ARYNews.tv | Urdu – Har Lamha Bakhabar

Tag: petrol

  • ڈیزل سستا، پیٹرول کی قیمت میں اس بار کتنے روپے کا اضافہ ہوگا؟ عوام کے لئے بڑی خبر

    ڈیزل سستا، پیٹرول کی قیمت میں اس بار کتنے روپے کا اضافہ ہوگا؟ عوام کے لئے بڑی خبر

    اسلام آباد(14 اگست 2025): پاکستان میں پیٹرول کی قیمت میں اس بار بھی اضافے کا امکان ہے تاہم کتنے روپے اضافہ ہوگا؟ اس حوالے سے اہم خبر آگئی ہے۔

    تفصیلات کے حکومت نے اس بار بھی پیٹرول کی قیمتوں میں بڑے اضافے کی تیاری کرلی، جس سے عوام کی مشکلات میں اضافہ ہوگا تاہم اس بار ہائی اسپیڈ ڈیزل کی قیمت میں بڑی کمی کا امکان ہے۔

    حکومت کی جانب سے آج پٹرولیم مصنوعات کی نئی قیمتوں کا اعلان کیا جائے گا، جس میں پیٹرول کی قیمت میں بڑا اضافہ متوقع ہے لیکن ہائی اسپیڈ ڈیزل (ایچ ایس ڈی) کی قیمت میں 11.50 روپے فی لیٹر تک کی کمی کا امکان ہے۔

    ذرائع کے مطابق عالمی سطح پر تیل کی قیمتوں میں تیزی سے اضافے کے پیش نظر 16 اگست سے شروع ہونے والے اگلے پندرہ دن کے لیے پیٹرول کی قیمت میں 1.40 روپے فی لیٹر اضافے اور ہائی اسپیڈ ڈیزل (ایچ ایس ڈی) کی قیمت میں 11.50 روپے فی لیٹر تک کی کمی کا امکان ہے۔

    حکومت نے پیٹرول کی قیمت میں بڑی کمی کردی

    رپورٹ کے مطابق عالمی مارکیٹ پیٹرول کی قیمتوں میں پچھلے پندرہ دن میں فی بیرل 15 سینٹس کا اضافہ ہوا ہے، جبکہ ڈیزل کی قیمتوں میں تقریباً 4.5 ڈالر فی بیرل کی کمی واقع ہوئی ہے۔

    یکم اگست سے پیٹرول کی قیمت 7 روپے 54 پیسے فی لیٹر تنزلی کے بعد  264  روپے 61 پیسے فی لیٹر مقرر کی گئی تھی جبکہ ہائی اسپیڈ ڈیزل 285 روپے 83 پیسے فی لیٹر میں دستیاب تھا۔

    ذرائع کا کہنا ہے کہ پٹرولیم مصنوعات میں قیمتوں کی سمری بھجوائی جائے گی، وزیراعظم شہبازشریف نئی قیمتوں کی حتمی منظوری دیں گے۔

    واضح رہے کہ حکومت کی جانب سے ہر 15 روز میں پیٹرولیم مصنوعات کی قیمتوں میں ردوبدل کیا جاتا ہے جبکہ نئی قیمتوں کا اطلاق رات 12 بجے سے ہوگا۔

  • پی ٹی آئی دور میں 150 روپے لیٹر پیٹرول پر شور مچانے والے آج کیوں خاموش ہیں؟ بیرسٹر سیف

    پی ٹی آئی دور میں 150 روپے لیٹر پیٹرول پر شور مچانے والے آج کیوں خاموش ہیں؟ بیرسٹر سیف

    پشاور( 16 جولائی 2025): تحریکِ انصاف کے رہنما و مشیرِ اطلاعات کے پی بیرسٹر سیف کا پیٹرول مصنوعات کی قیمتوں میں مسلسل اضافے پر ردعمل آگیا ہے۔

