ARYNews.tv | Urdu – Har Lamha Bakhabar

Tag: peshawar

  • باچا خان انٹرنیشنل ایئرپورٹ پر 59 دن بعد علاقائی پروازوں کا آپریشن شروع

    باچا خان انٹرنیشنل ایئرپورٹ پر 59 دن بعد علاقائی پروازوں کا آپریشن شروع

    پشاور: صوبہ خیبر پختونخوا کے دارالحکومت پشاور کے باچا خان انٹرنیشنل ایئرپورٹ پر 59 دن بعد علاقائی پروازوں کا آپریشن شروع ہوگیا، کراچی سے 116 مسافر پی آئی اے کی پرواز کے ذریعے پشاور پہنچ گئے۔

    کرونا وائرس اور اس کے لاک ڈاؤن کے نتیجے میں پروازوں کی بندش کے 59 دن بعد پشاور کے باچا خان انٹرنیشنل ایئرپورٹ پر علاقائی پروازوں کا آپریشن بحال ہوگیا۔

    قومی ایئر لائن (پی آئی اے) کی پرواز پی کے 8350 کے ذریعے 116 مسافر کراچی سے پشاور پہنچ گئے، پشاور ایئرپورٹ پر ڈومیسٹک آمد کے لاؤنج میں کراچی سے پشاور پہنچنے والے مسافروں کی مکمل اسکریننگ اور طبی جانچ کی گئی۔

    سول ایوی ایشن اتھارٹی کے عملے نے مسافروں کو مکمل سینی ٹائز اور اسپرے کیا اور ان کے سامان کو بھی ڈس انفیکٹ کیا گیا، سی اے اے کی جانب سے باقاعدہ سینی ٹائز کیے جانے کے بعد مسافروں کو عمارت میں داخلے کی اجازت دی گئی۔

    ایئرپورٹ سیکیورٹی فورس (اے ایس ایف) کی جانب سے کرونا ایس او پیز کے تحت مسافروں کو ہاتھ لگائے بغیر جدید ترین اسکینرز کے ذریعے سیکیورٹی اسکریننگ کی گئی۔

    بعد ازاں پی آئی اے کی پرواز پی کے 8351، 54 مسافروں کو لے کر پشاور سے کراچی کے لیے روانہ ہوگئی۔

  • کورونا وائرس سے متعلق اچھی خبریں آنا شروع

    کورونا وائرس سے متعلق اچھی خبریں آنا شروع

    پشاور: دوران پور قرنطینہ میں 150 مریض صحت یاب ہوگئے ، تیمورسلیم جھگڑا کا کہنا ہے کہ قرنطینہ مراکز میں بہترین سہولتوں کے مثبت نتائج نکل رہے ہیں۔

    تفصیلات کے مطابق پشاور مین انچارج دوران پور قرنطینہ تاشفین احمد نے 150 مریضوں کے صحت یاب ہونے کی تصدیق کردی اور کہا صحت یاب افرادگھروں کوروانہ کردیےگئے ہیں۔

    وزیرصحت کےپی تیمورسلیم جھگڑا نے کہا کہ قرنطینہ مراکز میں بہترین سہولتوں کے مثبت نتائج نکل رہے ہیں، ٹیسٹنگ صلاحیت بڑھائیں گے۔

    تیمور سلیم جھگڑا کا کہنا تھا کہ طبی عملے کو تمام حفاظتی سامان دیں گے،احساس پروگرام سے امدادی رقوم کل سے شروع ہورہی ہے، لوگ تعاون کریں گےتو تیزی سے بہتری آئےگی، پیسوں کی کوئی کمی نہیں۔

    اس سے قبل وزیراعلیٰ کےپی محمودخان کا کہنا تھاکہ مراعات کسی ایک ضلع کو نہیں پورےخیبرپختونخواکودی جائے گی،انصاف کی حکومت ہے، سب کےساتھ انصاف ہوگا۔

