ARYNews.tv | Urdu – Har Lamha Bakhabar

Tag: peshawar zalmi

  • پی ایس ایل تھری کے پہلےایلی منیٹرمیں پشاورزلمی کامیاب

    پی ایس ایل تھری کے پہلےایلی منیٹرمیں پشاورزلمی کامیاب

    لاہور:  پی ایس ایل تھری کے پہلے ایلی منیٹر میچ میں پشاور زلمی نے سنسنی خیز مقابلے کے بعد کوئٹہ گلیڈی ایٹرز کو 1 رن سے شکست دے دی، فاتح ٹیم کل کراچی کنگز سے ایلی منیٹر مقابلے میں ٹکرائے گی۔

    تفصیلات کے مطابق پی ایس ایل کا تیسرا ایڈیشن شایانِ شان طریقے سے اپنے اختتام کی جانب رواں دواں ہے، اس ضمن میں لاہور کے قذافی اسٹیڈیم میں پلے آف کے دوسرے میچ میں کوئٹہ گلیڈی ایٹرز اور پشاور زلمی کی ٹیمیں مد مقابل تھیں۔

    پشاور زلمی نے گلیڈی ایٹرز کی دعوت پر بیٹنگ کا آغاز کیا تو تمیم اقبال اور کامران اکمل میدان میں آئے، سیمی الیون کو پہلا کھلاڑی 9 کے مجموعی اسکور پر آؤٹ ہوا بعد ازاں ون ڈاؤن آنے والے بلے باز فلیچر بھی 10 کے مجموعی اسکور پر پویلین روانہ ہوئے۔

    محمد حفیظ اور تمیم اقبال نے گرتی ہوئی بیٹنگ لائن کو سہارا دینے کی کوشش کی تو 54 کے مجموعی اسکور پر سیمی الیون کی تیسری وکٹ گری، بعد ازاں چار رنز اضافے کے بعد ہی تمیم اقبال بھی پویلین روانہ ہوگئے، نئے آنے والے بلے باز سعد نسیم بھی زیادہ دیر وکٹ پر نہ رک سکے اور 86 کے مجموعی اسکور پر ٹیم کو پانچویں وکٹ کے نقصان کا سامنا کرنا پڑا۔

    ایک طرف تو زلمی کے کھلاڑی ایک کے بعد ایک پویلین روانہ ہوتے رہے تو دوسری طرف لیام ڈوسن نے ذمہ دارانہ اور دھواں دھار بیٹنگ کے سلسلے کو جاری رکھا اور 35 گیندوں پر 62 رنز کی شاندار اننگز کھیلی۔

    پشاور زلمی مقررہ اوورز میں10وکٹوں کے نقصان پر157رنز بنائے، جن میں ڈوسن 62، تمیم اقبال 27، محمد حفیظ 25 رنز کے ساتھ نمایاں بلے باز رہے جبکہ گلیڈی ایٹرز کے باؤلر راحت علی نے چار اوورز میں 16 رنز دے کر چار کھلاڑیوں کو نشانہ بنایا علاوہ ازیں تھسارا پریرا نے 2، محمد حسان، امیر حمزہ، حسان خان اور محمود اللہ 1، 1 وکٹ حاصل کرنے میں کامیاب رہے۔

    ہدف کے تعاقب میں کوئٹہ گلیڈی ایٹرز نے بیٹنگ کا آغاز کیا تو اسد شفیق صفر کے مجموعی اسکور پر بغیر کھاتہ کھولے پویلین روانہ ہوئے جبکہ 17 رنز پر کوہلر بھی آؤٹ ہوکر پویلین لوٹے، محمد نواز اور کپتان سرفراز احمد نے 63 رنز کی شراکت داری کے بعد اسکور 80 تک پہنچایا تو دونوں کھلاڑی اسی پر آؤٹ ہوکر پویلین روانہ ہوئے۔

    نئے آنے والے بیٹسمین محمود اللہ 116 ، روسو 117، پریرا 132، حسان خان 133 پر آؤٹ ہوئے، انور علی نے ٹیم کو فتح دلوانے کی ہر ممکن کوشش کی مگر بدقسمتی سے میچ برابر کرنے کے لیے لیے جانے والے رن پر امیر حمزہ آؤٹ ہوئے اور پشاور زلمی کو صرف 1 رن سے فتح حاصل ہوئی۔

    گلیڈی ایٹرز کے محمد نواز اور سرفراز احمدنے35،35رنزبناکر نمایاں بلے باز رہے جبکہ  زلمی کے حسن علی،ثمین گل ، وہاب ریاض اور عمید آصف نے 2-2 وکٹیں حاصل کیں۔

    انورعلی 14گیندوں پر28رنزبنا کر ناٹ آؤٹ رہے اور انہیں اچھی اننگز کھیلنے کا ایوارڈ بھی دیا گیا جبکہ حسن علی میچ آف دی میچ قرار پائے۔  پشاور زلمی کل دوسرےایلی منیٹرمیں کراچی کنگز سے ٹکرائےگی۔

    کوئٹہ گلیڈی ایٹرز اننگز

    بیسواں اوور (لیام ڈوسن): آخری اوور میں گلیڈی ایٹرز کی ٹیم کو جیت کے لیے 25 رنز درکار تھے، سرفراز الیون کے انور علی اور امیر حمزہ وکٹ پر موجود تھے، انور علی نے شاندار بیٹنگ کرتے ہوئے پانچ گیندوں پر 22 رنز حاصل کیے جس کے بعد ایک بال پر تین رنز درکار تھے، آخری بال پر چھکا مارنے کی کوشش میں باؤنڈری کے قریب انور علی کیچ آؤٹ ہونے سے بچے مگر دوسرا رن لینے کی کوشش میں حمزہ آؤٹ ہوئے۔

    انیسواں اوور  (وہاب ریاض): تیسری گیند پر تھریسا پریرا 11 کے انفرادی اسکور پر آؤٹ ہوئے، پانچویں بال پر حسان خان بھی آؤٹ ہوکر پویلین روانہ ہوئے،اختتام پر ٹیم کا مجموعی اسکور 133/8 تک پہنچا۔

    اٹھارواں اوور (حسن علی): صرف 2 رنز اضافے کے بعد مجموعی اسکور 130 تک پہنچا۔

    سترہواں اوور (وہاب ریاض): 10 رنز اضافے کے بعد ٹیم کا مجموعی اسکور 128/6 تک پہنچا۔

    سولہواں اوور (عمید آصف): دوسری گیند پر کوئٹہ گلیڈی ایٹرز کے محمود اللہ جبکہ چوتھی گیند پر روسو آؤٹ ہوئے، 6 رنز اضافے کے بعد مجموعی اسکور 118/6 تک پہنچا۔

    پندرہواں اوور (حسن علی): 4 رنز اضافے کے بعد مجموعی اسکور 112/4 تک پہنچا۔

    چودہواں اوور (عمید آصف): 6 رنز اضافے کے بعد مجموعی اسکور 108/4 تک پہنچا۔

    تیرہواں اوور (لیام ڈوسن): ایک چوکے کے بعد اختتام پر ٹیم کا مجموعی اسکور 102/4 تک پہنچا۔

    بارہواں اوور (ثمین گل): 6 رنز اضافے کے بعد مجموعی اسکور 94/4 تک پہنچا۔

    گیارہواں اوور (عمید آصف): ایک چوکے اور دو سنگلز کی مدد سے مجموعی اسکور 86/4 تک پہنچا۔

    دسواں اوور (ثمین گل): چوتھی گیند پر محمد نواز 35 کے انفراد جبکہ اگلی ہی گیند پر کپتان سرفراز احمد 35 کے اسکور پر پویلین روانہ ہوئے، اختتام پر ٹیم کا مجموعی اسکور 80/4 تک پہنچا۔

    نواں اوور (ڈوسن): 2 چھکوں کے بعد اوور میں 16 رنز حاصل ہوئے جس کے بعد اختتام پر مجموعی اسکور  79/2 تک پہنچا۔

    آٹھواں اوور (وہاب ریاض): 9 رنز اضافے کے بعد مجموعی اسکور 63/2 تک پہنچا۔

    ساتواں اوور (لیام ڈوسن): 5 رنز اضافے کے بعد گلیڈی ایٹریز کا مجموعی اسکور 54/2 تک پہنچا۔

    چھٹا اوور (عمید آصف): 12 رنز اضافے کے بعد ٹیم کا مجموعی اسکور 49/2 تک پہنچا۔

    پانچواں اوور (وہاب ریاض): 5 رنز اضافے کے بعد گلیڈی ایٹرز کا مجموعی اسکور 37/2 تک پہنچا۔

    چوتھا اوور (ثمین گل): کپتان سرفراز احمد اور محمد نواز نے محتاط انداز میں بیٹنگ کرتے ہوئے اختتام پر ٹیم کا مجموعی اسکور 32/2 تک پہنچایا۔

    تیسرا اوور  (حسن علی): کوئٹہ گلیڈی ایٹرزکی پشاورزلمی کےخلاف دوسری وکٹ 17 کے مجموعی اسکور پر گری کہ جب کوہلر کیڈمور 5 رنز بنا کر آؤٹ ہوئے، اختتام پر ٹیم کا مجموعی اسکور 24/2 تک پہنچا۔

    دوسرا اوور (ثمین گل): 8 رنز اضافے کے بعد ٹیم کا مجموعی اسکور 17/2 تک پہنچا۔

    ہدف کے تعاقب میں گلیڈی ایٹرز نے بیٹنگ کا آغاز کیا تو صفر کے مجموعی اسکور پر اسد شفیق کیچ آؤٹ ہوکر پویلین روانہ ہوئے، پہلے اوور کے اختتام پر ٹیم کا مجموعی اسکور 9/1 تک پہنچا۔

    پشاور زلمی اننگز

    بیسواں اوور (تھساراپریرا) آخری اوور میں صرف چار رنز کا اضافہ ہوا اور 2 کھلاڑی آؤٹ ہوئے، جس کے بعد مجموعی اسکور 157 تک پہنچا۔

