پشاور: صوبہ خیبرپختونخواہ کےدارالحکومت پشاورمیں پولیس اور سیکورٹی فورسز کی مشترکہ کارروائی کےدوران دودہشت گرد ہلاک جبکہ 5 اہلکار زخمی ہوگئے۔
تفصیلات کےمطابق پشاور کے علاقے چمکنی شاہ پور میں عمارت میں موجود دہشت گردوں کے خلاف حساس اداروں کی اطلاع پر پولیس اور سیکورٹی فورسز نےمشترکہ کارروائی کی۔
سی سی پی او طاہر خان کاکہناہےکہ پولیس اور سیکورٹی فورسز سے مقابلےدوران 2 دہشت گرد ہلاک ہوئے جبکہ ایک دہشت گرد کے فرار ہونے کی اطلاع ہے جس کا تعاقب جاری ہے۔
سی سی پی اوکےمطابق فلورمل میں بظاہرخودکش جیکٹس،آئی ای ڈیزتیارکی جاتی تھیں۔ فلورمل وسیع رقبےپرمشتمل ہے،سرچنگ جاری ہے۔
طاہرخان کےمطابق کارروائی میں 6دستی بم،4پستول،4کلاشنکوف برآمدہوئی اوراس کےعلاوہ خودکش جیکٹ بنانےکاسامان بڑی تعدادمیں برآمدہوا۔
سی سی پی او کا کہناہےکہ 600سےزائدڈیٹونیٹرز،پرائماکارڈ،بڑی تعدادمیں ٹائمرزبرآمدہوئے۔انہوں نے کہاکہ دہشت گردوں کےزیراستعمال متعددٹیلی فونز ملےہیں۔
سی سی پی او پشاور کےمطابق موبائل فونزسےممکنہ ٹارگٹ کی ویڈیوزبھی ملی ہیں۔ اس کےعلاوہ فلورمل سےمتعدددستاویزات بھی ملی ہیں۔
اس سے قبل ایس ایس پی آپریشنزکا کہناتھاکہ دہشت گردوں کے خلاف کارروائی کےدوران فائرنگ کےتبادلے کے نتیجے میں 3دہشت گرد ہلاک جبکہ دو اہلکار زخمی ہوئے۔
پارہ چنار میں دو دھماکے‘ 20 شہید، 70 زخمی
پولیس حکام کا کہناہےکہ دہشت گردوں کےخلاف آپریشن میں پولیس کی بکتر بند گاڑیوں اور کمانڈوز نے حصہ لیا۔
آئی جی خیبرپختونخواہ صلاح الدین محسود کےمطابق حساس اداروں کی اطلاع کی بنیادپرآپریشن کیاگیا۔
کوئٹہ:جناح چیک پوسٹ کےقریب دھماکہ‘13 افرادجاں بحق
واضح رہےکہ گزشتہ روز کوئٹہ میں آئی جی آفس کے سامنے شہدا چوک پر زور دار دھماکے کے نتیجے میں 13افراد جاں بحق 12زخمی ہوگئےتھے۔
