ARYNews.tv | Urdu – Har Lamha Bakhabar

Tag: PCB

  • کرکٹ کے شائقین کے لیے پی سی بی کا بڑا قدم

    کرکٹ کے شائقین کے لیے پی سی بی کا بڑا قدم

    روالپنڈی: کرکٹ کے شائقین کے لیے خوش خبری ہے کہ پاکستان کرکٹ بورڈ (پی سی بی) نے ڈومیسٹک سیزن 23-2022 کا کیلنڈر جاری کر دیا ہے۔

    تفصیلات کے مطابق پی سی بی نے رواں اور آئندہ برس کے سینئر کرکٹ سیزن کے لیے کیلنڈر جاری کر دیا، سینئر کرکٹ سیزن کا آغاز 33 میچز پر مشتمل نیشنل ٹی ٹوئنٹی کپ سے ہوگا۔

    نیشنل ٹی ٹوئنٹی کپ ٹورنامنٹ کے میچز راولپنڈی اور ملتان میں کھیلے جائیں گے، یہ ٹورنامنٹ 30 اگست سے 19 ستمبر کے درمیان راولپنڈی اور ملتان میں کھیلا جائے گا۔

    کرکٹ ایسوسی ایشنز ٹی ٹوئنٹی 2 تا 15 ستمبر کوئٹہ میں کھیلا جائے گا، قائد اعظم ٹرافی 27 ستمبر تا 30 نومبر ایبٹ آباد، اسلام آباد، راولپنڈی اور کراچی میں کھیلا جائے گا۔

    کرکٹ ایسوسی ایشنز چیمپئن شپ 27 ستمبر تا 23 نومبر ایبٹ آباد، اسلام آباد، راولپنڈی اور کراچی میں کھیلا جائے گا۔

    پاکستان کپ 10 دسمبرتا 3 جنوری کراچی میں کھیلا جائے گا، جب کہ کرکٹ ایسوسی ایشنز چیلنج 10 تا 29 دسمبر کراچی میں کھیلا جائے گا۔

  • کشمیر پریمیئر لیگ سیزن ٹو : سات کھلاڑیوں کی قسمت جاگ گئی

    کشمیر پریمیئر لیگ سیزن ٹو : سات کھلاڑیوں کی قسمت جاگ گئی

    لاہور : کشمیر پریمئر لیگ کے دوسرے ایڈیشن کیلیے تیاریاں زور و شور سے جاری ہیں۔ پاکستان کرکٹ بورڈ نے سیزن ٹو کیلئے سات کھلاڑیوں کو کھیلنے کی اجازت دے دی ہے۔

    اس حوا لے سے ذرائع کا کہنا ہے کہ 7سینٹرل کنٹریکٹ کھلاڑیوں کو پی سی بی نے کشمیر پریمئیر لیگ کھیلنے کی اجازت دی ہے۔

    ذرائع کے مطابق پی سی بی چئیرمین رمیزراجہ نے ٹورنامنٹ ڈائریکٹر راشد لطیف کی درخواست پر مذکورہ کھلاڑیوں کو اجازت دی

    ان کھلاڑیوں میں اظہرعلی، فوادعالم، عابد علی، نعمان علی شامل ہیں اس کے علاوہ عثمان علی، محمد ہریرہ اورحسیب اللہ کو بھی موقع مل گیا۔

    واضح رہے کہ کشمیر پریمئرلیگ کا دوسرا ایڈیشن 11 سے 25 اگست کے دوران مظفرآباد میں سجے گا جبکہ ایونٹ کیلیے پلئرز ڈرافٹنگ21 جولائی کو اسلام آباد میں ہوگی۔

  • انجریز سے پریشان شاداب خان نے اہم فیصلہ کرلیا

    انجریز سے پریشان شاداب خان نے اہم فیصلہ کرلیا

    لاہور: قومی کرکٹ ٹیم کے آل راؤنڈر شاداب خان نے مسلسل انجریز سے چھٹکارے کا حل نکال لیا ۔

