ARYNews.tv | Urdu – Har Lamha Bakhabar

Tag: petrol price

  • پیٹرولیم مصنوعات کی قیمتوں میں کمی کا اعلان

    پیٹرولیم مصنوعات کی قیمتوں میں کمی کا اعلان

    اسلام آباد:  وفاقی وزیرخزانہ نے پیٹرولیم مصنوعات کی قیمتوں میں کمی کا اعلان کردیا جس کے بعد پیٹرول 2 روپے 7 پیسے جبکہ ڈیزل 2 روپے سستا ہوگیا۔

    تفصیلات کے مطابق حکومت نے پیٹرولیم مصنوعات کی قیمتوں میں ردوبدل کا اعلان کیا جس کے بعد اب پیٹرول 2 روپے 7 پیسے کم ہونے کے بعد 86 روپے لیٹر پر دستیاب ہوگا جبکہ ڈیزل کی قیمتیں 2 روپے کم ہونے کے بعد 96 روپے 45 تک پہنچ گئی۔

    وفاقی وزیر خزانہ کی جانب سے جاری اعلامیے کے مطابق مٹی کے تیل کی قیمت کو 76 روپے 46 پیسے فی لیٹر پر برقرار رکھا گیا ہے جبکہ لائٹ ڈیزل کی قیمت میں بھی کوئی ردوبدل نہیں کیا گیا اور اب یہ 65 روپے 30 روپے فی لیٹر پر دستیاب ہوگا۔

    واضح رہے کہ گذشتہ روز اوگرا نے پیٹرولیم مصنوعات کی قیمتوں میں رد و بدل کی سمری متعلقہ محکمے کو ارسال کی تھی جس میں پیٹرول کی قیمت 5 روپے 26 پیسے فی لیٹر مقرر کرنے کی سفارش کی گئی تھی۔

    مزید پڑھیں: پیٹرول کی قیمت میں کمی کا امکان

    اوگرا نے مٹی کے تیل کی قیمت میں 13 پیسے فی لیٹر اضافے، لائٹ ڈیزل آئل کی قیمت میں 55 پیسے فی لیٹر اضافے اور ڈیزل کی قیمت میں 65 پیسے فی لیٹر اضافے کی سفارش کی تھی جبکہ دیگر مصنوعات جیسے ڈیزل کی قیمتوں میں بھی اضافے کی سفارش کی گئی تھی۔

    وزارتِ خزانہ نے اوگرا سمری کو مدنظر رکھتے ہوئے نئی قیمتوں کا اعلان کیا، نئی قیمتوں کا اطلاق رات 12 بجے کے بعد سے شروع ہوگا۔

    خیال رہے کہ حکومت نے یکم مارچ کو حکومت نے عوام پر پیٹرول بم گرایا تھا جس کے بعد پیٹرول کی قیمت تین روپے 56 پیسے اضافے کے بعد فی لیٹر قیمت 88 روپے سے زائد ہوگئی تھی جبکہ ڈیزل کے نرخ میں 6 روپے کا اضافہ کیا گیا تھا۔

    اپوزیشن کی تمام جماعتوں نے پیٹرولیم مصنوعات کی قیمتوں میں اضافے کو مسترد کرتے ہوئے حکومت سے مطالبہ کیا تھا کہ وہ عوام پر مہنگائی کا بوجھ مزید نہ بڑھائے اور پیٹرول کی پرانی قیمت بحال کرے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • یکم فروری سے پیٹرول1.50 روپے فی لیٹر مہنگا کرنے کا امکان

    یکم فروری سے پیٹرول1.50 روپے فی لیٹر مہنگا کرنے کا امکان

    اسلام آباد : عالمی منڈی میں خام تیل کی قیمتوں میں اضافے کے بعد یکم فروری سے پیٹرول1.50 روپے فی لیٹر مہنگا کرنے کا امکان ہے۔

    تفصیلات کے مطابق نواز حکومت عوام پر مسلسل چھٹی بار پیٹرول بم گرانے کیلئے تیار ہیں، یکم فروری سے پیٹرول1.50روپے فی لیٹرمہنگا کرنے کا امکان ہے۔

