ARYNews.tv | Urdu – Har Lamha Bakhabar

Tag: PCB

  • بھارتی کرکٹ بورڈ نے پی سی بی کا قانونی نوٹس مسترد کردیا

    بھارتی کرکٹ بورڈ نے پی سی بی کا قانونی نوٹس مسترد کردیا

    دہلی : بھارتی کرکٹ بورڈ نے پی سی بی کا قانونی نوٹس مسترد کردیا۔ سیکرٹری بی سی سی آئی نے کہا ہے کہ سیریز کیلئے کوئی معاہدہ نہیں ہوا، ایم او یو صرف کاغذ کا ایک ٹکرا ہے، جس کی قانون میں کوئی حیثیت نہیں۔

    تفصیلات کے مطابق بھارتی کرکٹ بورڈ نے چیئرمین پی سی بی شہر یار خان کی جانب سے بھیجا گیا چونسٹھ ملین ڈالرز ہرجانے کا قانونی نوٹس مسترد کردیا۔ بھارتی بورڈ نے ایم او یو کی قانونی حیثیت پر سوال اٹھا دئیے۔

    سیکرٹری بی سی سی آئی نے کہا کہ ایم او یو صرف کاغذ کا ٹکرا ہے، باقاعدہ طور پر کوئی معاہدا نہیں ہوا تھا، اس کی قانون میں کوئی اہمیت ہی نہیں ہے۔ ایم او یو کو دیکھ کر پی سی بی کو جواب دیں گے، یہ صرف ایک لیٹر تھا باقاعدہ طور کوئی معاہدہ نہیں تھا۔

    انہوں نے کہا کہ پاکستان سے دوطرفہ سیریز حکومتی کلیئرنس سے مشروط ہے۔ یاد رہے کہ پی سی بی نے سیریز نہ کھیلنے پر بھارتی بورڈ کو ہرجانے کا نوٹس بھیجا تھا۔

    مزید پڑھیں : سیریز کیوں نہیں کھیلی؟ پی سی بی کا بھارتی کرکٹ بورڈ کو نوٹس

    شہریارخان کے مطابق پاکستان ناور بھارت کے درمیان دو سیریز نہ ہونے سے 64 ملین ڈالرز کا نقصان ہواہے جیسے پورا کیا جائے۔ چیئرمین پی سی بی نے کہا کہ بھارتی ہٹ دھرمی کی وجہ سے مالی نقصان سے زیادہ کرکٹ کے کھیل کو نقصان پہنچ رہا ہے اور دونوں ملکوں کے کرکٹ کے شائقین مایوسی کا شکار ہیں۔

     ذرائع کے مطابق بھارتی بورڈ کے انکار کے بعد پاکستان اب آئی سی سی کمیٹی میں معاملہ اٹھائےگا۔

  • سیریز نہ کھیلنے سے نقصان ہوا، بھارت کیخلاف عدالت جائینگے، شہریارخان

    سیریز نہ کھیلنے سے نقصان ہوا، بھارت کیخلاف عدالت جائینگے، شہریارخان

    لاہور: چیئرمین پی سی بی شہریارخان نے کہا ہے کہ بگ تھری کے ساتھ ہی بھارت کے ساتھ ہر قسم کی سیریز بھی ختم ہو گئیں، بھارتی ہٹ دھرمی کی وجہ سے پی سی بی کو جو نقصان ہوا اس کے خلاف عدالت میں جا رہے ہیں۔

    ان خیالات کا اظہار انہوں نے لاہور میں اپنی رہائش گاہ پر میڈیا سے گفتگو کرتے ہوئے کیا، چئیرمین پی سی بی شہریار خان کا کہنا تھا کہ بھارت کے ساتھ سیریز نہ ہونے کے نقصانات پر ہمارے وکلاء ہرجانے کا تخمینہ لگا رہے ہیں۔

    پاکستان نے جس بناء پر دستخط کئے تھے اس پر بھارت نے پیش رفت نہیں کی اورسیریز کھیلنے سے انکار کردیا جس کے باعث6 میں سے 3 سیریز نہ ہوسکیں۔ سیریز نہ کھیل کر بھارت نے معاہدے کی خلاف ورزی کی، سیریز نہ کھیلنے سے ہمیں مالی طور پر نقصان ہوا کیونکہ ہم بھارت کے ساتھ جب بھی ہوم سیریز کھیلتے ہیں تو بہت زیادہ منافع ملتا ہے۔