    انیسواں اوور (امیر حمزہ): 17 رنز اضافے کے بعد زلمی کا مجموعی اسکور 154/8 تک پہنچا۔

    اٹھارواں اوور (راحت علی): تیسری گیند پر کپتان ڈیرن سیمی 2 کے انفرادی جبکہ 137 کے مجموعی اسکور پر پویلین روانہ ہوئے، پانچویں بال پر ڈاؤسن 35 گیندوں پر 62 رنز کی دھواں دھار اننگز کھیل کر آؤٹ ہوئے، اختتام پر ٹیم کا مجموعی اسکور 137/8 تک پہنچا۔

    سترہواں اوور (تھساراپریرا): پشاور زلمی کے لیے یہ اوور سود مند ثابت ہوا، دو دو چھکوں اور دو چوکوں کے بعد 21 رنز بنے اور اختتام پر مجموعی اسکور 135/6 تک پہنچا، لیام ڈوسن نے اسی اوور میں اپنی ففٹی بھی مکمل کی۔

     سولہواں اوور (راحت علی): دوسر بال پر عمید آصف 7 کے انفرادی اسکور پر آؤٹ ہوئے، اختتام پر ٹیم کا مجموعی اسکور 114/6 تک پہنچا۔

    پندرہواں اوور (حسان خان): ایک چھکے اور چار سنلگز کے بعد مجموعی اسکور 111/5 تک پہنچا۔

    چودہواں اوور (انور علی): تین چوکوں اور دو سلنگز کے بعد ٹیم کا مجموعی اسکور 101/5 تک پہنچا۔

    تیرہواں اوور (حسان خان): تھساراپریرا نے باؤنڈری کے قریب شاندار کیچ لے کر سعد نسیم کو پویلین کی راہ دکھائی، اوور اختتام پر ٹیم کا مجموعی اسکور 87/5 تک پہنچا۔

    بارہواں اوور (محمد نواز): تین رنز اضافے کے بعد مجموعی اسکور 86/4 تک پہنچا۔

    گیارہواں اوور (حسان خان): 7 رنز اضافے کے بعد زلمی کا مجموعی اسکور 83/4 تک پہنچا۔

    دسواں اوور (محمود اللہ): 17 رنز اضافے کے بعد مجموعی اسکور 76/4 تک پہنچا۔

    نواں اوور (محمد نواز): تمیم اقبال چوتھی گیند پر آؤٹ ہوئے، اختتام پر ٹیم کا مجموعی اسکور 59/4 تک پہنچا۔

     آٹھواں اوور (محمود اللہ): محمد حفیظ 14 گیندوں پر 25 رنز کی اننگز کھیل کر پویلین روانہ ہوئے، اوور  اختتام پر 57/3 تک پہنچا۔

    ساتواں اوور (حسان خان): 6،0،1،0،1،1 مجموعی اسکور  53/2 تک پہنچا، محمد حفیظ 25 اور اوپنر تمیم اقبال 26 کے ساتھ ناٹ آؤٹ رہے، اسی اوور میں زلمی نے مجموعی اسکور کی نصف سنچری بھی مکمل کی۔

    چھٹا اوور (محمد نواز): 0،4،1،1،0،1  مجموعی اسکور 44/2 تک پہنچا، جبکہ محمد حفیظ 18 اور اوپنر تمیم اقبال 24 کے ساتھ ناٹ آؤٹ رہے۔

    پانچواں اوور (امیر حمزہ): 4،4،4،0،1،0 مجموعی اسکور 37/2 تک پہنچا۔ محمد حفیظ 13 اور اوپنر تمیم اقبال 22 کے ساتھ ناٹ آؤٹ رہے۔

    چوتھا اوور (راحت علی): 1،0،4،0،4،1، مجموعی اسکور 24/2 (محمد حفیظ اور تمیم اقبال کریز پر موجود ہیں)

    تیسرا اوور (امیر حمزہ): 0، آؤٹ، 0، 0،0،چونکا، 2 (آندرےفلیچرایک رن بناکرمیرحمزہ کی گیندپرآؤٹ ہوئے، :تھساراپریرانےآندرےفلیچرکاشاندارکیچ پکڑا) اوور اختتام پر ٹیم کا مجموعی اسکور 14/2 تک پہنچا۔

    دوسرا اوور (راحت علی): کامران اکمل بغیر کوئی رن بنائے کلین بولڈ ہوکر پویلین روانہ ہوئے، 1 رنز اضافے کے بعد ٹیم کا مجموعی اسکور 10/1 تک پہنچا۔

     

    زلمی کی جانب سے بیٹنگ کا آغاز تمیم اقبال اور کامران اکمل نے کیا جبکہ محمد نواز نے پہلا اوور کرایا، اختتام پر ٹیم کا اسکور 9/0 تک پہنچا۔

    ٹاس 

    ٹاس کے بعد گفتگو کرتے ہوئے گلیڈی ایٹرز کے کپتان سرفراز احمد کا کہنا تھا کہ  اسٹیڈیم میں پہلے بھی کھیلتے رہے ہیں کوشش ہوگی کہ فتح حاصل کریں‘۔ اُن کا کہنا تھا کہ  تماشائی دونوں ٹیموں کو مکمل سپورٹ کریں گے اور جب غیر ملکی کھلاڑی میچ کھیل کر جائیں گے تو انہیں بہت مزہ آئے گا۔

    گلیڈی ایٹرز کے کپتان پی ایس ایل اور غیر ملکی کھلاڑیوں کا پاکستان آنا قابلِ مسرت ہے، غیر ملکی کھلاڑیوں کے پاکستان آنے اور میچ میں حصہ لینے پر شکریہ ادا کرتے ہیں۔

    پشاور زلمی کے کپتان ڈیرن سیمی کا کہنا تھا کہ پی ایس ایل کے لیے دوسری بار پاکستان آنے پر بہت خوشی محسوس ہورہی ہے، پاکستانی شائقین کا جوش قابل دید ہے۔

    دونوں ٹیموں نے پلیئنگ الیون میں تبدیلیاں کی ہیں، کوئٹہ گلیڈی ایٹرز میں محمود اللہ، تھسارا پریرا، ٹام کولر کو شامل کیا گیا جبکہ پشاور زلمی میں تمیم اقبال اور اینڈرے فلیچر اسکواڈ کا حصہ بنے۔

    واضح رہے کہ پاکستان سپرلیگ میں شامل ہونے والے غیرملکی کرکٹرز نجی ایئرلائنز کی پرواز کے ذریعے لاہورایئرپورٹ پہنچے جہاں ان کا شاندار استقبال کیا گیا تھا،  اس موقع پر سیکورٹی کے سخت انتظامات کیے گئے تھے۔

    پاکستان میں کھیلنے کے لیے رضا مند ہونے والے غیرملکی کھلاڑیوں میں کراچی کنگز، پشاور زلمی اور کوئٹہ گلیڈی ایٹرز کے کھلاڑی شامل تھے،غیرملکی کرکٹرز میں کراچی کنگز کے جوڈین لی، روی بوپارا، کولن انگرام، ٹائمل ملز، ڈیوڈویسی اور لینڈل سیمنزشامل ہیں۔

    غیرملکی کھلاڑیوں میں پشاور زلمی کے کپتان ڈیرن سیمی، ایون لوئس، رکی ویسلز، لیام ڈوسن، کرس جارڈن، آندرے فلیچر شامل ہیں، کوئٹہ گلیڈی ایٹرز کے رائلی روسو بھی لاہور پہنچ گئے ہیں جبکہ کوچنگ اسٹاف میں مکی آرتھر، ویون رچرڈز، جولیئن فاؤنٹین شامل ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پشاور بمقابلہ کوئٹہ، زخمی سیمی نے اپنی ٹیم کو فتح‌ دلوا دی

    پشاور بمقابلہ کوئٹہ، زخمی سیمی نے اپنی ٹیم کو فتح‌ دلوا دی

    شارجہ: پاکستان سپر لیگ کے دسویں‌ میچ میں‌ پشاور زلمی نے سنسنی خیز مقابلے کے بعد کوئٹہ گلیڈی ایٹرز کو 5 وکٹوں سے شکست دے کر فتح اپنے نام کرلی۔

    تفصیلات کے مطابق پی ایس ایل سیزن تھری کے 10ویں میچ میں پشاور زلمی اور کوئٹہ گلیڈی ایٹرز کی ٹیمیں مدمقابل تھیں، زلمی کی کپتانی ڈیرن سیمی جبکہ گلیڈی ایٹرز کی قیادت سرفراز احمد نے کی۔

    پشاور زلمی کے کپتان نے ٹاس جیت کر پہلے باؤلنگ کا فیصلہ کیا اور سرفراز الیون کو بیٹنگ کی دعوت دی، کوئٹہ گلیڈی ایٹرز کی جانب سے بیٹنگ کا آغاز اسد شفیق اور شین واٹسن نے کیا جو اچھا ثابت نہ ہوا، سرفراز الیون کی پہلی وکٹ 11 جبکہ دوسری 60، تیسری 67، چوتھی 83، پانچویں 125، چھٹی 130، ساتویں 132 اور آٹھویں 135 کے مجموعی اسکور پر گری۔

    شین واٹسن 47 رنز کے ساتھ نمایاں بلے باز رہے جبکہ زلمی کے باؤلر عمید آصف، وہاب ریاض اور ڈیرن سیمی نے دو دو جبکہ ثمین گل اور خالد عثمان نے ایک ایک وکٹ حاصل کی، گلیڈی ایٹرز کی ٹیم نے پشاور زلمی کو مقررہ 20 اوورز میں جیت کے لیے 120 رنز کا ہدف دیا۔

    پشاور زلمی کی جانب سے بیٹنگ کا آغاز تمیم اقبال اور کامران اکمل نے کیا، سیمی الیون کا کوئی بھی کھلاڑی زیادہ دیر تک وکٹ پر ٹک نہیں سکا تاہم اوپنر تمیم اقبال 36 رنز کی اننگز کھیل کر نمایاں بلے باز رہے۔

