لاہور: پاکستان کرکٹ بورڈ نے سابق ٹیسٹ کرکٹر سرفراز نواز کے معاہدے کی تجدید نہ کرنے کا فیصلہ کر لیا ہے۔
سرفراز نواز پی سی بی اسلام آباد ریجن میں بولنگ کنسلٹنٹ کی حیثیت سے کام کر رہے ہیں اور ان کا معاہدہ رواں ماہ ختم ہونا ہے۔
ورلڈ کپ کے ابتدائی میچوں میں شکست کے بعد پی سی بی آفیشلز پر میچ فکسنگ کے الزامات لگانے کے بعد پی سی بی کی جانب سے سرفراز نواز کو قانونی نوٹس بھیجا گیا تھا اور اس کے بعد ان کی معاہدے کی تجدید نہ کرنے کا فیصلہ کیا گیا ہے۔
لاہور: پاکستان کرکٹ بورڈ نے چیف سلیکٹر معین خان کو کیسینو جانے کے معاملے پر کلین چٹ دے دی۔ چئیرمین بورڈ شہریار خان کا کہنا ہے معین نے وضاحت کردی اب معاملہ ختم ہوگیا۔
تفصیلات کے مطابق قذافی اسٹیڈیم لاہور میں معین خان نے چالیس منٹ تک چئیرمین پی سی بی شہریار خان سے ملاقات کی اور انہیں کیسینو جانے پر وضاحت پیش کی ۔
بعد ازاں میڈیا سے گفتگو میں چئیرمین بورڈ کا کہنا تھا کہ معین اب بھی اپنے مؤقف پر قائم ہیں کہ انہوں نے کیسینو جانے کی غلطی کی ہے لیکن جواء نہیں کھیلا۔
چئیرمین پی سی بی نے کہا کہ ان کی تفتیش کے مطابق معین خان کا موقف غلط نہیں ہے۔ بورڈ کے کاغذوں میں وہ پاک صاف ہیں۔
شہریار خان نے کہا کہ معین خان نے کیسینو جانے پر وضاحت پیش کردی ہے ، اب معاملہ ختم ہوگیا ہے۔ چئیرمین پی سی بی نے گفتگو کے دوران کہا کہ معیں خان میڈیا کا سامنا نہیں کرنا چاہتے ۔اس دوران معین خان کو پچھلے دروازے سے نکال دیا گیا ۔
واضح رہے کہ اے آر وائی نیوز نے معین خان کے کیسینو جانے پر سب سے پہلے نیوز بریک کی تھی،اور وہاں موجود عینی شاہد کا بیان بھی آن ائیر کیا تھا،جس پر چیئرمین پی سی بی نے خبر کا نوٹس لے کر ان سے وضاحت طلب کرتے ہوئے معین خان کووطن واپس بلا لیا تھا۔
نیپئیر: پاکستان کرکٹ ٹیم کے کپتان مصباح الحق نے دبے لفظوں میں ناصر جمشید کی پیٹ تھپتھپادی اور غیرتسلی بخش کارکردگی کے باوجود ایک اور چانس ملنے کا امکان نظر آنے لگاہے۔
مصباح کا کہنا ہے کہ ناصرجمشید صرف دو اننگز میں ناکام ہوئے۔ ان کے بارے میں اب تک کوئی فیصلہ نہیں کیا گیا۔ ورلڈ کپ میں ناصرجمشید نے دو میچوں میں ٹیم کے لئے کچھ نہیں کیا، لیکن کپتان نہ جانے کیوں ان کے بارے میں فیصلہ نہیں کرپارہے۔
سوال یہ پیدا ہوتا ہے کہ ایسی کیا بات ہے جو رکاوٹ بن رہی ہے۔ ناصر پراتنی مہربانی کیوں کی جارہی ہے۔ ذرائع کے مطابق چیئرمین پی سی بی نے آئندہ میچ میں ناصر جمشید کی جگہ سرفراز کو کھلانے کی بات کی تھی، لیکن کپتان تو پھر کپتان ہے۔