    ہوم سیریز کھیلنے سے پی سی بی کے بجٹ میں اضافہ ہو جاتا ہے۔ ان کا کہنا تھا کہ آسٹریلیا اور انگلینڈ بھی بگ تھری کے معاملے پر ہمارے ساتھ ہیں۔

    چئیرمین پی سی بی نے کہا کہ بگ تھری پر دستخط تو ہونے ہی تھے لیکن ہم نے اپنے مفاد کو ترجیح دی۔ شہریار خان نے کہا ہے کہ بگ تھری کے باعث پاکستان سب سے زیادہ متاثر ہو رہا تھا جس کے باعث واضح موقف اپنایا۔ چئیر مین پی سی بی کا کہنا تھا کہ شاہد آفریدی کو ایک اور اعزازی میچ دینے کو تیار ہیں، لیکن طریقہ کار طے نہیں ہوا۔

  • اسپاٹ فکسنگ : خالد لطیف اور شاہ زیب حسن کو دوبارہ طلب کر لیا گیا

    اسپاٹ فکسنگ : خالد لطیف اور شاہ زیب حسن کو دوبارہ طلب کر لیا گیا

    لاہور : اسپاٹ فکسنگ کیس میں خالد لطیف اور شاہ زیب حسن کی مشکلات میں مزید اضافہ ہوتا نظر آ رہا ہے، پی سی بی اینٹی کرپشن یونٹ نے ان دونوں کھلاڑیوں کو دوبارہ طلب کر لیا ہے۔

    تفصیلات کے مطابق پی سی بی نے خالد لطیف اور شاہ زیب حسن کو پھر سے نوٹس آف ڈیمانڈ جاری کردیا۔ ان دونوں کے خلاف ممکنہ طور پر مزید دفعات کی خلاف ورزی کا الزام ہے۔

    خالد 26 اورشاہ زیب کو 27 اپریل کو دوبارہ پی سی بی اینٹی کرپشن یونٹ کےسامنے پیش ہونے کو کہا گیا ہے۔ یہ نئی پیش رفت آرٹیکل چاراعشاریہ تین کے تحت کارروائی ہے۔

    مزید پڑھیں : شرجیل خان اورخالد لطیف کی اینٹی کرپشن یونٹ کے سامنے پیشی

    یاد رہے کہ خالد لطیف پہلے ہی ٹریبونل کےسامنے پیش ہو چکے ہیں جبکہ اکیس اپریل کو شاہ زیب حسن پہلی بار ٹریبونل کےسامنے پیش ہوں گے، دونوں کھلاڑی پہلے بھی پی سی بی اینٹی کرپشن یونٹ میں بیان ریکارڈ کراچکے ہیں۔

  • فیئر ویل دینے کی تیاری، نجم سیٹھی کا شاہد آفریدی کو فون

    فیئر ویل دینے کی تیاری، نجم سیٹھی کا شاہد آفریدی کو فون

    لاہور : پاکستان کرکٹ بورڈ شاہد آفریدی کو فیئر ویل دینے کو تیار ہوگیا، معاملات طے کرنے کیلئے نجم سیٹھی نے آفریدی کوفون کرکے لاہور بلالیا۔

    تفصیلات کے مطابق پاکستان کرکٹ بورڈ کی ایگزیکٹو کمیٹی کے چیئرمین نجم سیٹھی نے شاہد آفریدی کو شایان شان فیئر ویل دینے کی یقین دہانی کرا دی۔ بوم بوم کوالوداع کہنے کی تیاری کی جارہی ہے، پاکستان کرکٹ بورڈ نے آفریدی کو فیئر ویل دینے پر آمادگی ظاہرکردی۔

    چیئرمین پی ایس ایل نجم سیٹھی نے شاہد آفریدی سے ٹیلی فونک رابطہ کیا۔ اس موقع پر دونوں شخصیات کے درمیان فیئر ویل دینے کےحوالے سےبات چیت ہوئی، نجم سیٹھی نے معاملات کو حتمی شکل دینے کیلئے آفریدی کو لاہور بلالیا۔

