اسلام آباد : پشاور دھماکے میں ہونے والی اموات اور دہشت گردی کیخلاف سپریم کورٹ بار نے کل ملک بھر میں یوم سوگ منانے کا اعلان کردیا۔
اس حوالے سے سپریم کورٹ بار کے اعلامیہ میں کہا گیا ہے کہ پشاور دھماکے میں 102افراد کی شہادتیں بہت بڑا سانحہ ہے، ملک بھر کی بار کل شہداء کیلئے دعائے مغفرت کریں گی۔
اعلامیے میں مطالبہ کیا گیا ہے کہ حکومت تمام شہداء کے لواحقین اور زخمیوں کو ہر قسم کی قانونی اور مالی معاونت فراہم کرے۔
سپریم کورٹ بار کا کہنا ہے کہ حکومت دہشت گردی کے واقعات کی روک تھام کیلئے بھرپور اقدام کرے، سپریم کورٹ بار، ہائی کورٹ، ڈسٹرکٹ کورٹ بار کی دہشت گردی کی لہر پر شدید تشویش پائی جاتی ہے، ایسے واقعات کی جتنی بھی مذمت کی جائے کم ہے۔
لاہور : تحریک انصاف کے رہنما مراد سعید نے کہا ہے کہ وزیرداخلہ رانا ثناءاللہ کہتے ہیں کہ پارلیمنٹ کو فیصلے کرنے چاہئیں، اگر ان کو صورت حال کا نہیں معلوم تو اپنا منہ بند رکھیں۔
یہ بات انہوں نے اے آر وائی نیوز کے پروگرام آف دی ریکارڈ میں گفتگوکرتے ہوئے کہی، انہوں نے کہا کہ وزیرداخلہ ملک پر توجہ دینے کے بجائے پی ٹی آئی قیادت کیخلاف کیسز میں لگے تھے۔
ان کا کہنا تھا کہ پشاور میں ابھی لاشیں نکالی جارہی تھیں اور حکومت کو الیکشن کے التواء کی فکر تھی،ان لوگوں کا خون بھی خشک نہیں ہوا پہلے لاشیں نکالیں پھر سیاست ہوگی، ہم ملک میں امن چاہتے ہیں،امن ہوگا تو سیاست بھی ہوگی۔
مرادسعید نے کہا کہ خیبرپختونخوا میں پھرخون بہایا جارہا ہے اس پر اسلام آباد کو خصوصی توجہ دینی چاہیے، سوات میں لوگ نکلے تو وزیرداخلہ کہتے تھے کہ پروپیگنڈا کیا جارہا ہے، وزیر دفاع خواجہ آصف جگتیں لگارہے تھے جبکہ وزیر خارجہ بلاول سیر سپاٹوں میں مصروف تھے۔
ان کا کہنا تھا کہ ہم نے کئی بار توجہ دلائی کہ پھر سے ہمیں گریٹر گیم کا حصہ بنایا جارہا ہے، کئی مرتبہ درخواست کی کہ کیا آپ لوگ ہمارے جنازوں کا انتظارکررہے ہیں؟ میری توجہ دلانے کا مذاق اڑایا گیا۔
مرادسعید نے کہا کہ گزشتہ سال جون جولائی میں پارلیمنٹ کو ان کیمرا بریفنگ دی گئی تھی، جس میں افغانستان سے امریکی انخلا پر بات ہوئی تھی، اس میٹنگ میں ہم نے عسکری قیادت کو کچھ مشورے بھی دیئے تھے لیکن پی ٹی آئی کی حکومت میں پیشرفت نہیں ہوسکی تھی۔
رہنما تحریک انصاف نے کہا کہ رجیم چینج کے ڈھائی ماہ بعد ایک وفد افغانستان جاتا ہے اور طالبان سے بات ہوتی ہے، ہم نے جون میں پوچھا تھا کہ افغانستان جانے والا وفد کون سا مینڈیٹ لے کرگیا ہے، وفد کیا فیصلے کرکے آیا ہے کیا مذاکرات ہوئے ہیں؟ یہ بھی پوچھا کہ بارڈر کو سیل کردیا گیا ہے تو لوگ کیسے پاکستان آرہے ہیں؟ ہمارے ایک بھی سوال کاجواب نہیں دیا گیا۔
