لاہور : مسلم لیگ ن کے رہنما پرویز رشید کا کہنا ہے کہ نواز شریف کے باہر جانے کے معاملےمیں کوئی ڈیل نہیں ہوئی ، اس بات کا اقرار وزیراعظم نے بھی کیا،ہم آصف زرداری کوبھی سہولیات دینے کی حمایت کرتے ہیں۔

تفصیلات کے مطابق مسلم لیگ ن کے رہنما پرویز رشید نے سابق وزیراعظم نواز شریف کی بیرون ملک روانگی پر کہا کہ باہر جانے کے معاملےمیں کوئی ڈیل نہیں  ہوئی، خود وزیراعظم نے بھی اس بات کا اقرار کیا ہے کہ عدالت نے انہیں باہرجانے کی اجازت دی۔

پرویز رشید کا کہنا تھا کہ نوازشریف کی بیماری پرسیاست کرنےوالےآج خود کہتے ہیں بیماری پرسیاست نہیں کرنی چاہیے۔ہم آصف زرداری کوبھی سہولیات دینے کی حمایت کرتے ہیں، آج تک سجھ نہیں آیا کہ آصف زرداری اور نواز شریف کا کیا قصورہے۔

دوسری جانب لیگی رہنما احسن اقبال نے میڈیا سے گفتگو میں کہا تھا کہ نوازشریف کو کمرشل فلائٹ سے جانا تھا مگر حکومت کے تاخیری حربوں کی وجہ سے ایئرایمبولنس میں جانا پڑا، مریم نوازکا دادی کے پاس رہنا نواز شریف کیلئے اطمینان بخش ہوگا۔

مزید پڑھیں: نواز شریف علاج کے لئے لندن روانہ

ن لیگی رہنما کا کہنا تھا کہ شہباز شریف نے سینئر قیادت کو پارٹی کی ذمہ داریاں دی ہیں ، خواہش ہے نوازشریف جلد صحت یاب ہوکر واپس آسکیں، نوازشریف کے باہر جانےکی حمایت کرنیوالوں کا شکریہ اداکیا ہے، ملک کےمسائل کا ایک ہی حل ہےکہ نئے الیکشن کروائے جائیں۔

خیال رہے سابق وزیراعظم نواز شریف علاج کیلئے بذریعہ ایئرایمبولینس سے لندن روانہ ہوگئے، نوازشریف کےساتھ براستہ دوحہ لندن جانے والوں میں اپوزیشن لیڈر شہباز شریف، سابق وزیراعظم کے ذاتی معالج ڈاکٹرعدنان اور دو ملازمین محمد عرفان،عابداللہ جان شامل ہیں۔

لاہور : مسلم لیگ ن کے رہنما پرویز رشید نے کہا کوئی نوازشریف سے ملاقات کیلئے نکلتا ہے تو اسے جیل میں ڈالا جاتا ہے، مسلم لیگ ن نوازشریف کی قیادت میں متحد ہے، ہم نوازشریف کی آزادی کیلئے کچھ بھی کریں گے۔

تفصیلات کے مطابق لاہور میں کوٹ لکھپت جیل کے باہر میڈیا سے گفتگو کرتے ہوئے مسلم لیگ ن کے رہنما پرویزرشید نے کہا آگے بڑھتا پاکستان تنزلی کا شکار ہوتا نظر آیا، کوئی  نوازشریف سے ملاقات کیلئے نکلتا ہے تو اسے جیل میں ڈالا جاتا ہے، نواز شریف سے ملاقات کی خواہش رکھتے ہیں تو کردار کشی  کی جاتی ہے۔

ہم نوازشریف کی آزادی کیلئےکچھ بھی کریں گے، پروڈکشن آرڈراسپیکراورپارلیمنٹیرین کااستحقاق ہے ، مسلم لیگ ن نوازشریف کی قیادت میں متحدہے، اانتقامی کارروائی سے قومیں تقسیم ہوجاتی ہیں۔