    ان کا کہنا تھا کہ ڈاکٹروں کومکمل طبی اورحفاظتی سامان مہیا کیاجائےگا،محکمہ صحت کوآٹھ ارب کا پیکج دےدیاہے۔

    یاد رہے چند روز قبل مردان کی یوسی منگا میں 109 مشتبہ افراد کے کرونا وائرس کے ٹیسٹ لیے گئے تھے اس حوالے سے خیبر پختونخوا کے وزیر صحت تیمور خان جھگڑا نے سماجی رابطے کی ویب سائٹ ٹوئٹر پر اپنے پیغام میں بتایا تھا کہ یوسی منگا سے لیے گئے تمام 109افراد کے ٹیسٹ منفی آئے ہیں جو کہ خوش آئند ہے۔

    خیال رہے کہ مردان یوسی منگا میں کرونا وائرس کے مریضوں کی تعداد صوبے میں سب سے زیادہ ہے، 79 افراد میں وائرس کی تصدیق ہونے کے بعد علاقے کو مکمل لاک ڈاؤن کردیا گیا تھا۔

  • کورونا کے خلاف جاری جنگ میں خواتین پولیس اہلکار بھی میدان میں آگئیں

    کورونا کے خلاف جاری جنگ میں خواتین پولیس اہلکار بھی میدان میں آگئیں

    پشاور : کورونا کےخلاف جاری جنگ میں خواتین پولیس اہلکار بھی میدان میں آگئیں، خواتین پولیس اہلکاروں نےدوران پور قرنطینہ میں پوزیشن سنبھال لی ہے۔

    تفصیلات کے مطابق پشاور میں کورونا کےخلاف جاری جنگ میں خواتین پولیس اہلکاروں کی صف بندی ہوگئی اورخواتین پولیس اہلکاروں نےدوران پور قرنطینہ میں پوزیشن سنبھال لی۔

    پولیس حکام کا کہنا ہے کہ 25 سے زائد خواتین پولیس اہلکارضلعی انتظامیہ کے ساتھ تعینات ہیں ، دوران پور قرنطینہ میں تفتان بارڈر سے آئےزائرین کورکھا گیاہے، قرنطینہ میں تعینات خواتین پولیس اہلکاروں کو خصوصی لباس فراہم کئے گئے ہیں۔

    یاد رہے پشاور پولیس نے کورونا وائرس سے بچنے کے لئے چینی طرز کے حفاظتی سوٹ تیار کئے تھے، حفاظتی سوٹ سر، پاؤں، ہاتھوں سمیت پورے جسم کومحفوظ بنانےکیلئے استعمال ہوں گے۔

    سی پی اوپشاور محمد علی گنڈاپور کا کہنا تھا کہ تفتان بارڈر سے آئے تمام زائرین کو قرنطینہ سینٹر میں منتقل کر دیا گیا ہے، تیار کئے گئے سوٹ قرنطینہ میں ڈیوٹی پراہلکاراستعمال کر رہے ہیں۔

    مزید پڑھیں : کورونا سے بچاؤ کیلئے پشاور پولیس کا بڑا کارنامہ

    محمد علی گنڈا پور کا مزید کہنا تھا کہ خصوصی پروٹیکشن سوٹ، پولیس لائن کے انٹری پوائنٹس، لاک ڈاؤن والے علاقوں اور مخصوص چیک پوائنٹس پر موجود اہلکاروں کو دیے جائیں گے۔

    گذشتہ روز وزیراعلیٰ خیبر پختونخواہ کی جانب سےصوبے کے کمزور طبقے کیلئے ریلیف پیکج کا اعلان کیا گیا تھا، محمودخان کا کہنا تھا کہ صوبےکی43فیصدآبادی پیکج سےمستفیدہوگی اور 19 لاکھ آبادی کواحساس پروگرام کےتحت5ہزارماہانہ ملیں گے۔

    وزیراعلیٰ کےپی کا کہنا تھا کہ پیکج ابتدائی 3ماہ کیلئےحالات کودیکھتےہوئےتوسیع بھی کی جاسکتی ہے، حکومت اس مقصد کیلئے11 ارب 60 کروڑروپے مہیا کرےگی۔

