پشاور: زرعی ڈائریکٹوریٹ پر حملے کے بعد ڈائریکٹوریٹ پر خواتین کی اسنیپ چیکنگ کیلئے خواتین سیکورٹی اہلکار تعینات کردی گئیں۔
تفصیلات کے مطابق زرعی ڈائریکٹوریٹ پرحملے کے بعد سیکیو رٹی کو فول پروف بنانے کیلئے اقدامات کئے جارہے ہیں، اسنیپ چیکنگ کیلئے خواتین اہلکار تعینات کردی گئیں۔
ایس ایس پی آپریشنز کا کہنا ہے کہ خواتین اہلکاروں کی تعیناتی سے خواتین سے پوچھ گچھ میں آسانی ہوگی، خواتین اہلکار وں کی تعیناتی فیز تھری چیک پوسٹ پرکی گئی ہے۔
ایس ایس پی آپرینشز کا کہنا ہے کہ زرعی ڈائریکٹوریٹ میں حملہ آور برقعہ پہن کر آئے تھے۔
یاد رہے کہ پشاور میں زرعی ڈائریکٹوریٹ پردہشت گردوں کے حملے میں 9 افراد شہید، 35 زخمی ہوگئے تھے جبکہ تینوں دہشت گردوں کو ہلاک کردیا گیا تھا۔
ملے میں ہلاک ہونے والے دہشت گردوں کے پاس سے 3 خودکش جیکٹس، 8 دستی بم، 2 آئی ای ڈیزبم، متعدد کلاشنکوف کے علاوہ دیگر دہشت گردی کا سامان برآمد کیا گیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیاہے تواسے اپنی فیس بک وال پر شیئر کریں۔
واشنگٹن : امریکہ نے پشاور می زرعی ڈائریکٹوریٹ پردہشت گردوں کے حملے کی مذمت کی اور شہدا کے لواحقین سے اظہار یکجہتی کی ہے۔
تفصیلات کے مطابق ترجمان امریکی محکمہ خارجہ نے زرعی ڈائریکٹوریٹ پشاورپردہشت گرد حملے کے لواحقین سے اظہار یکجہتی کرتے ہوئے کہا کہ زخمیوں کی صحت یابی کے لیے دعاگو ہیں۔
ترجمان امریکی محکمہ خارجہ کا کہنا ہے کہ دکھ کی گھڑی میں پاکستانی حکومت وعوام کےساتھ ہیں۔ انہوں نے کہا کہ
دہشت گردی کےخلاف جنگ میں پاکستان ،اتحادیوں کےساتھ کام جاری رکھیں گے۔
خیال رہے کہ گزشتہ روز پشاور میں زرعی ڈائریکٹوریٹ پردہشت گردوں کے حملے میں 9 افراد شہید اور 35 زخمی ہوئے تھے جبکہ تینوں دہشت گرد مارے گئے تھے۔
حملے میں ہلاک ہونے والے دہشت گردوں کے پاس سے 3 خودکش جیکٹس، 8 دستی بم، 2 آئی ای ڈیزبم، متعدد کلاشنکوف کے علاوہ دیگر دہشت گردی کا سامان برآمد کیا گیا تھا۔
یاد رہے کہ گزشتہ روز ڈی جی آئی ایس پی آرمیجرجنرل آصف غفور کا کہنا تھا کہ پشاور میں حملہ کرنے والے دہشت گرد افغانستان میں اپنے ساتھیوں سے رابطے میں تھے۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
پشاور: صوبہ خیبرپختونخواہ کے دارالحکومت پشاور میں زرعی ڈائریکٹوریٹ پر دہشت گردوں کے حملے کا مقدمہ سی ٹی ڈی میں درج کرلیا گیا۔
تفصیلات کے مطابق پشاور میں زرعی ڈائریکٹوریٹ پر دہشت گردوں کے حملے کا مقدمہ ایس ایچ او ٹاؤن کی مدعیت میں سی ٹی ڈی میں درج کرلیا گیا۔
ٹاؤن پولیس نے سی ٹی ڈی میں مقدمے کے لیے پہلےمراسلہ ارسال کیا تھا، سی ٹی ڈی تھانے نے مراسلے کی بنیاد پردہشت گردی دفعات کے تحت مقدمہ درج کیا۔
پولیس حکام کا کہنا ہے کہ دہشت گردوں کے زیراستعمال رکشہ کو فرانزک کے لیے بھیجا جائے گا اور جائے وقوع سے ملنے والے خول، اسلحہ وبارود کی بھی فرانزک کی جائے گی۔