    زلمی کے کپتان پہلی اننگز میں زخمی ہوگئے تھے تاہم انہوں نے پانچواں کھلاڑی آنے کے بعد کریز سنبھالی اور اپنی ٹیم کو ناقابلِ یقین فتح دلوائی، آخری اوور میں پشاور کی ٹیم کو 10 رنز درکار تھے جسے سیمی نے 2 گیندوں قبل ہی پورا کردیا۔

    پشاور زلمی اننگز

    سولہویں اوور میں محمد حفیظ کیچ آؤٹ ہوکر 29 کے انفرادی جبکہ 107 کے مجموعی اسکور پر پویلین روانہ ہوئے بعدازاں تمیم اقبال بھی رن آؤٹ ہوگئے، اٹھارویں اوور میں میچ سسنی خیز مرحلے میں داخل ہوا تو زلمی کے زخمی کپتان نے آکر کریز سنبھالی اور عمدہ بیٹنگ کا مظاہرہ کرتے ہوئے چار گیندوں پر 2 چھکوں اور ایک چوکے کی مدد سے 16 رنز بناکر ٹیم کو ناممکن فتح دلوائی۔

    پشاور زلمی کے بلے باز تمیم اقبال اور محمد حفیظ نے عمدہ کھیل پیش کرتے ہوئے پندرہویں اوور کے اختتام پر مجموعی اسکور 2 وکٹوں کے نقصان پر 107 تک پہنچایا۔

    سیمی الیون نے تیز کھیل پیش کیا اور اگلے پانچ اوورز میں 76 رنز بنائے، دسویں اوور کے اختتام پر زلمی کا مجموعی اسکور 2 وکٹوں کے نقصان پر 76 تک پہنچا۔

    پشاور زلمی کی جانب سے بیٹنگ کا آغاز تمیم اقبال اور کامران اکمل نے کیا، تیسرے اوور کی پہلی بال پر سیمی الیون کی پہلے بلے باز کامران اکمل 10 کے انفرادی جبکہ 23 کے مجموعی اسکور پر پویلین لوٹے، پانچ اوورز کے اختتام پر ٹیم کا مجموعی اسکور 1 وکٹ کے نقصان پر 29 تک پہنچا۔

    کوئٹہ گلیڈی ایٹرز اننگز

    آخری کے پانچ اوورز میں گلیڈی ایٹرز کی ٹیم نے مجموعی اسکور میں 41 رنز کا اضافہ کیا اور اس طرح بیسویں اوور کے اختتام پر سرفراز الیون کا اسکور 7 وکٹوں کے نقصان پر 141 تک پہنچا۔

    پندرہ اوورز کا کھیل مکمل ہونے پر گلیڈی ایٹرز کا مجموعی اسکور 110 رنز چار کھلاڑی آؤٹ تک پہنچا۔

    نئے آںے والے بیٹسمین عمر امین زیادہ دیر وکٹ پر ٹک نہیں سکے اور وہ وہاب ریاض کی گیند پر 11 کے انفرادی اسکور پر پویلین لوٹے، بعد ازاں دسویں اورر کی چوتھی بال پر خالد عثمان کی بال پر کلین بولڈ ہوئے، واٹسن نے 32 گیندوں پر پانچ چھکوں اور ایک چوکے کی مدد سے 47 رنز اسکور کیے، دسویں اوور کے اختتام پر گلیڈی ایٹرز کا مجموعی اسکور 3 کھلاڑیوں کے نقصان پر 69 تک پہنچا۔

    عمر امین ڈیرن سیمی کی گیند پر آؤٹ‌ ہوئے

    شین واٹسن تین رنز کم سے اپنی نصف سنچری مکمل نہ کرسکے

    سرفراز الیون کو اوپنگ کا آغاز اچھا نہ مل سکا، اسد شفیق تیسرے اوور کی دوسری بال پر 9 کے انفرادی اسکور پر آؤٹ ہوئے، 5 اوورز کے اختتام پر گلیڈی ایٹرز کا مجموعی اسکور 1 کھلاڑی کے نقصان پر 29 تک پہنچا۔

    گلیڈی ایٹرز کی جانب سے اننگز کا آغاز اسد شفیق اور شین واٹسن نے کیا جبکہ زلمی کے ڈبیو کرنے والے باؤلر ثمین گل نے پہلا اوور کروایا جس میں صرف ایک رن ہی بن سکا۔

    ڈیرن سیمی نے ٹاس جیت کر سرفراز احمد کو پہلے بیٹنگ کی دعوت دی، پشاور زلمی کی ٹیم نے تین تبدیلیاں‌ کی گئی ہیں‌ جبکہ کوئٹہ گلیڈیٹرز کی ٹیم میں‌ایک تبدیلی کی گئی۔

    ٹاس کے بعد گفتگو کرتے ہوئے سرفراز احمد کا کہنا تھا کہ اگر ہم ٹاس جیتے تب بھی پہلے بیٹنگ کا فیصلہ کرتے، گراؤنڈ چھوٹا ہے تو مخالف ٹیم کو جیت کے لیے بڑا ہدف دینے کی کوشش کریں گے۔

    پشاور زلمی نے اب تک تین میچ کھیلے جن میں سے انہیں صرف ایک میں فتح ملی، سیمی الیون کے لیے آج کا میچ انتہائی اہمیت کا حامل ہے جبکہ اسلام آباد یونائیٹڈ کو شکست دینے کے بعد گلیڈی ایٹرز کے حوصلے بھی بلند ہیں۔

  • پی ایس ایل 2018: پہلا مرحلہ مکمل، کراچی کنگز سرفہرست

    پی ایس ایل 2018: پہلا مرحلہ مکمل، کراچی کنگز سرفہرست

    دبئی: پاکستان سپر لیگ کا دوسرا مرحلہ کل سے شارجہ میں شروع ہوگا، پہلے مرحلے میں کراچی کنگز کے شیروں نے عمدہ کھیل کی بدولت پہلی پوزیشن حاصل کی۔

    تفصیلات کے مطابق پاکستان سپر لیگ کا آغاز 22 فروری کو رنگارنگ افتتاحی تقریب کے ساتھ ہوا، شائقین کرکٹ سارا سال اپنی پسندیدہ ٹیم اور کھلاڑی کو ایکشن میں دیکھنے کے لیے بے تاب رہے۔

    پی ایس ایل کی پرنور افتتاحی تقریب میں صوفی کلام پڑھنے والی گلوکارہ عابدہ پروین نے شاندار پرفارمنس سے ایسا سماں باندھا کہ پاکستانی اور غیر ملکی بھی اُن کے سروں پر جھومتے نظر آئے جبکہ علی ظفر کی فضاء میں ہونے والی پرفارمنس بھی شاندار تھی۔

    پانچ روز قبل دبئی میں سجائی جانے والی تقریب کے بعد میچز کا مرحلہ شروع ہوا اور پہلا ٹاکر دفاعی چیمئن پشاور زلمی اور نئی فرنچائز ملتان سلطانز کے مابین ہوا، بعد ازاں پہلے مرحلے میں 6 ٹیموں کے مابین 8 مقابلے ہوئے۔

    مزید پڑھیں: کراچی کنگز پہلے معرکے کی فاتح، کوئٹہ گلیڈی ایٹرز کو شکست

    پہلے مرحلے میں کراچی کنگز کے تمام شیروں نے عمدہ کارکردگی کا مظاہرہ کیا اور تینوں میچز میں فتح حاصل کی جس کے بعد پی ایس ایل کی سب سے بڑی ٹیم پوائنٹس ٹیبل پر 6 پوائنٹس کے ساتھ سرفہرست رہی جبکہ ملتان سلطانز 4 پوائنٹس کے ساتھ دوسرے نمبر پر آئی۔

    علاوہ ازیں کوئٹہ گلیڈی ایٹرز تیسرے، دفاعی چیمپئن پشاور زلمی چوتھے، اسلام آباد یونائیٹڈ پانچویں اور لاہور قلندرز کی ٹیم مسلسل تین میچز میں شکست کے بعد بغیر کسی پوائنٹ کے سب سے آخری نمبر پر آئی۔

    پوائنٹس ٹیبل

    ایک روز وقفے کے بعد پی ایس ایل کا دوسرا مرحلہ کل سے شارجہ میں شروع ہوگا، فائنل تک رسائی حاصل کرنے کے لیے تمام ہی ٹیموں کے کھلاڑی بھرپور توانائی کے ساتھ میدان میں اتریں گے۔

    یہ بھی پڑھیں: پی ایس ایل تھری : کراچی کنگز نے پشاورزلمی کو5 وکٹوں سے شکست دے دی

     کراچی کنگز کے اب تک کھیلے جانے والے میچز

    واضح رہے کہ کراچی کنگز نے پی ایس ایل کے تیسرے ایڈیشن میں اب تک تین میچز کھیلے اور تینوں میں ہی شاندار کارکردگی دکھا کر فتح اپنے نام کی کراچی کنگز کا پہلا میچ کوئٹہ گلیڈی ایٹرز سے ہوا تھا، اس ٹاکرے میں شاہد آفریدی نے سرفراز الیون کے سب سے زیادہ اسکور کرنے والے بلے باز عمر امین کا باؤنڈری پر ناقابل یقین کیچ پکڑا  اور یہی میچ کا ٹرننگ پوائنٹ ثابت ہوا، میچ میں کراچی کنگز نے 19 رنز سے فتح حاصل کی۔

    پی ایس ایل کی سب سے بڑی ٹیم کراچی کنگز کا دوسرا مقابلہ دفاعی چیمپئن پشاور زلمی سے ہوا تھا جس میں کنگز کے شیروں نے سیمی الیون کو سنسنی خیز مقابلے کے بعد 5 وکٹوں سے شکست دی تھی۔

