Tag: PCB

دبئی: بھارتی کرکٹ بورڈ کےسربراہ اورمیرے درمیان پیغام رسانی بیگمات کے زریعے نہیں ہوتی تھی،شہریارخان نے نجم سیٹھی کےدعوے کوجھٹلادیا، کہتےہیں شاید حکومت ورلڈٹی ٹوئنٹی میں شرکت کی اجازت نہ دے

بیگمات کی کرکٹ ڈپلومیسی سے شہریارخان کاانکار۔۔ نجم سیٹھی کے دعوے کی تردید کردی۔ دبئی میں بات کرتے ہوئے شہریارخان نے کہا کہ ان کی اورششانک منوہرکی بیوی صرف روزہ مرہ کی باتیں کرتی ہیں،کرکٹ کی نہیں،بھارتی کرکٹ بورڈ کےسربراہ نےکی بیوی نے ان کی بیوی کو ممبئی میں شاپنگ کی دعوت دی تھی۔

 شہریارخان نجم سیٹھی کےاس دعوے کاجواب دے رہے تھے جس میں کہا گیا تھا کہ شہریارخان اورششانک منوہرکی بیویاں کرکٹ سے متعلق اپنے اپنے شوہروں کے پیغام ایک دوسرے کو پہنچاتی ہیں ممبئی میں اپنے ساتھ پیش آنے والے واقعے کے نتیجےمیں شہریارخان نےبھارت سے سیریز کا امکان انتہائی کم قراردیا۔

ان کا کہنا تھا کہ چار پانچ دن میں جواب نہ آیا توسمجھیں گےکہ بھارت نہیں کھیلنا چاہتا انہوں نےکہا لگتا ہےحکومت ورلڈ ٹی 20میں شرکت کی اجازت نہیں دے گی۔ چیرمین پی سی بی نے میاندادکا ریکارڈ توڑنے پر یونس خان کیلئے دس لاکھ روپے انعام کا اعلان کیا۔

دوسری جانب شہریارخان نے برطانوی اخبارکو انٹرویو دیتے ہوئےکہاکہ ہم نے بگ تھری کی کچھ شرائط پر سائن کیاتھا، فیصلے کی نظرثانی کریں گے، بگ تھری سائن کرنے کے ایک سال بعد ہی اندازہ ہوگیا کہ ہر ملک کیلئے مساوی نہیں ہے۔

 انہوں نے مزید کہا کہ بگ تھری میں چند ملکوں کی اجارہ داری قبول نہیں، بگ تھری مساوات اور جمہوریت کےخلاف ہے، پاکستان کے علاوہ دوسرے ممالک کو بھی بگ تھری پر تحفظات ہے۔