    تفصیلات کے مطابق پٹرولیم مصنوعات کی قیمتیں بڑھنے پرمشیر  اطلاعات بیرسٹر ڈاکٹر سیف نے کہا کہ ڈیڑھ ماہ کے دوران پٹرولیم مصنوعات کی قیمتوں میں 30 روپے کا اضافہ کیاگیا۔

    انہوں نے کہا کہ ہر پندرہ دن بعد عوام پر پیٹرول بم گرایا جا رہا ہے، پیٹرول کی قیمتوں میں مسلسل اضافے پر خاموشی بھی سوالیہ نشان ہے، عالمی مارکیٹ میں پیٹرول سستا جبکہ پاکستان میں مہنگا ہو رہا ہے۔

    پیٹرولیم مصنوعات کی قیمتوں میں ایک بار پھر اضافہ

    بیرسٹر ڈاکٹر سیف کا کہنا تھا کہ عوام پہلے ہی مہنگائی کی چکی میں پس رہے ہیں اب مزید مہنگائی کا طوفان آئیگا، پیٹرول مہنگا ہونے سے اشیائے خورد و نوش سمیت ہر چیز مہنگی ہوتی ہے۔

    بیرسٹر سیف نے مزید کہا کہ پی ٹی آئی دور میں 150 روپے فی لیٹر پیٹرول پر شور مچانے والے آج کیوں خاموش ہیں؟ عوام کو ریلیف دینا اور سکھ کا سانس دلانا حکومت کی ترجیحات میں شامل نہیں ہے۔

  • حکومت کا پیٹرول اور ڈیزل کی قیمتوں کے حوالے سے بڑا فیصلہ

    حکومت کا پیٹرول اور ڈیزل کی قیمتوں کے حوالے سے بڑا فیصلہ

    اسلام آباد: حکومت نے پیٹرول اور ڈیزل کی قیمتیں برقرار رکھنے کا فیصلہ کیا ہے، وزارت خزانہ نے قیمتیں مستحکم رکھنے کا نوٹیفکیشن جاری کر دیا۔

    تفصیلات کے مطابق وفاقی حکومت نے پاکستان میں پیٹرولیم مصنوعات کی قیمتیں اگلے 15 دن تک برقرار رکھنے کا اعلان کیا ہے، جاری نوٹیفکیشن کے مطابق پیٹرول کی قیمت 254 روپے 63 پیسے فی لیٹر پر برقرار رکھی گئی ہے، جس کا اطلاق 16 اپریل 2025 سے ہوگا۔

    ہائی اسپیڈ ڈیزل کی قیمت بھی 258 روپے 64 پیسے فی لیٹر پر برقرار ہے، پیٹرول اور ڈیزل کی قیمتیں 30 اپریل تک برقرار رہیں گی۔

    واضح رہے کہ وزیر اعظم شہباز شریف نے ایک بیان میں کہا تھا کہ اگلے پندرہ دن تک پیٹرولیم مصنوعات کی قیمتیں کم نہیں کی جائیں گی، تاہم انھوں نے کہا کہ عالمی سطح پر تیل کی قیمتوں میں کمی کے فوائد صارفین تک پہنچائے جائیں گے، ان کا کہنا تھا کہ ترقیاتی منصوبوں کے ذریعے قیمتوں میں کمی ثمرات عوام تک پہنچائے جائیں گے۔

    دوسری طرف حکومت کی جانب سے پیٹرولیم لیوی ایک بار پھر بڑھا دی گئی ہے، پیٹرول پر لیوی 8 روپے 72 پیسے فی لیٹر بڑھائی گئی ہے، پیٹرول پر لیوی 70 روپے تھی، جو اب 78 روپے 72 پیسے ہو گئی ہے۔

    ڈیزل پر لیوی 7 روپے ایک پیسے فی لیٹر بڑھا دی گئی، ڈیزل پر لیوی 70 روپے سے بڑھا کر 77 روپے ایک پیسے فی لیٹر کر دی گئی ہے، پیٹرولیم لیوی میں اضافہ صدارتی آرڈیننس کے ذریعے کیا گیا ہے۔