    تفصیلات کے مطابق قذافی اسٹیڈیم لاہور میں میڈیا سے گفتگو میں شاداب خان نے کہا کہ انجریز سے کافی پریشانی ہوتی ہے، اسی لئے اب ٹریننگ ایسی کررہا ہوں جس سےانجریز نہ ہوں کیونکہ انجری کے بعد ٹیم میں واپسی مشکل ہوتی ہے۔

    شاداب خان نے کہا کہ ویسٹ انڈیزکی ٹیم ویسے ہی بہت مضبوط ٹیم ہے، ان کے خلاف سیریز اچھی ہو گی، ورلڈکپ بھی آنےوالا ہے،کوشش ہوگی اچھی پریکٹس کریں۔

    انہوں نے کہا کہ کاؤنٹی میں کنڈیشنز مشکل تھیں، انگلینڈ میں کھیل کر فائدہ ہوا ہے، عادل رشید کے ساتھ کام کیا، مزید بہتری لانے کا موقع ملے گا۔

    یہ بھی پڑھیں:ملتان کا گرم موسم، شاہین شاہ نے حکمت عملی تبدیل کرلی

    قومی ٹیم کے آل راؤنڈر کا کہنا تھا کہ دونوں ورلڈ کپ کی بھرپور تیاری کر رہے ہیں، اس سال ٹی ٹوئنٹی ورلڈ کپ بھی ہے، کوشش ہو گی کہ پچھلے سال سے مزید اچھا کریں۔ نیوزی لینڈ میں ورلڈ کپ سے قبل سیریز ہوئی تو فائدہ ہو گا۔

    شاداب خان نے کہا کہ جس نمبر پر بھی موقع ملتا ہے اس کے مطابق کھیلنے کی کوشش کرتا ہوں۔

  • اگلا ہدف کیا ہے؟ ویمنز ٹیم کی کپتان نے بتادیا

    اگلا ہدف کیا ہے؟ ویمنز ٹیم کی کپتان نے بتادیا

    کراچی: قومی ویمنز ٹیم کے کپتان بسمہ معروف نے اپنا ہدف بتادیا۔

    تفصیلات کے مطابق کراچی میں سری لنکا کے ون ڈے سیریز کے لئے ٹرافی کی رونمائی کے بعد میڈیا سے گفتگو میں ویمنز ٹیم کی کپتان نے کہا کہ مہمان ٹیم کے خلاف ٹوئٹنی سیریز جیتنے سے کھلاڑیوں کا مورال بلند ہوا اور وہ ون ڈے سیریز میں بھی عمدہ کارکردگی کے لئے پرعزم ہیں۔

    بسمہ معروف نے کہا کہ یہ سیریز آئی سی سی چیمپئن شپ کا حصہ ہے اور اس کا ہر پوائنٹ ہمارے لئے نہایت اہمیت رکھتا ہے، ہم چاہتے ہیں کہ اگلے ورلڈکپ میں براہ راست شامل ہوں۔

    اس سے قبل پاکستان اور سری لنکا کے درمیان ون ڈے سیریز کے آغاز سے قبل ٹرافی کی رونمائی کی گئی، اس موقع پر قومی ٹیم کی کپتان بسمہ معروف اور مہمان ٹیم کی قائد چماری اتاپتو نے ٹرافی کے ساتھ خصوصی فوٹو شوٹ کرایا۔

    یہ بھی پڑھیں:ویمنز ون ڈے سیریز: چمچاتی ٹرافی سے پردہ اٹھ گیا

    دونوں ٹیموں کے درمیان ون سیریز کا آغاز کل سے کراچی میں ہوگا، دوسرا ون ڈے تین جون جبکہ پانچ جون کو تیسرا ایک روزہ میچ کھیلا جائے گا، یہ سیریز آئی سی سی ویمنز چیمپئن شپ کا حصہ ہوگی۔

    یاد رہے کہ پاکستان نے ٹی ٹوئنٹی سیریز میں مہمان ٹیم کو چاروں شانے چت کرتے ہوئے ٹرافی اپنے نام کی تھی، مہمان ٹیم کو تین صفر سے شکست ہوئی تھی۔