مصباح الحق نے نیپئیر میں نیوز کانفرنس میں سب کہہ بھی دیا اور کچھ کہا بھی نہیں۔ کہتے ہیں ناصرصرف دو اننگز میں ناکام ہوا۔ یو اے ای کے میچ میں ان کے بارے میں فیصلہ نہیں کیا گیا۔ اس کا کیا مطلب ہے؟
کیا ناصر کو ایک اور چانس ملنے والا ہے؟ اور سرفراز پھر ڈریسنگ روم کی زینت بنیں گے؟ ان کا کہنا تھا کہ پول بی اوپن ہے،سب ٹیموں کےپاس کوارٹرفائنل کاچانس ہے۔
ایک میچ خراب کھیلاتوباہرہوجائیں گے،نیٹ رن ریٹ بھی بہترکرناہوگا۔
لاہور : معین خان نے شہر یارخان سے ملنے سے معذرت کا اظہارکردیا، تفصیلات کے مطابق قومی کرکٹ ٹیم کے چیف سلیکٹر معین خان اور چیئرمین پی سی بی شہریار خان کے درمیان آج لاہور میں ہونے والی ملاقات ملتوی کردی گئی۔
چیف سلیکٹر معین خان کی ملاقات چیئرمین پی سی بی شہریار خان سے شیڈول کے مطابق تھی، لیکن خرابی صحت کی وجہ سے معین خان نے لاہور آنے سے معذرت کرلی ہے۔
واضح رہے کہ معین خان پر الزام ہے کہ وہ ورلڈ کپ میں پاکستان اور ویسٹ انڈیز کے میچ سے ایک روز قبل کرائسٹ چرچ کے ایک کیسینو میں گئے تھے۔
جہاں انہوں نے مبینہ طور پر جواء بھی کھیلا تھا،چیئرمین پی سی بی نے معاملے کی وضاحت طلب کرنے کیلئے معین خان کو فوری طور پر وطن واپس بلالیا تھا۔
مذکورہ خبر اے آروائی نیوز نے بریک کی تھی، اورعینی شاہد کا بیان بھی نشر کیا تھا،جس کی تصدیق کرتے ہوئے چیف سلیکٹر نے کیسینو جانے کا اعتراف بھی کیا تھا اور وہ پاکستانی قوم سےاپنی اس غلطی پرمعافی بھی مانگ چکے ہیں۔
کراچی: چیف سلیکٹر معین خان برسبین سے براستہ دبئی کراچی پہنچ گئے، سابق کپتان ایک دن آرام کے بعد چئیرمین پی سی بی سے ملاقات کے لئے لاہور جائیں گے۔
پاکستان ٹیم کے چیف سلیکٹر معین خان گزشتہ شب برسبین سے پاکستان کیلئے روانہ ہوگئے تھے، طویل فاصلہ طے کرنے کے بعد معین خان فلائیٹ ای کے سکس زیرو ایٹ کے ذریعے براستہ دبئی کراچی پہنچ گئے ہیں۔ جہاں وہ میڈیا سے نظرے چرا کر خاموشی سے گھر کے لئے روانہ ہوگئے۔
دوسری جانب ناراض شائقین کا غصہکم ہونے کا نام ہی نہیں لے راہا ہے، ٹیم کی ناقص کارکردگی اور معین خان کی کسینو جانے پر ناراض شائقین گندے انڈوں کے ساتھ ان کا استقبال کرنے کے لئے آئیر پورٹ پہنچے گئے۔
ناراض شائقین کی معین خان سے ملاقات نہ ہوسکی تو احتجاجی طور پر انڈے اپنے ہی سر پر پھوڑ ڈالے۔