  • پیٹرول کتنے روپے سستا ہوگا؟ عوام کے لیے بڑی خبر

    پیٹرول کتنے روپے سستا ہوگا؟ عوام کے لیے بڑی خبر

    پاکستان میں پیٹرول کی قیمت میں بڑی کمی کا امکان ہے ، تاہم کتنے روپے کم ہوں گے، اس حوالے سے عوام کے لیے اہم خبر آگئی۔

    تفصیلات کے مطابق خام تیل کی قیمت میں مسلسل کمی کے بعد پاکستان میں پٹرولیم مصنوعات کی قیمتوں میں فی لیٹر بڑی کمی کا امکان ظاہر کیا جارہا ہے، حکومت عوام کو ریلیف فراہم کرنے پر غور کر رہی ہے تاہم قیمتوں میں کمی کے صحیح اعداد و شمار کو ابھی تک حتمی شکل نہیں دی گئی ہے۔

    عالمی منڈی میں تیل کی قیمتوں میں کمی

    ذرائع نے کہا ہے کہ 16 اپریل 2025 سے پیٹرول اور ڈیزل کی قیمتوں میں 12 روپے فی لیٹر کی کمی متوقع ہے، پیٹرول کی قیمت فی لیٹر 254.63 روپے سے کم ہو کر 242 روپے فی لیٹر ہونے کی توقع ہے۔

    ذرائع کا کہنا ہے کہ عالمی سطح پر گراوٹ کے بعد ڈیزل کی قیمت میں بھی کمی دیکھنے کو ملے گی، جس کی قیمت 258.64 روپے فی لیٹر سے کم ہو کر 250 روپے فی لیٹر ہونے کی امید ہے۔

    واضح رہے کہ آئل اینڈ گیس ریگولیٹری اتھارٹی (اوگرا) قیمتوں میں مجوزہ ایڈجسٹمنٹ کی سمری وزیراعظم کو پیش کرے گی، منظوری کے بعد وزارت خزانہ نئی قیمتوں کے نفاذ کا باضابطہ نوٹیفکیشن جاری کرے گی۔

  • پیٹرول پر فریٹ چارجز میں ایک روپے 42 کا اضافہ

    پیٹرول پر فریٹ چارجز میں ایک روپے 42 کا اضافہ

    اسلام آباد: حکومت نے تیل کمپنیوں کے ٹرانسپورٹ چارجز اور مارجن میں رد و بدل کر دیا ہے۔

    سرکاری دستاویز کے مطابق پیٹرول پر فریٹ چارجز میں ایک روپے 42 کا اضافہ کر دیا گیا ہے، فریٹ چارجز بڑھا کر 5 روپے 79 پیسے فی لیٹر کر دیے گئے، یکم فروری کو پیٹرول پر فریٹ چارجز 4 روپے 37 پیسے مقرر تھے۔

    پیٹرول پر لیوی کی مد 60 روپے پہلے سے عائد ٹیکس برقرار رکھا گیا، او ایم سی مارجن مد میں پہلے سے عائد 7 روپے 87 چارجز برقرار، اور ڈیلر مارجن کی مد میں 8 روپے 64 پیسے چارجز بھی برقرار رکھے گئے ہیں۔

    حکومت نے پٹرولیم منصوعات کی قیمتوں میں کمی کردی

    ہائی اسپیڈ ڈیزل پر ایکسٹرا مارجن اور فریٹ چارجز بھی بڑھا دیے گئے ہیں، ڈیزل پر فریٹ چارجز کی مد میں 27 پیسے کا اضافہ کیا گیا ہے، 27 پیسے بڑھنے سے فریت چارجز اب 2 روپے 92 پیسے فی لیٹر ہو گئے ہیں۔

