ARYNews.tv | Urdu – Har Lamha Bakhabar

Tag: Pervaiz Khattak

  • ’نواز شریف کچھ بھی کرلو ایک دن پکڑے جانا ہے‘

    ’نواز شریف کچھ بھی کرلو ایک دن پکڑے جانا ہے‘

    صوابی: وزیر دفاع پرویز خٹک کا کہنا ہے کہ مولانا فضل الرحمان دین کے لیے نہیں اسلام آباد کے لیے نکلتے ہیں، نواز شریف کچھ بھی کرلیں ایک دن پکڑے جانا ہے۔

    اے آر وائی نیوز کی رپورٹ کے مطابق وزیر دفاع پرویز خٹک نے صوابی میں تقریب سے خطاب کرتے ہوئے کہا کہ متحدہ مجلس عمل نے 5 سال حکومت میں گزارے مولانا نے اسلام کے لیے کیا کیا۔

    پرویز خٹک نے کہا کہ ہم نے جو وعدے کیے تھے اس کو پورا کیا، ملک کے مستقبل کے لیے سخت فیصلے نہیں کیے تو ملک مزید ڈوب جائے گا، عمران خان جس راستے پر چل رہے ہیں وہ ملک کو مشکلات سے نکالے گا۔

    وزیر دفاع نے کہا کہ ماضی کی حکومتوں کے قرضوں پر سود ہم نے ادا کیے، اپوزیشن عوام کے لیے نہیں اپنے مفادات کے لیے جلسے کررہی ہے، ان کا ایک ہی نعرہ ہے اپنی چوری بچائی جائے۔

    انہوں نے کہا کہ نیب ان سے ایک سوال کررہا ہے اتنی جائیدادیں، پیسہ کہاں سے آیا، نیب قوانین میں آج ترامیم کردے تو یہ آرام سے بیٹھ جائیں گے۔

    پرویز خٹک نے نواز شریف پر تنقید کرتے ہوئے کہا کہ میاں صاحب لندن میں بیٹھ گئے پوری قوم، عدالتوں کو بے وقوف بنایا، نواز شریف جو بھی کرلو ایک دن پکڑے جانا ہے۔

  • چوہدری نثار نے کچھ کہا تو خاموش نہیں رہوں گا، پرویز خٹک

    چوہدری نثار نے کچھ کہا تو خاموش نہیں رہوں گا، پرویز خٹک

    لاہور: وزیر اعلیٰ خیبر پختونخواہ پرویز خٹک نے وزیر داخلہ چودھری نثار کو وارننگ دی ہے کہ اگر اب انہوں نے صوبائی حکومت کے خلاف کوئی بات کی تو ایسا بم پھوڑیں گے کہ وہ یاد رکھیں گے، خیبرپختونخوا میں پولیس کا نظام تبدیل کردیا، پنجابی حکمران ہم سے سبق سیکھ سکتے ہیں۔

    لاہور میں پروفیشنل فورم کی تقریب اور پریس کانفرنس سے خطاب کرتے ہوئے وزیر اعلیٰ خیبر پختونخواہ پرویز خٹک نے کہا کہ وزیر اعظم نواز شریف کو ان کے اپنے بیٹے نے جھوٹا ثابت کر دیا، اس نے قطری شہزادے کے خط کو غلط قرار دیا ہے۔

    انہوں نے کہا کہ ’’چوہدری نثار میرے دوست ہیں اور ان کے ساتھ بڑی رفاقت رہی ہے تاہم اب اگر انہوں نے میرے خلاف کوئی غلط بات کی تو ایسا بم پھوڑوں گا کہ وہ یاد رکھیں گے‘‘۔

    پرویز خٹک نے کہا کہ خیبر پختونخواہ میں پولیس کا نظام مکمل تبدیل کر دیا، پنجابی حکمران بھی ہم سبق سیکھ سکتے ہیں۔ ان کا کہنا تھا کہ تحریک انصاف نے اپنے منشور پر سو فیصد کام شروع کیا ہے، ہمارے منشور میں میگا پراجیکٹس صحت، تعلیم اور پولیس کی اصلاحات شامل ہیں۔

    پڑھیں: ’’ پرویز خٹک کا بابر اعوان سے رابطہ، حکومت کے خلاف مقدمہ درج کروانے پر مشاورت ‘‘

    وزیر اعلیٰ خیبرپختونخوا نے کہا کہ پنجاب میں مغلیہ دور کی بادشاہت ہے، یہاں دوسرے صوبوں کا راستہ روکا جاتا ہے۔ وزیر اعلٰی خیبر پختونخواہ نے کہا وہ اسلام آباد اس لئے جا رہے تھے کہ ان کے لیڈر کا محاصرہ کیا گیا تھا، عمران خان نے صرف اسلام آباد بند کرنے کا کہا تھا مگر حکمرانوں نے خود پورا ملک بند کر دیا تھا۔