    ذرائع کا کہنا ہے کہ ڈیزل کی قیمت 4.50روپے فی لیٹر بڑھانے کی تیاری ہے، 5 ماہ میں پیٹرول 10روپے 3پیسے فی لیٹر مہنگا کیا جاچکا ہے، ڈیزل5ماہ میں 12روپے55پیسے فی لیٹر مہنگا کیا گیا ہے۔

    خیال رہے کہ یکم ستمبرکو پیٹرول2روپے فی لیٹر مہنگا کیا گیا جبکہ ڈیزل کی قیمت نہیں بڑھائی گئی، یکم اکتوبرکوپیٹرول مزید2روپے مہنگا ،ڈیزل بھی 2روپے فی لیٹر مہنگا کیا گیا۔

    مزید پڑھیں : عالمی منڈی خام تیل کی قیمت 3سال کی بلند ترین سطح پر

    یکم نومبر کو پیٹرول پھر2.50روپے اور ڈیزل5.19روپے فی لیٹر مہنگا کیا گیا جبکہ یکم جنوری کوپیٹرول قیمت4.6روپے، ڈیزل3.96روپےفی لیٹربڑھائی گئی تھی۔

    اضافے کے باعث پیٹرول 81.53 کی قیمت پیسے فی لیٹر تک جا پہنچی تھی۔

    خیال رہے کہ عالمی منڈی میں خام تیل کی قیمتوں میں تیزی ریکارڈ کی جا رہی ہے اور خام تیل کی قیمت 3سال کی بلند ترین سطح پر پہنچ گئی اور قیمت 70 ڈالر فی بیرل سے تجاوز کر گئی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • خام تیل مہنگا، پیٹرول کی فی لیٹر قیمت میں1.5 روپے بڑھنے کا امکان

    خام تیل مہنگا، پیٹرول کی فی لیٹر قیمت میں1.5 روپے بڑھنے کا امکان

    اسلام آباد : عالمی منڈی میں خام تیل کی قیمت ستائیس ماہ کی بلند ترین سطح پر آگئی، مقامی مارکیٹ میں بھی پیٹرولیم مصنوعات کی قیمتوں میں دوروپےفی لیٹر اضافہ متوقع ہے۔

    تفصیلات کے مطابق مہنگائی کے بوجھ تلے دبی عوام کی مشکلات میں اضافہ ہونے جارہا ہے، عالمی منڈی میں خام تیل کی قیمت میں اضافے کے باعث مقامی منڈی میں بھی خام تیل کی قیمت اضافہ متوقع ہے، انڈسٹری زرائع کے مطابق پیٹرولیم مصنوعات کی قیمتوں میں دوروپےفی لیٹر اضافہ متوقع ہے۔

    پیٹرول کی فی لیٹر قیمت میں ڈیڑھ روپے جبکہ ڈیزل کی قیمت میں دو روپے فی لیٹر اضافے کا امکان ہے۔

    خیال رہے کہ  خام تیل کی قیمت ستائیس ماہ کی بلند ترین سطح پر آگئی اور  خام تیل کی قیمت 60 ڈالر فی بیرل تک پہنچ گئی جبکہمریکی خام تیل کی قیمت آٹھ ماہ کی بلند ترین سطح پر آگئی، امریکی خام تیل کی قیمت تیرپن ڈالر پچاس سینٹس فی بیرل ہوگئی۔

    ارکیٹ تجزیہ کاروں کے مطابق قیمتوں میں اضافہ خلیجی ممالک میں جاری سیاسی تنازعات اور اوپیک کی جانب سے پیداوار کم رکھنے پر اتفاق کے باعث ہوا ہے، اوپیک نے سال دوہزار اٹھارہ میں بھی خام تیل کی پیداوار کو کم رکھنے کا فیصلہ کیا ہے۔

    مزید پڑھیں : عالمی منڈی میں خام تیل کی قیمت 2 سال تین ماہ کی بلند ترین سطح پر

    ورلڈ بینک کا کہنا ہے کہ سال 2018 میں تیل کی اوسطاً قیمت 56 ڈالر فی بیرل تک رہنے کا امکان ہے جو گذشتہ سال 53 ڈالر فی بیرل تھی۔

    یاد رہے کہ گذشتہ ماہ بھی حکومت کی جانب سے پیٹرول کی قیمت میں 2 روپے اضافہ جبکہ مٹی کے تیل کی قیمت میں 4 روپے، لائٹ اسپیڈ اور ہائی اسپیڈ ڈیزل کی قیمت میں 2 روپے فی لیٹر کا اضافہ کیا گیا تھا ۔