    حکومت نےکاروبائی طبقےکیلئےٹیکسزمیں 5ارب کی چھوٹ دی ہے، محکمہ صحت کےلئے 8ارب روپےکاامدادپیکج اور محکمہ ریلیف کے لئے6 ارب روپےپیکج کی منظوری دی گئی ہے، ضرورت پڑنےپرترقیاتی پروگرام سےبھی کٹوتی کی جاسکتی ہے۔

  • کرونا وائرس، پشاور میں آئندہ 2 ہفتے کے لیے دفعہ 144 نافذ

    کرونا وائرس، پشاور میں آئندہ 2 ہفتے کے لیے دفعہ 144 نافذ

    پشاور: کرونا وائرس کے پیش نظر پشاور میں آئندہ 2 ہفتے کے لیے دفعہ 144 نافذ کردی گئی جس کا نوٹیفکیشن بھی جاری کردیا گیا ہے۔

    اے آر وائی نیوز کی رپورٹ کے مطابق کرونا وائرس کے سبب پشاور میں آئندہ 2 ہفتے کے لیے دفعہ 144 کا نفاذ ہوگیا، ہر قسم کے سماجی، مذہبی یا دیگر تقریبات پر پابندی ہوگی، سرکاری یا ذاتی جگہوں پر مجمع اکٹھا کرنے پر بھی پابندی ہوگی۔

    ترجمان ضلعی انتظامیہ کا کہنا ہے کہ پابندی کا اطلاق 7 اپریل تک ہوگا، پابندی کا اطلاق اسپتالوں، کلینکس، لیبارٹریز پر نہیں ہوگا، فارماسیوٹیکل فیکٹری اور میڈیکل اسٹورز بھی کھلے رہیں گے۔

    نوٹیفکیشن کے مطابق ایک خاندان کے 2 افراد صرف اشیائے خوردونوش کی خریداری کے لیے مستثنیٰ قرار دئیے گئے ہیں۔

    مزید پڑھیں: لاک ڈاؤن مزید سخت، کراچی میں سناٹے کے ڈیرے

    واضح رہے کہ پاکستان میں کرونا وائرس کے مریضوں کی تعداد ایک ہزار 22 ہوگئی ہے، سندھ میں 413، پنجاب میں 310، بلوچستان میں 117 کرونا وائرس کے مریض ہیں۔

    اسی طرح گلگت بلتستان میں 81، پشاور میں 80، اسلام آباد 20 اور آزاد کشمیر میں ایک مریض ہے، گزشتہ روز دوپہر 12 بجے سے رپورٹ کیے گئے مریضوں کی تعداد 50 ہے، ملک میں کرونا وائرس سے انتقال کرجانے والوں کی تعداد 8 ہوگئی ہے۔

  • اے این ایف نے منشیات اسمگلنگ کرنے والے افغان باشندے کو گرفتار کرلیا

    اے این ایف نے منشیات اسمگلنگ کرنے والے افغان باشندے کو گرفتار کرلیا

    پشاور : بیساکھیوں میں چرس چھپا کر اسمگل کرنے والا معذور شخص پکڑا گیا، اے این ایف نے ملزم کو گرفتار کرکے اس کے قبضے سے منشیات برآمد کرلی۔

    منشیات کی اسمگلنگ کے اور بہت سے طریقے تو آپ نے سن رکھے ہوں گے لیکن بے ساکھیوں میں چھپا کر منشیات لے جانے کا واقعہ شاید پہلی بار سنا ہو، اے این ایف کے عملے نے کامیاب کارروائی کرکے منشیات اسمگل کرنے کی کوشش ناکام بنادی۔

    اینٹی نارکوٹکس فورس کو خفیہ اطلاع ملی تھی کہ پشاور سے کسی بھی وقت ٹیکسلا منشیات اسمگل کی جاسکتی ہے جس پر کارروائی کا آغاز کردیا اور مسافروں کی تلاشی کے عمل شروع کردیا۔

