کہا جاتا ہے کہ کوئی بھی کام پورے شوق اور جوش و جذبے سے کیا جائے تو قدرت اس کام میں کامیابی عطا کرتی ہے۔
پاکستان میں ٹک ٹاک کے شوقین افراد کی تعداد لاکھوں میں ہے جو اپنی ویڈیو بنا کر ٹک ٹاک پر اپ لوڈ کرتے ہیں جو دیکھتے ہی دیکھتے اتنی وائرل ہوجاتی ہے کہ بنانے والا بھی حیرت زدہ رہ جاتا ہے۔
گجرانوالہ کے ایک پہلوان نوجوان علی رضا بٹ نے اسے ثابت کرکے دکھادیا، انہوں نے ٹک ٹاک پر ایک ویڈیو بنائی جسے اب تک 40لاکھ سے زائد لوگوں نے اسے دیکھا اور پسند کیا۔
اے آر وائی نیوز کے پروگرام باخبر سویرا میں گفتگو کرتے ہوئے علی رضا نے بتایا کہ ایک بار ٹریننگ کرتے ہوئے اس کی ویڈیو ٹک ٹاک پر لگائی تھی جسے لوگوں نے بہت پسند کیا۔
پہلوانوں کے خاندان سے تعلق کے باوجود باڈی بلڈنگ کے شوق پر ان کا کہنا تھا کہ مجھے بچپن سے شوق تھا کہ باڈی بلڈنگ کرکے اپنے مسلز بناؤں یہ کام میں 6سال سے کررہا ہوں۔
اپنی خوراک سے متعلق ایک سوال کے جواب میں انہوں نے بتایا کہ ناشتے میں ایک درجن سے زائد انڈوں کی سفیدی، براؤن بریڈ اور 3سے 4کلو دودھ پیتا ہوں۔ اسی طرح دوپہر میں چکن کھاتا ہوں اور شام کو موسم کے لحاظ سے مچھلی کھاتا ہوں۔
