بجلی کی مسلسل مہنگی پیداوار سے کراچی والے اضافی قیمت ادا کرنے پرمجبور ہیں، اس حوالے سے دستاویزات میں حقیقت سامنے آگئی۔
تفصیلات کے مطابق شہر قائد کو بجلی فراہم کرنے والے ادارے کےالیکٹرک کی بیرونی ذرائع سے حاصل بجلی کے مقابلے میں تقریباً114فیصد مہنگی بجلی پیدا کی گئی۔
دستاویز میں کہا گیا ہے کہ کے الیکٹرک نے جون میں50روپے31پیسے تک فی یونٹ مہنگی بجلی پیدا کی، یہ فی یونٹ بجلی اوسط24روپے90 پیسے میں پیدا کی گئی۔
اس کے علاوہ کےالیکٹرک نے بیرونی ذرائع سے بجلی اوسط11.65پیسے فی یونٹ میں خریدی جبکہ کےالیکٹرک نے جون میں ڈیزل سے فی یونٹ بجلی50.31پیسے تک پیدا کی تھی۔
دستاویز کے مطابق کےالیکٹرک نے جون میں ایل این جی سے فی یونٹ بجلی43.37پیسے تک پیدا کی جبکہ جون میں فرنس آئل سے فی یونٹ بجلی35روپے 91پیسے تک پیدا کی گئی۔
دستاویز میں بتایا گیا ہے کہ کےالیکٹرک نے جون میں گیس سے کوئی بجلی پیدا نہیں کی، جون 2023 میں50.2 فیصد بجلی اپنے ذرائع سے پیدا کی گئی، کے الیکٹرک نے جون2023 میں49.8فیصد بجلی خریدی۔