    نجم سیٹھی نے کہا ہے کہ شاہد آفریدی اصل ہیرو ہے، پی سی بی الوداعی تقریب کا انعقاد کرنے کوتیارہے۔ شاہد آفریدی جس طرح چاہتے ہیں انہیں فیئرویل دیں گے۔

    یاد رہے کہ دو روز قبل آفریدی نے ایک پریس کانفرنس میں پی سی بی پر شدید تنقید کرتے ہوئے کہا تھا کہ مجھے کسی فیئرویل کی ضرورت نہیں اور نہ ہی مجھے پاکستان کرکٹ بورڈ کی عزت کی ضرورت ہے۔

    ان کا کہنا تھا کہ میرے لیے شائقین کی محبت ہی کافی ہے لیکن پی سی بی کو یہ بات نہیں بھولنی چاہیئے کہ کرکٹ بورڈ کھلاڑیوں کی وجہ سے ہی ہے۔

  • کرکٹرمحمد عامر آج 25ویں سالگرہ منارہے ہیں

    کرکٹرمحمد عامر آج 25ویں سالگرہ منارہے ہیں

    کراچی: قومی کرکٹ ٹیم کے فاسٹ باؤلرمحمد عامر آج اپنی 25ویں سالگرہ منارہے ہیں‘ چھوٹی سی عمر میں عامر بڑے بڑے کارنامے انجام دے چکے ہیں اور امید ہے کہ ان کا باؤلنگ کیرئیر شاندار رہے گا۔

    تفصیلات کے مطابق قومی ٹیم کے لیفٹ آرم فاست باولر محمد عامر آج اپنی 25 ویں سالگرہ منارہے ہیں، محمد عامر 13 اپریل 1992ء کو گوجر خان میں پیدا ہوئے۔

    محمد عامر سات بہن بھائیوں میں دوسرے نمبر پر ہیں، فاسٹ باؤلر نے کرکٹ کا اسٹارٹ وسیم اکرم سے متاثر ہوکر کیا۔گیارہ سال کی عمر میں محمد عامر نے راولپنڈی میں باجوہ اسپورٹس اکیڈمی سے اپنے کیریئر کا آغاز 2003ء سے کیا۔

    محمد عامر سے متعلق دلچسپ حقائق

     مایہ ناز فاست باولر نے قومی ٹیم کی نمائندگی کرنے کے بعد گوجر خان چھوڑ کر لاہور میں قیام کا فیصلہ کیا، برطانوی نژاد پاکستانی خاتون نرجس خان سے ستمبر 2016ء میں شادی کی۔

    عامر کا ٹیسٹ ڈیبیو سری لنکا کے خلاف 2009، میں جبکہ ون ڈے ڈیبیو سری لنکا ہی کے خلاف 30 جولائی 2009ء کو ہوا۔

    عامر نے اس وقت بہت ہی برا وقت دیکھا جب ان پر انگلینڈ میں 2010ء میں تیسٹ سیریز کے دوران اسپات فکسنگ کا الزام لگا اور عامر نے سب سے پہلے اپنا گناہ مانا اور سزا بھگتنے کے بعد دوبارہ قومی ٹیم میں اپنی جگہ بنائی۔

    ان دنوں فاسٹ باؤلر ویسٹ انڈیز میں ٹیم کے ہمراہ موجود ہیں اور امید کی جارہی ہے کہ وہ اپنی سالگرہ بھی ساتھی کھلاڑیوں کے ہمراہ ہی منائیں گے۔

    اس خوشی کے دن پر ان کی شریکِ حیات نرجس عامر نے اپنے ٹویٹر پیغام میں محمد عامر کا دنیا کا سب سے بہترین شوہر قرار دیتے ہوئے اللہ سے ان کی حفاظت اور ان کو بھرپور خوشیوں سے نوازنے کی دعا کی ہے۔

  • ناصر جمشید پر اسپاٹ فکسنگ کیس میں فرد جرم عائد

    ناصر جمشید پر اسپاٹ فکسنگ کیس میں فرد جرم عائد

    لاہور : پاکستان کرکٹ بورڈ نے پی ایس ایل فکسنگ اسکینڈل میں ملوث قومی کرکٹ ٹیم کے سابق اوپنر ناصر جمشید پر فرد جرم عائد کر دی جبکہ شاہ زیب حسن کا کیس ٹریبونل کے سپرد کر دیا گیا۔