    کارروائی کے دوران ایک مسافر بس سے ایک معذور شخص کو اتارا، جو افغانستان کا رہائشی ہے، اس کی تلاشی لی گئی تو بات چیت کے دوران عملہ اس کی باتوں سے مطمئن نہ ہوا اور اس کی ہرزاویے سے تلاشی لی گئی۔

    اس دوران انکشاف ہوا کہ اس نے اپنی بے ساکھیوں میں انتہائی مہارت سے منشیات چھپا رکھی ہے، بعد ازاں ان میں سے ڈیڑھ کلو چرس برآمد کرلی گئی، اے این ایف نے منشیات اسمگلنگ کرنے والے افغان باشندے جمعہ گل کو گرفتار کرکے مقدمہ درج کرلیا، مزید تفتیش جاری ہے۔

  • خیبر پختون خوا کا کرکٹ بورڈ اگلے 2 یا 3 ماہ میں بن جائے گا: احسان مانی

    خیبر پختون خوا کا کرکٹ بورڈ اگلے 2 یا 3 ماہ میں بن جائے گا: احسان مانی

    پشاور: چیئرمین پاکستان کرکٹ بورڈ نے کہا ہے کہ لاہور سے بیٹھ کر خیبر پختون خوا میں کرکٹ نہیں چلائی جا سکتی، کے پی کا کرکٹ بورڈ اگلے 2 یا 3 ماہ میں بن جائے گا۔

    اے آر وائی نیوز کے مطابق چیئرمین پی سی بی احسان مانی نے میڈیا سے گفتگو کرتے ہوئے کہا ہے کہ پشاور کے اسٹیڈیم پر جس رفتار سے کام ہو رہا ہے اسے دیکھ کر خوشی ہوئی، خواہش ہے کہ پشاور کا اسٹیڈیم اگلے سال پی ایس ایل کے لیے تیار ہو جائے۔

    انھوں نے کہا کہ تمام صوبوں کا اپنا الگ ایک سسٹم ہونا چاہیے، اسٹیڈیم بنانا پی سی بی کا کام نہیں، کے پی حکومت کا شکر گزار ہوں کہ انھوں نے اسٹیڈیم بنایا، کراچی، بلوچستان، کے پی میں این سی اے بنا رہے ہیں، کے پی حکومت کی تعریف میں میرے پاس الفاظ نہیں، انھوں نے بڑا قدم اٹھایا ہے، کے پی میں بچوں کو ہم نے مواقع فراہم کرنے ہیں۔

    چیئرمین پی سی بی نے کہا کہ ہماری کوشش ہوگی کہ پی ایس ایل پشاور میں بھی ہو، کے پی میں جو بھی نئے کھلاڑی سامنے آئیں گے ان کی ٹریننگ یہیں ہوگی، خواہش ہے کہ پاکستان کے ہر حصے میں میچز ہوں، پہلے لاہور پھر کراچی میں میچز ہوئے، اب دیگر شہروں میں ہو رہے ہیں۔

    احسان مانی کا کہنا تھا کہ میرٹ بیس سسٹم لانا ہماری خواہش ہے، گراس روٹ، کلب کرکٹ سے ہی کرکٹ کو فروغ ملے گا۔ گزشتہ روز کے میچ پر تبصرہ کرتے ہوئے چیئرمین نے کہا کہ کرکٹ میں ہار جیت ہوتی ہے، بھارتی انڈر 19 ٹیم نے زیادہ اچھا کھیلا، باؤلنگ اور بیٹنگ دونوں ہم سے اچھی تھی۔

  • چھوٹے کاروباری طبقے کے 191 دکان داروں میں قرض حسنہ کے چیک تقسیم

    چھوٹے کاروباری طبقے کے 191 دکان داروں میں قرض حسنہ کے چیک تقسیم

    پشاور: خیبر پختون خوا میں چھوٹے کاروباری طبقے کے 191 دکان داروں میں قرض حسنہ کے چیک تقسیم کر دیے گئے۔