    ڈیزل پر ایکسٹرا مارجن میں بھی 23 پیسے کا اضافہ کیا گیا ہے، ڈیزل پر ایکسٹرا مارجن 7 پیسے سے بڑھا کر 30 پیسے فی لیٹر مقرر کیا گیا ہے، ڈیزل پر پی ایس او ایکسچینج ایڈجسٹمنٹ میں 1 روپے 96 پیسے فی لیٹر کا اضافہ کیا گیا ہے، جب کہ ڈیزل پر لیوی 60 روپے اور ڈیلر مارجن 8.64 روپے برقرار رکھا گیا ہے۔

  • پیٹرول کی نئی قیمت سے متعلق اہم خبر آگئی

    پیٹرول کی نئی قیمت سے متعلق اہم خبر آگئی

    اسلام آباد: پیٹرولیم مصنوعات کی قیمتوں میں آئندہ 15 روز کیلیے اضافے کی تجویز وزارت خزانہ کو بھجوا دی گئی۔

    ریفائنری ذرائع نے اے آر وائی نیوز کو بتایا کہ فی لیٹر پیٹرول کی قیمت میں 3 روپے جبکہ فی لیٹر ہائی اسپیڈ ڈیزل کی قیمت میں ایک روپے تک اضافے کی تجویز ہے۔

    ذرائع کے مطابق مٹی کا تیل بھی فی لیٹر ایک روپے تک مہنگا کرنے کی تجویز ہے۔ تاہم فی لیٹر لائٹ اسپیڈ ڈیزل کی قیمت میں 70 پیسے کمی متوقع ہے۔

    پیٹرولیم مصنوعات کی قیمتوں میں ردوبدل کا فیصلہ 29 فروری کو ہوگا۔

    اس سے قبل 16 فروری کو نگراں حکومت نے پیٹرولیم مصنوعات کی قیمتوں میں اضافہ کیا تھا۔ پیٹرول کی قیمت میں 2 روپے 73 پیسے اضافہ کیا گیا تھا جس کے بعد اس کی قیمت 275 روپے 62 پیسے فی لیٹر مقرر ہے۔

    ڈیزل کی قیمت میں 8 روپے 37 پیسے فی لیٹر اضافہ کیا گیا تھا اور ان کی نئی قیمت 287 روپے 33 پیسے فی لیٹر ہے۔

  • حکومت نے پٹرول اور ڈیزل پر فریٹ مارجن بھی بڑھا دیا

    حکومت نے پٹرول اور ڈیزل پر فریٹ مارجن بھی بڑھا دیا

    اسلام آباد: او ایم سی اور ڈیلرز مارجن کے بعد حکومت نے فریٹ مارجن بھی بڑھا دیا۔

    تفصیلات کے مطابق حکومت نے پٹرول اور ڈیزل پر فریٹ مارجن بڑھا دیا ہے، ڈیزل پر فریٹ مارجن 80 پیسے فی لیٹر بڑھایا گیا، جس سے ڈیزل پر فریٹ مارجن 1 روپے 78 پیسے فی لیٹر ہو گیا ہے۔

    دستاویز کے مطابق پٹرول پر فریٹ مارجن 16 پیسے فی لیٹر بڑھا دیا گیا، جس سے پٹرول پر فریٹ مارجن 5.53 روپے فی لیٹر ہو گیا ہے۔

    حکومت کا پیٹرولیم مصنوعات کی قیمتوں میں کمی کا اعلان

    او ایم سی اور ڈیلرز مارجن میں فی لیٹر 88 پیسے تک کا اضافہ کیا گیا ہے، حکومت ڈیزل پر 65 روپے 70 پیسے فی لیٹر ٹیکسز مارجن وصول کر رہی ہے، ڈیزل پر 50 روپے فی لیٹر لیوی وصول کی جا رہی ہے، او ایم سی مارجن 6.70 روپے سے بڑھا کر 7.08 روپے کر دیا گیا ہے۔

    یکم اکتوبر سے پٹرول، ڈیزل پر تیل کمپنیوں اور ڈیلرز کا مارجن مزید بڑھانے کی تیاریاں

