Tag: Pervez Rasheed

اسلام آباد: وفاقی وزیر اطلاعات پرویز رشید نے کہا ہے کہ فیصل آباد میں ہونے والے افسوسناک واقعے کے بعد تحریک انصاف نے معصوم جانوں پر سیاست کرنے کی کوشش کی۔

وفاقی وزیر اطلاعت پرویز رشید نے تحریک انصاف کے سربراہ عمران خان سے تین سوالات کے جوابات بھی مانگ لئے ہیں ،پرویز رشید نے عمران خان سے پوچھا ہے کہ قاتل کوبچانے کی کوشش کیوں کی گئی؟ اور لاش پر سیاست کرنے والے شہداءکا جنازہ کیوں نہیں پڑھتے؟ ناکام اپیل کو کامیاب بنانے کیلئے لاشوں کی سیاست کرنے کا مشورہ کس نے دیا ؟ وفاقی وزیر کا کہنا تھا کہ فیصل آباد میں احتجاجی سازش پوری طرح ناکام ہو گئی ہے۔

اسلام آباد: پاکستان تحریک انصاف کےچئیرمین عمران خان نےکہا ہےکہ عوام نواز حکومت سے مقابلےکا فیصلہ کرچکی ہے آج اسلام آباد میں احتجاج کی قیادت کروں گا۔

چیئرمین تحریک انصاف عمران خان کا اے آر وائی نیوز کے مقبول پروگرام’’کھراسچ‘‘میں خصوصی گفتگو کرتے ہوئے کہنا تھا کہ پولیس کی موجودگی میں جمہوری انداز میں احتجاج کرنےوالوں پرگولیاں چلائی گئیں، فیصل آبادمیں جو ہوا یہ سب راناثنااللہ نےکرایاہے،عمران خان نےکہاکہ یہ وہی کچھ ہورہاہےجوماڈل ٹاؤن میں ہوا۔

اُنہوں نے بتایاکہ ایک اور شہیدکارکن اصغر علی کی نعش کا پتہ نہیں چل رہا، ہمارے کئی کارکن لاپتہ ہیں جن کی تلاش جاری ہے، آج بطور احتجاج پنجاب کے ہر ضلع میں ہمارےلوگ پرامن نکلیں گے، جبکہ اسلام آبادمیں احتجاج کی قیادت میں خود کروں گا۔

عمران خان کا کہنا تھا کہ پرامن احتجاج کرناہمارا حق ہے ہمیں کوئی نہیں روک سکتا، ہمیں توعدالتوں نےبھی پرامن احتجاج کی اجازت دی ہے ،عمران خان کا مزید کہنا تھا کہ ن لیگ اپنے ہر دور میں جمہوریت کےپیچھےچھپ جاتی ہے لیکن اب عوام فیصلہ کرچکی ہےکہ نواز حکومت کا مقابلہ کیاجائے گا۔

اسلام آباد: وفاقی وزیراطلاعات پرویز رشید کہتے ہیں عمران خان کے اے اور بی منصوبے کامیاب نہیں ہوئے، فیصل آباد کے لوگوں نے احتجاج کی کال مستردکردی۔

پریس کانفرنس کرتے ہوئے وزیر اطلاعات ونشریات کا کہنا تھا کہ عمران خان کا پلان اے جمہوریت پرحملہ تھا، پلان بی دھرنے کے ذریعے جمہوریت کا گھیراﺅ تھا ، پلان سی کا مقصد ملک میں انارکی پھیلانا ہے جبکہ پلان ڈی ملک کو تباہ کرنا ہو گا۔ ان کاکہنا تھا کہ آج فیصل آباد میں مظاہرین کے خلاف نرم ہتھیار کا استعمال کیا گیا اور ان پر صرف پانی کا چھڑکاؤکیا گیا۔

