Tag: pdm

گوجرانوالہ: ضلعی انتظامیہ نے پی ڈی ایم کے گوجرانوالہ جلسے کی انتظامیہ کے خلاف ایف آئی آر درج کرا دیا۔

تفصیلات کے مطابق 16 اکتوبر کو پاکستان ڈیموکریٹک موومنٹ (پی ڈی ایم) کے گوجرانوالہ جلسے کی اجازت کے سلسلے میں ضلعی انتظامیہ کے ساتھ کیے جانے والے معاہدے کی خلاف ورزی پر جلسے کی انتظامیہ کے خلاف مقدمہ درج کر لیا گیا۔

مقدمہ تھانہ سول لائن میں جلسہ انتظامیہ کے خلاف درج کیا گیا ہے، ایف آئی آر کی کاپی اے آر وائی نیوز نے حاصل کر لی، جس میں کہا گیا ہے کہ جلسہ انتظامیہ نے معاہدے کی خلاف ورزی کی۔

ایف آئی آر کے مطابق معاہدے کے خلاف گکھڑ، کامونکی سمیت دیگر علاقوں میں کیمپ لگائے گئے، شرکا جنگلے توڑ کر اور کنٹینرز ہٹا کر ممنوعہ علاقے میں گاڑیاں لےگئے۔

ایف آئی آر متن کے مطابق جلسے سے سزا یافتہ افراد نے بھی خطاب کیا، حکومت اور حکومتی اداروں کے خلاف تقاریر ہوئیں، نعرے لگائے گئے، جلسہ گاہ میں بڑے اسپیکر لگا کر ایمپلی فائر ایکٹ کی خلاف ورزی کی گئی۔

جلسےکے شرکا نے سیالکوٹی دروازہ اور گوندلانوالہ اڈہ پر جی ٹی روڈ بلاک کیا، جلسے میں ایس او پیز پر بھی عمل درآمد نہیں کیا گیا۔

گوجرانوالہ جلسہ ، ضلعی انتظامیہ اور پی ڈی ایم میں 28 نکاتی معاہدے طے

یاد رہے کہ جلسے سے ایک دن قبل ضلعی انتظامیہ اور پی ڈی ایم میں 8 نکاتی معاہدہ طے پایا تھا، جس کے تحت پاکستان ڈیموکریٹک موومنٹ کا جلسہ جناح اسٹیڈیم میں ہونا تھا اور جلسے کا وقت سہ پہر 3 سے رات 12 بجے تک مقرر کیا گیا۔

معاہدے کے نکات میں کہا گیا تھا کہ پی ڈی ایم جی ٹی روڈ بند نہیں کرےگی، ملکی سلامتی کے اداروں اور خلاف آئین کوئی تقریر نہیں کی جائےگی اور خلاف ورزی پر جلسہ انتظامیہ کے خلاف مقدمات درج ہوں گے۔

اسلام آباد: وفاقی وزیر برائے سائنس اینڈ ٹیکنالوجی فواد چوہدری نے اعتراف کیا ہے کہ حکومت میں انتظامی بہتری کی گنجائش موجود ہے۔

اے آر وائی نیوز کے مطابق ایک ایسے وقت میں جب کہ اپوزیشن اتحاد نے ملک کے مختلف شہروں میں حکومت کے خلاف بڑے جلسے شروع کر دیے ہیں، فواد چوہدری نے ایک ٹویٹ میں اعتراف کرتے ہوئے لکھا کہ اس بات میں کوئی شبہ نہیں کہ حکومت میں انتظامی بہتری کی گنجائش ہے۔

وفاقی وزیر نے لکھا ’اس بات میں کوئی شبہ نہیں کہ لوگوں کی امیدوں کے لیے بڑے فیصلے کرنے ضروری ہے لیکن ہزار خامیاں صحیح مگر کیا ملک شریف، زرداری یا ان کے بچوں کے حوالے کر سکتے ہیں؟‘