  • خواتین کرکٹرز کے لئے بڑی خوشخبری، پی سی بی کا اہم اعلان

    خواتین کرکٹرز کے لئے بڑی خوشخبری، پی سی بی کا اہم اعلان

    لاہور: ویمنز کرکٹ کو فروغ دینے کے لئے پاکستان کرکٹ بورڈ کا احسن اقدام سامنے آیا ہے۔

    پاکستان کرکٹ بورڈ کی جانب سے پریس ریلیز کے مطابق پی سی بی نے خواتین کھلاڑیوں کے پول کو وسعت دینے کے لیے تمام کرکٹ ایسوسی ایشنز کے تعاون سے اگلے ماہ ملک بھر میں خواتین کرکٹرز کے ٹرائلز لینے کا اعلان کیا ہے۔

    یہ ٹرائلز تین مختلف کیٹیگریز میں لیے جائیں گے، جس میں انڈر نائنٹین، ایمرجنگ اور سینئر خواتین کھلاڑیوں کی کیٹیگریز شامل ہیں، انڈر نائنٹین کٹیگری میں صرف وہ کھلاڑی شامل ہوں گی جو یکم ستمبر دوہزار تین یا اس کے بعد پیدا ہوئیں۔

    ایمرجنگ کیٹیگری کے لیے عمر کی حد انیس سے چوبیس سال تک مقرر کی گئی ہے اسی طرح پچیس سے اٹھائیس سال تک کی خواتین کھلاڑی سینیئر کیٹیگری میں ٹرائلز دینے کی اہل ہوں گی۔

    https://twitter.com/TheRealPCB/status/1519196989552054272?s=20&t=eqy-wyUWmjYIFZJyeVWkVQ

    زیادہ سے زیادہ نئی خواتین کھلاڑیوں کی شرکت کو یقینی بنانے کے لیے پی سی بی نے فیصلہ کیا ہے کہ ریجنل اکیڈمیز کی خواتین کرکٹرز ان ٹرائلز میں شرکت کرنے کی اہل نہیں ہوں گی۔

    https://twitter.com/TheRealPCB/status/1519196997382819840?s=20&t=eqy-wyUWmjYIFZJyeVWkVQ

    ملک بھر میں منعقدہ ان ٹرائلز کی نگرانی سابق ٹیسٹ اور فرسٹ کلاس کرکٹرز کریں گے جبکہ پی سی بی پہلے ہی اعلان کرچکا ہے کہ ڈومیسٹک سیزن دو ہزار بائیس تئیس میں سو خواتین کرکٹرز شرکت کریں گی۔

    https://twitter.com/TheRealPCB/status/1519197005205155840?s=20&t=eqy-wyUWmjYIFZJyeVWkVQ

    پی سی بی کے مطابق ملک بھر میں منعقدہ یہ ٹرائلز فروری دو ہزار تئیس میں جنوبی افریقا میں شیڈول آئی سی سی انڈر نائنٹین ٹی ٹونٹی ویمنز ورلڈکپ کی بینچ اسٹرینتھ کی مضبوطی کا بھی سبب بنیں گے۔

    https://twitter.com/TheRealPCB/status/1519197020619223040?s=20&t=eqy-wyUWmjYIFZJyeVWkVQ

    اس موقع پر ویمنز کرکٹ کی سربراہ تانیہ ملک کا کہنا تھا کہ ملک میں خواتین کی کرکٹ کی ترقی اور فروغ کے لیے ضروری ہے کہ ملک بھر کی نو عمر لڑکیوں اور خواتین تک اس کھیل کی رسائی کو یقینی بنایا جائے۔

    اس اقدام سے انہیں باصلاحیت کرکٹرز کی تلاش میں مدد ملے گی، جن کی مکمل تیاری کے لیے انہیں ضروری سہولیات اور باقاعدہ تربیت فراہم کی جائے گی۔