    دستاویز کے مطابق ڈیزل پر ڈیلرز مارجن 7.41 روپے سے بڑھا کر 7.82 روپے فی لیٹر کر دیا گیا ہے، ڈیزل پر سیلز ٹیکس کی شرح صفر ہے، حکومت پٹرول پر 80 روپے 29 پیسے فی لیٹر ٹیکسز مارجن وصول کر رہی ہے، پٹرول پر پیٹرولیم لیوی 60 روپے فی لیٹر ہے۔

    پٹرول تیل کمپنیوں کا مارجن 6.47 سے 6.94 روپے فی لیٹر کر دیا گیا ہے، پٹرول پر ڈیلرز مارجن 7.41 سے 7.82 روپے فی لیٹر کیا گیا، پٹرول پر سیلز ٹیکس کی شرح صفر ہے۔

  • یکم اکتوبر سے پٹرول، ڈیزل پر تیل کمپنیوں اور ڈیلرز کا مارجن مزید بڑھانے کی تیاریاں

    یکم اکتوبر سے پٹرول، ڈیزل پر تیل کمپنیوں اور ڈیلرز کا مارجن مزید بڑھانے کی تیاریاں

    اسلام آباد: یکم اکتوبر سے پٹرول اور ڈیزل پر تیل کمپنیوں اور ڈیلرز کا مارجن مزید بڑھانے کی تیاریاں کی جا رہیں۔

    تفصیلات کے مطابق ذرائع نے کہا ہے کہ ہائی اسپیڈ ڈیزل پر پٹرولیم لیوی میں بھی 5 روپے اضافے کا امکان ہے، ڈیزل لیوی بڑھانے سے فی لیٹر لیوی 50 سے 55 روپے فی لیٹر ہو جائے گی۔

    ذرائع کے مطابق پٹرول اور ڈیزل پر مارجن میں 88 پیسے فی لیٹر مزید اضافے کی تجویز ہے، تیل کمپنیوں کا مارجن 47 پیسے فی لیٹر بڑھایا جائے گا، جب کہ ڈیلرز مارجن میں فی لیٹر 41 پیسے اضافے کی تجویز ہے۔

    نگراں حکومت کے دور میں پہلی مرتبہ پٹرول اور ڈیزل سستا ہونے کا امکان

    ذرائع کا کہنا ہے کہ 16 ستمبر کو بھی پیٹرول، ڈیزل پر او ایم سی اور ڈیلرز مارجن فی لیٹر 88 پیسے بڑھایا جا چکا ہے، جس سے پٹرول پر او ایم سی مارجن 6.47 روپے سے بڑھ کر 6.94 روپے فی لیٹر ہو جائے گا۔

    پٹرول اور ڈیزل دونوں پر ڈیلرز مارجن 7.41 روپے سے بڑھ کر 7.82 روپے فی لیٹر ہو جائے گا، جب کہ ڈیزل پر او ایم سی مارجن 6.70 روپے سے بڑھ کر 7.17 روپے فی لیٹر ہو جائے گا۔

  • نگراں حکومت کے دور میں پہلی مرتبہ پٹرول اور ڈیزل سستا ہونے کا امکان

    نگراں حکومت کے دور میں پہلی مرتبہ پٹرول اور ڈیزل سستا ہونے کا امکان

    اسلام آباد: نگراں حکومت کے دور میں پہلی مرتبہ پٹرول اور ڈیزل سستا ہونے کا امکان پیدا ہو گیا ہے۔

    تفصیلات کے مطابق پٹرولیم مصنوعات کی قیمتوں میں کمی کا امکان ہے، مارکیٹ ذرائع کا کہنا ہے کہ روپے کی قدر میں میں بہتری سے پٹرول اور ڈیزل سستا ہو سکتا ہے۔

    پٹرول اور ڈیزل مسلسل مہنگا ہونے کی وجہ سے عوام پریشان ہیں، نگراں حکومت کے دور میں 15 اگست سے 15 ستمبر تک پٹرول اور ڈیزل مسلسل مہنگا ہوا۔