خیال رہے کوٹ لکھپت جیل میں آج ملاقات کا دن ہے ، سابق وزیر اعظم محمد نواز شریف سے صرف فیملی کے افراد ملاقات کی اجازت ہیںجبکہ پارٹی رہنماﺅں اور کارکنوں کو ملاقات کی اجازت نہیں مل سکی۔

یاد رہے پرویز رشید کا کہنا تھا عوام کوسہولت اورریلیف دینے والے گرفتار ہیں، ریلیف دینے والے جیل اور تکلیف دینے والے اقتدار میں ہیں، نواز شریف نے میگا پراجیکٹس، موٹر وے، بجلی کے کارخانے بنائے، خان صاحب 10 سال کے قرضوں کا حساب لینا چاہتے ہیں، یاد رکھیں بجلی کا بحران اسی عرصے کی سرمایہ کاری سے حل ہوا۔

ن لیگی رہنما کا کہنا تھا 10 سال میں لوٹ مار ہوتی تومعیشت تیز رفتار ترقی نہ کر رہی ہوتی ، وزیر ریلوے نے شادی ٹرین چلائی تھی، اب ٹرین کاپتہ ہےنہ شادی کا۔

لاہور : مسلم لیگ ن کے رہنما پرویزرشید نے کہا ریلیف دینے والے جیل اور تکلیف دینے والے اقتدار میں ہیں، آنے والے دنوں میں ن لیگ جلسے کرے گی۔

تفصیلات کے مطابق مسلم لیگ ن کے رہنما پرویزرشید نے سینٹرل جیل کوٹ لکھپت کے باہر میڈیا سے بات چیت کرتے ہوئے کہا عوام کوسہولت اورریلیف دینے والے گرفتار ہیں، ریلیف دینے والے جیل اور تکلیف دینے والے اقتدار میں ہیں۔

،پرویزرشید کا کہنا تھا بجٹ کے وقت ریلیف دیتے ہیں حکومت نےمہنگائی کردی، نواز شریف نے میگا پراجیکٹس، موٹر وے، بجلی کے کارخانے بنائے، خان صاحب 10 سال کے قرضوں کا حساب لینا چاہتے ہیں، یاد رکھیں بجلی کا بحران اسی عرصے کی سرمایہ کاری سے حل ہوا۔

ن لیگی رہنما نے کہا 10 سال میں لوٹ مار ہوتی تومعیشت تیز رفتار ترقی نہ کر رہی ہوتی، عبدالحفیظ شیخ بھی اس دوران وزیرخارجہ رہے،کیاوہ بھی شریک مجرم ہیں، وزیر ریلوے نے شادی ٹرین چلائی تھی، اب ٹرین کاپتہ ہےنہ شادی کا۔

ان کا کہنا تھا آنے والے دنوں می مسلم لیگ مزید احتجاجی جلسے کرے گی، مریم نواز اور شہباز شریف خطاب کریں گے جبکہ اپوزیشن مشترکہ احتجاج بھی کرے گی۔

مزید پڑھیں: ن لیگ کی قیادت نواز شریف کے پاس ہے، مریم یا حمزہ کے پاس نہیں: پرویز رشید

یاد رہے چند روز قبل پرویز رشید نے کہا تھا نواز شریف ایک بار نہیں تین بار جیل کاٹ چکے ہیں، جب وہ ملک آئے تو انھیں زبردستی ملک بدر کر دیا گیا، ن لیگ کی قیادت نواز شریف کے پاس ہی ہے، مریم نواز یا حمزہ شہباز کے پاس نہیں، مجھ سمیت ہر لیڈر پارٹی کا کارکن ہے، لیڈر صرف نواز شریف ہے۔

اس سے قبل پرویز رشید نے کہا تھا کہ مریم نواز سیاسی کارکن ہیں، سیاسی میدان میں بھرپور کردار ادا کرتی ہیں، لیکن انتخابی سیاست میں قانونی پیچیدگی کے باعث ابھی حصہ نہیں لے سکتیں، قانونی پیچیدگیاں دور ہوتے ہی مریم نواز انتخابی سیاست میں حصہ لیں گی۔