    انہوں نے کہا کہ وہ تمام چھ کرکٹ ایسوسی ایشنز کی مشکور ہیں کہ جنہوں نے بورڈ کے شانہ بشانہ کھڑے ہوتے ہوئے اپنی کرکٹ ایسوسی ایشن میں خواتین کرکٹ کی ترقی اور فروغ میں گہری دلچسپی ظاہر کی۔

    قومی خواتین کرکٹ ٹیم کی کپتان بسمہ معروف کا کہنا تھا کہ جب انہوں نے کرکٹ کھیلنا شروع کی تھی تو اس وقت اس کھیل میں خواتین کے لیے مناسب مواقع میسر نہیں تھے تاہم پی سی بی کے اس اقدام سے اب یہ کھیل ہر خواہشمند خاتون کرکٹر کی رسائی میں ہوگا جو یقیناً ملک میں خواتین کرکٹ کی ترقی کا سبب بنے گا۔

  • قومی کرکٹرز کے سینٹرل کنٹریکٹ، خوشدل شاہ، حسن علی، یاسر شاہ کا مستقبل کیا ہوگا؟

    قومی کرکٹرز کے سینٹرل کنٹریکٹ، خوشدل شاہ، حسن علی، یاسر شاہ کا مستقبل کیا ہوگا؟

    لاہور: قومی کرکٹرز کے سینٹرل کنٹریکٹ ری نیو ہونے جا رہے ہیں، کھلاڑیوں کی تنزلی کا بھی امکان ہے، جب کہ حسن علی، فہیم اشرف، اور یاسر شاہ کے مستقبل کا بھی فیصلہ ہوگا۔

    تفصیلات کے مطابق 20 قومی کرکٹرز کے سنٹرل کنٹریکٹ کی مدت 30 جون کو ختم ہو جائے گی، ذرائع کا کہنا ہے کہ نئے سنٹرل کنٹریکٹ میں کرکٹرز کی ترقی اور تنزلی کے لیے رد و بدل ہوگا۔

    پاکستان کرکٹ بورڈ نے 4 کیٹگریز اے، بی، سی اور ایمرجنگ میں کنٹریکٹ دیے تھے، اب یکم جولائی سے پی سی بی قومی کرکٹرز کو نئے سنٹرل کنٹریکٹ کی پیشکش کرے گا۔

    ذرائع کے مطابق خوشدل شاہ، وسیم جونیئر، محمد حارث کو سنٹرل کنٹریکٹ دیے جانے کا امکان ہے، اے کیٹگری سے حسن علی کی تنزلی کا امکان ہے، جب کہ فہیم اشرف کے لیے جگہ بنانا مشکل دکھائی دیتا ہے۔

    بی کیٹگری میں شامل یاسر شاہ اور عمران بٹ کے لیے بی قومی ٹیم میں جگہ بنانا دشوار ہے، تاہم ذرائع کا کہنا ہے کہ وکٹ کیپر بیٹر اور سابق کپتان سرفراز احمد کے نام پر بحث ہوگی، اسی طرح شان مسعود اور حیدر علی کے ناموں پر بھی غور ہوگا۔

    عید کے بعد سنٹرل کنٹریکٹ کے حوالے سے تفصیلی میٹنگز کا آغاز ہوگا۔

  • پی سی بی کی جانب سے کوچز کے لیے اچھی خبر

    پی سی بی کی جانب سے کوچز کے لیے اچھی خبر

    لاہور: پاکستان کرکٹ بورڈ (پی سی بی) کی جانب سے ایویلویشن پروگرام کے تحت کوچز کے انٹرویوز آج سے شروع ہوں گے۔

    تفصیلات کے مطابق پی سی بی کوچ ایویلویشن پروگرام میں کوچز کے انٹرویوز آج سے شروع ہوں گے، نیشنل ہائی پرفارمنس سینٹر میں 3 رکنی کمیٹی کوچز کے انٹرویوز کرے گی۔