    ویڈیو دیکھیں: شاہد آفریدی کا ناقابلِ یقین کیچ

    کراچی کنگز اور لاہور قلندرز کے مابین تیسرا میچ گزشتہ روز دبئی اسٹیڈیم میں کھیلا گیا، جس میں روی بوپارا کی شاندار ففٹی اور آفریدی کی تین وکٹوں لے کر ٹیم کو ناقابلِ یقین فتح دلوائی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پی ایس ایل تھری : کراچی کنگز نے پشاورزلمی کو5 وکٹوں سے شکست دے دی

    پی ایس ایل تھری : کراچی کنگز نے پشاورزلمی کو5 وکٹوں سے شکست دے دی

     دبئی : پاکستان سپر لیگ کے تیسرے ایڈیشن کے ساتویں میچ میں کراچی کنگز نے پشاور زلمی کو 5 وکٹوں سے شکست دے دی، کپتان عماد وسیم نے چھکا لگا کر کراچی کنگز کو فتح دلائی،  پشاور زلمی نے نو وکٹوں کے نقصان پر 131 رنزبنائے تھے۔

    تفصیلات کے مطابق دبئی کے انٹر نیشنل اسٹیڈیم میں پی ایس ایل کے ساتویں اہم میچ میں کراچی کنگز نے پشاور زلمی کو سنسنی خیز مقابلے کے بعد پانچ وکٹوں سے ہرا دیا۔

    کھیل کے آغاز پر پشاور زلمی نے ٹاس جیت کر پہلے بیٹنگ کا فیصلہ کیا اور مقررہ 20اوورز میں 131رنز بنائے، زلمی کی جانب سے ڈیون اسمتھ نے شاندار 71رنز اسکور کیے اور ناٹ آؤٹ رہے، کامران اکمل نے جارحانہ انداز میں 5بال پر 14رنز بنائے۔

    کراچی کنگز کے سامنے دفاعی چیمپیئن پشاور زلمی کی زیادہ دیر چل نہ پائی، کراچی کنگز نے دبئی کرکٹ اسٹیڈیم میں ایک اور فتح کا جھنڈا گاڑ دیا۔

    شیروں نے ایسا وارکیا کہ زلمی والوں کے قدم لڑکھڑا گئے، آفریدی کی پھرکیاں اور عامر کی خطرناک سوئنگ نے تباہی مچاڈالی، دوسرے ہی اوور سے پشاور زلمی کی وکٹیں اڑنا شروع ہوگئیں۔

    پشاور زلمی کے تین کھلاڑی جلد بازی میں رن آؤٹ ہوئے۔ تینوں بلے بازوں کو پویلین واپس بھیجنے میں عرفان جونیئر نے اہم کردار ادا کیا۔ ابتسام، سیمی اور وہاب ریاض کو عرفان جونیر نے رن آؤٹ کرایا۔

    کراچی کنگز کے بالرمحمدعامر اورشاہد آفریدی نے2،2 وکٹیں حاصل کیں، ٹیمال ملزاور عرفان جونیئرکوایک ایک وکٹ ملی۔

    ہدف کے جواب میں کراچی کنگز کے کھلاڑیوں نےجم کر کھیلا، خرم منظور اور جو ئی ڈینلی نے اننگ کا آغاز کیا ،17رنز کے مجموعی اسکور پر خرم منظور جورڈن کے ہاتھوں اپنی وکٹ گنوا بیٹھے۔

    اس کے بعد بابر اعظم نے اپنی ٹیم کی اننگ کو سہارا دیتے ہوئے 20گیندوں 28رنز بنائے، انگرام بھی23رنز بنانے کے بعد پویلین لوٹ گئے۔

    کراچی کنگز کو ہدف تک پہنچانے میں روی بوپارا اورمحمد رضوان نے اپنا کردار ادا کیا جہنوں نے بالترتیب17,رنز بنائے، آخر میں آنے والے کراچی کنگز کے کپتان عماد وسیم نے ووننگ شاٹ لگا کر گیند کو پویلین سے باہر پھینک دیا، ان کے شاندار چھکے کے بعد ٹیم کراچی نے مقررہ ہدف 131 رنزآخری اوورز کی چوتھی بال پر  5وکٹوں کے نقصان پر پورا کرلیا۔

    میں آف دی میچ کا اعزاز  ڈیون اسمتھ کے نام رہا جنہوں نے 71رنز اسکور کیے۔

    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

    135 کراچی کنگز اننگز۔

    19.4/5

    بیسواں اوور :

    کھیل کے آخری اوور کی تیسری بال پر محمد رضوان 17رنز بنا کر محمد اصغر کی بال پر کرس جورڈن کے ہاتھوں کیچ آؤٹ ہوگئے۔

    اوور کی چوتھی بال پر عماد وسیم نے شاندار چھکا لگا کر کراچی کنگز کو فتح دلادی اس طرح کراچی کنگز نے پشاور زلمی کو 5وکٹوں سے ہرا دیا۔

    انیسواں اوور: 

    انیسویں اوور میں صرف دو رنز کا اضافہ ہوسکااور مجموعی اسکور 127رنز چار کھلاڑی آؤٹ ہے

    اٹھارہواں اوور: 

    کھیل کے اٹھارہویں اوور میں کراچی کنگز کا اسکور 125رنز ہوگیا اور اس کے چار کھلاڑی آؤٹ ہوئے، ٹیم کراچی کو اس وقت 12بال پر صرف سات رنز درکار ہیں۔

    سترہواں اوور : 

    سترہویں اوور کے اختتتام پر کراچی ٹیم کا اسکور 116رنز چار کھلاڑی آؤٹ ہے، کراچی کنگز کو میچ جیتنے کیلئے 18بال پر 16رنز درکار ہیں۔

    سولہواں اوور: 

    سولہویں اوور کے اختتام پر ٹیم کراچی نے 104رنز بنالیے اور اس کے چار کھلاڑی آؤٹ ہوکر پویلین لوٹ گئے۔

    پندرہواں اوور :

    پندرہویں اوور کی چوتھی بال پر کولن اینگرم 23 رنز بنا کر ابتسام شیخ کی بال پر محمد حفئیظ کے ہاتھوں کیچ آؤٹ ہوگئے، نئے آنے والے کھلاڑی کراچی کنگز کے وکٹ کیپر محمد رضوان ہیں۔ٹیم کا اسکور چار وکٹوں کے نقصان پر 99 رنز ہے۔

    چودہواں اوور : 

    اس اوور کے اختتام پر کراچی کنگز کے اسکور میں 5 رنز کا اضافہ ہوا اور مجموعی اسکور 97 ہوگیا، ٹیم کراچی کو 6اوور میں 36رنز درکار ہیں۔اور اسکی سات وکٹیں باقی ہیں۔

    تیرہواں اوور: 

    تیرہویں اوور کی دوسری بال پر جوزف ڈینلے 28 رنز بنا کر آؤٹ ہوگئے ، انہیں کرس جورڈن نے اپنی ہی بال پر کیچ آؤٹ کیا، نئے آنے والے کھلاڑی روی بوپارہ ہیں، کراچی کنگز کا اسکور 92ہے اس کو میچ جیتنے کیلئے 45 بال پر 45 رنز درکارہیں۔

    بارہواں اوور : 

    کھیل کے بارہویں اوور میں کراچی کنگز کا مجموعی اسکور 87 رنز ہے اور کراچی ٹیم کے دو کھلاڑی آؤٹ ہوئے

    گیارہواں اوور : 

    گیارویں اوور کے اختتام پر ٹیم کراچی کا اسکور 79رنز تھا،

    دسواں اوور : 

    دس اوور کے اختتام پر کراچی کنگز نے 66رنز بنا لیے اور اس کے 2کھلاڑی آؤٹ ہوئے۔

    نواں اوور : 

    نویں اوور میں کراچی کو جھٹکا لگا، بابر اعظم 28رنز بنا کر ابتسام شیخ کی بال پر ڈیرن سیمی کے ہاتھوں کیچ آؤٹ ہوگئے، نئے آنے والے کھلاڑی کولن اینگرم ہیں، ٹیم کراچی کا مجموعی اسکور2 وکٹوں کے نقصان پر 60رنز ہے

    آٹھواں اوور : 

    کھیل کے آٹھویں اوور کے اختتام پر کراچی کنگزنےایک وکٹ کے نقصان پر  54رنز بنا لیے

    ساتوں اوور : 

    ساتویں اوور میں کراچی کنگز نے 50کا ہندسہ عبور کرلیا، ایک وکٹ کے نقصان پر پچاس رنز بنالیے، جیت کیلئے 78 بال پر 80رنز درکار ہیں۔

    چھٹا اوور : 

    کراچی کنگز کے کھلاڑی محتاط انداز میں بیٹنگ کرتے ہوئے آگے بڑھ رہے ہیں، چھٹے اوور میں ایک وکٹ کے نقصان پر 42رنز بنا لیے۔

    پانچواں اوور : 

    کھیل کے پانچویں اوور میں کراچی کا اسکور 35 ہوا اور اس کا ایک کھلاڑی آؤٹ ہوکر پویلین لوٹا۔

    چوتھا اوور : 

    اوور کے اختتام پر کراچی کنگز نے ایک وکٹ کے نقصان پر 24رنز بنائے۔

    تیسرا اوور : 

    تیسرے اوور کے اختتام پر کراچی کنگز نے 18 رنز اسکور کیے اور اس کا ایک کھلاڑی آؤٹ ہوا۔

    دوسرا اوور : 

    اوور کی آخری بال پر خرم منظور تیز کھیلنے کی کوشش میں کیچ آؤٹ ہوگئے، انہوں نے 6 رنز بنائے اور کرس جورڈن کی بال پر ابتسام شیخ کے ہاتھوں کیچ آؤٹ ہوگئے۔ نئے آنے والے کھلاڑی بابر اعظم ہیں۔

    پہلا اوور: 

    پشاور زلمی کے 132 رنز کے ہدف کے تعاقب میں کراچی کنگز کے اوپنرز خرم منظور اور جوزف ڈینلے نے کھیل کا آغاز کرتے ہوئے پہلے اوور میں گیارہ رنز اسکور کیے۔