اسلام آباد: پشاور پولیس لائن مسجد دھماکے کے بعد وفاقی دارالحکومت میں سیکیورٹی ہائی الرٹ کے احکامات جاری کیے گئے ہیں۔
تفصیلات کے مطابق ترجمان اسلام آباد پولیس کا کہنا ہے کہ شہر میں سیکیورٹی ہائی الرٹ جاری کیا گیا ہے، تمام داخلی و خارجی راستوں پر چیکنگ بڑھا دی گئی ہے، اور سیف سٹی کے ذریعے مانیٹرنگ کی جا رہی ہے۔
ترجمان نے کہا کہ شہریوں کو ہدایت کی گئی ہے کہ وہ دوران سفر اپنے شناختی دستاویزات ساتھ رکھیں اور چیکنگ کے دوران پولیس کے ساتھ تعاون کریں۔
واضح رہے کہ صوبہ خیبر پختون خوا کے مرکزی شہر پشاور میں پولیس لائن میں مسجد میں دھماکا ہوا ہے، جس کے نتیجے میں 28 افراد جاں بحق اور 150 افراد زخمی ہو گئے ہیں، دھماکے سے مسجد کا ایک حصہ شہید ہو گیا ہے۔
پولیس حکام کا کہنا ہے کہ دھماکے کی نوعیت کا اندازہ لگایا جا رہا ہے، پولیس کی تفتیشی ٹیم جائے وقوعہ پر شواہد جمع کر رہی ہے، جب کہ قانون نافذ کرنے والے اداروں نے علاقے کو گھیرے میں لے رکھا ہے۔
ترجمان ایل آر ایچ محمد عاصم کا کہنا ہے کہ زخمیوں میں پولیس اہل کاروں کی بڑی تعداد شامل ہے۔ دھماکے کی اطلاعات کے بعد مقامی اسپتالوں میں ایمرجنسی نافذ کر دی گئی ہے، اور سیکیورٹی کو الرٹ کر دیا گیا ہے، نیز پولیس لائن کے داخلی راستے بھی مکمل طور پر بند کر دیے گئے ہیں۔
پشاور : سی ٹی ڈی نے پشاور دھماکے میں ملوث 3 دہشت گردوں کی تفصیلات جاری کردیں ، غازی عثمان کوچہ رسالدار دھماکے میں براہ راست ملوث رہا۔
تفصیلات کے مطابق پشاور دھماکے میں ملوث 3 دہشت گردوں کی تفصیلات سامنے آگئیں، سی ٹی ڈی کی جانب کہا گیا ہے کہ دھماکے میں دہشت گرد عبدالواجد عرف غازی عثمان ملوث تھا، عبدالواجد اور ستنام سنگھ اے ایس آئی امتیازعالم پرحملوں میں ملوث تھا۔
سی ٹی ڈی نے بتایا کہ غازی عثمان کوچہ رسالدار دھماکے میں براہ راست ملوث رہا اور دہشت گرد مظفر شاہ عرف خالد دھماکے سمیت ٹارگٹ کلنگ کا ماسٹر تھا۔
حکام کے مطابق نیٹ ورک میں شامل تیسرے دہشت گرد کی بھی شناخت ہوگئی ، تیسرادہشت گردگزشتہ شب آپریشن سائلنس میں مار دیا گیا ، تینوں دہشت گرد پشاور دھماکے سمیت دہشت گردی میں ملوث تھے۔
یاد رہے پشاور دھماکے میں ملوث دہشت گرد نیٹ ورک کے ایک سہولت کار اور خودکش حملہ آورکی شناخت ہوئی تھی ، خودکش بمبار کی عرفیت عبداللہ تھی جو نام بدلتا رہتا تھا۔
