Tag: peshawar

پشاور: سیکیورٹی اداروں نے دہشتگردی کا بڑامنصوبہ ناکام بنادیا

پشاور: سیکیورٹی اداروں نے رحمان بابا قبرستان میں دہشتگردی کا بڑا منصوبہ ناکام بنا دیا۔

پشاور دہشتگردوں کے نشانے پر ہیں، دہشتگردوں نے ایک بار پھر شہر میں دہشتگردی کا منصوبہ بنایا تھا، جسے سیکیورٹی اداروں نے ناکام بنادیا۔

رحمان بابا قبرستان کے راستے میں بم ملنے کی اطلاع پر سیکیورٹی فورسز نے علاقے کو گھیرے میں لے لیا جبکہ بم ڈسپوزل اسکواڈ نے جائے وقوعہ پر پہنچ کر بم کو ناکارہ بنادیا۔

سیکیورٹی حکام کے مطابق بم ریموٹ کنٹرول تھا اور ڈیڑھ کلو بارودی مواد نصب کیا گیا تھا۔

رحمان بابا قبرستان میں مقامی شخص کی تدفین ہونی تھی، جس میں ہزاروں افراد نے شرکت کرنا تھی۔

فروری 16, 2015
عمران خان کو حیات آباد جانے سے روک دیا گیا

پشاور: عمران خان سیکورٹی حکام نے کو حیات آباد جانے سے روک دیا، تفصیلات کے مطابق پاکستان تحریک انصاف کے سربراہ عمران خان حیات آباد میں امام بارگاہ میں خود کش حملے کی اطلاع ملتے ہی جائے وقوعہ کیلئے روانہ ہوئے، خیبر پختونخواہ کے وزیراعلیٰ پرویزخٹک بھی ان کے ہمراہ تھے۔

عمران خان کا قافلہ جب یونیورسٹی روڈ پر پہنچا تو حفاظتی اقدامات کے پیش نظر سیکیورٹی حکام نے انہیں آگے جانے سے روک دیا، جس کے بعد عمران خان وزیر اعلیٰ ہاؤس چلے گئے ، جہاں وہ مانیٹرنگ روم میں واقعے کی تمام صورتحال کا جائزہ لے رہے ہیں۔

واضح رہے کہ حیات آباد پشاور میں پاسپورٹ آفس کے قریب امام بارگاہ مسجد میں ایک سے زائد دھماکے ہوئے، جس کے نتیجے میں 10افراد جاں بحق جبکہ 45افراد زخمی ہوگئے۔

دھماکہ اتنا زور دار تھا کہ آواز دور دور تک سنی گئی ، دھماکے کے بعد علاقے میں خوف و ہراس پھیل گیا ہے، جبکہ پشاور کے اسپتالوں میں ایمرجنسی نافذ کردی گئی ہے۔

جائے وقوعہ پر امدادی کارروائیوں کا سلسلہ جاری ہے۔پولیس اور قانون نافذ کرنے والے ادارے نے موقع پر پہنچ کر علاقے کو گھیرے میں لے لیاہے، جبکہ پاک فوج کے دستوں نے علاقے کا کنٹرول سنبھال لیا ہے۔

فروری 13, 2015
پشاور: اسلحے سے بھرا ٹرک پکڑا گیا،2ملزم گرفتار، اسلحہ اور گولہ بارود برآمد

خیبرپختونخوا: پشاور اور مانسہرہ میں پولیس کی کارروائیوں میں چار افراد کو گرفتار کر کے بھاری تعداد میں اسلحہ اور گولہ بارود برآمد کر لیا ہے۔

خیبرپختونخوا پولیس نے پشاور اور مانسہرہ میں دو الگ الگ کارروائیوں کے دوران اسلحہ اسمگل کرنے کی کوشش ناکام بناتے ہوئے چار افراد کو گرفتار کر کے بھاری تعداد میں اسلحہ اور گولہ بارود قبضے میں لے لیا ہے۔

اسلحہ سے بھرے ٹرک کو درہ آدم خیل سے پشاور لانے کی کوشش بڈھ بیر پولیس نے ناکام بنائی، پنجاب میں دہشتگردی کی غرض سے سمگل کئے جانیوالا اسلحے سے بھرا ٹرک پشاور پولیس نے قبضے میں لے لیا ہے، پولیس نے ٹرک کی تلاشی کے دوران 50 کلاشنکوف، 600 بندوق اور 2000 کارتوس برآمد کرکے ڈرائیور سمیت 2 افراد کو گرفتار کرلیا ہے، ملزمان کا تعلق لکی مروت سے ہے۔