    نگراں حکومت نے پہلے 30 دن میں پٹرول 58 اور ڈیزل 56 روپے فی لیٹر ریکارڈ مہنگا کیا، نگراں حکومت پٹرول اور ڈیزل کی قیمت میں مسلسل 4 بار اضافہ کر چکی ہے۔

    گزشتہ ہفتے وزیر تجارت گوہر اعجاز بھی پٹرول اور ڈیزل سستا ہونے کا اعلان کر چکے ہیں۔

  • نگراں حکومت نے 30 دن میں پیٹرول کتنے روپے مہنگا کیا؟

    نگراں حکومت نے 30 دن میں پیٹرول کتنے روپے مہنگا کیا؟

    اسلام آباد: نگراں حکومت نے 30 دن میں پیٹرول 58 اور ڈیزل 56 روپے مہنگا کر دیا ہے۔

    تفصیلات کے مطابق نگراں حکومت کے آتے ہی پاکستانی عوام کی مشکلات میں اضافہ حد سے بڑھ گیا ہے، پیٹرول اور ڈیزل ہوش ربا حد تک مہنگا کر دیا گیا ہے، اور قیمتیں تاریخ کی بلند ترین سطح پر پہنچ گئی ہیں۔

    گزشتہ ایک ماہ کے دوران نگراں حکومت نے پیٹرول میں 58 روپے اور ڈیزل میں 56 روپے کا اضافہ کیا ہے، گزشتہ رات پیٹرول کی قیمت میں 26 روپے 2 پیسے فی لیٹریکمشت اضافہ کیا گیا، جس سے پیٹرول کی فی لیٹر نئی قیمت 331 روپے 38 پیسے ہو گئی ہے، جب کہ ڈیزل کی قیمت میں 17 روپے 34 پیسے فی لیٹر کا اضافہ کیا گیا جس سے ڈیزل کی فی لیٹر نئی قیمت 329 روپے 18 پیسے ہو گئی ہے۔

    عوام دہائی دے رہے ہیں کہ ملکی تاریخ میں کبھی 30 دن میں پیٹرول اور ڈیزل اتنا مہنگا نہیں ہوا، عوام نے اضافہ مسترد کر دیا ہے، ماہرین معیشت کہتے ہیں کہ اسٹیٹ بینک نے مانیٹری پالیسی میں مہنگائی بہ تدریج کم ہونے کا دعویٰ کیا تھا، لیکن اب پیٹرول اور ڈیزل کی قیمتوں میں اضافے سے مہنگائی اور زیادہ بڑھ جائے گی۔

    نگراں حکومت کا عوام پر ایک اور بوجھ، فی لیٹر پیٹرول پر مارجن میں اضافہ

    نگراں حکومت نے عوام پر ایک اور اضافی بوجھ بھی ڈال دیا ہے، پیٹرول کے فی لیٹر پر مارجن 88 پیسے بڑھا دیا ہے، پیٹرول پر آئل مارکیٹنگ کمپنیوں کے مارجن میں فی لیٹر 47 پیسے اضافہ کیا گیا ہے جس سے آئل مارکیٹنگ کمپنیوں کا پیٹرول پر مارجن 6 روپے 47 پیسے ہو گیا، پیٹرول پر ڈیلرز کے مارجن میں بھی فی لیٹر 41 پیسے کا اضافہ کیا گیا ہے، جس سے ڈیلرز کا پیٹرول پر مارجن 7 روپے 41 پیسے ہو گیا ہے۔

    ادھر نگراں وزیر توانائی محمد علی نے پریس کانفرنس کرتے ہوئے کہا ہے کہ بجلی بھی آہستہ آہستہ مزید مہنگی ہوگی، کے الیکٹرک کا ٹیرف ایک سال سے ایڈجسٹ نہیں ہوا ہے، جو اب ایک ساتھ ہوگا تو عوام پر بوجھ پڑے گا، بجلی سیکٹر کا نقصان 2500 ارب روپے ہے، ہر سال ہزار ارب روپے کا سود دینا پڑ رہا ہے، اس مسئلے کو حل کرنے میں مہینے نہیں، کئی سال لگیں گے۔