    تفصیلات کے مطابق اسپاٹ فکسنگ اسکینڈل میں کرکٹر ناصر جمشید کو پی سی بی نے چارج شیٹ جاری کردی ہے، ناصر جمشید کو الزامات کا جواب دینے کیلئے 14 روز کی مہلت دی گئی ہے۔ چارج شیٹ میں ناصر جمشید پر تحقیقات میں عدم تعاون اور تحقیقات میں رخنہ ڈالنے کے الزامات لگائے گئے ہیں۔

    دوسری جانب ناصر جمشید کی اہلیہ نے سماجی رابطے جکی ویب سائٹ ٹوئٹر پر پی سی بی کو تنقید کانشانہ بنایا، انہوں نے اپنے ٹوئٹ میں کہا کہ پاکستان کرکٹ بورڈ پی سی بی نے ناصر جمشید کے وکیل کو جواب نہیں دیا۔

    یاد رہے کہ پی ایس ایل میں کھلاڑیوں اور بکیز کے درمیان سہولت کار کا کردار ادا کرنے والے ناصر جمشید کو کرائم ایجنسی نے فروری میں حراست میں لیا تھا اور وہ اپریل تک ضمانت پر رہا ہیں۔ کرکٹر ناصر جمشید پی ایس ایل سیزن 2 کا حصہ نہیں تھے بلکہ اس وقت انگلینڈ میں کوچنگ کورسز کر رہے تھے۔

    علاوہ ازیں اسپاٹ فکسنگ کیس میں پانچویں کرکٹر شاہ زیب حسن کے الزامات کا دفاع کرنے کے بعد ان کا کیس ٹربیونل کے حوالے کر دیا گیا۔

    واضح رہے کہ اس حوالے سے کرکٹرز شرجیل خان اورخالد لطیف کا کیس پہلے ہی ٹریبونل کے پاس ہے۔

  • اسپاٹ فکسنگ کا اصل مجرم ناصرجمشید پکڑمیں نہیں آرہا، توقیرضیا

    اسپاٹ فکسنگ کا اصل مجرم ناصرجمشید پکڑمیں نہیں آرہا، توقیرضیا

    لاہور : پی سی بی کے سابق چیئرمین توقیر ضیا نے کہا ہے کہ جسٹس عبدالقیوم کمیشن کی رپورٹ میں جن کھلاڑیوں کے نام آئے ہیں انہیں آگے نہیں لانا چاہئیے۔ فکسنگ اسکینڈل کا اصل مجرم ناصر جمشید ہے جو اینٹی کرپشن یونٹ کی گرفت میں نہیں آرہا۔

    ان خیالات کا اظہار انہوں نے لاہور میں ایک نجی یونیورسٹی کے سالانہ کھیلوں کے مقابلوں کی تقریب کے موقع پر میڈیا سے گفتگو کرتے ہوئے کیا، توقیرضیاء کا کہنا تھا کہ جسٹس عبدالقیوم کی رپورٹ کے بعد ملوث کھلاڑیوں کو ٹیم میں عہدے دینے سے گریز کیا۔

    توقیر ضیا نے کہا کہ عبدالقیوم کمیشن رپورٹ کے مطابق وسیم اکرم کو کپتان نہیں بنایا تھا، اپنےدورمیں وسیم اور مشتاق کوذمہ داریاں نہیں دی تھیں، مشتاق احمد کو کوچ بنانے کی مخالفت کرنے والےدرست ہیں، وسیم اکرم کو عزت مل رہی ہے تو گڑبڑ ہونے پر پکڑ بھی ہوگی۔

    ایک سوال کے جواب میں اسپاٹ فکسنگ ٹربیونل کے رکن توقیر ضیا کا کہنا تھا کہ میچ فکسنگ کے مقابلے اسپاٹ فکسنگ پکڑنا مشکل ہے، اس کیلئے گواہ اور ثبوت ہونا بھی ضروری ہے۔