پولیس کے مطابق دہشت گرد حملے میں زخمی ہونے والوں کے بیانات ریکارڈ کرلیے گئےہیں۔
خیال رہے کہ گزشتہ روز پشاور میں زرعی ڈائریکٹوریٹ پردہشت گردوں کے حملے میں 9 افراد شہید اور 35 زخمی ہوئے تھے جبکہ تینوں دہشت گرد مارے گئے تھے۔
یاد رہے کہ گزشتہ روز ڈی جی آئی ایس پی آرمیجرجنرل آصف غفورکا کہنا تھا کہ پشاور میں حملہ کرنے والے دہشت گرد افغانستان میں اپنے ساتھیوں سے رابطے میں تھے۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
پشاور: تحریک انصاف کے چیئرمین عمران خان سسٹم کوٹھیک کرنے کے لیے ایک جنگ ہوگی، خیبرپختونخواہ پولیس اور پاک فوج نے بروقت کارروائی کرتے ہوئے پشاور کو بڑے واقعے سے بچا لیا۔
سیرت النبی ﷺ سے خطاب کرتے ہوئے عمران خان کا کہنا تھا کہ ’پاکستان میں سٹم ٹھیک کرنےکےبجائےبگاڑدیاگیا، 1970 تک اردو میڈیم اسکولوں سے سےبہترین ٹیلنٹ سامنے آتا تھا مگر اب ایسا نہیں ہورہا، ہم سب کو مل کر سسٹم کو ٹھیک کرنے کے لیے جنگ کرنا ہوگی۔
اُن کا کہنا تھا کہ ہم خیبرپختونخواہ میں غریب طبقےکو اوپر لے کرآئے مگر ابھی مدارس کے بھی 24لاکھ بچوں کوبھی اوپرلانا باقی ہے، آئندہ آنے والے وقتوں میں مدارس کے طلبہ ڈاکٹر اور انجینئر بنیں گے۔
زرعی یونیورسٹی پر ہونے والے حملے سے متعلق عمران خان کا کہنا تھا کہ صوبائی پولیس اورفوج نے پشاور کو بڑے واقعےسےبچالیا، کمانڈوز کی بہترین تربیت ہوئی جس کا عملی نمونہ آج دیکھنے میں آیا کیونکہ پولیس نے دہشت گردوں کے خلاف بروقت کارروائی کی۔
تحریک انصاف کے چیئرمین کا کہنا تھا کہ ’حضرت محمدﷺکی زندگی ہمارے لیے عملی نمونہ ہے، صادق اور امین شخص کسی سے نہیں ڈرتا اور ایسا ہی انسان بڑا لیڈر ثابت ہوتا ہے‘۔
اُن کا مزید کہنا تھا کہ ’پاکستان میں جس کے پاس لاٹھی اُسی کی بھینس ہے اس لیے ملک میں غریب اور امیر کے لیے علیحدہ علیحدہ قوانین ہیں، ہم ملک میں عدل و انصاف کا نظام لانا چاہتے ہیں‘۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
پشاور: صوبہ خیبرپختونخواہ کے دارالحکومت پشاور میں زرعی ڈائریکٹوریٹ پردہشت گردوں کے حملے میں 9 افراد شہید، 35 زخمی ہوگئے جبکہ تینوں دہشت گردوں کو ہلاک کردیا گیا۔
تفصیلات کے مطابق پشاور میں زرعی ڈائریکٹوریٹ پردہشت گردوں کے حملے کے نتیجے میں 9 افراد شہید جبکہ 35 افراد زخمی ہوگئے، سیکورٹی فورسز کی کارروائی میں تمام دہشت گرد مارے گئے۔
حملے میں ہلاک ہونے والے دہشت گردوں کے پاس سے 3 خودکش جیکٹس، 8 دستی بم، 2 آئی ای ڈیزبم، متعدد کلاشنکوف کے علاوہ دیگر دہشت گردی کا سامان برآمد کیا گیا۔
آئی ایس پی آر
پاک فوج کے شعبہ تعلقات عامہ آئی ایس پی آر کے مطابق دہشت گردوں نے زرعی یونیورسٹی ڈائریکٹوریٹ پرحملہ کیا، پاک فوج کے جوان فوراً موقع پرپہنچے۔
آئی ایس پی آر کے مطابق ذرعی ڈائریکٹوریٹ پر حملہ کرنے والے تمام دہشت گرد مارے گئے جبکہ آپریشن میں 2 جوان زخمی ہوئے جنہیں سی ایم ایچ اسپتال پشاور منتقل کردیا گیا ہے۔
