لاہور : رکن قومی اسمبلی عائشہ گلا لئی کی نااہلی کیلئے سپریم کورٹ میں درخواست دائر کردی گئی۔
تفصیلات کے مطابق رکن قومی اسمبلی عائشہ گلا لئی کی نااہلی کیلئے سپریم کورٹ سے رجوع کر لیا گیا ہے، درخواست مقامی شہری محمود اختر کی جانب سے سپریم کورٹ لاہور رجسٹری میں دائر کی گئی۔
جس میں مؤقف اختیار کیا گیا کہ عائشہ گلالئی نے تحریک انصاف کے چئیر مین عمران خان پر سنگین الزامات عائد کیے، عائشہ گلالئی نے عمران خان کے خلاف نازیبا زب استعمال کی، جس سے پورے ملک میں بے چینی پھیلی۔
درخواست گزار کے مطابق عائشہ گلا لئی نے جو بیانات میڈیا دیئے ہیں ان کے بارے کوئی ثبوت پیش نہیں کر سکی، جس سے ثابت ہوتا ہے کہ انھوں نے عمران خان پر جھوٹے الزاماے عائد کیے، عائشہ گلا لئی بغیر ثبوت جھوٹے بیانات دینے کی وجہ آرٹیکل 62 اور 63 کے تحت قومی اسمبلی کی رکنیت کی اہل نہیں رہیں۔
درخواست گزار نے استدعا کی کہ عائشہ گلا لئی کو قومی اسمبلی کی رکنیت سے تا حیات نااہل قرار دیا جائے۔
مزید پڑھیں : تحریک انصاف میں خواتین کی عزت محفوظ نہیں، عائشہ گلالئی
یاد رہے گذشتہ روزعائشہ گلالئی نے تحریک انصاف چھوڑنے کا اعلان کیا اور پریس کانفرنس میں پی ٹی آئی پر سنگین الزام عمران خان اور رہنماؤں کے کردار پرانگلی اٹھادی۔
عائشہ گلالئی نے کہا تھا کہ پارٹی میں عزت دارخواتین کی عزت نہیں، چئیرمین خود بھی خواتین کی عزت نہیں کرتے، پارٹی میں اخلاقیات نہیں اس لیے چھوڑنے کا فیصلہ کیا۔
انہوں نے الزام عائد کیا کہ تحریک انصاف کے چیئرمین اور قیادت خواتین کارکنان کو نازیبا میسجز کرتی ہے، جس کی وجہ سے کئی خواتین کارکنان نالاں ہیں، میں این اے ون کا ٹکٹ نہیں مانگا، نہ ہی جلسے میں تقریر کا معاملہ تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
