابق تین ٹی ٹوئنٹی کے ابتدائی دو میچز چھبیس اور ستائیس اکتوبر کو ابوظہبی میں جبکہ تیسرا اور آخری ٹی ٹوئنٹی میچ انتیس اکتوبر کو لاہور میں رکھا گیا ہے جو سیکیورٹی صورتحال سے مشروط ہے۔

    مزید پڑھیں: پاکستان بمقابلہ سری لنکا میچوں کی تاریخوں کا اعلان

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