    کمیٹی فرسٹ اور سیکنڈ الیون کے ہر کوچ کے انٹرویو کا دورانیہ 30 منٹ ہوگا، کارکردگی، مختلف کنڈیشنز میں ٹیم پرفارمنس اور پلیئر ڈیویلپمنٹ پر سوالات ہوں گے۔

    کوچز کے انٹرویوز کا سلسلہ دو روز تک جاری رہے گا، تیسرے روز کوچز سیمینار ہوگا، جس میں آئندہ کرکٹ سیزن کی حکمت عملی دی جائے گی۔

    پی سی بی کے مطابق انٹرویوز اور ایویلویشن کے بعد کوچز کی ترقی و تنزلی کا فیصلہ کیا جائے گا۔

  • ‘آسٹریلیا کی ٹیم کو کبھی آسان نہیں لیتے’

    ‘آسٹریلیا کی ٹیم کو کبھی آسان نہیں لیتے’

    لاہور: قومی ٹیم کے جارح مزاج بیٹر فخر زمان نے آسٹریلیا سے ون ڈے سیریز کو اہم قرار دے دیا ہے۔

    تفصیلات کے مطابق آن لائن پریس کانفرنس میں فخر زمان نے کہا کہ وائٹ بال کرکٹ میں میری کارکردگی اچھی ہے اور رنز بھی ہو رہے ہیں، پلان یہی ہے کہ آسٹریلیاکےخلاف لمبا اسکور کروں۔

    جارح مزاج بیٹر نے کہا کہ ون ڈے سیریز کے لیے اچھی پچز تیار کی گئی ہیں، مجھے امید ہے کہ وائٹ بال سیریز کے تمام میچز ہم جیتیں گے۔

    پاکستان کے اوپنر بیٹر نے آسٹریلیا سے ون ڈے سیریز کے بارے میں کہا کہ آسٹریلیا سےاہم سیریز ہے، ہمیں ہوم گراؤنڈ کا فائدہ ہوگا، ورلڈ کپ لیگ کے پوائنٹس بہتر کرناہونگے اسکے لئے پورےپوائنٹس لیناہوں گے۔

    یہ بھی پڑھیں: آسٹریلوی کپتان کو شاہین آفریدی کا خوف ستانے لگا

    انہوں نے مزید کہا کہ آسٹریلوی ٹیم میں بڑے نام نہیں کھیل رہے اگر بڑے نام کھیلتے تو اچھا ہوتا، نہ ہونے سے فرق پڑتا ہے۔

    واضح رہے کہ پاکستان اور آسٹریلیا کے درمیان تین ون ڈے اور ایک ٹی ٹوئنٹی انٹرنیشنل میچز کی سیریز کل سے 5 اپریل تک قذافی اسٹیڈیم لاہور میں کھیلی جائے گی۔

  • پی ایس ایل انڈر 19 سے متعلق رمیز راجہ کا اہم بیان

    پی ایس ایل انڈر 19 سے متعلق رمیز راجہ کا اہم بیان

    لاہور: چیئرمین پاکستان کرکٹ بورڈ رمیز راجہ نے پی ایس ایل کی بڑھتی مقبولیت کے پیش نظر اب ملک میں‌ پی ایس ایل انڈر 19 ٹورنامنٹ منعقد کرانے کا بھی عندیہ دے دیا۔

    تفصیلات کے مطابق پاکستان کرکٹ بورڈ کے چیئرمین رمیز راجہ کا کہنا ہے کہ پی ایس ایل بڑا برانڈ بن چکا ہے، اب ہم پی ایس ایل انڈرنائنٹین اور ویمنز ایونٹ کے انعقاد کا بھی سوچ رہے ہیں۔

    میڈیا سے غیر رسمی گفتگو کرتے ہوئے انھوں نے کہا سری لنکا، جنوبی افریقہ اور زمبابوے سے اس پر اچھا رسپانس ملا ہے۔

    رمیز راجہ کے مطابق پی ایس ایل سیزن 7 سے 900 ملین روپے کا فائدہ ہوا، 540 کروڑ روپے فرنچائزز میں بانٹے جائیں گے، پی ایس ایل میں ویور شپ کا بھی ریکارڈ ٹوٹا ہے۔