    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

    پشاور زلمی اننگز

    131/09

    بیسواں اوور : 

    کھیل کی پہلی اننگز میں پشاور زلمی نے آخری اوور کے اختتام پر18 رنز کے اضافے کے ساتھ  کراچی کنگز کو 132رنز کا ہدف دیا ہے، اور اس کے نو کھلاڑی آؤٹ ہوئے۔

    انیسواں اوور : 

    انیسویں اوور کی تیسری بال پر وہاب ریاض رن آؤٹ ہوگئے، پشا ور کے نو کھلاڑی پویلین واپس پہچ گئے ہیں، اور ٹیم کا اسکور 112رنز ہے

    اٹھارہواں اوور : 

    کھیل کے اٹھارہویں اوور میں پشاور زلمی کا مجموعی اسکور 103 رنز ہے اور اس کی 8 وکٹیں گر چکی ہیں۔

    سترہواں اوور :

    سترہویں اوور کے اختتام پر پشاورٹیم نے 11رنز کے اضافے کے ساتھ 94 رنز بنائے تھے اور اس کے 8 کھلاڑی آؤٹ ہوئے،

    سولہواں اوور : 

    اوور کی چوتھی بال پر کرس جورڈن صرف ایک رن بنا کر تیمل ملز کی بال پر عرفان کے ہاتھوں باآسانی کیچ آؤٹ ہوگئے۔ نئے آنے والے کھلاڑی وہاب ریاض ہیں، پشاور زلمی کا اسکور 8 وکٹوں کے نقصان پر 83ہے

    پندرہواں اوور: 

    پندرہویں اوور کی چوتھی بال پر نئے آنے والے کھلاڑی عمید آصف سات رنز بنا کر شاہد آفریدی کی بال پر ایل بی ڈبلیو ہوگئے، اس وقت زلمی کا اسکور 78رنز پر سات کھلاڑی آؤٹ ہے۔

    چودہواں اوور: 

    چودہویں اوور کی چوتھی بال پر زلمی کے اہم کھلاڑی ڈیرن سیمی صرف سدو بنا سکے اور تیز رن لینے کی کوششش  میں رن آؤٹ ہوگئے، ان کے بعد آنے والے کھلاڑی عمید آصف ہیں۔ اس اوور کے اختتام تک زلمی کی ٹیم 71رنز بنا سکی اور اس کے چھ کھلاڑی آؤٹ ہوئے ۔

    تیرہواں اوور: 

    زلمی کے کھلاڑی اس اوور میں صرف ایک رن کا اضافہ کر سکے، ٹیم کا اسکورپانچ وکٹوں کے نقصان پر 63رنز تھا۔

    بارہواں اوور : 

    بارہویں اوور کی تیسری بال پر ابتسام شیخ صرف دو رنز بنا کر عرفان کی بال پرکیچ آؤٹ ہوگئے، اس طرح پشاور زلمی کی آدھی ٹیم 62رنز پر میدان سے باہر ہوگئی۔ نئے آنے والے کھلاڑی ڈیرن سیمی ہیں۔

    گیارہواں اوور : 

    کھیل کے گیارہویں اوور میں پشاور زلمی کی ٹیم نے چار وکٹوں کے نقصان پر 58رنز بنائے۔

    دسواں اوور: 

    دسویں اوور کی چوتھی بال پر حارث سہیل صرف ایک رن بنا کر محمد عرفان کی بال پر تیمل؛ ملز کے ہاتھوں کیچ آؤٹ ہوگئے، نئے آنے والے کھلاڑی ابتسام شیخ ہیں۔ ٹیم کا مجموعی اسکور دس اوور میں چار وکٹوں کے نقصان پردو رنز کے اضافے ساتھ 54 تھا۔

    نواں اوور: 

    پشاور زلمی کا کھیل کے نویں اوور میں مجموعی اسکور 52رنز تھا اور اس کے تین کھلاڑی ؤؤٹ ہوکر پویلین لوٹ گئے۔

    آٹھواں اوور: 

    کھیل کے آٹھویں اوور میں پشاور زلمی کا مجموعی اسکور 41 تھا، اور اس کے تین کھلاڑی آؤٹ ہوئے۔

    ساتواں اوور : 

    ساتویں اوور کی آخری بال پر محمد حفیظ شاہد آفریدی کی بال پر عماد وسیم کے ہاتھوں کیچ آؤٹ ہوگئے،انہوں نے سات رنز اسکور کیے، نئے آنے والے کھلاڑی حارث سہیل ہیں۔ٹیم کا اسکور 38 تھا۔

    چھٹا اوور : 

    کھیل کے چھٹے اوور میں زلمی نے 37 رنز اسکور کیے

    پانچواں اوور : 

    پانچویں اوور کے اختتام پر پشاور زلمی کا مجموعی اسکور 35رنز تھا اور اس کے دو کھلاڑی آؤٹ ہوکر پویلین جا چکے تھے۔

    چوتھا اوور: 

    پشاور زلمی کے دوسرے اوپنر تمیم  اقبال محمد عامر کی بال پر 11رنز بنا کر کیپرمحمد رضوان  کے ہاتھوں کیچ آؤٹ  ہوگئے، نئے آنے والے کھلاڑی محمد حفیظ ہیں۔

    تیسرا اوور: 

    پشاور زلمی کا تیسرے اوور میں 27 رنز ایک وکٹ کے نقصان پر

    دوسرا اوور : 

    دوسرے اوور کی چوتھی بال پر کامران اکمل ایل بی ڈبلیو ہوکر پویلین لوٹ گئے، جب ٹیم کا مجموعی اسکو ر 16رن تھا، نئے آنے والے کھلاڑی ڈیون اسمتھ ہیں۔

    :پہلا اوور 

    پشاور زلمی کے اوپنر کامران اکمل اور تمیم اقبال نے کھیل کا آغاز کیا، کھیل کے پپہلے اوور میں زلمی نے 15 رنز اسکور کیے، جس میں کامران اکمل کا شاندار چھکا بھی شامل ہے۔

    اس سے قبل پی ایس ایل کے تیسرے سیزن کے اہم میچ میں کراچی کنگز نے شاندار بالنگ، فیلڈن اور بیٹنگ کے باعث کوئٹہ گلیڈی ایٹرز کو پہلے میچ میں19رنز سے شکست دی تھی۔

  • پی ایس ایل 3: کس میں کتنا ہے دم، ایونٹ میں شریک ٹیموں کا ماہرانہ تجزیہ

    پی ایس ایل 3: کس میں کتنا ہے دم، ایونٹ میں شریک ٹیموں کا ماہرانہ تجزیہ

    تجزیہ: شاہد ہاشمی

    پاکستان سپر لیگ کا تیسرا ایڈیشن اپنے جلو میں بے شمار ہنگامہ خیزی اوررنگینیاں لیے آیا ہی چاہتا ہے۔ اس بار ہوگا پہلے سے زیادہ ایکشن، تھرل اور پہلے سے زیادہ میچز، کیونکہ اس بار چھ ٹیمیں مدمقابل ہیں۔ ملتان سلطانز بھی میدان میں اتر چکے ہیں۔

    پاکستان کرکٹ بورڈ اس کو نئے افق پر لے جاکر ٹی ٹوئنٹی کرکٹ کو نئی دنیاؤں سے روشناس کرانے کے لیے پرعزم ہے۔ پاکستان کے سب سے بڑے اسٹیڈیم، نیشنل اسٹیڈیم کراچی میں بالآخر نو سال بعد ایک عالمی سطح کا ایونٹ منعقد ہوگا۔ سیزن کا فائنل اسی گرائونڈ میں کھیلا جائے گا۔ اس مقابلے کے لیے زور وشور سے تیاریاں جاری ہیں۔

    آئیں جائزہ لیتے ہیں کہ پی ایس ایل کی چھ ٹیموں میں سے کس کی کتنی استعداد ہے اور ان میں سے کون فائنل تک پہنچنے کی صلاحیت رکھتی ہے۔

    پشاور زلمی

    پشاور زلمی میں کامران اکمل، حارث سہیل ، تمیم اقبال، تیمور سلطان اور ابتسام شیخ جلوے دکھائیں گے، جب کہ آل راؤنڈرز میں محمد حفیظ، شکیب الحسن، ڈیوین براوو ، ڈیرن سیمی، حماد اعظم اور سعد نسیم اپنی صلاحیتوں کا مظاہرہ کریں گے۔

    باؤلنگ سائیڈ دیکھی جائے، تو اسپنرز میں محمد اصغر جب کہ فاسٹ باؤلرز میں وہاب ریاض ، حسن علی، کرس جارڈن اور سمین گل اپنے جوہر دکھائیں گے۔ دیگر اہم کھلاڑیو ں میں اینڈرے فلیچر، ایوین لوئیس، خالد عثمان اور محمد عارف کے نام موجود ہیں۔

    پشاور زلمی جو اس سال اپنے ٹائٹل کا دفاع کرے گی، وہ اس بار اسٹا رکرکٹر شاہد خان آفریدی سے محروم ہے۔ سپراسٹار کراچی کنگز میں شمولیت اختیار کرچکے ہیں۔ البتہ زلمی کے پاس ویسٹ انڈیز کو دو بار ورلڈ ٹی ٹوئنٹی جتوانے والے کپتان ڈیرن سیمی موجود ہیں۔

    یہ بات بھی پیش نظر رہے کہ بنگلا دیش کے تمیم اقبال اور شکیب الحسن پی ایس ایل کے کتنے میچز کھیل پائیں گے، کیوں کہ انہیں 8 تا 18 مارچ بنگلا دیش، سری لنکا اور بھارت کے مابین منعقدہ سہہ فریقی سیریز میں بھی شریک ہونا ہے، شاید یہ دونوں اہم کھلاڑی ابتدائی پانچ میچز کے بعد دستیاب نہ ہوں۔ ان کی جگہ کامران اکمل اور محمد حفیظ کو ٹاپ آرڈر جب کہ ڈیوین براوو اور حارث سہیل کو مڈل آرڈر پر ذمہ داری کا مظاہرہ کرنا ہوگا۔

