ARYNews.tv | Urdu – Har Lamha Bakhabar

Tag: personal

  • مذہب ایک ذاتی انتخاب کا معاملہ ہے، ملالہ یوسفزائی

    مذہب ایک ذاتی انتخاب کا معاملہ ہے، ملالہ یوسفزائی

    پیرس : پاکستان کی نوبل انعام یافتہ ملالہ یوسفزئی نے کم عمر ی میں شادی کو تنقید کا نشانہ بناتے ہوئے کہا ہے کہ 18 سال سے کم عمر اور مرضی کے بغیر لڑکیوں کی شادی کا رواج ختم ہونا چاہئے ۔

    تفصیلات کے مطابق اقوام متحدہ کی جانب سے امن کی پیامبر ملالہ یوسفزئی جی سیون سمٹ میں شرکت کےلئے فرانس میں ہیں جہاں انہوں نے فرانس کے صدر ایمانوئیل میکرون سے ملاقات کی ، ملاقات میں نوجوانوں بالخصوص لڑکیوں کے مسائل پر تبادلہ خیال کیا گیا، بعدازا ں ملالہ یوسفزئی نے ا ایک ویڈیو پیغام میں کہا کہ فرانس کے صدر صنفی امتیاز ختم کرنے میں دلچسپی رکھتے ہیں۔

    ملالہ نے بتایا کہ صدر میکرون نے مغربی افریقہ میں بالخصوص لڑکیوں کی تعلیم پر سرمایہ کاری کرنے میں دلچسپی کا اظہار کیا ہے۔

    ملالہ یوسفزائی نے سماجی رابطے کی ویب سائٹ ٹویٹر پر اپنے پیغام میں کہا کہ 18 سال سے کم عمر اور مرضی کے بغیر لڑکیوں کی شادی کا رواج ختم ہونا چاہئے۔

    انہوں نے کہا کہ مذہب بھی ایک ذاتی انتخاب کا معاملہ ہے کسی بچے پر کوئی بھی مذہب اختیار کرنے یامذہب تبدیل کرنے کا دباؤنہیں ڈالنا چاہیے۔

    ملالہ کا کہنا تھا کہ ناصرف پاکستان میں ہندو اور میانمار میں عیسائی لڑکیوں سے زبردستی مذہب تبدیل کرانا قابل مذمت ہے بلکہ پوری دنیا میں جہاں بھی ایسا ہو وہ قابل مذمت ہے اور ہمیں اس کی مخالفت کرنی چاہئے ۔

  • ٹرمپ اپنے اقتدار میں‌ ذاتی فوائد حاصل کررہے ہیں، رکن کانگریس

    ٹرمپ اپنے اقتدار میں‌ ذاتی فوائد حاصل کررہے ہیں، رکن کانگریس

    واشنگٹن : امریکی کانگریس میں خارجہ امور اور فنانس کمیٹی کے رکن وینستے غنزالز نے کہاہے کہ صدر ڈونلڈ ٹرمپ اپنے دور اقتدار میں بزنس ڈیل کے ذریعے ذاتی فوائد حاصل کررہے ہیں اور میری نظر میں امریکی سرحدوں پر دیوار کی تعمیر بھی اسی سلسلے کی ایک کڑی ہے۔

    تفصیلات کے مطابق عرب امریکن کلچرل سوسائٹی کی جانب سے منعقدہ ایک استقبالیے سے خطاب کرتے ہوئے انہوں نے کہا کہ ہمارے پاس پہلے سے باؤنڈریز موجود ہیں، اس لئے اس دیوار کی کوئی ضرورت نہیں۔

    ان کا کہنا تھا کہ دیواردنیا بھر میں نفرت کی علامت سمجھی جاتی ہے، اس کا موازنہ ہم یورپ سے کر سکتے ہیں، جہاں اس کوشدید نفرت کی نگاہ سے دیکھا جاتا ہے، اس لئے میں ذاتی طور پر اس دیوارکے بننے کا سخت مخالف ہوں، کانگریس میں اور کمیٹی میں اس کی بھر پور مخالفت کرتا رہوں گا۔

    غیر ملکی خبر رساں ادارے کے مطابق اس موقع پر مسلم ڈیمو کریٹک کاکس کے رہنما سید فیاض حسن،آفتاب صدیقی اور راجہ زاہد خانزادہ پرمشتمل وفد نےکانگریس کے رکن کو بی ڈی ایس بل سے متعلق ایک یادداشت پیش کی۔

    جس پر وینستے غنزالز نے کہا کہ اس بل سے متعلق مجھے معلومات نہیں ہیں، تاہم آج آپ نے جس طرح تحریری طور پر مجھے یہ لیٹر دیا ہے اور یہی طریقہ ہے کہ آپ اراکین کانگریس اور سینیٹرز سے رابطہ کر کے اپنی آواز ان تک پہنچائیں۔