    تفصیلات کے مطابق وزیر اعلیٰ خیبر پختون خوا محمود خان نے دو سو کے قریب دکان داروں میں قرضہ حسنہ کے چیک تقسیم کیے، اس کا مقصد چھوٹے کاروباری طبقے کو اپنے کاروبار مضبوط کرنے میں مدد کی فراہمی ہے۔

    اے آر وائی نیوز کے مطابق وزیر اعلیٰ کے پی نے پہلے مرحلے میں 75 لاکھ 35 ہزار روپے کے بلا سود قرضے دیے، پروگرام کے مطابق سرمائے کی کمی کے شکار چھوٹے دکان داروں کو 15 سے 75 ہزار روپے قرضہ دیا جا رہا ہے۔

    محمود خان پشاور میں منعقدہ تقریب سے خطاب کرتے ہوئے

    وزیر اعلیٰ محمود خان کا کہنا تھا کہ پس ماندہ طبقے کو اپنے پاؤں پر کھڑا کرنا وزیر اعظم کی پالیسیوں کا محور ہے، اس پروگرام کا دائرہ کار دیگر اضلاع تک پھیلایا جائے گا، جو لوگ باوقار زندگی جینا چاہتے ہیں حکومت ان کی مدد کرے گی۔

    اس سلسلے میں پشاور میں منعقدہ ایک تقریب سے خطاب کرتے ہوئے محمود خان نے کہا کہ قرضوں کی فراہمی پبلک پرائیویٹ پارٹنر شپ کے تحت احساس پروگرام کا اہم حصہ ہے۔

    واضح رہے کہ گزشتہ برس مئی میں وزیر اعظم عمران خان نے احساس قرض حسنہ اسکیم کی منظوری دی تھی، اسکیم کے لیے اضافی 5 ارب روپے کی رقم مختص کی گئی تھی، اسکیم کے تحت نوجوانوں اور خواتین کو 80 ہزار تک قرض دیا جا رہا ہے۔ یہ منصوبہ بہ یک وقت چاروں صوبوں میں شروع کیا گیا، 26 وفاقی ادارے منصوبے کی تکمیل میں معاونت کر رہے ہیں۔

  • کے پی کے میں سیاحت کا فروغ : سیاحوں کی بڑی تعداد میں آمد

    کے پی کے میں سیاحت کا فروغ : سیاحوں کی بڑی تعداد میں آمد

    پشاور : محکمہ سیاحت خیبرپختونخوا کی سیاحت کے فروغ کی کوششیں رنگ لانے لگیں، وزارت سیاحت کی جانب سے بہتر انفراسٹرکچر اور بہترسہولتوں کی فراہمی کی بدولت سیاحوں کی تعداد میں اضافہ ہوا۔

    تفصیلات کے مطابق گلیات ڈویلپمنٹ اتھارٹی نے موسم سرما میں سیاحوں کی آمد پر اعداد وشمار جاری کردیے، رپورٹ میں کہا گیا ہے کہ پچھلے سال موسم سرما میں سیاحوں کی 26800 گاڑیوں کی گلیات آمد ہوئی۔

    گزشتہ سال ایک لاکھ 7ہزار 200سیاح گلیات پہنچے، رواں سیزن صرف دسمبر سے اب تک 69650 گاڑیاں گلیات میں داخل ہوئیں۔

    دو لاکھ58ہزار سیاح گلیات میں برفباری سے محظوظ ہوئے، اس حوالے سے سینئر وزیر سیاحت عاطف خان کی جی ڈی اے کو بہترین سہولت جاری رکھنے کی ہدایت کی ہے۔

    ان کا کہنا تھا کہ صفائی یقینی بنائیں، کچرا پھیلانے والوں سے بھاری جرمانے وصول کریں، ریسٹورنٹس پر صفائی اور سیاحوں کو معیاری خواراک کی فراہمی یقینی بنایا جائے۔

    مزید پڑھیں: سعودی عرب کی دلچسپی کے پیش نظر سیاحت پر خصوصی توجہ دی جائے: وزیر اعظم