    ناصرجمشید پکڑائی نہیں دے رہا۔ وہ اسپاٹ فکسنگ کا اصل مجرم ہے، توقیر ضیاء نے کہا کہ وہ فوجی ہیں، پانچ سے چھ روز میں یہ معاملہ نمٹاسکتے ہیں مگر انصاف کا تقاضہ ہے کہ ان لڑکوں کی بات بھی سُنی جائے۔

  • ویسٹ انڈیز کے خلاف مصباح کی یہ آخری سیریز ہوگی، شہریار خان

    ویسٹ انڈیز کے خلاف مصباح کی یہ آخری سیریز ہوگی، شہریار خان

    لاہور: چیئرمین پی سی بی شہریار خان نے کہا ہے کہ ویسٹ انڈیز کے خلاف ٹیسٹ سیریز کپتان مصباح الحق کی آخری سیریز ہوگی، مصباح سے اس بارے میں پوچھنے کی ضرورت نہیں۔

    قذافی اسٹیڈیم لاہور میں میڈیا سے گفتگو کرتے ہوئے چیئرمین پی سی بی شہریار خان نے کہا کہ ویسٹ انڈیز کے خلاف ٹیسٹ سیریز مصباح کی آخری سیریز ہوگی، مصباح سے اس بارے میں بات نہیں ہوئی اور نہ ہی ان سے پوچھنے کی ضرورت ہے۔

    یہ پڑھیں: دورہ ویسٹ انڈیز: قومی ٹیسٹ ٹیم کا اعلان

    بیالیس سالہ ٹیسٹ کپتان مصباح الحق کو نیوزی لینڈ، آسٹریلیا اور ویسٹ انڈیز کے خلاف چھ ٹیسٹ میں لگاتار شکست کے بعد سے تنقید کا نشانہ بنایا جارہا تھا۔

    misbah-ul-haq

    یاد رہے کہ مصباح الحق نے ڈھلتی عمر کے تاثر کو مسترد کرتے ہوئے کہا تھا کہ وہ پی ایس ایل کے دوسرے سیزن میں اپنی فٹنس کا جائزہ لینے کے بعد فیصلہ کریں گے تاہم مارچ میں پی سی بی نے اس بات کا اعلان کیا کہ مصباح ہی دوہ ویسٹ انڈیز میں ٹیسٹ ٹیم کی قیادت کریں گے۔

    یہ پڑھیں: مصباح الحق اور یونس خان وزڈن کے 5 بہترین کرکٹرز میں شامل

    واضح رہے کہ وزڈن کرکٹرز آف دی ایئر میں مصباح الحق 5 بہترین کھلاڑیوں میں شمار ہوئے ہیں،مصباح نے 72 ٹیسٹ میچز کی 126 اننگز کھیل کر 4991 رنز بنائے ہیں، جس میں 10 سنچریاں اور 36 نصف سنچریاں شامل ہیں، ٹیسٹ کپتان نے 2001ء میں نیوزی لینڈ کے خلاف آکلینڈ ٹیسٹ ڈیبیو کیا تھا۔

  • دورہ ویسٹ انڈیز: قومی ٹیسٹ ٹیم کا اعلان

    دورہ ویسٹ انڈیز: قومی ٹیسٹ ٹیم کا اعلان

    لاہور: دورہ ویسٹ انڈیز کے لیے قومی ٹیسٹ کرکٹ ٹیم کا اعلان کردیا گیا، ٹیم کی قیادت مصباح الحق کریں گے۔

    تفصیلات کے مطابق پاکستان کرکٹ بورڈ نے ویسٹ اندیز کیخلاف کھیلی جانے والی ٹیسٹ سیریز کیلئے قومی کرکٹ ٹیم کے کھلاڑیوں کے ناموں کا اعلان کردیا ہے۔

    مصباح الحق ٹیسٹ ٹیم کی قیادت کریں گے جبکہ سرفراز احمد نائب کپتان ہونگے، اس بار ٹیسٹ ٹیم میں 3 اسپنرز کو شامل کیا گیا ہے۔

    پی سی بی کے مطابق ٹیم کے باقی کھلاڑیوں میں یونس خان،اظہرعلی، اسد شفیق، یاسرشاہ، وہاب ریاض، محمد عامر، شاداب خان، محمد اصغر، احمد شہزاد، شان مسعود،شامل ہیں۔