    پیٹرول کی موجودہ قیمت 73.5 روپے فی لیٹر ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نواز شریف نہیں پوری ن لیگ نا اہل ہے، بلاول بھٹو

    نواز شریف نہیں پوری ن لیگ نا اہل ہے، بلاول بھٹو

    اسلام آباد: پاکستان پیپلزپارٹی کے چیئرمین بلاول بھٹو زرداری نے کہا ہے کہ پیٹرول قیمتوں میں اضافے کے خلاف پیپلزپارٹی ہر فورم پر احتجاج کرے گی، نواز شریف نہیں پوری ن لیگ نااہل ہے۔

    پیپلزپارٹی کی جانب سے جاری اعلامیہ میں بلاول نے کہا کہ پیٹرول کی قیمتیں بڑھا کر غریب عوام پر حملہ کیا گیا ہے، مسلم لیگ ن کی حکومت عوام سے انتقام پر اتر آئی ہے۔

    انہوں نے کہا کہ مہنگائی کا بم گرا کر افراتفری پیدا کرنے کی سازش کی جارہی ہے، جس کے ذریعے حکومت نواز شریف کی نااہلی کا انتقام عوام سے لے رہی ہے۔

    چیئرمین پیپلزپارٹی نے کہا کہ ن لیگ والے توبہ تائب کریں اور عوامی غضب سے بچیں، پیٹرول کی قیمتوں کے خلاف پیپلزپارٹی ہر فورم پر آواز بلند کرتے ہوئے  احتجاج کرے گی۔

    یہ پڑھیں: پٹرولیم نرخوں‌ میں‌ آج رات سے اضافے کا اعلان

    بلاول بھٹو نے مطالبہ کیا کہ پیٹرول کی قیمتیں فورا کم کی جائیں اور قوم پر مزید بوجھ نہ ڈالا جائے۔

    واضح رہے کہ گزشتہ روز حکومت کی جانب سے پیٹرول کی قیمت میں دو روپے جبکہ مٹی کے تیل کی قیمت میں چار روپے اضافہ کیا گیا تھا۔

    یاد رہے کہ گزشتہ ماہ بھی حکومت کی جانب سے پیٹرولیم مصنوعات کی قیمتوں میں اضافہ کیا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • اوگرا کی پیٹرول2روپے 36پیسے مہنگا کرنے کی تجویز

    اوگرا کی پیٹرول2روپے 36پیسے مہنگا کرنے کی تجویز

    اسلام آباد : حکومت کی جانب سے عوام پر ایک اور کاری وار کی تیاری کرلی گئی ہے، پیٹرولیم مصنوعات کی قیمتوں میں انیس روپے تینتیس پیسے تک کا اضافہ تجویز کردیا گیا۔

    تفصیلات کے مطابق مہنگے ٹما ٹر پیاز کی قیمت سے بے حال عوام پر پیٹرول بم گرانے کی تیاری کر لی گئی ہے، اوگرا نے پیٹرولیم مصنوعات کی قیمتوں میں اضافے کی سمری ارسال کردی ہے۔

    سمری میں سفارش کی گئی ہے کہ یکم اکتوبر سے پیٹرول دو روپے چھتیس پیسے فی لیٹر مہنگا کیا جائے، ہائی اسپیڈ ڈیزل کی قیمت میں دو روپے بیس پیسےفی لیٹر اضافہ کیا جائے ۔

    اوگرا نے مٹی کا تیل انیس روپے سرسٹھ پیسے فی لیٹر مہنگا کرنے اور لائٹ ڈیزل کی قیمت میں بھی چودہ روپے دس پیسے کا اضافہ تجویز کیا گیا ہے۔

    دوسری جانب وزارت خزانہ کو یہ بھی تجویز دی ہے کہ پیٹرول اور ڈیزل پر لیوی اور ٹیکس کی شرح کم کرکے قیمتوں کو پرانی سطع پر برقرار رکھا جائے۔

    وزیر خزانہ وزیر اعظم کی منظوری کے بعد حتمی اعلان کل کریں گے، نئی قیمتوں کا اطلاق یکم اکتوبر سے ہوگا۔