    یاد رہے کہ وزیر اعظم عمران خان نے پشاور کے دورے کے موقع پر صوبائی حکومت کو ہدایت کی تھی کہ سعودی عرب نے سیاحت کے شعبہ میں سرمایہ کاری اور دلچسپی کا اظہار کیا ہے، لہٰذا پختونخواہ حکومت سیاحت پر خصوصی توجہ دے تاکہ سیاحت کی استعداد بروئے کار لائی جاسکے۔

  • پشاور، سی این جی بھرتے ہوئے گاڑی میں ہولناک دھماکا، خاتون جاں بحق

    پشاور، سی این جی بھرتے ہوئے گاڑی میں ہولناک دھماکا، خاتون جاں بحق

    پشاور: خیبر پختون خوا کے دار الحکومت پشاور کے علاقے خزانہ میں سی این جی اسٹیشن میں فلنگ کے دوران دھماکا ہوا، جس کے نتیجے میں ایک خاتون جاں بحق جب کہ 3 افراد زخمی ہو گئے۔

    تفصیلات کے مطابق پشاور کے علاقے خزانہ میں گاڑی میں سی این جی بھرتے ہوئے دھماکا ہوا، ریسکیو کا کہنا ہے کہ دھماکا گاڑی میں ہوا، جس میں تین افراد زخمی ہو گئے ہیں جب کہ ایک خاتون جاں بحق ہو گئی۔

    اے آر وائی نیوز کے مطابق فلنگ اسٹیشن پر کار میں گیس بھری جانے لگی، اس دوران اچانک زوردار دھماکے سے کار کے پچھلے حصے کے پرخچے اڑ گئے، کار میں موجود خاتون شدید زخموں کی تاب نہ لا کر جاں بحق ہو گئی۔

    ریسکیو کا کہنا ہے کہ زخمی ہونے والے تین افراد کو فوری طور پر طبی امداد کے لیے اسپتال منتقل کر دیا گیا ہے، فوری طور پر دھماکے کی وجہ سامنے نہیں آ سکی ہے۔

    اطلاعات کے مطابق زخمیوں میں کار سوار افراد کے ساتھ سی این جی اسٹیشن پر گیس بھرنے والا شخص بھی شامل ہے۔

  • پشاور : شادی کی تقریب میں جھگڑا، فائرنگ سے دولہا جاں بحق

    پشاور : شادی کی تقریب میں جھگڑا، فائرنگ سے دولہا جاں بحق

    پشاور : خواتین کی ویڈیو اور تصاویر بنانے کے معاملے نے دولہا کو موت کے گھاٹ اتار دیا، ملزمان فرار ہونے میں کامیاب ہوگئے، ملزمان میں مقتول کا بہنوئی بھی شامل ہے۔

    تفصیلات کے مطابق پشاور کے علاقے مضافاتی علاقے سردار گڑھی کے محلے چغل پورہ میں ایک شادی کی تقریب کے دوران خواتین کی تصاویر اور ویڈیو بنانے پر جھگڑا ہوگیا.

    بات تلخ کلامی سے بڑھ کر ہاتھا پائی اور پھر اسلحے تک پہنچ گئی، جھگڑے کے دوران فائرنگ سے دولہا عابد جاں زخمی ہوگیا جسے طبی امداد کیلیے لے جایا رہا تھا کہ اس نے راستے میں ہی دم توڑ دیا، واقعے کے بعد ملزمان جائے وقوعہ سے فرار ہوگئے۔

    پولیس نے لاش کو تحویل میں لے کر قانونی کارروائی کے بعد اسپتال منتقل کردی، اس حوالے سے پولیس کا کہنا ہے کہ ملزمان کے نام شہزاد، شبیر اور شاہ فہد ہیں اور ان میں ایک ملزم مقتول کا بہنوئی بھی ہے۔

     ملزمان کی گرفتاری کے لیے پولیس نے خصوصی ٹیم متشکیل دے دی ہے جو مختلف مقامات پر چھاپے مار رہی ہے۔