Tag: peshawar blast

پشاور : دیر کالونی میں مدرسے میں دھماکے کی تفتیش جاری ہے، پورے علاقے کی موبائل کالز کا ڈیٹا حاصل کرکے دھماکہ سے پہلے اور بعد کی ریکارڈ فون کالز کی جانچ پڑتال کی جارہی ہے۔

تفصیلات کے مطابق پشاور کے علاقہ دیر کالونی میں جیوفنسنگ کا عمل جاری ہے ،تحقیقات کا دائرہ کار مزید وسیع کرکے پورے علاقے کی موبائل کالز کا ڈیٹا حاصل کرلیا گیا ہے اور فون کالز کی جانچ پڑتال کی جارہی ہے۔

پولیس کی جانب سے دیرکالونی میں سرچ آپریشن کا سلسلہ تیسرے روز بھی جاری رہا، دھماکے سے متاثرہ مدرسے میں زیرتعلیم تمام طلباء کو واپس بھیج دیا گیا ہے۔

پولیس نے عینی شاہدین کے بیانات قلمبند کرکے تحقیقات کا دائرہ کار مزید وسیع کردیا ہے ،قلمبند بیانات کی مدد سے مدرسے میں بارودی مواد لانے والے ملزم کا خاکہ تیار کیا جارہا ہے جبکہ گزشتہ روزگرفتار مشتبہ افراد کا ڈیٹا مکمل کرنے کا عمل جاری ہے۔

یاد رہے دیرکالونی دھماکے سے متعلق ابتدائی تحقیقاتی رپورٹ میں بتایا گیا تھا کہ مدرسےاور آنےوالے طلبا کی ریکی کی گئی، گزشتہ روز مدرسے کےغسل خانوں میں مرمتی کام بھی جاری تھا تو مرمتی کام کرنیوالے مزدوروں سے بھی تفتیش جاری ہے۔

تحقیقاتی ٹیم کا کہنا تھا کہ مدرسے میں زیر تعلیم ایک طابعلم کو حراست میں لے لیا ہے ، جس سے تفتیش جاری ہے جبکہ دیگر طلبا کا ریکارڈ ، کوائف کی جانچ پڑتال بھی کی جارہی ہے۔

واضح رہے پشاور کے مدرسے میں دھماکے کے نتیجے میں سات افراد شہید اور چھیانوے زخمی ہوگئے تھے ، پولیس کے مطابق دھماکا ٹائم ڈیوائس کے ذریعے کیا گیا، جس میں پانچ سے چھ کلو کا بارودی مواد شامل تھا جبکہ اے آئی جی بم ڈسپوزل کے مطابق دھماکہ منظم گروپ کی کارروائی لگتا ہے۔

پشاور : خیبرپختو نخواہ کے دارلحکومت پشاور کے تجارتی مرکز رامپورہ گیٹ میں دھماکے کے نتیجے 2پولیس اہلکاروں سمیت تین افرادزخمی ہوگئے ، پولیس کا کہنا ہے کہ دیسی ساختہ بم بجلی پول کےساتھ نصب تھا۔

تفصیلات کے مطابق پشاور کے تجارتی مرکز رام پورہ میں بم دھماکے ہوا ، جس کے نتیجے میں 2پولیس اہلکاروں سمیت تین افرادزخمی ہوگئے ، پولیس حکام کا کہنا ہے کہ دھماکہ اس وقت ہوا جب کاروباری سرگرمیاں رواں دواں تھی ابتدائی طور دھماکہ خیز مواد کی مقدار ڈیڑھ کلو بتائی جاتی ہے ۔

پولیس کے مطابق دھماکہ خیز مواد بجلی کے پول سے نصب تھا اور دھماکہ میں 3 افراد زخمی ہوئے ہیں جنہیں علاج کے لیے لیڈی ریڈنگ اسپتال منتقل کر دیا گیا ہے زخمی ہونے والوں میں میں 2 ٹریفک اہل کار بھی شامل ہیں ۔

دھماکے سے بجلی کے کھمبے کے ساتھ کھڑی 2 موٹرسائیکل کو بھی نقصان پہنچا ہے، پولیس نے جائے وقوعہ مکمل طور پر سیل کردی ہے اور تفتیش کا آغاز کردیا ہے۔

مزید پڑھیں :کوئٹہ : سیکیورٹی فورسز کی گاڑی کے قریب دھماکہ، تین اہلکار شہید

یاد رہے رواں سال فروری میں صوبہ خیبرپختونخواہ کے شہر ڈیرہ اسماعیل خان  میں  پولیس موبائل پر بم دھماکے کے نتیجے میں  ایک اہلکار شہید جبکہ 2 اہلکار زخمی ہو گئے تھے۔

اس سے قبل  ڈیرہ اسماعیل خان میں سی ٹی ڈی نے بگوانی گاؤں میں مکان پر چھاپہ مارا تو دہشت گردوں نے فائرنگ کردی تھی، سی ٹی ڈی کی جوابی فائرنگ سے 2دہشت گرد مارے گئے تھے۔