شائقین کا کہنا ہے کہ ٹیم کی کارکردگی صفر ہے اور چیف سلیکٹر کسینو میں رنگ رلیاں منا رہے ہیں، معین خان ایک روز کراچی میں قیام کے بعد لاہور جاکر چیئرمین پی سی بی کو تحریری معافی نامہ پیش کرینگے،ذرائع کے مطابق چیف سلیکٹر عہدے سے مستعفی ہونے کا اعلان بھی کرسکتے ہیں۔
لاہور : جعلی ٹوئٹراکاؤنٹ سےپاکستانی مڈل آرڈربیٹسمین یونس خان کی ریٹائرمنٹ کے اعلان نے پی سی بی میں کھلبلی مچا دی۔
جعلی ٹوئٹر اکاؤنٹ تجربہ کار بلے باز یونس خان کے گلے کا پھندا بنتے بنتے رہ گیا۔ ورلڈکپ میں ناقص کارگردگی پر شدید تنقید کا نشانہ بنے والے یونس خان کو کسی منچلے نے جعلی ٹوئٹر اکاؤنٹ کے ذریعہ گھر کا ہی راستہ دکھا دیا ۔
ٹوئٹر سے یونس خان کے ریٹائرمنٹ کی خبر آئی تو جنگل میں آگ کی طرح پھیل گئی۔ مگرکرکٹ بورڈ نے فوری طور پر تردیدی بیان میں کہا کہ یونس کا ٹوئٹر پر کوئی اکاؤنٹ ہی نہیں۔
لیکن اس ٹوئٹ سے یونس خان کو اندازہ تو ہوگیا ہوگا کہ شائقین کرکٹ اب اُن سے چاہتے کیا ہیں؟
سابق فاسٹ بولرعاقب جاویدنےپاکستانی ٹیم کی سلیکشن پرسوال اٹھادیے کہتے ہیں جن کھلاڑیوں پرمحنت کی گئی انہیں کھلایانہیں جارہا۔سرفرازکسی اورٹیم میں ہوتاتوڈراپ کرنےکاسوچابھی نہ جاتا۔
ورلڈ کپ میں بولرزکی ناقص کارکردگی کا ذمہ دارعاقب جاوید نےسلیکشن کمیٹی کوقراردیا۔
غیرملکی نیوزایجنسی سےبات کرتےہوئے بانوے ورلڈکپ کےاسٹارنےکہا ٹیم کسی تیاری کے بغیر آئی ہے۔ کئی سال تک جن پر محنت کی گئی ان کے بجائے دوسروں کوکھلایا جارہا ہے۔
انہوں نے کہا کہ سہیل خان اورویاب ریاض کو ورلڈ کپ میں کھلانا تھا تونیوزی لینڈ اورآسٹریلیا کے خلاف موقع کیوں نہیں دیا گیا۔
عاقب جاوید نے کہا کہ یونس سے رن نہیں ہورہے تو انھیں ڈراپ کرنے میں کون سی راکٹ سائنس ہے۔ سرفرازکسی اورٹیم میں ہوتےتوڈراپ کرنےکاسوچا بھی نہیں جاسکتا تھا۔
عاقب جاوید نے مزید کہا کہ ایسا لگ رہا ہےہرشخص خراب کارکردگی کی ذمہ داری دوسرے پرڈال رہا ہے۔
لاہور : قومی کرکٹ ٹیم کے چیف سلیکٹرمعین خان کا کیسینو جانا مہنگا پڑگیا، اے آر وائی نیوز کی خبر پر پی سی بی کا فوری ایکشن، سابق کرکٹر کو وطن واپسی کا پروانہ تھما دیا گیا۔
تفصیلات کے مطابق چیئرمین پی سی بی چیئرمین پی سی بی شہریار خان کی زیر صدارت لاہورقذافی اسٹیڈیم میں ہونے والے اجلاس میں فیصلہ کیا گیا کہ معین خان کو فوری طور پروطن واپس بلایا جائے۔
انہوں نے اس بات کا بھی اعلان کیا کہ نوید اکرم چیمہ ٹیم مینجر کے ساتھ ٹوور سلیکشن کمیٹی کے سربراہ بھی ہونگے۔