آئی ایس پی آر کے مطابق ذرعی ڈائریکٹوریٹ میں کلیئرنس آپریشن بھی مکمل کرلیا گیا۔
پاک فوج کے شعبہ تعلقات آئی ایس پی آر کا کہنا ہے کہ ہاسٹل سے 8 طلبہ کو بحفاظت نکال لیا گیا جبکہ علاقے کی فضائی نگرانی بھی کی گئی۔
دوسری جانب واقعے کے زخمیوں کو طبی امداد کے لیے خیبرٹیچنگ اسپتال منتقل کردیا گیا اور اسپتال میں ایمرجنسی نافذ کردی گئی ہے۔
اسپتال انتظامیہ کے مطابق واقعے میں 9 افراد شہید، 35 زخمی ہیں جنہیں اسپتال منتقل کیا گیا جبکہ حیات آباد میڈیکل کمپلیکس میں 6 اور خیبرٹیچنگ اسپتال میں3 لاشیں لائی گئیں۔
ترجمان خیبرٹیچنگ اسپتال کا کہنا ہے کہ زخمیوں میں 10 طالب علم، چوکیدار، صحافی اور ایس ایچ او سمیت 35 افراد زخمی ہیں۔
پولیس حکام کے مطابق زرعی ڈائریکٹوریٹ میں 3 نقاب پوش مسلح افراد نے حملہ کرکے فائرنگ شروع کردی۔
واقعے کی اطلاع ملتے ہی پولیس اور سیکورٹی فورسز جائے وقوعہ پر پہنچیں جبکہ یونیورسٹی روڈ کو ٹریفک کے لیے بند کردیا گیا۔
آئی جی خیبرپختونخواہ صلاح الدین محسود نے اے آروائی نیوز سے گفتگو کرتے ہوئے بتایا کہ حملہ آوروں کی تعداد 3 ہے جبکہ حملہ آوربر قعہ پہن کررکشے میں آئے۔
یاد رہے کہ 24 نومبر کو پشاور کےعلاقے حیات آباد میں پولیس کی گاڑی کے قریب دھماکے کے نتیجے میں ایڈیشنل آئی جی اشرف نور اور ان کے محافظ شہید جبکہ 6 اہلکار زخمی ہوگئے تھے۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
پشاور: وزیراعظم شاہد خاقان عباسی سمیت سیاسی رہنماؤں نے پشاور زرعی ڈائریکٹوریٹ پرہونے والے حملے میں شہید افراد کے لواحقین سےتعزیت کی ہےاورقیمتی جانوں کے ضیاع پراظہارافسوس کیا ہے۔
تفصیلات کے مطابق وزیراعظم شاہد خاقان عباسی نے پشاور زرعی ڈائرریکٹوریٹ پر دہشت گردوں کے حملے کی شدید مذمت کرتے ہوئے کہا ہے کہ شہدا، زخمیوں کےاہل خانہ کےغم میں برابرکے شریک ہیں۔
پاکستان تحریک انصاف کے سربراہ عمران خان نے ٹویٹر پر اپنے پیغام میں ایگریکلچرٹریننگ انسٹیٹیوٹ پشاورمیں دہشت گردی کی مذمت کرتے ہوئے کہا کہ خون کی ہولی کھیلنے والےانسانیت اوراسلام دونوں کے دشمن ہیں۔
عمران خان نے بڑے نقصان سے محفوظ رکھنے پراللہ کا شکرادا کرتے ہوئے دہشت گردوں کوکیفرکردارتک پہنچانے والےجوانوں کو خراج تحسین پیش کیا۔
پاکستان تحریک انصاف کے سربراہ نے اپنی ایک اور ٹویٹ میں کہا کہ پولیس کی پیشہ وارانہ بنیادوں پرتشکیل نوبارآورثابت ہورہی ہے، حملے کوممکنہ طورپرکم ازکم وقت میں ناکام بنانا باعث اطمینان ہے۔
انہوں نے کہا کہ واقعےکے حقیقی ذمہ داروں تک رسائی کے لیے جامع تحقیقات کی جائیں اورحکومت زخمیوں کے لیے علاج معالجے کی بہترین سہولتیں فراہم کرے۔
عمران خان نے شہدا کے لواحقین سے مکمل یکجہتی کا اظہارکیا اور حملےکا نشانہ بننے والوں کی جلد اورمکمل شفایابی کے لیے دعا کی۔
گورنرخیبرپختونخواہ اقبال ظفرجھگڑا نے پشاورحملےکی مذمت کرتے ہوئے کہا کہ سیکیورٹی فورسزنے حملہ ناکام بناتے ہوئے بڑی تباہی سے بچا لیا۔