اسلام آباد : مسلم لیگ ن کے رہنما پرویز رشید نے کہا عدالتی فیصلے کی وجہ سے مریم نواز الیکشن نہیں لڑ سکیں، قانونی پیچیدگیاں دور ہوتے ہی مریم نواز انتخابی سیاست میں حصہ لیں گی۔

تفصیلات کے مطابق مسلم لیگ ن کے رہنماپرویز رشید نے سپریم کورٹ کےباہرمیڈیا سے گفتگو کرتے ہوئے کہا قانونی پیچیدگیاں دور ہوتے ہی مریم نواز انتخابی سیاست میں حصہ لیں گی، عدالتی فیصلے کی وجہ سے مریم نواز الیکشن نہیں لڑ سکیں۔

پرویز رشید کا کہنا تھا ہمیں قانونی پیچیدگیاں دور ہونے کا انتظار ہے، مریم نواز سیاسی کارکن ہیں ، سیاسی میدان میں بھرپورکرداراداکرتی ہیں، انتخابات میں حصہ لینا سیاست کا حصہ ہے۔

ن لیگی رہنما نے مزید کہا گزشتہ انتخابات میں پارٹی نے مریم نواز کو ایک حلقے سے امیدوار نامزد کیا۔

مزید پڑھیں : شہباز شریف نے پارٹی عہدے داروں کے ناموں کا اعلان کر دیا، مریم نواز نائب صدر مقرر

یاد رہے چند روز قبل پاکستان مسلم لیگ ن کی تنظیم نو کے تحت پارٹی عہدے داروں کا اعلان کیا تھا، جس کے مطابق سابق وزیر اعظم نواز شریف کی صاحب زادی مریم نواز پارٹی کا نائب صدر مقرر کیا گیا تھا جبکہ سابق وزیر اعظم شاہد خاقان عباسی مسلم لیگ ن کے سینئر نائب صدر ہوں گے۔

واضح رہے 6 جولائی کو احتساب عدالت کے جج محمد بشیر نے ایون فیلڈ ریفرنس کا فیصلہ سناتے ہوئے نواز شریف کو10 مریم نواز کو7 اور کیپٹن رصفدر کو ایک سال کی سزا سنائی تھی۔

بعد ازاں 19 ستمبر کو اسلام آباد ہائی کورٹ کےدو رکنی بینچ جسٹس اطہر من اللہ اور جسٹس میاں گل حسن اورنگ زیب نے مختصر فیصلے میں نوازشریف، مریم اور صفدر کی سزائیں معطل کرکے تینوں کی رہائی کا حکم دیا تھا۔

راولپنڈی : مسلم لیگ ن کے رہنما پرویز رشید کا کہنا ہے کہ عمران خان نے انکوائری میں جو سہولت مانگی، وہ دی گئی اور نوازشریف سے چھین لی گئی ، عوام کی آواز اور  عوام کی نمائندگی کرنے والے کو اڈیالہ جیل میں بند کردیا گیا۔

تفصیلات کے مطابق مسلم لیگ ن کے رہنما پرویز رشید نے اڈیالہ جیل کے باہر میڈیا سے گفتگو کرتے ہوئے کہا کہ عمران خان کو نیب کی جانب سے سہولت فراہم کردی گئی، ان کو کہا گیا انتخابی مہم چلاتے رہے ہیں اور پیش نہ ہوں۔

پرویز رشید کا کہنا تھا کہ جوسہولت عمران خان کودی گئی وہ نوازشریف سے چھین لی گئی، اس قسم کی سہولت دینے سے انتخابات کی شفافیت پر سوال اٹھتے ہیں، عمران خان انکوائری میں جو مانگتے ہیں، وہ سہولت دے دی جاتی ہے، عمران خان اپنے خلاف فیصلے خود لکھتے ہیں۔

