اسلام آباد: انسداد دہشت گردی کی عدالت نے ججزنظربندی کیس میں سابق صدرپرویز مشرف کو اشتہاری قراردیدیا.
تفصیلات کے مطابق انسداد دہشت گردی کی عدالت میں ججزنظربندی کیس کی سماعت ہوئی، جس میں پرویز مشرف کی عدم حاضری کے باعث انہیں اشتہاری قرار دیدیا گیا.
صدرپرویزمشرف کے وکیل اخترشاہ کا کہنا تھا کہ میرے موکل پاکستان آنا چاہتے ہیں تاہم انہیں سیکیورٹی خدشات لاحق ہیں، لہذا انہیں تحفظ فراہم کرنے کی فوری یقین دہانی کرائی جائے.
جج نے ریمارکس دیتے ہوئے کہا کہ پرویزمشرف پاکستان تشریف تو لائیں، جہاں کہیں گے سیکیورٹی ملے گی، جج سہیل اکرام نے سابق صدر کو اشتہاری قرار دیتے ہوئے، سیکریٹری داخلہ کوحکم جاری کیا کہ پرویز مشرف جب وطن واپس آجائیں تو انہیں فول پروف سیکیورٹی فراہم کی جائے.
بعد ازاں ججز نظر بندی کیس کی سماعت 14مارچ تک ملتوی کردی گئی۔
یہاں پڑھیں:پرویزمشرف کے دائمی ناقابل ضمانت وارنٹِ گرفتاری جاری
یاد رہے کہ گذشتہ سال لال مسجد کے عبدالرشید غازی قتل کیس میں مفرور ملزم اور سابق صدر پرویزمشرف کے دائمی نا قابل ضمانت وارنٹ گرفتاری جاری کیے گئے تھے.
یہاںپڑھیں:عبدالرشید غازی قتل کیس مشرف کے ریڈوارنٹ جاری کرنے کا فیصلہ کچھ دیر میں سنایا جائیگا
واضح رہے کہ گذشتہ روزسابق صدر پرویز مشرف کے ریڈ وارنٹ جاری ہونے کی خبریں گردش میں تھیں.