انہوں نے کہا کہ دہشت گردوں کے ناپاک عزائم کامیاب نہیں ہونے دیں گے، پاکستان کو دہشت گردی سے پاک کرکے دم لیں گے۔
پاکستان تحریک انصاف کے رہنما جہانگیر ترین نے بھی ٹویٹر پر اپنے پیغام میں زرعی ڈائریکٹوریٹ میں وحشیانہ کارروائی کی مذمت کرتے ہوئے کہا کہ شہدا، زخمیوں کےاہل خانہ کےغم میں برابرکے شریک ہیں۔
انہوں نے کہا کہ اللہ تعالیٰ شہدا، زخمیوں کے خاندانوں کو صبرعطا کرے۔
واضح رہے کہ پشاور زرعی ڈائریکٹوریٹ پردہشت گردوں کے حملے میں 9 افراد شہید، 35 زخمی ہوگئے جبکہ پانچوں دہشت گردوں کو ہلاک کردیا گیا۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
پشاور : عدالت نے اسکولوں کی ماہانہ فیسیں تین فیصد سے زیادہ بڑھانے پر پابندی عائد کردی اس کے علاوہ چھٹیوں کے دوران طلبہ سے ٹرانسپورٹ فیس بھی نہیں لی جا سکے گی۔
تفصیلات کے مطابق پشاور ہائیکورٹ نے والدین کی فریاد سن لی، نجی تعلیمی ادارے طلباو طالبات کی ماہانہ فیسیں تین فیصد سے زیادہ نہیں بڑھاسکتے۔
چھٹیوں کے دوران طلبہ سے ٹرانسپورٹ فیس لینے پر بھی پابندی ہوگی، فیسوں میں اضافے سے متعلق تفصیلی فیصلہ سنا دیا گیا۔ پشاور ہائیکورٹ نے مہنگے نجی اسکولوں کو لگام ڈال دی۔
عدالت عالیہ نے حکم جاری کیا ہے کہ نجی تعلیمی ادارے فیسوں میں تین فیصد سے زیادہ اضافہ نہیں کر سکتے۔ اضافی فیس لینے والے اسکول کے خلاف علاقے کا تھانیدار کارروائی کر سکے گا۔
اس کے علاوہ چھٹیوں کے دوران طلبہ سے ٹرانسپورٹ فیس لینے پر پابندی عائد کردی گئی ہے۔ اسکولوں کے سمر کیمپ بھی بند کردیئے گئے۔
عدالت نے تفصیلی فیصلے میں ریگولیٹری اتھارٹی کی منظوری کے بغیر نئے نجی تعلیمی ادارے کھولنے پرپابندی لگا دی ہے۔
اسکول وینوں کے المناک حادثے روکنے کیلئے عدالت کا کہنا ہے کہ پبلک ٹرانسپورٹ سے لٹک کر جانے پر اسکول مالکان کا چالان ہوگا، ٹریفک اہلکار اساتذہ اور پرنسپل کو بھی چالان دینے کےمجاز ہوں گے۔
پشاور: جمعیت علماء اسلام (ف) کے سربراہ مولانا فضل الرحمان نے کہا ہے کہ اتفاق رائے سے اسمبلیاں تحلیل کرنے کی بات مضحکہ خیز ہے، یہ لوگ کل کہیں گے اتفاق رائے سے جمہوریت لپیٹ دینی چاہئے۔
ان خیالات کا اظہارانہوں نے پشاور میں پریس کانفرنس سے خطاب کرتے ہوئے کیا، مولانا فضل الرحمان نے کہا کہ فاٹا کنونشن میں صوبے پر اتفاق کرنے والے اب پیچھے کیوں ہٹ رہے ہیں؟ فاٹا کے مسئلے کا ازسر نو جائزہ لیا جائے۔
انہوں نے کہا کہ فاٹا کو الگ صوبہ بنانے یا انضمام کے لیے جرگہ ہورہا ہے، جرگے کا جو بھی فیصلہ ہوگا اس کو قبول کیا جائے، حکومت فاٹا کو مین اسٹریم میں لانے کی بات کی اب پیچھے ہٹ گئی، حکومت نے رواج ایکٹ کی بات کی اس سے بھی پیچھے ہٹ گئی ہے۔
مولانا فضل الرحمان نے کہا کہ فاٹا کے قبائل ایسے نہیں جیسے ان کو دکھایا جاتا ہے، فاٹا کا خیبر پختونخوا میں انضمام عوام کی رائے نہیں، فاٹا کی عوام نے بھی جرگے کے فیصلے کی حمایت کی ہے۔