ن لیگی رہنما نے کہا کہ باپ کو بیٹی سے ملاقات کی جیل میں سہولت نہیں، 13 جولائی کے بعد آج باپ بیٹی کی ملاقات ہوئی، ایک شخص کی آزادی کو سلب کرلیا گیا ہے، عوام کی آواز اور عوام کی نمائندگی کرنے والے کو اڈیالہ جیل میں بند کردیا گیا۔

ان کا کہنا تھا کہ باپ بیٹی کو ملاقات کی اجازت نہیں،اس پر بہت دکھ ہوا، ووٹ کو عزت دو کا نعرہ کیوں جرم سمجھا جاتا ہے، اگر کوئی ووٹ کوعزت کا نعرہ جرم سمجھتا ہے تو آئین کی توہین کرتا ہے۔

پرویز رشید نے کہا کہ تینوں کا عزم اسی طرح پختہ ہے جو جیل جانے سے پہلے تھا، 25 جولائی کو شیر پر مہر لگا کر عوام نے ناانصافی کو ختم کرانا ہے، عمران خان کی جانب سے تمام سازشوں کو ناکام بنانا حق ہے۔

مسلم لیگ ن کے رہنما کا کہنا تھا کہ آمریت کے دوران میں نے بھی جیل کاٹی ہے، اڈیالہ جیل میں قیدیوں کو قید تنہائی میں رکھا جارہا ہے، جیل میں کسی سے سہولت کی بھیک نہیں مانگ رہے، بنیادی حق ہے۔

خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

اسلام آباد: مسلم لیگ ن کے رہنما پرویز رشید کا کہنا ہے کہ پہلے نواز شریف کو حاضر اور اب غیر حاضر رکھنا سمجھ سے بالاتر ہے، امید ہے جتنی تیزی سے سزا سنائی گئی، ویسے ہی اپیل سنی جائے۔

تفصیلات کے مطابق اسلام آباد ہائی کورٹ کے باہر میڈیا سے گفتگو کرتے ہوئے مسلم لیگ ن کے رہنما پرویز رشید نے کہا کہ عدالت کے حکم پر نواز شریف ہمیشہ عدالت میں حاضر ہوتے تھے ، مریم نواز اور کیپٹن صفدر بھی حاضر ہوتے رہے۔

پرویزرشید کا کہنا تھا کہ سب گواہ ہیں نواز شریف پر مقدمہ کتنی تیز رفتاری سے چلا، امید ہے جتنی تیزی سے سزاسنائی گئی، اسی طرح اپیل کا فیصلہ بھی کیا جائے گا۔

ن لیگی رہنما نے نوازشریف کی غیر موجودگی میں دیگر دو ریفرنسز کی سماعت پر سوالات اٹھاتے ہوئے کہا کہ سماعت نواز شریف کوپیش کیے بغیر ہوتی رہی ، مریم،  نواز شریف اورکیپٹن (ر)صفدرکو عدالت میں کیوں نہیں لایا گیا، کیوں عدالت سے چھپایا جارہا ہے ،کیاخفیہ رکھا جا رہا ہے

ان کا کہنا تھا کہ ہمارا سوال ہے یہ فر ق کیوں ہے اس کا جواب ملنا چاہیے، عدالت کو ان سوالات کا جواب دینا چاہیے، پہلے نواز شریف کوحاضراوراب غیرحاضر رکھنا سمجھ سے بالاہے۔

پرویز رشید نے کہا کہ پانچ سال ہماری حکومت رہی، بتایا جائے کس سیاسی رہنما پر اس طرح کا مقدمہ چلایا جس طرح کا نوازشریف پر چلا، پاکستان کی تاریخ میں ایسی کوئی مثال بتادیں، بتایا جائے کون سے سیاسی رہنما کو روزانہ کی بنیاد پر کسی احتساب عدالت میں پیش کیا گیا ہو۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