    باؤلنگ سائیڈ میں اس سال ایک روزہ میچز میں سب سے زیادہ وکٹیں لینے والے حسن علی کی موجودگی پشاور زلمی کو مضبوط کرے گی۔ ان کے ہمراہ وہاب ریاض اور کرس جارڈن بھی اپنا بھرپور کردار ادا کرنے کا ارادہ رکھتے ہیں۔ اسپن اٹیک کے لیے حفیظ کا کردار اہم ہے۔

    لاہور قلندرز

    لاہور قلندرز کے پاس بلے بازی کے لیے برینڈن میک کیلم، فخر زمان، عمر اکمل، کرس لین، کیمرون ڈیل پورٹ اور سہیل اختر موجود ہیں، آل راؤنڈرز میں عامر یامین، امید یوسف اور بلال آصف سے امیدیں وابستہ ہیں۔

    باؤلنگ کی جانب نگاہ کی جائے تو سنیل نارائن، یاسر شاہ ،رضا حسن اور آغا سلمان جیسے مضبوط نام سامنے آتے ہیں، فاسٹ باولرز میں سہیل خان، مستفیظ الرحمان، شاہین شاہ آفریدی، غلام مدثر اور سلمان ارشان موجود ہیں۔ دیگر کھلاڑیوں میں مشعل میک کلنگھم اور گلریز صدف موجود ہیں۔

    بد قسمتی سے پی ایس ایل کی نمایاں ٹیموں میں شامل لاہور قلندرز گذشتہ دو ایڈیشنز میں کوئی خاطر خواہ کارکردگی نہیں دکھا سکی۔ البتہ اس بار ان کے پاس کرس لین جیسا کھلاڑی موجود ہے، جوٹی ٹوئنٹی میچز کو سنسنی خیز بنانے کا ہنر اچھی طرح جانتے ہیں۔ محمد رضوان کی جگہ آنے والے سہیل خان بھی یقیناً ٹیم میں ایک اچھا اضافہ ثابت ہوں گے۔

    کراچی میں پاکستان سپر لیگ کے انعقاد سے مثبت پیغام جائے گا: شاہد آفریدی

    اسپننگ سائیڈ بھی ٹیم میں سنیل نارائین اور یاسر شاہ کی موجود گی کے سبب مضبوط ہوئی ہے، تاہم بلال آصف فی الحال انجرڈ ہیں اور انہیں ریکور ہونے کے لیے وقت درکار ہے، فاسٹ باؤلنگ میں سہیل اور عامر یامین بھی اپنا جادو جگائیں گے۔ البتہ بلاول بھٹی کی انجری اور عرفان جونیئر کے کراچی کنگز جانے کے سبب یہ شعبہ مشکلات کا شکار رہے گا۔ کشمیر سے تعلق رکھنے والے سلمان ارشاد کی پرفارمنس کو اہم تصور کیا جارہا ہے۔

    لاہور کی خامی ان کا مڈل آرڈر ثابت ہوگی، تاہم اس سے عمر اکمل کو موقع ضرور ملے گا کہ وہ پی ایس ایل 2 کی طرح دھواں دھار کاکردگی دکھا کر قومی ٹیم میں اپنی واپسی کی راہ ہموار کریں۔

    ملتان سلطانز

    پی ایس ایل میں پہلی بار شامل ہونے والی ٹیم ملتان سلطانز کے پاس بلے بازوں کی فہرست میں جو نام ہیں، ان میں شعیب ملک، کمار سنگا کارا، صہیب مقصود، ڈیرن براوو، احمد شہزاد، شان مسعود، نک پوراںِ عبداللہ شفیق، سیف بدر اور عرفان خان شامل ہیں۔

    آل راؤنڈر کے طور پراس ٹیم میں صرف سہیل تنویر ہیں جب کہ باؤلنگ کی بات کی جائے تو عمران طاہر بطور اسپنر ہوں گے اور محمد عرفان، جنید خان اور محمد عباس بطور فاسٹ باؤلر اپنا جلوہ دکھائیں گے، دیگر کھلاڑیوں میں ہارڈس ول جوائن، عمر گل، عمر صدیق اور روز وائٹلے شامل ہیں۔

    کراچی !! پھر ملیں گے فائنل میں، کراچی کنگز کے روی بوپارہ پُرعزم

    پی ایس ایل کی یہ نئی فرنچائز سابقہ مہنگی ترین ٹیم، یعنی کراچی کنگز سے دگنی مالیت کی ہے۔ وسیم اکرم اور ٹام موڈی کے مشوروں پر متوازن ٹیم منتخب کی گئی ہے۔ شعیب ملک بھی اسی ٹیم کا حصہ ہیں، جنھوں نے سابق دو ایڈیشنز میں کراچی کنگز کی نمائندگی کی تھی، مگر ان کی کارکردگی غیر تسلی بخش رہی. اس بار انھیں اپنی پرفارمنس ثابت کرنی ہوگی۔ کیرن پولارڈ اور براوو ٹاپ آرڈر پر ٹیم کے لیے ایک اچھا کمبنی نیشن ثابت ہوں گے۔ احمد شہزاد اور صہیب مقصود کو بھی اپنی پرفارمنس ثابت کرنا ہوگی۔

    ملتان سلطان کی لائن اپ کا سقم یہ ہے کہ ان کے پاس محض ایک اسپنر ہے، یو اے ای کی وکٹ پر انھیں اسپینر کی کمی محسوس ہوگی۔

    کراچی کنگز

    کراچی کنگز کو پی ایس ایل کی سب سے زیادہ مقبول ٹیم تصور کیا جاتا ہے، ان کے پاس بلے بازی کےمیدان میں کولن انگرام، جو ڈینلے، خرم منظور، بابر اعظم اور محمد رضوان جیسے کھلاڑی موجود ہیں، جب کہ آل راؤنڈرز میں اسٹار کرکٹر شاہد آفریدی، روی بوپارا، عماد وسیم، ڈیوڈ ویزے اور حسن محسن جیسے اہم نام موجود ہیں، جن سے پی ایس ایل شائقین کو خاصی امیدیں‌ ہیں.

    باؤلنگ سائیڈ پر دیکھا جائے، تو اسپنرز میں اسامہ میر جب کہ فاسٹ باؤلرز میں محمد عامر، تیمل ملز، عثمان شنواری، تابش خان اورمحمد عرفان جونیئر جیسے نام شامل ہیں۔ دیگر کھلاڑیو میں لینڈل سائمنز، ایوین مورگن اور سیف اللہ بنگش موجود ہیں۔

    کراچی کنگز پی ایس ایل کی وہ ٹیم ہے، جس نے سب سے زیادہ تبدیلیاں کی گئیں، کرس گیل اور سہیل خان کو ڈراپ کرکے ان کی جگہ شاہد خان آفریدی جیسے سپراسٹار کو ٹیم میں شامل کیا گیا ہے۔ اس سے نہ صرف تماشائیوں کے جوش و خروش میں اضافہ ہوگا، بلکہ ٹیم کا مورال بھی بلند ہوگا. شاہد خان آفریدی کسی بھی ٹی ٹوئنٹی میچ میں محض چند گیندوں میں مقابلے کا پانسہ پلٹنے کی حیرت انگیز صلاحیت رکھتے ہیں۔

    سہیل خان کی کمی تیمل ملز پوری کریں گے، جب کہ محمد عامر بھی اپنا تیز رفتار فن دکھانے کے لیے میدان میں موجود ہوں گے۔ محمد عرفان جونیئر اور عثمان خان شنواری بھی کراچی کنگز کے حق میں ایک بڑے فیکٹر کا کردار ادا کرسکتے ہیں۔

    کولن انگرام، جو دینلے اور خرم منظور سے امید کی جارہی ہے وہ ٹیم کو ایک اچھا اسٹارٹ فراہم کریں گے تاہم بابر اعظم بھی ٹیم کو سنبھانے میں اہم کردار ادا کریں گے۔ تجزیہ کاروں کے مطابق اس آل راؤنڈرز بھی ٹیم کو کامیابی سے ہمکنار کرنے میں کلیدی کردار ادا کریں گے۔

    ٹیم میں شاہد آفریدی کی موجود گی، جب کہ نئے کپتان عماد وسیم کی مناظر میں آمد کراچی کنگز کی پرفارمنس پر گہرے اور مثبت کردار ادا کرسکتی ہے.

    اسلام آباد یونائیٹڈ

    پہلا سیزن اپنے نام کرنے والی اس ٹیم کے بلے بازوں میں مصباح الحق، افتخار احمد، آصف علی، جے پی ڈومینی، لیوک رونچی، سیم بلنگز، صاحبزادہ فرحان اور طلعت حسین شامل ہیں۔ آل راؤنڈرز میں اینڈرے رسل، شاداب خان اور فہیم اشرف اپنا ہنر آزمائیں گے۔

    اسپن اٹیک میں‌ سیموئل بدری اور ظفر گوہر موجود ہیں، فاسٹ باؤلرز میں محمد سمیع ، رومان رئیس اور عماد بٹ نمایاں‌ ہیں. دیگر کھلاڑیوں میں الیکس ہیلز، سمت پٹیل، اسٹیو فن محمد حسن اور محمد حسنین شامل ہیں۔

    اسلام آباد یونائیٹڈ کے مداح یقیناً شرجیل خان اور خالد لطیف کی کمی محسوس کریں گے، دونوں کھلاڑی گذشتہ سال اسپاٹ فکسنگ کے الزام کے سبب ٹیم سے باہر ہوگئے تھے۔ فرنچا ئز نے ڈیوین اسمتھ کو بھی اس سال ریلیز کردیا ہے، تاہم اینڈرے رسل کی واپسی یقینی طور پر خوش آئند ثابت ہوگی۔

    کراچی کنگزکے آفیشل گانے ’’ دے دھنا دھن ‘‘ کی ویڈیو ریلیز

    شین واٹس تو ٹیم میں‌ نہیں. ان کی جگہ جے پی ڈومنی، لیوک رونچی اور صحبزاداہ فرحان بلے بازی کے جوہر دکھائیں گے۔ سیم بلنگز بھی آخر کےمیچز میں میسر ہوں گے. ٹیم کی سب سے مضبوط اور قابل بھروسہ شخصیت مصباح الحق ہیں. دیکھنا یہ ہے کہ ریٹائرمنٹ کے بعد مصباح الحق کس طرح اپنی صلاحیتوں کا مظاہرہ کرتے ہیں.