پرویز رشید نے کہا کہ عمران خان نے شٹ شاپ کال دی اور دکانیں بند کرانے کی کوشش کی لیکن عمران خان کے شہروں کو بند کرنے کے اعلان پر پورے ملک سے مخالف ردعمل آیا جبکہ فصل آباد کے شہریوں نے عمران خان کے حکم نامے پر عمل کرنے سے انکار کر دیا، انہیں سول سوسائٹی اور جمہوری قوتوں کی طرف سے بھی شدید ردعمل کا سامنا کرنا پڑا۔

ان کا مزید کہنا تھا کہ فیصل آباد میں جو کچھ ہوا پی ٹی آئی چیئرمین کی وجہ سے ہوا، پلان سی کا مقصد ملک میں انارکی پھیلانا ہے،تحریک انصاف کے ڈنڈا بردار جتھے بچوں کو اسکولوں سے زبردستی نکالتے رہے کھلی دکانوں پر بھی حملے کئے گئے، نوجوان کے قتل کے واقعہ کی تحقیقات ہو رہی ہیں۔

کراچی: وفاقی وزیر اطلاعات سینیٹر پرویز رشید نے کہا ہے کہ کسی کو پاکستان بند کرنے کی اجازت نہیں دیں گے۔

کراچی میں دفاعی نمائش آئیڈیاز 2014 کی تقریب کے بعد میڈیا سے بات کرتے ہوئے وفاقی وزیر اطلاعات پرویز رشید نے کہا ہے کہ عمران خان نے جن ججز پر اعتماد کااظہار کیاپھربعد میں انہی پرتنقیدکی، انکاکہناتھاکہ عمران خان دھرنے نادیتے توجوڈیشل کمیشن کب کااپناکام ختم کرچکاہوتا۔پرویزرشیدنے کہاکہ دھرنا پاکستان کا نمائندہ نہیں بلکہ دفاعی نمائش ہماری پہچان ہے اور کسی کو شہر بند کرنے کا حق نہیں دیا جاسکتا۔

پرویز رشید کا کہنا تھا کہ پاکستان اپنی بھرپور دفاعی صلاحیت رکھتا ہے اور بین الاقوامی معیار کے مطابق جنگی ساز و سامان بنا کر فروخت کرنے کی بھی صلاحیت رکھتا ہے جب کہ غیر ملکی وفود نے پاکستانی دفاعی اشیا کے معیار پر اطمینان کا اظہار کیا ہے۔ انہوں نے کہا کہ ہمیں اپنے انجینئرز پر فخر ہے ہماری نشانیاں دھرنے نہیں بلکہ مضبوط کرنسی اور معیشت ہے اور پاکستانیوں کی تخلیق اورصلاحیت دفاعی نمائش میں دیکھی دھرنے میں نہیں۔

وفاقی وزیر کا کہنا تھا کہ ہم نے روشنیوں کی طرف سفر کرنا شروع کردیاہے، جب اقتدار سنبھالا تو پاکستان کی معیشت سے متعلق منفی پیش گوئیاں کی جارہی تھیں لیکن آج اسٹاک ایکس چینج 30 ہزارکی سطح عبور کرگئی اورعنقریب 40 ہزار سے بھی اوپر جائے گی۔ انہوں نے کہا کہ غیر ملکی وفود کا دفاعی نمائش میں شرکت کرنا اور پاکستانی عسکری مصنوعات میں دلچسپی کا اظہار کرنا پاکستان کی کامیابی ہے اور یہ کسی ایک سیاسی جماعت کی کامیابی نہیں بلکہ پورے ملک کی کامیابی ہے۔

وفاقی وزیر اطلاعات نے کہا کہ بحران سے ابھی نکلے نہیں لیکن نکلتے نظر آرہے ہیں اور امید ہے کہ ملک سے اندھیروں کا خاتمہ کر کے روشنی لے کر آئیں گے۔انہوںنے کہاک ہم اپنی غلطیوں اور کمزوریوں کو بھی دیکھتے ہیں لیکن ہمیں اپنی کامیابیوں پرخوش ہونے کا حق بھی حاصل ہے اور کسی کو یہ حق نہیں دے سکتے ہیں وہ ہم سے ہماری خوشیاں چھینے یا اس سے ہمیں محروم رکھ سکے۔