ایس ایس پی پشاور ڈاکٹر سعید نے پریس کانفرنس کے دوران بتایا کہ اسلحے کے ڈیلر کیخلاف مقدمہ درج کرلیا گیا ہے اور غیر قانونی اسلحہ رکھنے والوں ڈیلروں کیخلاف بھی کریک ڈاؤن جاری ہے۔

دوسری جانب بٹگرام کے علاقے پائمال میں سیکورٹی فورسز اور پولیس نے مشترکہ کارروائی کرتے ہوئے دو مشکوک افراد کو گرفتار کر کے بھاری تعداد میں اسلحہ اور گولہ بارود برآمد کر لیا ہے۔

فروری 11, 2015
آرمی پبلک اسکول حملے میں ملوث 5 دہشتگردوں کی شناخت ہو گئی

کراچی: پشاورآرمی پبلک اسکول حملے میں ملوث سات میں سے پانچ دہشتگردوں کی شناخت ہو گئی۔

ذرائع کے مطابق شناخت ہونے والے سارے دہشتگرد پاکستانی تھے جبکہ دو دہشتگردوں کی ابھی تک شناخت نہیں ہوسکی۔

سانحہ پشاور میں ملوث سات میں سے پانچ دہشت گردوں کی شناخت ہوگئی ہے۔

ذرائع کا کہنا ہے پانچ دہشت گرد پاکستانی تھے ،دو دہشت کی شناخت نہیں ہوسکی ہے ۔

ذرائع کا کہنا ہے دہشت گردوں کو ہدایت دینے والے ما سٹر مائنڈ کا بھی سراغ لگا لیا گیا ہے۔

ذرائع کا مطابق ماسٹر مائنڈ افغانستان سے حملہ آوروں کو ہدایات دیتا رہا تھا۔

فروری 9, 2015
پشاور: پانچ دستی بم برآمد علاقے میں خوف و ہراس پھیل گیا

پشاور: کھیتوں میں سےپانچ دستی بم برآمد ،علاقے میں خوف ہراس پھیل گیا، تفصیلات کے مطابق پشاور کے علاقے ناصر باغ سےپانچ دستی بم برآمد ہوئے ہیں۔.

مذکورہ بم ناصر باغ کے کھیتوں سے بر آمد ہوئے ، اطلاع ملتے ہی بم ڈسپوزل اسکواڈ کوطلب کر لیا گیا ہے،بم کی اطلاع ملنے پرعلاقے میں خوف و ہراس پھیل گیا.

آخری اطلاعات ملنے تک بم ڈسپوزل اسکواڈ کا عملہ مزکورہ مقام پر پہنچ گیا تھااور بموں کو ناکارہ بنانے کیلئے کارروائی جاری ہے ،

فروری 8, 2015
انسداد دہشت گردی کی عدالت نے مولا نا صوفی محمد پر فرد جرم عائد کردی

پشاور: انسداد دہشت گردی کی خصوصی عدالت نے کالعدم نفاذ شریعت محمدی کے امیر مولا نا صوفی محمد پر فرد جرم عائد کردی ہے۔

تفصیلات کے مطابق پشاور سینٹرل جیل میں لگائی گئی انسداد دہشت گردی کی عدالت نے کالعدم تحریک نفاذ شریعت محمدی کے سربراہ مولانا صوفی محمد پر غیر قانونی جلسہ کیس میں فرد جرم عائد کردی ہے ۔

صوفی محمد سمیت ان کے دو بیٹوں اور کمانڈر سفیر اللہ کو بھی اس مقدمے میں نامزدکیا گیا ہے۔ غیر قانونی جلسے، کار سرکار میں مداخلتاور دہشت گردی کے تین مقدمات پشاور سینٹرل جیل میں زیر سماعت ہیں۔

واضح رہے کہ صوفی محمد کا تعلق کالعدم نفاذ شریعت محمدی سے ہے صوفی محمدکے دو بیٹے اور کمانڈر سفیر اللہ بھی مقدمے میں نامزد ہیں

فروری 7, 2015
پشاور:عمارت کی چھت گرنے سے متعدد افراد زخمی

پشاور: پشنخرہ میں عمارت کی چھت گرنے سے متعدد افراد زخمی، تفصیلات کے مطابق پشاور کے علاقے پشنخرہ میں عمارت کی چھت گر گئی، جس کےباعث عمارت میں رہائش پزیر متعدد افراد زخمی ہوگئے۔

اب تک موصول ہونے والی اطلاعات کے مطابق عمارت کے ملبے کے نیچے کئی افراد ابھی بھی موجود ہیں جن کو نکالنے کیلئے امدادی کارروائیاں جاری ہیں، تاہم ابھی تک عمارت کی چھت گرنے کی وجہ سامنے نہیں آسکی۔

