سکھر: پشاور سے کار میں کراچی اسمگلنگ کیا جانے والا بھاری اسلحہ سکھرمیں پکڑا گیا پولیس نے دو ملزمان کو گرفتار کرلیاہے۔
پشاورسے کراچی جا نےوالی مہران کار سے پنوں عاقل کے قریب نیشنل ہائی وے پربھاری تعداد میں اسلحہ برآمد کرکے دو ملزمان کو گرفتارکیا گیا۔
ایس ایس پی سکھر تنویرتنیو نے بتایا کہ انھیں اطلاع ملی تھی کہ اسلحہ کراچی میں دہشت گردی کے لئے اسمگل کیا جارہا ہے۔
ایس ایس پی نے بتایا کہ اسلحہ گاڑی کے سی این جی سلنڈر میں چھپایا گیا تھا۔
بر آمد کئے گئے اسلحے میں راکٹ لانچر ، مشین گن ،کلاشن کوف، چار رپیٹر ،گرنیڈاور دیگر اسلحہ شامل ہے پولیس ملزمان سے تفتیش کررہی ہے۔
جمعیت علمائےاسلام کے رہنماڈاکٹر خالد محمود کے قتل کی تفتیش کے بارے میں ایس ایس پی سکھر نے بتایا کہ تحقیقات میں نوے فیصد پیش رفت ہو چکی ہے ملزمان کو جلدمنظر عام پر لایا جائے گا۔