ذرائع کا کہنا ہے کہ تحقیقاتی ٹیم نے پشاور دھماکے کے ایک سہولت کار کا ڈیٹا اور تصویر بھی حاصل کرلی ہے ، مبینہ ملزم حسن شاہ کا تعلق جمرودضلع خیبرسے ہے۔
سی ٹی ڈی کی 4ٹیموں کی جانب سے ملزمان کی گرفتاری کےلیےمختلف اضلاع میں سرچ آپریشن جاری ہے۔
واضح رہے پشاور کے قصہ خوانی بازار کی جامع مسجد میں نماز جمعہ کے دوران دھماکا ہوا ، جس میں 64 نمازی جاں بحق اور200 سے زائد زخمی ہوئے تھے۔
پشاور : پشاور دھماکے کے ایک سہولت کار اور خودکش حملہ آور کی شناخت ہوگئی، خودکش بمبار کی عرفیت عبداللہ تھی جو نام بدلتا رہتا تھا۔
تفصیلات کے مطابق پشاور دھماکے کی تحقیقات میں اہم پیش رفت سامنے آئی ، ذرائع نے بتایا کہ دہشت گرد نیٹ ورک کے ایک سہولت کار اور خودکش حملہ آورکی شناخت ہوگئی، خودکش بمبار کی عرفیت عبداللہ تھی جو نام بدلتا رہتا تھا
ذرائع کا کہنا ہے کہ تحقیقاتی ٹیم نے پشاور دھماکے کے ایک سہولت کار کا ڈیٹا اور تصویر بھی حاصل کرلی ہے ، مبینہ ملزم حسن شاہ کا تعلق جمرودضلع خیبرسے ہے۔
سی ٹی ڈی کی 4ٹیموں کی جانب سے ملزمان کی گرفتاری کےلیےمختلف اضلاع میں سرچ آپریشن جاری ہے۔
یاد رہے دو روز قبل سی ٹی ڈی کی اسپیشل انوسٹی گیشن ٹیم نے پشاوردھماکے میں ملوث سہولت کاروں کی شناخت کا ڈیٹا مکمل کرتے ہوئے انکشاف کیا تھا دہشت گردی میں ملوث نیٹ ورک پھندوپولیس اسٹیشن پرحملے میں بھی ملوث ہے۔
ذرائع نے بتایا تھا کہ خودکش حملہ آور سمیت 2 سہولت کار ممکنہ طور پر رکشہ پر دیہی علاقےسے سوار ہوئے۔
یاد رہے پشاور کے قصہ خوانی بازار کی جامع مسجد میں نماز جمعہ کے دوران دھماکا ہوا ، جس میں اکسٹھ نمازی جاں بحق اور200 سے زائد زخمی ہوئے تھے۔
پشاور : سی ٹی ڈی کی اسپیشل انوسٹی گیشن ٹیم نے پشاوردھماکے میں ملوث سہولت کاروں کی شناخت کا ڈیٹا مکمل کرلیا اور بتایا کہ دہشت گردی میں ملوث نیٹ ورک پھندوپولیس اسٹیشن پرحملے میں بھی ملوث ہے۔
تفصیلات کے مطابق پشاوردھماکے میں ملوث سہولت کاروں کی شناخت کا ڈیٹا مکمل کرلیا گیا ، ذرائع کا کہنا ہے کہ شناخت کا ڈیٹا سی ٹی ڈی کی اسپیشل انوسٹی گیشن ٹیم کی جانب سے مکمل کیا گیا۔
ذرائع نے بتایا کہ خودکش حملہ آور سمیت 2 سہولت کار ممکنہ طور پر رکشہ پر دیہی علاقےسے سوارہوئے ، دہشت گردی میں ملوث نیٹ ورک پھندوپولیس اسٹیشن پرحملے میں بھی ملوث ہے۔
ذرائع کا کہنا ہے کہ پشاور دھماکے میں کئی اہم گرفتاریوں بھی کئی گئی ہیں اور سہولت کاروں کی معاونت کرنے والوں کی گرفتاری کے لیے آپریشنز جاری ہیں۔.
