اسلام آباد: جیوانٹرٹینمنٹ کو توہین اہلبیت کے جرم میں کم سزا دینے سے متعلق پیمرا کی اتھارٹی کا اجلاس آج ہورہا ہے۔
اسلام آباد میں ہونے والے اجلاس میں پیمرا کے پرائیوٹ ارکان بھی شرکت کریں گے، اجلاس میں اے آروائی نیوز کو دی جانے والی سزا کے خلاف اور توہین اہلِ بیت پر جیو کو کم سزا دینے سے متعلق معاملات کا جائزہ لیا جائے گا۔
اسرارعباسی کا کہنا ہے کہ اگر پرائیوٹ ممبران نے آج کے اجلاس میں شرکت نہیں کی تو ان کی ممبر شپ منسوخ کی جاسکتا ہے۔
اسلام آباد: اسلام آباد ہائی کورٹ نے پیمرا چیئرمین پرویز راٹھور کی معطلی کا تفصیلی فیصلہ جاری کر دیا
اسلام آباد ہائی کورٹ نے پیمرا چیئرمین پرویز راٹھور کی معطلی کا تفصیلی فیصلہ جاری کر دیا، چار صفحا ت پر مشتمل تفصیلی فیصلے میں کہا گیا ہے کہ عدالت نے قائمقام چیئر مین کو کام سے روکنے کا حکم دیا تھا۔۔فریقین نے عدالتی حکم کی خلاف ورزی کی اور توہین عدالت کے مرتکب ہوئے، عدالت میں پرویز راٹھور اور ایگزیکیوٹو رکن کمال الدین ٹیپو کے چوبیس جون دو ہزار چودہ کے تقرری نوٹی فکیشن آئندہ سماعت تک معطل کردی اور پرویز راٹھور بحیثیت قائم مقام چیرمین پیمرا کا نوٹی فکیشن معطل کردیا۔