    یاد رہے کہ گذشتہ ماہ کومت نے پیٹرول کی قیمت میں 2 روپے فی لیٹر اضافہ کردیا۔

    اوگرا نے پیٹرولیم مصنوعات کی قیمتوں میں 15 روپے فی لیٹر اضافے کی سفارش کی تھی ، جس کے بعد وزارت خزانہ نے پیٹرول کی قیمت میں 2 روپے فی لیٹر اضافہ کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پیٹرول کی قیمت میں 2 روپے فی لیٹراضافہ

    پیٹرول کی قیمت میں 2 روپے فی لیٹراضافہ

    اسلام آباد: وفاقی حکومت نے پیٹرولیم مصنوعات کی قیمتوں میں ردوبدل کا اعلان کردیا جس کا اطلاق رات 12 بجے سے ہوگا، پیٹرول کے نرخ میں 2 روپے فی لیٹر اضافہ کیا گیا ہے۔

    تفصیلات کے مطابق اوگرا کی جانب سے بھیجی جانے والی سمری کو وزارتِ خزانہ نے مسترد کرتے ہوئے پیٹرولیم مصنوعات کی قیمتوں میں ردوبدل کیا جس کے بعد صرف  پیٹرول کی قیمت میں 2 روپے فی لیٹر اضافہ کیا گیا۔

    وزیر پیٹرولیم کی جانب سے ہائی اسپیڈ ڈیزل، لائٹ ڈیزل اور مٹی کے تیل کی قیمتں برقرار رکھنے کی ہدایت جاری کی گئی ہے، پیٹرولیم مصنوعات کی نئی قیمتوں کا اطلاق رات 12 بجے سے ہوگا۔

    قبل ازیں آئل اینڈ گیس ریگولیٹری اتھارٹی کی جانب سے پٹرولیم مصنوعات کی قیمتوں میں اضافے کی سفارش کی گئی تھی جس کے مطابق  پیٹرول کی قیمت میں دو روپے فی لیٹر جبکہ ڈیزل 78 روپے10 پیسے اور لائٹ ڈیزل 56روپے فی لیٹر بڑھانے کی تجویز تھی۔

    اوگرا نے مٹی کے تیل میں ہوش ربا اضافے کی تجویز دی تھی، جس کے مطابق مٹی کاتیل پندرہ روپے مہنگا کرکے انسٹھ روپے فی لیٹر ہونا تھا تاہم وزارتِ خزانہ نے اوگرا سمری کو مسترد کرتے ہوئے صرف پیٹرول کے نرخ میں 2 روپے فی لیٹر اضافے کی منظوری دی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پیٹرول اورڈیزل کی قیمت میں ایک روپیہ فی لیٹراضافہ

    پیٹرول اورڈیزل کی قیمت میں ایک روپیہ فی لیٹراضافہ

    اسلام آباد : وفاقی حکومت نے پیٹرولیم مصنوعات کی قیمتوں میں اضافہ کردیا، پیٹرول اور ہائی اسپیڈ ڈیزل کی فی لیٹر قیمت میں ایک ایک روپیہ اضافہ کیا گیا ہے.

    تفصیلات کے مطابق حکومت نے پیٹرولیم مصنوعات کی قیمتوں میں مسلسل تیسری بار اضافہ کرتے ہوئے پیٹرول اور ڈیزل کی قیمت میں ایک ایک روپے فی لیٹر اضافہ کردیا ہے۔

    اس حوالے سے وفاقی وزیرخزانہ اسحاق ڈار نے اسلام آباد میں پریس کانفرنس کرتے ہوئے اعلان کیا کہ پیٹرول اور ڈیزل کی قیمت میں ایک ایک روپے فی لیٹر اضافہ کردیا گیا ہے تاہم لائٹ ڈیزل اور مٹی کے تیل کی قیمت برقرار رہے گی۔

    انہوں نے کہا کہ لائٹ ڈیزل اور مٹی کے تیل کی قیمتیں نہ بڑھانے کی وجہ سے حکومت ان مصنوعات پر 3 ارب روپے کی سبسڈی دے گی، پیٹرولیم مصنوعات کی نئی قیمتوں کا اطلاق آج رات 12 بجے سے ہوگا۔