اس سے قبل سی ٹی ڈی اسپیشل انوسٹی گیشن ٹیم نے 2مشبہ افراد کو حراست میں لیا تھا، ذرائع کا کہنا تھا کہ حملہ آور نے پہلے پولیس اہلکار پر فائرنگ کی، حملہ آور نے 9ایم ایم پستول استعمال کیا ، جائے وقوع سے انوسٹی گیشن ٹیم کو 7خول ملے ہیں۔
پولیس ،سی ٹی ڈی کی جوائنٹ انوسٹی گیشن ٹیم نے زخمیوں کے بیانات قلم بند کیے، پولیس نے بتایا تھا کہ مختلف علاقوں میں لگے سی سی ٹی وی کیمروں کو چیک کیا گیا ہے۔
انوسٹی گیشن پولیس کا کہنا تھا کہ رکشے میں آنے والے خودکش حملہ آور اور 2سہولت کاروں کے اسکیچز مکمل ہیں ، حملہ آور کی خودکش جیکٹ میں بال بیرنگ کا استعمال کیا گیا۔
پشاور : مسجد دھماکے میں زخمی مزید5 افراد دم توڑ گئے، جس کے بعد دھماکے میں جاں بحق افراد کی تعداد 62 ہوگئی۔
تفصیلات کے مطابق لیڈی ریڈنگ اسپتال کے ترجمان کی جانب سے بیان میں کہا گیا ہے کہ پشاور دھماکے میں زخمی مزید 5 افراد دم توڑ گئے، جس کے بعد جاں بحق افرادکی تعداد 62 ہوگئی۔
ترجمان ایل آرایچ نے بتایا کہ ایل آر ایچ میں گزشتہ روز57 میتیں لائی گئی تھیں جبکہ پشاور دھماکے کے 37 زخمی لیڈی ریڈنگ اسپتال میں زیرعلاج ہے۔
یاد رہے پشاور کے قصہ خوانی بازار کی جامع مسجد میں نماز جمعہ کے دوران دھماکا ہوا ، جس میں نمازیوں کی بڑی تعداد جاں بحق ہوئی جبکہ 200 سے زائد زخمی ہوئے۔
ترجمان لیڈی ریڈنگ اسپتال نے بتایا تھا کہ کہ بیشتر زخمیوں کی حالت تشویشناک ہے ، جس کے باعث خدشہ ہے کہ شہادتوں میں مزید اضافہ ہوسکتا ہے۔
یاد رہے پشاور کی مسجد میں دھماکے کا مقدمہ درج کرلیا گیا ، ایف آئی آر میں دہشت گردی کی دفعات درج کی گئیں ہیں۔
دوسری جانب پشاور دھماکے سے متعلق تحقیقات جاری ہے ، سی ٹی ڈی اسپیشل انوسٹی گیشن ٹیم نے 2مشبہ افراد کو حراست میں لے لیا ہے۔
اسلام آباد : وزیراعظم عمران خان نے پشاور دھماکےمیں ملوث عناصر کو انجام تک پہنچانے کی ہدایت کرتے ہوئے کہا ہے کہ سہولت کاروں تک پہنچنے کیلئے تمام ریاستی وسائل استعمال کیے جائیں۔
تفصیلات کے مطابق سیکیورٹی حکام نے پشاور دھماکے سے متعلق وزیراعظم عمران خان کو بریفنگ دیتے ہوئے واقعےسے متعلق ابتدائی تحقیقات اور حساس معلومات سے بھی آگاہ کر دیا۔
ذرائع کا کہنا ہے کہ وزیراعظم نے دھماکےمیں ملوث عناصر کو انجام تک پہنچانے کی ہدایت کرتے ہوئے کہا ہے کہ سہولت کاروں تک پہنچنے کیلئے تمام ریاستی وسائل استعمال کیےجائیں۔
اس موقع پر وزیر داخلہ شیخ رشید نے بھی واقعے کی تفصیلات سے وزیراعظم کو آگاہ کیا۔
یاد رہے وزیراعظم عمران خان نے پشاورمسجددھماکےکی مذمت کرتے ہوئے کہا تھا کہ متاثرین کے اہلخانہ کے ساتھ تعزیت کرتاہوں اور زخمیوں کی صحت یابی کے لیے دعاگو ہوں۔
عمران خان کا کہنا تھا کہ وزیراعلیٰ کےپی سے کہا ہے وہ ذاتی طور پراہلخانہ سے ملاقا ت کریں اور ذاتی طور پرآپریشنزکی نگرانی، اداروں کیساتھ رابطہ میں ہوں۔