    انہوں نے اعلان کیا کہ حکومت کیخلاف ہائی کورٹ جا رہے ہیں تاکہ ڈکٹیٹر شپ کا محاسبہ ہوسکے، ہم ثابت کرینگے کہ تیس اکتوبر کو غیر آئینی آمرانہ طرز عمل اختیار کیا گیا۔

    مزید پڑھیں: ’’ کے پی کے حکومت کا شریف برادران اور وزیر داخلہ پر مقدمہ درج کرانے کا فیصلہ ‘‘

    پرویز خٹک نے کہا کہ اچھی بات ہے اگر روس سی پیک میں شامل ہو رہا ہے، روس سمیت کسی ملک کے سی پیک میں شمولیت کے مخالف نہیں ، پی ٹی آئی کا مطالبہ ہے کہ مغربی روٹ پہلے بننا چاہیے۔  اگر سی پیک منصوبے کو کوئی نقصان پہنچا تو ذمہ دار وفاقی حکومت ہو گی۔
  • تعلیم کے بغیر ترقی ممکن نہیں، پرویز خٹک

    تعلیم کے بغیر ترقی ممکن نہیں، پرویز خٹک

    ایبٹ آباد:  وزیر اعلی خیبر پختو نخواہ پرویز خٹک نے کہا ہے کہ تعلیم کے بغیر کسی بھی ملک کی ترقی ممکن نہیں، دور حاضر کے چیلنجز کا مقابلہ کرنے کیلئے تعلیم کے شعبہ میں بہتری کی ضرورت ہے۔

    ایبٹ اباد پبلک اسکول کی سالانہ یوم والدین کی تقریب سے خطاب میں وزیر اعلی پرویز خٹک کا کہنا تھا کہ اے پی ایس اسکول کا شمار پاکستان کے اہم تعلیمی ادراوں میں کیا جاتا ہے، یہاں سے فارغ التحصیل طباء پاکستان کی ترقی میں اہم کردار ادا کر رہے ہیں۔

    پڑھیں: ’’ محکمہ تعلیم میں جعلی بھرتیوں کی اسکروٹنی کے لیے کمیٹی قائم ‘‘

     وزیر اعلی نے تقریب کے موقع پر اسکول کی زیر تعمیر بلڈنگ اور دیگر تمام پراجیکٹس کو مکمل کرنے کیلئے تمام تر وسائل بروئے کار لائے گی، وزیر اعلی نے نصانی و غیر نصابی سرگرمیوں میں نمایاں پوزیشنیں حاصل کرنے والے طلباء میں انعامات اور طلائی تمغہ تقسیم کئے، طلباء نے تقریب کے موقع پر جمناسٹک، جسمانی تربیت کا بھرپور مظاہرہ کیا، جسے حاضرین نے خوب سراہا۔

    مزید پڑھیں: ’’ تعلیم کا فروغ، جنوبی کوریا نے 10 سولر سسٹم اسکول انتظامیہ کے حوالے کردیے ‘‘

    خیال رہے تحریک انصاف کی حکومت نے خیبرپختونخوا میں تعلیم کے بجٹ کے لیے سب سے زیادہ رقم مختص کی تھی جبکہ کے پی کے میں سرکاری اسکولوں میں تعلیمی معیار بہتر ہونے کے بعد والدین اپنے بچوں کو پرائیوٹ اسکول سے ہٹا کر  سرکاری اسکولوں میں داخل کروارہے ہیں۔

  • متحدہ کی پرویز خٹک کے خلاف قرارداد جمع، آرٹیکل 6 کے تحت کارروائی کا مطالبہ

    متحدہ کی پرویز خٹک کے خلاف قرارداد جمع، آرٹیکل 6 کے تحت کارروائی کا مطالبہ

    کراچی: ایم کیو ایم پاکستان نے وزیر اعلیٰ خیبرپختونخوا پرویز خٹک کے بیان کو ملکی سالمیت کے خلاف قرار دیتے ہوئے سندھ اسمبلی میں قرار داد جمع کروادی جس میں پرویز خٹک کے خلاف آرٹیکل سکس کے تحت کارروائی کرنے کا مطالبہ کیا گیا ہے۔

    تفصیلات کے مطابق ایم کیو ایم پاکستان کے اراکینِ سندھ اسمبلی نے وزیر اعلیٰ خیبرپختونخوا کی جانب سے دیے گئے حالیہ بیانات کی مذمت کرتے ہوئے ایوان میں قرارداد جمع کروادی ہے۔

    متحدہ اراکین نے اسمبلی میں دی گئی قرارداد میں موقف اختیار کیا ہے کہ ’’پرویز خٹک نے انتہائی غیر ذمہ دارانہ بیانات دیے، جس میں انہوں نے صوبائیت کو ابھارنے، پاکستانیوں کو دست و گریباں کرنے اور ملک کا حشر نشر کرنے کی دھمکیاں دیں‘‘۔