    یاد رہے کہ وزارت پیٹرولیم ذرائع کے مطابق پیٹرول کی قیمت میں 1 روپے 91 پیسے اضافے کی سفارش کی گئی تھی جبکہ ڈیزل کی قیمت میں 2 روپے 3 پیسے اضافہ تجویز کیا گیا تھا۔

  • پیٹرول اورمٹی کے تیل کی قیمت میں ہوشربا اضافے کا امکان

    پیٹرول اورمٹی کے تیل کی قیمت میں ہوشربا اضافے کا امکان

    اسلام آباد : پیٹرولیم مصنوعات کی قیمتوں میں اضافے کی سمری وزارت پیٹرولیم کو ارسال کردی گئی، پیٹرول کی قیمت میں 4 روپے 16 پیسے فی لیٹر اضافے کی  تجویز دی گئی ہے۔ حکومت نے مٹی کاتیل ریکارڈ مہنگا کرنےکی تیاری کرلی، اے آر وائی نیوز نےاصل کہانی کا پتہ لگالیا.

    تفصیلات کے مطابق حکومت نے آئندہ ماہ پیٹرول کی قیمتوں میں اضافے کا عندیہ دے دیا ہے اس حوالے سے سمری وزارت پیٹرولیم کو ارسال کردی گئی ہے۔

    مذکورہ سمری میں پیٹرول کی قیمتوں میں اضافے کی تجویز دی گئی ہے کہ پیٹرول کی قیمت میں 4 روپے 16 پیسے فی لیٹر، ہائی اسپیڈ ڈیزل کی قیمت میں 5 روپے 29 پیسے فی لیٹر اضافہ کیا جائے۔

    اوگرا نے مٹی کا تیل 16 روپے 71 پیسےفی لیٹر کا تاریخی اضافہ تجویز کیا ہے، اس وقت مٹی کا تیل 43 روپے اور ہائی اسپیڈ ڈیزل  77  روپے فی لیٹر فروخت کیا جارہا ہے،

    قیمتوں میں مذکورہ اضافے کی منظوری سے پیٹرول کی نئی قیمت 72.20 روپے فی لیٹر، ہائی اسپیڈ ڈیزل کی قیمت81.51 ، لائٹ اسپیڈ ڈیزل کی قیمت 59.89 روپے فی لیٹر، مٹی کے تیل کی قیمت 59.69 اور ایچ او بی سی 89.21 روپے فی لیٹر ہوجائے گی۔

    مزید پڑھیں: پیٹرول کی قیمت میں ایک روپے 77 پیسے کا اضافہ

    حکومت نے اس سے پندرہ روز قبل پیٹرول کی فی لیٹر قیمت میں ایک روپے 77 پیسے جبکہ ڈیزل کی قیمت میں دو روپے فی لیٹر کا اضافہ کیا تھا۔

    ذرائع کا کہنا ہے کہ سیکریٹری پٹرولیم نے وزیرخزانہ اسحاق ڈار کو طیارے میں بریفنگ دی ہے، مٹی کے تیل کی ہائی اسپیڈ ڈیزل میں بڑے پیمانے پرملاوٹ کا انکشاف ہوا ہے۔

    مافیا ملاوٹ کر کے عوام کو دونوں ہاتھوں سے لوٹ رہی ہے،مٹی کاتیل مہنگا ہونے سے نقصان عوام کا ہی ہوگا، ذرائع کے مطابق سردیاں ختم ہونے کے بعد ملاوٹ کرنے والی مافیا کیخلاف کریک ڈاؤن ہوگا۔

    واضح رہے کہ وفاقی حکومت کی جانب سے اوگرا سمیت 5 ریگولیٹری اتھارٹیز کو متعلقہ وزارتوں کے ماتحت کردیا گیا ہے۔

  • پٹرولیم مصنوعات کی قیمتیں برقرار،اضافے کی سمری مسترد

    پٹرولیم مصنوعات کی قیمتیں برقرار،اضافے کی سمری مسترد

    اسلام آباد : حکومت نے آئندہ ماہ کے لیے پٹرولیم مصنوعات کی قیمتوں میں اضافہ نہ کرنے کا فیصلہ کیا ہے۔ پٹرولیم مصنوعات کی موجودہ قیمتیں آئندہ ماہ نومبر میں بھی برقرار رہیں گی۔