    فہیم اشرف کا انتخاب انتہائی اہم ہے، آصف علی، طلعت حسین اور احمد بٹ کو ٹیم میں برقرار رکھا ہے، شاداب خان میچ کے ہر شعبے میں‌ اپنی پرفارمنس کا مظاہرہ کریں گے۔

    کوئٹہ گلیڈی ایٹرز

    پی ایس ایل کے پہلے ایڈیشن میں حیرت انگیز طور پر ابھر کر سامنے آنے والی کوئٹہ گلیڈی ایٹرز کے پاس بلے بازی کے میدان میں سرفراز احمد، کیون پیٹرسن، ریلی روشو، عمرامین، اسد شفیق، رمیز راجا جونیئر، سعد علی اور سعود شکیل شامل ہیں۔ آل راؤنڈرز کے طور پر شین واٹسن، محمد نواز اور انور علی ٹیم کا حصہ ہیں۔

    اسپنرز میں حسن خان، جب کہ فاسٹ بالرز میں میر حمزہ ، راحت علی اور جوفرہ آرکر اپنا جادو جگائیں گے۔ دیگر کھلاڑیوں میں جیسن رائے ، راشد خان، اعظم خان ، فراز احمد خان شامل ہوں گے۔

    کوئٹہ گلیڈی ایٹرز پی ایس ایل کی وہ ٹیم ہے جس کی تمام تر توجہ بڑے ناموں کے بجائے بہترین کمبی نیشن بنانے پر رہی ہے اور معین خان کی کوچنگ نے ٹیم کو یکجا کر رکھتا ہے۔ یہی وجہ ہے کہ پی ایس ایل کے دونوں سیزن میں کوئٹہ گلیڈی ایٹرز رنر اپ رہے۔ اگر یہ ٹیم ٹائٹل جیت جاتی ہے، تو حیرت نہیں ہوگی۔

    پی سی ایل تھری: کراچی کنگز اور معروف برانڈ نورپور میں‌ معاہدہ طے پا گیا

    کوئٹہ کی بیٹنگ لائن کیون پیٹرسن، رلی روشو، سرفراز، اسد شفیق اور محمد اللہ کی موجودگی کے سبب انتہائی مضبوط ہے اور یہی ٹیم کی طاقت ہے۔ سعد علی اور سعود شکیل بھی رن بنانے کی اپنی حیرت انگیز صلاحیت کے سبب ٹیم میں اہم کردار ادا کرسکتے ہیں۔

    شین واٹسن یقیناً پریرا کی جگہ پر کرنے میں اہم کردار ادا کریں گے۔ جبکہ انور علی کے پاس بھی اپنی کارکردگی منوانے کا بے مثال موقع ہے۔ عمر گل اور تیمل ملز کے جانے سے یقیناً ٹیم میں فاسٹ باؤلرز کی کمی محسوس ہو گی تاہم جوفرہ آرکر اگر اپنے گھٹنے کی انجری سے صحت یاب ہوجاتے ہیں تو وہ اس کمی کا مداوا کرتے نظر آئیں گے۔ راحت علی کو منتخب کرنے سے لگ رہا ہے کہ اس بار کوئٹہ زیادہ تر اسپنرز پر انحصارکرنے جارہی ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پی ایس ایل سیزن 2 کے یاد گار لمحے

    پی ایس ایل سیزن 2 کے یاد گار لمحے

    پاکستان سپر لیگ سیزن 2 گزشتہ رات لاہور کے قذافی اسٹیڈیم میں اپنی پوری شان وشوکت کے ساتھ اختتام پذیر ہوا‘ ایونٹ کے فاتح کا سہرا پشاورزلمی کے سر بندھا لیکن کل رات ہونے والا فائنل پوری پاکستانی قوم کی جیت کا نشان تھا۔

    پہلے سیزن کی نسبت یہ سیزن زیادہ سنسنی خیز رہا اور کئی ایسے مناظر تھے جو شاید سالوں بعد بھی یاد رکھیں جائیں گے۔ ایسے ہی کچھ مناظر ہم آپ کے ساتھ شیئر کررہے ہیں۔

    پی ایس ایل سیزن 2 کا فائنل لاہور کے قذافی اسٹیڈیم میں منعقد کیا گیا اوراس کی مقبولیت کا اندازہ اس بات سے لگایا جاسکتا ہے کہ اسٹیڈیم تماشائیوں سے کھچا کھچ بھرا ہوا تھا اورہزاروں شائقین کرکٹ آخری لمحے تک ٹکٹ کے حصول کی کوشش کرتے رہے ‘ ملک بھر میں میچ دیکھنے کے لیے سینکڑوں مقامات پر اسکرین لگائی گئیں۔

    پی ایس ایل کے سیزن 2 کی مقبولیت کا یہ عالم تھا کہ دنیا بھر میں اسے آن لائن دیکھا گیا اور آن لائن دیکھنے والوں میں سب سے زیادہ تعداد بھارتی شہریوں کی تھی۔

    پشاور زلمی نے کوئٹہ گلیڈی ایٹرز کو شکست دے کر فائنل اپنے نام کرلیا

    فائنل میچ سے پہلے ہونے والی تقریب کے رنگا رنگ لمحات

    کراچی کنگز کے کرس گیل پشاور زلمی کے خلاف جارحانہ بیٹنگ کرتے ہوئے

    کمارا سنگاکارا کا شاندار شاٹ اور بال تماشائیوں کے ہاتھوں میں

    پی ایس ایل سیزن 2 کی واحد سینچری

    وہ لمحہ جب کراچی کنگز نے پی ایس ایل سیزن 1 کے فاتح اسلام آباد یونائیڈ کو ٹورنامنٹ سے باہر کردیا

    پر مسرت لمحات ‘ کوئٹہ گلیڈی ایٹرز پشاور زلمی کو شکست دے کر فائنل میں رسائی کا جشن مناتے ہوئے

    جب شاہد آفریدی انتہائی مشکل لمحات میں آؤٹ ہوگئے، شائقین میں بگزبنی کے ساتھ روتی ہوئی لڑکی سوشل میڈیا سنسیشن بن گئی

    لاہور قلندرسے جیت کر کراچی کنگز کے پولارڈ انوکھے انداز میں جشن مناتے ہوئے

    پی ایس ایل سیزن 2 کا سب سے یادگار کیچ

  • پی ایس ایل کا پہلا پلے آف : زلمی اورگلیڈی ایٹرز آج مد مقابل

    پی ایس ایل کا پہلا پلے آف : زلمی اورگلیڈی ایٹرز آج مد مقابل

    دبئی : پاکستان سپرلیگ کا پہلا پلےآف میچ آج پشاور زلمی اور کوئٹہ گلیڈی ایٹرز کےدرمیان کھیلاجائےگا۔ جیتنےوالی ٹیم فائنل میں جائے گی تو ہارنے والی ٹیم کو ایک اور موقع ملےگا۔ میچ پاکستانی وقت کے مطابق رات نو بجے شروع ہوگا۔

    تفصیلات کے مطابق پی ایس ایل کے پہلے پلے آف کے سپر مقابلے میں سرفراز احمد کی کوئٹہ گلیڈی کا ٹاکرا ڈیرن سیمی کی پشاور زلمی سے ہوگا۔ ایک ٹیم میں سیر تو دوسری میں سوا سیر ہے۔

    دونوں ٹیموں کےدرمیان پی ایس ایل ٹو کےآخری میچ میں شاہد آفریدی نے کوئٹہ گلیڈی ائیٹرز کے منہ سے فتح چھینی تھی۔ پشاور زلمی نےآخری دو میچز جیت کر پلے آف میں پہنچی ہے تو کوئٹہ گلیڈی ایٹرز کو آخری دونوں میچز میں ناکامی کا سامنا کرناپڑا۔

    پہلا پلےآف جیتنے والی ٹیم براہ راست فائنل کا ٹکٹ بک کرلے گی، جو لاہور میں کھیلا جائے گا جبکہ ہارنے والی ٹیم کو ایک اور موقع ملے گا۔

    دوسرے پلے آف میں یکم مارچ کو اسلام آباد یونائیٹڈ کا کراچی کنگز سے ٹاکرا ہوگا۔ ناکام ٹیم ٹورنامنٹ سے باہر ہو جائے گی جبکہ جیتنے والی ٹیم کا 3 مارچ کو پہلے پلے آف کی ناکام الیون سے جوڑ پڑے گا۔

    آخری پلے آف کی فاتح سائیڈ پہلے پلے آف کی کامیاب ٹیم سے 5 مارچ کو فائنل کھیلے گی۔ پشاور زلمی اور کوئٹہ گلیڈی ایٹرز کے درمیان میچ پاکستانی وقت کے مطابق رات نو بجے شروع ہوگا۔

  • کوئٹہ گلیڈی ایٹرز کو شکست دے کر پشاور زلمی پہلی پوزیشن پر

    کوئٹہ گلیڈی ایٹرز کو شکست دے کر پشاور زلمی پہلی پوزیشن پر

    دبئی : شاہد آفریدی کی دھواں دار بیٹنگ کی بدولت پشاور زلمی نے کوئٹہ گلیڈی ایٹرز کو سنسنی خیز مقابلے کے بعد دو وکٹوں سے شکست دیدی۔ پشاور زلمی نے پوائٹنس ٹیبل پر کوئٹہ گلیڈی ایٹرز سے پہلی پوزیشن بھی چھین لی۔