سربراہ جے یو آئی (ف) نے کہا کہ حکومت بھی فاٹا سے متعلق فراخدلی کا مظاہرہ کرے، فاٹا معاملے پر اب تک کئے گئے تمام اقدامات مسترد کرتے ہیں۔
واضح رہے کہ پاکستان تحریک انصاف کے چیئرمین عمران خان نے کہا تھا کہ فضل الرحمان اور محمود خان اچکزئی فاٹا کے انضمام میں رکاوٹ بنے ہوئے ہیں، ان دونوں نے عوام پر ظلم کیا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
پشاور : بلیو وہیل گیم کی تباہ کن انٹری سے نوجوانوں کو بچانے کیلئے پشاور کا نوجوان میدان میں آگیا، اینٹی بلیو وہیل گیم بنا کرتوڑ نکال لیا۔
تفصیلات کے مطابق پشاور کے ایک ہونہار نوجوان وسیم گل نے دنیا بھر میں دہشت پھیلانے والے گیم بلیو وہیل کا توڑ نکال کر سب کو خوشگوار حیرت میں مبتلا کردیا ہے، یہ کھیل لوگوں کو خود کشی کی طرف مائل کرنے کے حوالے سے مشہور ہے جبکہ نیا کھیل اینٹی بلیو وہیل لوگوں میں جینے کی نئی امنگ پیدا کرتا ہے۔
نمائندہ اے آر وائی نیوزعثمان علی سے گفتگو کرتے ہوئے اٹھارہسالہ طالب علم وسیم گل کا کہنا تھا کہ بیلو وہیل ایک کلر گیم ہے جو لوگوں کو موت کی جانب دھکیلتا ہے۔
تو میں نے سوچا کیوں نہ ایک ایسا گیم بناؤ ں جو زندگی کی اہمیت کو اجاگر کرے، تو اسی لئے میں ایک ایپ بنائی ہے، جس کا نام اینٹی بلیو وہیل ہے۔
پشاور کے نوجوانوں کو بلیو وہیل گیم سے متاثر ہوتا دیکھ کر وسیم نے اس کا حل نکالنے کا فیصلہ کیا، اس کے علاوہ نوجوان وسیم ملک سے کرپشن کے خاتمے کیلئے بھی ایپلیکیشن بنانے کا ارادہ رکھتا ہے۔
پشاور: عوامی نیشنل پارٹی کے سربراہ اسفند یار ولی نے کہا ہے کہ عمران خان کا مقصد اسلام آباد ہے، عمران خان کا جھگڑا تخت اسلام آباد کے لیے ہے پشاور کے لیے نہیں۔
پشاور میں تقریب سے خطاب کرتے ہوئے اسفند یار ولی نے کہا کہ پاکستان اور افغانستان مسائل کا حل مل بیٹھ کر نکالیں، دونوں ممالک نے کوئی حل نہ نکالا تو حالات خوفناک ہوں گے، دونوں ملکوں کو غلط فہمیاں دور کرنی چاہئیں۔
انہوں نے کہا کہ فرنگی قوم کی لکیر ختم کریں گے، فاٹا کے پی کے میں ضم کریں گے، خان صاحب ساڑھے چار سال آپ کی حکومت کو ہوچکے ہیں، صحت و تعلیم کے محکمے میں سارے لوگ پنجاب سے لائے گئے۔
اسفند یار ولی نے کہا کہ امن کے بغیر اسکول اور سڑک کا فائدہ نہیں، جوش اچھا ہے لیکن اس کے ساتھ ہوش بھی ہونا چاہئے، جذبات سے جو فیصلے کئے جائیں اس پر پچھتاوا ہوتا ہے۔
سربراہ عوامی نیشنل پارٹی نے کہا کہ 26 اکتوبر بلے کو دریا میں بہا کر میانوالی پہنچانا ہے، سوچ سمجھ کر وعدہ کریں کہ چھبیس اکتوبر کو ووٹ ڈالنے نکلیں گے، ہم نے صوبے کو خود مختاری دی، اختیارات مرکز منتقل کئے۔
واضح رہے کہ 26 اکتوبر کو این اے 4 میں ضمنی الیکشن ہونے جارہے ہیں، قومی اسمبلی کی یہ نشست پاکستان تحریک انصاف کے رہنما گلزار خان کی وفات کے باعث خالی ہوئی تھی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