فواد چوہدری کا کہنا تھا کہ موجودہ حکومت میں بھی خامیاں موجود ہیں اور لوگوں کی امیدوں کے مطابق فیصلے نہیں کیے جا سکے ہیں لیکن شریف خاندان یا زرداری اور ان کی اولاد کو بھی تو یہ ملک نہیں چھوڑا جا سکتا، جو سر سے پیر تک کرپشن اور لوٹ مار میں لتھڑے ہوئے ہیں۔

کوئ شبہ نہیں کہ حکومت میں انتظامی بہتری کی گنجائش ہے،شبہ نہیں لوگوں کی امیدوں کیلئے بڑے فیصلے ضروری لیکن ہزار خامیاں ہوں کیا یہ ملک شریف/زرداری یا ان کے بچوں کے حوالےکر سکتے ہیں؟عمران خان کے قد کا ایک آدمی بھی ہے اپوزیشن کے پاس؟ PDM کی ناکامی عمران خان سے زیادہ ملک کی ضرورت ہے

— Ch Fawad Hussain (@fawadchaudhry) October 20, 2020

فواد چوہدری نے سوال اٹھایا کہ کیا اپوزیشن کے پاس عمران خان کے قد کا ایک بھی آدمی ہے؟ تاہم وفاقی وزیر کی اس بات سے کیا مطلب تھا، یہ انھوں نے واضح نہیں کیا، کیا ان کا اشارہ عمران خان کے سیاسی قد کی طرف تھا یا اخلاقی قد کی طرف، یا ماضی میں کھیل کے حوالے سے ان کی مقبولیت کی طرف؟

وفاقی وزیر سائنس نے اس پس منظر میں یہ نتیجہ نکالا کہ اس لیے ’پی ڈی ایم کی ناکامی عمران خان سے زیادہ ملک کی ضرورت ہے۔‘

اسلام آباد: ن لیگ ورکرز کنونشنز اور پی ڈی ایم کے جلسوں کا اعلان کر دیا گیا۔

تفصیلات کے مطابق مسلم لیگ کی ترجمان مریم اونگزیب نے پاکستان ڈیموکریٹک موومنٹ (پی ڈی ایم) اور ن لیگ ورکرز کنونشنز کے جلسوں کی تفصیلات جاری کر دیں۔

انھوں نے کہا کہ کوئٹہ میں پی ڈی ایم کا جلسہ 25 اکتوبر کو شیڈول ہے، پشاور میں 22 نومبر کو جب کہ ملتان میں 30 نومبر کو پی ڈی ایم کے جلسے ہوں گے۔

مریم اورنگزیب نے کہا کہ لاہور میں 13 دسمبر کو اور لاڑکانہ میں27 دسمبر کو پی ڈی ایم کے جلسے شیڈول کیے گئے ہیں۔

دوسری طرف نواب شاہ میں 29 اکتوبر، عمر کوٹ میں 30 اکتوبر جب کہ راولپنڈی میں 31 اکتوبر کو کنونشنز ہوں گے، مظفرگڑھ میں5 نومبر کو، بہاولپور میں 26 نومبر کو ورکرز کنونشن ہوگا۔ فیصل آباد میں 3 دسمبر کو جب کہ ساہیوال میں 6 دسمبر کو ورکرز کنونشن ہوگا۔

باغ جناح کراچی میں جلسہ، پی پی نے تاحال این او سی کے لیے درخواست نہیں‌ دی

انھوں نے کہا ن لیگ 12 اکتوبر کو کراچی میں عوامی طاقت کا مظاہرہ کرے گی، مالاکنڈ میں 19 اکتوبر کو، اسلام آباد میں 22 اکتوبر کو، پشاور میں 4 دسمبر کو، سرگودھا میں 9 دسمبر کو، اور گوجرانوالہ میں 11 دسمبر کو ورکرز کنونشنز ہوں گے۔

ادھر پیپلز پارٹی کے رہنما قمر زمان کائرہ نے کہا ہے کہ گوجرانوالہ جلسہ بتائےگا کہ عوام واقعی حکومت سے تنگ آ چکے ہیں، ہم نے ابھی جلسوں کا اعلان کیا ہے اور حکومت گھبرا گئی ہے، حکومت جلسہ کرے تو کرونا مسئلہ نہیں، ہم کریں تو کرونا یاد آ جاتا ہے۔