    تفصیلات کے مطابق پی ایس ایل ایڈیشن ٹو کا ایک اور میچ سنسنی خیز مقابلے کے بعد اختتام پذیر ہوگیا۔ پاکستان سپر لیگ ٹو کے سلسلے کا انیسواں میچ کوئٹہ گلیڈی ایٹرز اور پشاور زلمی کے مابین کھیلا گیا۔

    زلمی نے ٹاس جیت کر پہلے فیلڈنگ کرنے کا فیصلہ کیا، گلیڈی ایٹرز نے مقررہ اوورز میں 9 وکٹوں کے نقصان پر 128 رنز بنائے، جواباً زلمی نے 8 وکٹوں کے نقصان پر 19 اعشاریہ 2 اوورز میں مقررہ ہدف حاصل کر لیا۔

    شاہد آفریدی نے چھکے اور چوکے کی برسات کرکے میلہ لوٹ لیا۔ شاہد آفریدی نے 3 چھکوں اور 3 چوکوں کی مدد سے 23 گیندیں کھیل کر 45 رنز بنائے اور ناٹ آؤٹ رہے۔

    کوئٹہ گلیڈی ایٹرز کے دیگر بلے باز بہترین کارکردگی دکھانے میں ناکام رہے۔ کیون پیٹرسن اکتالیس اور روسوو نے اڑتیس رنز کی اننگز کھیل سکے، جیت کیلئے پشاور زلمی کو ایک سو انتیس رنز کا ہدف ملا، مطلوبہ ہدف تک پہنچنا پشاور زلمی کیلئے آسان ثابت نہیں ہوا۔

    کامران اکمل چھبیس، محمد حفیظ بائیس رنز کی اننگز کھیلی۔ شاہد آفریدی نے گراؤنڈ میں قدم جماتے ہی بولرز کے چھکے چھڑا دیئے، پینتالیس رنز کی دھواں دار اننگز کھیل کر شاہد آفریدی نے پشاور زلمی کو دو وکٹوں سے فتح دلا دی۔ جیت کے ساتھ ہی پشاور زلمی نے پوائٹنس ٹیبل پر کوئٹہ گلیڈی ایٹرز سے پہلی پوزیشن چھین لی ہے۔

  • شاہد آفریدی نے پشاور زلمی چھوڑنے کا اشارہ دے دیا

    شاہد آفریدی نے پشاور زلمی چھوڑنے کا اشارہ دے دیا

    لندن : پاکستان کے سابق آل راونڈر اور ٹی ٹونٹی ٹیم کے کپتان شاہد آفریدی نے پاکستان سپرلیگ کی فرنچائز پشاورزلمی کو خیرباد کہنے کا اشارہ دے دیا۔

    ان کا کہنا ہے کہ پشاور زلمی مستقل ٹیم نہیں ہے کسی بھی فرنچائز نےآفر کی تو دستیاب ہوں گا، صرف پشاور زلمی کی طرف سے کھیلنے کیلئے محدود نہیں۔

    بوم بوم آفریدی نے پی ایس ایل کے دوسرے ایڈیشن میں پشاور زلمی کو گڈبائے کہنے کا عندیہ دےدیا۔ غیرملکی ویب سائٹ کو انٹرویودیتے ہوئے آفریدی نےکہا کہ پروفیشنل کرکٹرہوں، ایسا نہیں کہ صرف پشاورزلمی کی طرف سے کھیلتا رہوں، کسی بھی فرنچائز نےاچھی آفر کی تو ضرور سوچوں گا۔

    انہوں نے کہا کہ پشاورزلمی کے ساتھ آگے بڑھنے سے پہلے اونرسے کچھ باتیں طے کرنا ہونگی۔ کچھ چیزیں ہیں جنہیں ٹھیک ہونے کی ضرورت ہے۔

    شاہد آفریدی نے کہا کہ گذشتہ دو سے تین سال بگ بیش لیگ کی پیشکش ٹھکرا رہا ہوں۔ اس سال آفر آئی تو قبول کرلوں گا۔ آفریدی نے کہا کہ ابھی میری کرکٹ ختم نہیں ہوئی۔ مختصر فارمیٹ میں پاکستان سمیت دنیا بھرکی ٹی ٹوئنٹی لیگ کھیل سکتا ہوں۔

    واضح رہے کہ زلمی کے اونر جاوید آفریدی اور شاہد آفریدی میں اختلافات شدت اختیار کر گئے تھے۔

     

  • اسلام آباد یونائیٹڈ پی ایس ایل کےفائنل میں، پشاورزلمی کوشکست

    اسلام آباد یونائیٹڈ پی ایس ایل کےفائنل میں، پشاورزلمی کوشکست

    دبئی : مصباح الحق کی اسلام آباد یونائیٹڈ نے شاہدآفریدی کی پشاورزلمی کو ہرا کرفائنل میں جگہ بنالی۔ پاکستان سپرلیگ کا فائنل منگل کوکوئٹہ گلیڈی ایٹرزاوراسلام آباد یونائیٹڈ کےدرمیان کھیلاجائے گا۔

    تفصیلات کے مطابق پاکستان سپر لیگ کے آخری پلے آف میچ میں پشاورزلمی کے کپتان شاہد آفریدی نے ٹاس جیت کر اسلام آباد یونائیٹڈ کو پہلے بیٹنگ کی دعوت دی۔

    شرجیل خان کی دھواں دھار اننگزنے مصباح الحق کا مان رکھ لیا۔ شرجیل خان کی سینچری اورخالد لطیف کے اٹھائیس رنزکی بدولت اسلام آباد نے پشاورزلمی کو ایک سو چھہتررنز کاہدف دیا۔

    اسلام آباد یونائیٹڈ نے پہلے بیٹنگ کرتے ہوئے مقررہ بیس اوورز میں تین وکٹوں کے نقصان پر 176 رنز بنائے، جس میں اوپنر شرجیل خان کی شاندار سنچری بھی شامل ہے۔

    ہدف کے تعاقب میں پشاور زلمی کا آغاز ہی مایوس کن رہا۔ پروفیسر بولرزکو سبق نہ سکھا سکے۔ ڈیوڈ ملان، بریڈ ہوج اورڈیرن سیمی رسمی طورپر وکٹ پر آئے۔

    پشاورزلمی کے نو بلے باز ڈبل فیگر میں بھی داخل نہ ہوسکے۔ آفریدی نے سترہ گیندوں پر سینتس رنزکی طوفانی اننگزکھیلی، لیکن آفریدی کے آؤٹ ہوتے ہی پشاورزلمی کی امیدیں دم توڑ گئیں۔

    عمران خالد نے چار اورآندرے رسل نے تین کھلاڑیوں کو پویلین کی راہ کی دکھائی۔ مصباح الیون نےآفریدی الیون کو پچاس رنز سے ہرا فائنل میں جگہ بنائی۔

    ایونٹ کا فائنل منگل کو سرفرازاحمدکی کوئٹہ گلیڈی ایٹرز اوراسلام آباد یونائیٹڈ کےدرمیان ہوگا

    پشاور زلمی الیون میں کپتان شاہد آفریدی، وہاب ریاض ،کامران اکمل ،محمد حفیظ ،جنید خان ،ڈیرن سیمی ،شان ٹیٹ ،جونی بیئر سٹو ،جم ایلن بائی،عامر یامین ،ڈیوڈ مالان ،عمران خان جونیئر ،شاہد یوسف ،عبد الرحمان ،مصدق احمد علی ،حسن علی ،محمد اصغر ،براڈ ہوج ،اصرار اللہ اور تاج ولی شامل تھے۔

    اسلام آباد یونائٹیڈ الیون میں کپتان مصباح الحق سمیت ڈایوئن سمتھ،آندرے رسل ،سیموئل بدری ،محمد عرفان ،بریڈ ہیڈن ،شرجیل خان ،محمد سمیع ،خالد لطیف ،بابر اعظم ،عمران خالد ،کامران غلام ،عمر امین ،سیم بلنگز,رمان رئیس ،احمد بٹ ،اشعر زیدی ،سعید اجمل ،حسین طلعت اور عمر صدیق شامل تھے۔

    پشاور زلمی اننگز

    مجموعی اسکور : 18 اوورز ۔۔ 126/9

    اٹھارہواں اوور : پشاور زلمی کی پوری ٹیم 126 پر آؤٹ ہوکر پویلین لوٹ گئی۔ اور اس طرح اسلام آباد یونائیٹڈ نے پشاور زلمی کو پچاس رنز سے شکست دے دی۔

    پندرہواں اوور : پانچ اوور میں پشاور زلمی کے اسکور میں 35 رنز کا اضافہ ہوا ، ٹوٹل اسکور 101 رنز ہے اور اس کے چھ کھلاڑی آؤٹ ہوگئے ۔

    دسواں اوور : 33 رنز کے اضافے سے پشاور کا اسکور 64 رنز ہے اور اس کے دو کھلاڑی آؤٹ ہوکر پویلین جا چکے ہیں۔

    پانچواں اوور : پشاورزلمی کے پہلے پانچ اوور میں ایک وکٹ کے نقصان پر 29 رنز ہیں

    اسلام آباد یونائٹیڈ اننگز

     مجموعی اسکور : 20 اوورز ۔۔ 176/3

    بیسواں اوور :  اسلام آباد یونائیٹڈ نے مقررہ بیس اوور میں تین وکٹوں کے نقصان پر 176 رنز بنالئے۔ میچ کی خاص بات شرجیل خان کی سنچری ہے، جو پی ایس ایل میں ہونے والی پہلی سنچری ہے۔

    پندرہواں اوور :  اسلام آباد یونائیٹڈ نے 131 رنز اسکور کئے جبکہ اس کے دو کھلاڑی آؤٹ ہو کر پویلین لوٹ گئے ہیں

    پہلے دس اوور : اسلام آباد یونائیٹڈ کے اوپنرز ڈیوائن سمتھ اور شرجیل خان وکٹ پرموجود ہیں۔ اور پہلے دس اوور میں اسلام آباد یونائیٹڈ کا اسکور بغیر کسی نقصان کے 79 رنز ہے،