مکہ مکرمہ : ترک صدر رجب طیب اردوان نے خانہ کعبہ کی زیارت کی اور عمرہ ادا کیا جبکہ مدینہ منورہ میں حضرت محمدﷺ کے روضے پر حاضری دی۔
خبر رساں ایجنسی کے مطابق ترکی کے صدر رجب طیب اردوان اپنا دورۂ خلیج مکمل کرکے وطن واپس لوٹ گئے ہیں، ترک صدر نے اپنے اس دورے کا اختتام خانہ کعبہ کی زیارت اور عمرے کی ا دائیگی سے کیا۔
صدر اردوان نے پہلے مدینہ منورہ میں روضہ رسول پر حاضری دی اور اس کے بعد اپنے وفد کے ساتھ مکہ مکرمہ روانہ ہوئے، جہاں انہوں نے عمرہ ادا کیا۔ اس موقع پر ان کے لیے بیت اللہ کا دروازہ بھی کھولا گیا۔
انھوں نے اپنے وفد کے ہمراہ خانہ کعبہ کا طواف کیا اور مروہ اور صفا کی پہاڑیوں کے درمیان چکر لگائے اور مسجد الحرام میں عبادت کی۔
اس موقع پر صدر اردوان کی اہلیہ آمینہ اردوان سمیت مسلح افواج کے سربراہ جنرل حلوصی اقار وزیر اقتصادیات نہات زیبی کچی ،توانائی اور قدرتی وسائل کے وزیر برات البائرک اور خفیہ سروس کے سربراہ حاقان فیدان بھی انکے ہمراہ تھے۔
