پشاور: وزیراعلیٰ کے پی محمود خان کا کہنا ہے کہ اس حکومت کے ساتھ چلنا میرے لیے بہت مشکل ہے، جلد الیکشن ہونگے تو عمران ایک بار پھر وزیراعظم بنے گا۔
تفصیلات کے مطابق پشاور پوسٹ گریجویٹ میڈیکل انسٹیٹیوٹ کے دورے کے موقع پر صحافیوں سے گفتگو میں وزیراعلیٰ نے وفاقی حکومت کو آڑے ہاتھوں لیتے ہوئے کہا کہ ایسی حکومت جو پیٹرول کا فیصلہ نہیں کر سکتی تو اور کیا کرے گی؟
انہوں نے کہا کہ میں نے عمران خان کو کہا کہ آپ جہاں جائیں گے وہاں عوام پہنچے گی، پاکستان کی عوام کا شکریہ جو ہمیں سپورٹ کررہی ہے،جلد الیکشن ہونگے تو عمران ایک بار پھر وزیراعظم بنے گا۔
میڈیا سے گفتگو میں محمود خان نے کہا کہ کے پی حکومت اپنے ٹریک پر ہے ہم کم وسائل کے باوجود آگے بڑھ رہے ہیں، مگر اس حکومت کے ساتھ چلنا میرے لیے بہت مشکل ہے،فوقی ہمارے حقوق غضب کررہا ہے، امپورٹڈ حکومت کو کہتا ہوں کےپی کاحق آپ کی گردن پکڑکربھی لوں گا۔
وزیراعلیٰ کے پی نے کہا کہ کوشش تھی کہ لیڈی ریڈنگ کی طرز کا اسپتال ہر ریجن میں بنایا جائے، ہیلتھ کارڈ پورے کے پی میں کرنا تھا،آگے بھی ہیلتھ میں بہت کام کرنا ہے۔
اس سے قبل وزیراعلیٰ محمود خان نے پی جی ایم آئی میں قائم کلینیکل اسکلزلیب کا افتتاح کیا، اس موقع پر تیمورجھگڑا، کامران بنگش اور بیرسٹر سیف بھی وزیر اعلیٰ کے ہمراہ تھے۔