    انہوں نے کہا کہ میں اس بل سے متعلق کانگریس میں آواز بننے کیلئے تیار ہوں، میں دوبارہ جب بھی ڈیلس آو ں گا تو اپنے ساتھ دیگر اراکین کانگریس کوبھی ساتھ لے کر آوں گا تا کہ دیگر اراکین کانگریس تک بھی آپ کی آواز پہنچے۔

    ان کا کہنا تھا کہ انسانی حقوق کے لئے ہمیں دنیا بھر میں مزاحمت کرنا ہو گی اور لڑنا ہو گا،فلسطین اور دنیا بھر کے دیگر ممالک میں انسانی حقوق کی جو خلاف ورزیاں ہو رہی ہیں اس سے امریکیوں کو آگاہی فراہم کرنے کے لئے وہ اپنا کردار ادا کرتے رہیں گے۔

  • تیرامیل: سی ٹی ڈی کی کارروائی، خاتون سمیت 4 دہشت گرد ہلاک، 6 اہلکار زخمی

    تیرامیل: سی ٹی ڈی کی کارروائی، خاتون سمیت 4 دہشت گرد ہلاک، 6 اہلکار زخمی

    کوئٹہ : دشت کے علاقے تیرامیل میں سی ٹی ڈی کی کارروائی کے دوران 4 دہشت گرد نے خود کو دھماکے سے اڑا لیا، دھماکے میں ایک بچہ جاں بحق، فائرنگ کے تبادلے میں 6 اہلکار زخمی ہوگئے۔

    تفصیلات کے مطابق صوبہ بلوچستان کے دارالحکومت کوئٹہ کے علاقے تیرامیل میں سی ٹی ڈی اور دہشت گردوں کے درمیان مقابلہ ہوا ہے، ایک دہشت گرف نے کمپاؤنڈ سے نکل کر خود کو دھماکے سے اڑا دیا۔

    سی ٹی ڈی کے ترجمان کا کہنا ہے کہ خودکش حملہ آور کے دھماکے میں ایک بچہ جاں بحق جبکہ خاتون زخمی ہوگئی جسے انتہائی زخمی حالت میں سول اسپتال کوئٹہ منتقل کیا گیا ہے۔

    سی ٹی ڈی کے ترجمان نے خبر رساں اداروں کو بتایا کہ سیکیورٹی اہلکاروں کی فائرنگ سے 4 دہشت گرد ہلاک جبکہ دہشت گردوں اور سیکیورٹی اداروں کے درمیان فائرنگ کے تبادلے میں 6 اہلکار زخمی ہوئے ہیں۔

    سی ٹی ڈی کے ترجمان کا کہنا تھا کہ کوئٹہ کے علاقے تیرا میل میں دہشت گردوں کی موجودگی کی اطلاع پر آپریشن کیا تھا جو مکمل ہوچکا ہے۔

    کوئٹہ میں سیکیورٹی فورسزکی گاڑی پرفائرنگ‘ 3 اہلکار شہید

    یاد رہے کہ چند روز قبل کوئٹہ میں سریاب کے علاقے کلی بنگلزئی کے قریب مسلح افراد نے سیکیورٹی فورسز کی گاڑی پر فائرنگ کردی جس کے نتیجے میں 3 اہلکار شہید ہوگئے۔

    نامعلوم مسلح ملزمان سیکیورٹی فورسز کی گاڑی کو نشانہ بنانے کے بعد موقع سے فرار ہونے میں کامیاب ہوگئے۔

    خیال رہے کہ گزشتہ ماہ 27 مئی کو کوئٹہ کے علاقے سرکی روڈ پرنامعلوم افراد کی فائرنگ سے 2 پولیس اہلکار شہید جبکہ جوابی کارروائی مین 2 حملہ آور بھی ہلاک ہوئے تھے۔

    یاد رہے کہ رواں سال 28 فروری کو کوئٹہ کےعلاقے درویش بلیلی میں زور دھماکہ ہوا تھا جس کے نتیجے میں 6 سیکیورٹی اہلکار شہید اور 5 زخمی ہوئے تھے۔

    کوئٹہ میں سیکیورٹی فورسزکی گاڑی پرفائرنگ‘ 4 اہلکار شہید

    واضح رہے کہ 14 فروری 2018 کو صوبہ بلوچستان کے دارالحکومت کوئٹہ میں نامعلوم مسلح افراد کی سیکیورٹی فورسز کی گاڑی پرفائرنگ کے نتیجے میں ایف سی کے 4 اہلکار شہید ہوگئے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