    قرارداد میں ایم کیو ایم اراکین نے اس قسم کے بیانات پر اظہار مذمت کرتے ہوئے سندھ حکومت سے مطالبہ کیا کہ وہ عوام کے منتخب کردہ اراکین کی رائے کو وفاقی حکومت تک پہنچائیں اور وطن عزیز کے خلاف گستاخانہ کلمات ادا کرنے پر وزیر اعلیٰ خیبر پختونخوا کے خلاف آرٹیکل 6 کے تحت کارروائی کا مطالبہ کریں۔

    resoulation-1

    یاد رہے کہ گزشتہ دنوں عمران خان کی جانب سے پاناما لیکس کی تحقیقات کے حوالے سے اسلام آباد لاک ڈاؤن کا اعلان کیا گیا تھا، اس ضمن میں پرویز خٹک نے وفاقی حکومت اور نوازشریف کو مخاطب کر کے کہا تھا کہ ہمیں باغی بننے پر مجبور نہ کیا جائے اگر ہم نے یہ قدم اٹھایا تو ملک کا حشر نشر ہوجائے گا۔

  • افغان باشندوں کو ہراساں کرنا بند کیا جائے، عمران خان

    افغان باشندوں کو ہراساں کرنا بند کیا جائے، عمران خان

    اسلام آباد: چیئرمین تحریک انصاف عمران خان سے رستم شاہ مہمند کی سربراہی میں افغان وفد نے ملاقات کی اور موجودہ صورتحال پر تبادلہ خیال کیا۔

    سماجی رابطے کی ویب سائٹ ٹوئٹر پر عمران خان نے اپنے ٹوئٹ میں اس ملاقات کے حوالے سے کہا ہے کہ ’’آج رستم شاہ مہمند کی سربراہی میں آنے والے افغان وفد سے ملاقات کی گئی۔ جس میں موجودہ صورتحال کے تناظر میں تفصیلی تبادلہ خیال کیا گیا۔

    عمران خان کا کہنا تھا کہ ’’گزشتہ تین ماہ سے افغان مہاجرین کو ہراساں کرنے کا سلسلہ جاری ہے اس فوری طور پر بند ہونا چاہیے۔ ہمیں اس بات کا خیال رکھنا چاہیے کہ کوئی بھی مہاجر اپنی مرضی سے ہجرت نہیں کرتا‘‘۔

    اُن کا مزید کہنا ہے کہ ’’پاکستان 30 برس سے افغان مہاجرین کی مہمان نوازی کررہا ہے ، ہمیں یاد رکھنا چاہیے کہ عالمی قوانین کے تحت کوئی بھی ریاست زبردستی مہاجرین کو واپس نہیں بھیج سکتی‘‘۔

    اُن کا مزید کہنا تھا کہ خیبرپختونخوا میں پیدا ہونے والی صورتحال کے حوالے سے وزیر اعلیٰ پرویز خٹک کو ہدایات کی ہیں کہ وہ افغان مہاجرین سے ملاقات کر کے پیش آنے والے مسائل کو جلد از جلد حل کریں‘‘۔


    یاد رہے وزیر داخلہ بلوچستان نے افغان انٹیلی جنس کے اہلکاروں کی گرفتاری کے بعد پریس کانفرنس کرتے ہوئے اعلان کیا تھا کہ ’’اب پاکستان میں موجود افغان مہاجرین کو ہر صورت اپنے وطن واپس جانا ہوگا کیونکہ مہاجرین کے کیمپس ایجنٹس موجود ہیں جو پاکستان کے امن و امان خراب کرنے کی کارروائیوں میں مصروف ہیں‘‘۔

    پڑھیں :  بلوچستان سے افغان انٹیلی جنس کے 6 اہلکار گرفتار

    اس بیان کے بعد قومی اسمبلی کے ممبر اور پشتونخوا عوامی ملی پارٹی کے سربراہ محمود خان اچکزئی نے اپنے ایک بیان میں کہا تھا کہ ’’خیبرپختونخوا افغانیوں کا صوبہ ہے ملک بھر کے افغان مہاجرین یہاں آجائیں انہیں کوئی کچھ نہیں کہے گا‘‘۔

    مزید پڑھیں : رجسٹرڈ افغان مہاجرین کے قیام میں چھ ماہ توسیع کی منظوری

    انہوں نے مطالبہ بھی کیا تھا کہ افغانیوں کے ساتھ اس رویے کو ختم کیا جائے اور قانونی طور پر مقیم افغانیوں کو تسلیم کیا جائے جبکہ سربراہ جمعیت علماء اسلام (ف) کے سربراہ مولانا فضل الرحمان نے افغانیوں کے حق میں بیان دیتے ہوئے کہا تھا کہ ’’افغانیوں کو واپس بھیجنا ناممکن ہے کیونکہ اُن کی دو نسلیں اس ملک میں جوان ہوگئیں ہیں اور سارے افغانی دہشت گردی میں ملوث نہیں ہیں‘‘۔