وزیراعظم نے بتایا کہ ہمارے پاس تمام معلومات ہیں کہ دہشت گرد کہاں سے آئے، پوری طاقت کے ساتھ دہشتگردوں کا پیچھا کر رہے ہیں۔
واضح رہے پشاور کے قصہ خوانی بازار کی جامع مسجد میں نماز جمعہ کے دوران دھماکے کے نتیجے میں اب تک 62 افراد جاں بحق اور200 سے زائد زخمی ہوگئے۔
اسلام آباد: وزیر داخلہ شیخ رشید احمد کا کہنا ہے کہ پشاور حملے کے 3 ملزمان کی شناخت ہو چکی ہے، آئندہ ایک سے 2 روز میں تمام ملزمان گرفتار ہو جائیں گے۔
تفصیلات کے مطابق وزیر داخلہ شیخ رشید احمد نے پشاور حملے کے حوالے سے اہم ویڈیو بیان جاری کیا ہے جس میں انہوں نے کہا ہے کہ پشاور حملے کے 3 ملزمان کی شناخت ہو چکی ہے۔
شیخ رشید کا کہنا تھا کہ پختونخواہ پولیس اور تفتیشی ادارے ملزمان تک پہنچ چکے ہیں، آئندہ ایک سے 2 روز میں ملزمان گرفتار ہو جائیں گے۔
انہوں نے کہا کہ نواز شریف کی طرف سے کوئی درخواست موصول نہیں ہوئی، عدم اعتماد کا بڑا شور مچایا جارہا ہے، ابھی تک ریکوزیشن کی درخواست نہیں آئی۔ اجلاس کی ریکوزیشن کی درخواست اور تحریک عدم اعتماد دو الگ چیزیں ہیں۔
شیخ رشید کا کہنا تھا کہ اپوزیشن عوام میں غلط فہمی پیدا نہ کریں، ملک سیلابوں اور زلزلوں سے تباہ نہیں ہوتے، افواہوں اور انتشار سے تباہ ہوتے ہیں۔
انہوں نے مزید کہا کہ ابھی دلی دور است، عمران خان پانچ سال پورے کریں گے۔ انہیں پہلے بھی قومی اسمبلی میں شکست ہوچکی ہے دوبارہ بھی ہوگی۔
پشاور : پشاور کی مسجد میں دھماکے کا مقدمہ درج کرلیا گیا ، ایف آئی آر میں دہشت گردی کی دفعات درج کی گئیں ہیں۔
تفصیلات کے مطابق سی ٹی ڈی نے پشاور دھماکے کا مقدمہ درج کرلیا ، ایف آئی آر کی کاپی اے آر وائی نیوز نے حاصل کر لی ہے۔
مقدمہ ایس ایچ او تھانہ خان رازق کی مدعیت میں درج کیا گیا اور دھماکے کی ایف آئی آر میں دہشت گردی کی دفعات درج کی گئیں ہیں۔
متن میں کہا گیا کہ مسجد کی سیکورٹی چیک کرنے کے بعد ساتھ کی گلی میں پہنچا تو فائرنگ کی آواز سنی، واپس مسجد لوٹا تو پولیس والے زخمی اور دھماکا ہو چکا تھا۔
ایف آئی آر میں کہا ہے کہ خودکش حملہ آور نے مسجد میں گھس کر پہلے اندھا دھند فائرنگ کی اور فائرنگ کے بعد خود کش حملہ نے خود کو دھماکے سے اڑا دیا۔
اس سے قبل پشاور خودکش حملے کے اندراج مقدمہ کیلئے مراسلہ سی ٹی ڈی کو ارسال کیا گیا تھا ، متن میں کہا گیا تھا کہ حملہ آور کالے کپڑے پہنے ہوئے تھا، پیدل آیا ، اس کے پاس پستول تھا، حملہ آور کی جانب سے پہلے فائر میں پولیس اہلکار کو نشانہ بنایا گیا تھا۔
گذشتہ روز پشاور کے مشہور و معروف قصہ خوانی بازار کی جامع مسجد میں دھماکا ہوا، جس کے نتیجے میں بچوں سمیت 56 افراد شہید ہوگئے تھے۔
پویس پی سٹی نے افسوسناک واقعے سے متعلق بتایا تھا کہ دھماکا جامع مسجد کوچہ رسالدار میں اسوقت ہوا جب نمازی جمعے کی نماز کی ادائیگی میں مصروف تھے، دھماکے کے بعد مسجد میں افراتفری پھیل گئی اور ہر کوئی اپنے پیاروں کی تلاش میں مارا مارا پھرتا رہا۔