    دوسرا ٹیسٹ: تماشائیوں کی طرف سے آسٹریلوی کھلاڑیوں کو بریانی کی دعوت

    انھوں نے کہا ایشیا کپ کی میزبانی 2023 میں کریں گے، بھارت آتا ہے یا نہیں بعد میں دیکھیں گے، چیئرمین پی سی بی نے مزید کہا کہ دو ملکی ٹورنامنٹ سے فائدہ نہیں ہوتا اس لیے ٹرائی سیریز پر جائیں گے، آسٹریلیا اور انگلینڈ سے ٹرائی سیریز کھیل سکتے ہیں۔

    واضح رہے کہ آسٹریلوی مینز ٹیم کے پاکستان کے دورے کے بعد اب ویمن کرکٹ سیریز کی راہ بھی ہموار ہو گئی ہے، آسٹریلوی کرکٹ بورڈ اپنی ویمنز اور اے ٹیم پاکستان بھیجنے کو رضا مند ہو گیا ہے۔

    آسٹریلوی ویمنز ٹیم کا رواں سال پاکستان میں فل سیریز کھیلنے کا پلان ترتیب دیا گیا ہے، اے ٹیم بھی پاکستان میں مکمل سیریز کھیلے گی، دونوں بورڈز نے اس پر رضا مندی کا اظہار کر دیا ہے۔

  • آسٹریلیا سے ٹیسٹ سیریز: کپتان بابراعظم کب کیمپ جوائن کرینگے؟

    آسٹریلیا سے ٹیسٹ سیریز: کپتان بابراعظم کب کیمپ جوائن کرینگے؟

    کراچی: چوبیس سال بعد پاکستان کا دورہ کرنے والی آسٹریلوی ٹیم کو سرپرائز دینے کے لئے کھلاڑیوں کی خصوصی ٹریننگ جاری ہے۔

    تفصیلات کے مطابق قومی ٹیسٹ اسکواڈ میں شامل کھلاڑی آج کراچی میں رپورٹ کرینگے، کھلاڑیوں کے ہوٹل پہنچنےپر کووڈ ٹیسٹنگ کی جائیگی، اظہرعلی، فوادعالم، نعمان علی، ساجدخان کیمپ میں ٹریننگ کرینگے جبکہ سعودشکیل، محمدعباس اوریاسرشاہ بھی ٹریننگ کرنے والے کھلاڑیوں میں شامل ہے۔

    رپورٹ کے مطابق کیمپ کا باقاعدہ آغاز کل سےنیشنل اسٹیڈیم میں ہوگا، کپتان بابراعظم سمیت دیگر کھلاڑی پی ایس ایل سےفارغ ہو کر کیمپ جوائن کرینگے۔

    دوسرےمرحلےمیں پاکستانی اسکواڈ روالپنڈی روانہ ہوگا، جہاں تمام اسکواڈ تین روز قرنطینہ میں گزارنے کے بعد دوبارہ تربیتی کیمپ کو جوائن کرینگے۔

    یہ بھی پڑھیں: ایک اور آسٹریلوی کھلاڑی دورہ پاکستان سے باہر

    یاد رہے کہ آسٹریلیا کرکٹ ٹیم 24 برس بعد پاکستان کا دورہ کر رہی ہے، دورے میں 3 ٹیسٹ، 3 ون ڈے پر مشتمل سیریز کھیلی جائے گی جبکہ 1 ٹی ٹوئنٹی بھی دورے میں شیڈول ہے۔

    تین ٹیسٹ میچز کی سیریز کا پہلا ٹیسٹ 4 مارچ سے راولپنڈی میں کھیلا جائے گا جبکہ دوسرا ٹیسٹ 12 تا 16 مارچ کراچی میں ہوگا اور تیسرا اور آخری ٹیسٹ 21 مارچ تا 25 مارچ لاہور میں ہوگا۔