چیئرمین پی سی بی کرکٹ سربراہ اس بات ثابت قدم رہے کہ معین خان کھانا کھانے کیلئے کیسینو گئے،جوا کھیلنے نہیں۔ انہوں نے کہا کہ اس بات کا اثر پاکستان ٹیم پر نہیں پڑے گا۔
لاہور: پاکستان کرکٹ ٹیم کے چیف سلیکٹرمعین خان نے کہا ہے کہ میں کیسینو ضرور گیا تھا صرف کھانا کھانے کیلئے لیکن وہاں جاکرجواء نہیں کھیلا۔
یہ بات انہوں نے پی سی بی کو بھیجی گئی ای میل میں کیا۔ تفصیلات کے مطابق چیف سلیکٹرپی سی بی معین خان نے اے آر وائی کی خبر کی تصدیق کردی۔
پی سی بی کو ای میل کئے گئے اپنے وضاحتی بیان میں انہوں نے اعتراف کرلیا کہ میں کیسینو صرف کھانا کھانے کیلئے گیا تھا، وہاں جاکر جواء نہیں کھیلا۔
انہوں نے اپنے پہلے بیان کہ ’’میں کھلاڑیوں کو چیک کرنے گیا تھا” پر معافی بھی مانگ لی۔ اب پاکستان کرکٹ بورڈ اس بات کا فیصلہ کرے گا کہ قانون کے مطابق کیا کارروائی کی جائے۔
جبکہ چئرمین پی سی بی شہر یار خان کا کہنا ہے کہ اگر معین خان جواء کھیلنے کے حوالے سے قصور وار پائے گئے تو تو سخت تادیبی کارروائی کی جائے گی۔
اس حوالے سے سابق ٹیسٹ کرکٹرباسط علی کا کہنا ہے کہ معین خان کا ما ضی بے داغ ہے، انہوں نے جو بیان دیا وہ سچ ہے۔
کراسٹ چرچ: عینی شاہد نے معین خان کا بھانڈا پھوڑ دیا معین خان نے کسینو کے وی آئی پی لاؤنج میں جوا کھیلا تھا۔
اے آر وائی نیوز سے خصوصی گفتگو کرتے عینی شاہد کا کہنا تھا کہ میچ سے ایک رات قبل معین خان کافی دیر تک کرائسٹ چرچ کے کسینو میں رہے۔
عینی شاہد نےاےآروائی نیوزکی خبرکی تصدیق کرتے ہوئے کہا کہ معین خان رات 2 بجے سے تقریباَ ساڑھے 3 بجے تک کسینو کےوی آئی پی لاؤنج میں تھے،ان کےپاس بڑی رقم تھی ،دس سےپندرہ ہزارڈالر کاجوا کھیلا ہوگا۔
عینی شاہد نے ایک اور انکشاف کیا کہ کیسینو میں معین خان کے ساتھ جیونیوز کے اینکر یحیٰی حسینی بھی تھے۔
عینی شاہد نے بتایا کہ میں نے خود بیگم معین خان کو بھی کیسینو میں بڑی رقم کے ساتھ جواء کھیلتے ہوئے دیکھا تھا۔
ایک سوال کے جواب میں عینی شاہد کا کہنا تھا کہ معین خان کسینو کےوی آئی پی لاؤنج میں تھے اور وی آئی پی لاونج میں داخلے کے لئے کم از کم دس سے پندرا ہزار ڈالر درکار ہوتے ہیں۔
کیسینو میں موجود ایک پاکستانی نژاد ڈاکٹر نے بھی معین خان کو تنقید کا نشانہ بناتے ہوئے کہا کہ پاکستان ٹیم کی بدترین شکست کے بعد چیف سلیکٹر کو کیسینو میں دیکھ کر حیرت ہوئی۔
عینی شاہد نے بتایا کہ ان کے کچھ ساتھیوں نے بھی معین خان کے ساتھ تصویریں بنوائی ہیں جہیں حاصل کرنے کی کوشش کی جارہی ہے تاکہ بطور ثبوت اے آر وائی نیوز کو پیش کی جاسکیں۔