    عثمان صلاح الدین، حسن علی اورمحمد عباس بھیٹیسٹ ٹیم کا حصہ ہوں گے ۔ ویسٹ انڈیز کیخلاف ٹیسٹ سیریز کا پہلا میچ 22 اپریل کو ہوگا۔

    ویسٹ انڈیز نے ون ڈے سیریز کیلئے اسکواڈ فائنل کرلیا

    واضح رہے کہ ویسٹ انڈیز نے پاکستان کے خلاف ون ڈے سیریز کے لئے تیرہ رکنی اسکواڈ کا اعلان کردیا۔ تینوں میچ گایانا میں ہوں گے۔ جیسن ہولڈر ٹیم کی قیادت کریں گے۔ اوپنر کریگ بریتھ ویٹ کو ڈراپ کردیا گیا ہے۔ ٹی ٹوئنٹی کے کپتان کارلوس برتھ ویتھ آئی پی ایل میں شرکت کے باعث سیریز کا حصہ نہیں ہوں گے۔

    پاکستان پہلے ہی اسکواڈ کا اعلان کرچکا ہے۔ سرفراز احمد کیلئے سیریز چیلنج ہوگی۔ سیریز میں فتح پاکستان کی رینکنگ میں آٹھویں پوزیشن مستحکم بنا لے گی۔ پاکستان کا ون ڈے رینکنگ میں آٹھواں اور ویسٹ انڈیز کا نواں نمبر ہے۔ سیریز کا پہلا میچ سات اپریل کو گیانا میں کھیلا جائے گا۔

  • پی سی بی چیئرمین شہریار خان نے استعفیٰ دے دیا

    پی سی بی چیئرمین شہریار خان نے استعفیٰ دے دیا

    لاہور: چیئرمین پاکستان کرکٹ بورڈ شہریارخان نے ذاتی اور طبی وجوہات کی بنا پر استعفیٰ دیا‘ ان کا کہنا ہے کہ جب تک نئے چیئرمین کا تقرر نہیں ہوجاتا کام کرتے رہیں گے۔

    تفصیلات کے مطابق شہریار خان نے اس خبر کی تصدیق لاہور میں پاکستان کرکٹ بورڈ کے ممبران سے ملاقات کے بعد صحافیوں سے گفتگو کرتے ہوئے کی۔

    ان کا کہنا تھا کہ ’’انہوں نے بورڈ کے ممبران کو اعتماد میں لیا ہے اور انہیں بتادیا ہے کہ 18 اگست کو اپنے عہدےکی مدت ختم ہونے کے بعد وہ مزید کام نہیں کریں گے‘‘۔

    انہوں نے یہ بھی کہا کہ وہ چیئرمین یا کسی بھی دیگر عہدے پر پی سی بی کے لیے اب کام نہیں کرسکیں گے۔ انہوں نے پاکستان کرکٹ بورڈ کے پیٹرن وزیراعظم میاں نواز شریف کو اس معاملے پر لکھ دیا ہے کہ وہ استعفے کے لیے تیار ہیں اور وزیراعظم جب چاہیں اسے منظور کرلیں۔

    کرکٹ کی مشہور ویب سائٹ ’کرک انفو‘ کے مطابق شہریارخان پرمسلسل دباؤ تھا ’’کہ وہ پی ایس ایل کے چیئرمین نجم سیٹھی کے حق میں دست بردار ہوجائیں جوکہ گزشتہ ڈیڑھ سال سے اس کے لیے کوشش کررہے ہیں‘‘۔

    شہریارخان کو اگست 2014 میں پی سی بی کا چیئرمین مقرر کیا گیا تھا۔ اس سے قبل وہ 2003 میں بھی پی سی بی چیف کے عہدے پر کام کرچکے تھے۔

    واضح رہے کہ پاکستان کرکٹ بورڈ کے موجودہ گورننگ بورڈ کے ارکان کی مدت بھی ختم ہونے جا رہی ہے ۔ اس صورتحال میں وزیر اعظم کو پاکستان کرکٹ بورڈ کی جانب سے دو نام بھجوائے جائیں گے جنہیں نئے گورننگ بورڈ میں پیش کر کے چیئرمین کا انتخاب عمل میں لایا جائے گا۔