فروری 3, 2015
پشاور : مغوی بچہ بازیاب:ملزمان فرار

پشاور : دو کروڑ روپے تاوان کےلئے اغواء کیا جانے والا چار سالہ بچہ بازیاب کرالیا گیا ، واردات میں ملوث اسکول ٹیچر سمیت دیگر ملزمان کی گرفتاری کے لئےچھاپے مارے جارہے ہیں۔

تفصیلات کے مطابق ڈیڑھ ماہ قبل پشاور سے اغوا کیا گیا چار سالہ بچہ بازیاب کرالیا گیا بچے کی بازیابی کیلئے دو کروڑ روپے تاوان طلب کیا گیا تھا۔ ملزمان فرار ہونے میں کامیاب ہوگئے۔

اے ایس پی فرقان بلال کے مطابق پولیس نے ملزمان کی کال ریکارڈ کرکے ان کا ٹھکانہ معلوم کیا اور چھاپہ مار کر بچے کو بغیر تاوان کے بازیاب کرایا۔

اے ایس پی کا کہنا تھا کہ بچے کے اغوا میں سیمی نامی خاتون ٹیچر بھی شامل ہے۔ بچے کے والد کے دوست نے میڈیا سے گفتگو میں بتایا کہ بچے کو پندرہ دسمبر کو اغوا کیا گیا تھااور تاوان مانگاگیا تھا۔

انہوں نے بچے کی بازیابی پر پولیس کا شکریہ بھی ادا کیا۔پولیس کے مطابق سیمی نامی خاتون اور دیگر ملزمان کی گرفتاری کیلئے چھاپے مارے جارہے ہیں۔

فروری 1, 2015
فوجی عدالتوں کو منتقل مقدمات کی فہرست اے آر وائی کو مل گئی

پشاور: خیبر پختونخوا سے فوجی عدالتوں کو منتقل کئے گئے مقدمات کی فہرست اے آر وائی نیوز نے حاصل کر لی۔تفصیلات کے مطابق کے پی کے سے فوجی عدالتوں کو منتقل کئے گئے مقدمات کی فہرست اے آر وائی نیوز نے حاصل کر لی ہیں اس میں دہشت گردی کے مقدمات کی تعداد چار سو تئیس ہے۔

اے آروائی نیوز کو حاصل مقدمات کی فہرست چھیالیس صفحات پرمشتمل ہے۔ نیشنل ایکشن پلان کے تحت خیبرپختونخوا پولیس نے صوبے بھرکے تھانوں سے دہشت گردی کے مقدمات پر مشتمل فہرست مکمل کرلی ہے،جس میں دہشت گردی کے چارسوتئیس مقدمات ہیں۔

سب سے زیادہ ایک سو چھیاسٹھ مقدمات پشاور سے ہیں۔ دہشت گردی کے مقدمات میں بم دھماکے ،خودکش حملے، سیکورٹی فورسز پر حملے، بھتہ خوری جیسے واقعات کے مقدمات شامل ہیں ۔

اس کے علاوہ ایسے مطلوب افراد کے مقدمات بھی شامل ہیں جن میں زیادہ تر ملزمان افغانستان میں روپوش ہیں۔ ان مقدمات میں کالعدم تحریک طالبان کے مولوی فضل اللہ ،مولوی فقیرمحمد،واحد محمد،وزیرمحمد اوردیگرکےنام شامل ہیں۔

سینٹرل جیل میں قیدصوفی محمد کانام بھی مذکورہ رپورٹ میں شامل ہے۔

جنوری 30, 2015
کے پی کے کی فوجی عدالتوں کیلئے مقدمات کی چھان بین کا آغاز

پشاور : خیبر پختونخوامیں فوجی عدالتوں کے لیے کیسزکی چھان بین شروع کردی گئی۔ ملالہ حملہ کیس سمیت بڑے کیسز کی تفصیل جمع کرنے کےکام کا آغازکردیا گیا ہے۔

ملالہ حملہ کیس، تھانہ سی آئی ڈی حملہ، پشاور ایئرپورٹ حملہ اور ان جیسے درجنوں کیسز اب خیبر پختونخوا کی فوجی عدالتوں میں چلیں گے۔

پولیس ذرائع کے مطابق صوبےمیں قائم فوجی عدالتوں کے لیے کیسز کی چھان بین شروع کر دی گئی ہے ۔جس کیلئے صوبے بھر کے تھانوں میں درج دہشت گردی سے متعلق مقدمات کی تفصیلات اکٹھی کی جا رہی ہیں۔

پولیس ذرائع کا کہنا ہے مختلف اضلاع سے ابتدائی طور پر اکانوے کیسز سینٹرل پولیس آفس رپورٹ ہوئے ہیں۔جبکہ ابتدائی پچیس مقدمات میں دہشت گردوں کے بڑے حملوں کے کیسز شامل ہیں۔

جنوری 21, 2015