    تفصیلات کے مطابق حکومت نے اوگرا کی تجاویز کو مسترد کرتے ہوئے پیٹرولیم مصنوعات کی قیمتیں نہ بڑھانے کافیصلہ کیا گیا ہے، اوگرا نے 3 سے 15 فیصد تک قیمتیں بڑھانے کی سمری وزارت خزانہ کو ارسال کی تھی جسے مسترد کردیا گیا۔

    پرانی قیمتیں برقرار رکھنے کا فیصلہ کیا ہے جس کا باضابطہ اعلان وفاقی وزیرخزانہ اسحاق ڈار نے کیا۔

    اسحاق ڈار نے کہا ہے کہ پٹرولیم مصنوعات کی قیمتوں میں اضافہ نہیں کیا جائے گا،قیمتوں کا اضافی بوجھ وزارت خزانہ برداشت کرے گی، قبل ازیں اوگرا کی جانب سے وزارت خزانہ کو بھیجی گئی سمری میں پیٹرول کی فی لیٹر قیمت میں دو روپے 29 پیسے اضافے کی سفارش کی تھی جس کے مطابق مٹی کا تیل 6 روپے 75 پیسے، ہائی اسپیڈ ڈیزل 6 روپے، لائٹ اسپیڈ ڈیزل 6 روپے 40 پیسے اضافے کی تجویز دی گئی تھی۔

    مزید پڑھیں: پیٹرول کی قیمت میں اضافے کا امکان

    یاد رہے کہ گزشتہ ماہ پیٹرول کی فی لیٹر قیمت چونسٹھ روپے ستائیس پیسے کی سطح پر برقرار تھی جبکہ مٹی کے تیل کی قیمت تینتالیس روپے پچیس پیسے، لائٹ ڈیزل تینتالیس روپے چونتیس پیسے تھی۔

  • پیٹرول کی قیمت میں اضافے کا امکان

    پیٹرول کی قیمت میں اضافے کا امکان

    اسلام آباد : یکم نومبر سے پیٹرولیم مصنوعات کی قیمتوں میں اضافے کا امکان ہے۔ پیٹرول کی فی لیٹر قیمت میں دو روپے 29 پیسے اضافہ کے ساتھ 66 روپے 56 پیسے ہوجائے گی، اوگرا نے پیٹرولیم مصنوعات کی قیمتوں میں اضافے کی سمری وزارت خزانہ کو ارسال کردی۔

    تفصیلات کے مطابق حکومت نے آئندہ ماہ سے پیٹرولیم مصنوعات کی قیمتیں بڑھانے کا فیصلہ کرلیا ہے، اوگرا نے پٹرولیم مصنوعات قیمتوں کی سمری وزارت خزانہ کو ارسال کردی ہے۔

    مذکورہ سمری میں پیٹرول کی فی لیٹر قیمت میں دو روپے 29 پیسے اضافے کی سفارش کی گئی ہے جبکہ مٹی کا تیل 6 روپے 75 پیسے، ہائی اسپیڈ ڈیزل 6 روپے، لائٹ اسپیڈ ڈیزل 6 روپے 40 پیسے اضافے کی تجویز دی گئی ہے اوگرا نے سمری وزارت خزانہ کو ارسال کردی۔

    منظوری کی صورت میں پیٹرولیم مصنوعات کی قیمتوں میں اضافہ یکم نومبر سے نافذ العمل ہوگا۔ پیٹرول کی فی لیٹر قیمت میں دو روپے 29 پیسے اضافہ کے ساتھ 66 روپے 56 پیسے ہوجائے گی۔

    یاد رہے کہ گزشتہ ماہ حکومت نے پیٹرولیم مصنوعات کی قیمتوں میں اضافے کے سمری مسترد کردی تھی اور پیٹرول ڈیزل اور مٹی کے تیل کی قیمت برقرار رکھنے کا فیصلہ کیا تھا۔

    گزشتہ ماہ پیٹرول کی فی لیٹر قیمت چونسٹھ روپے ستائیس پیسے کی سطح پر برقرار تھی جبکہ مٹی کے تیل کی قیمت تینتالیس روپے پچیس پیسے، لائٹ ڈیزل تینتالیس روپے چونتیس پیسے تھی۔