ARYNews.tv | Urdu – Har Lamha Bakhabar

Tag: petrol prices

  • پیٹرول 4 روپے فی لیٹر مہنگا ہونے کا امکان

    پیٹرول 4 روپے فی لیٹر مہنگا ہونے کا امکان

    اسلام آباد : عالمی سطح پر خام تیل مہنگا ہونے کے باعث اوگرا نے پیٹرولیم مصنوعات کی قیمتوں میں اضافے کی تجویز دے دی، یکم اکتوبر سے ملک بھر میں پیٹرول اور ڈیزل چار روپے فی لیٹر مہنگا ہونے کا امکان ہے۔

    تفصیلات کے مطابق عالمی منڈی میں خام تیل کی قیمت میں مسلسل اضافہ دیکھنے میں آریا ہے ، اور خام تیل کی قیمتوں میں چار سال کی بلند ترین سطح پر ہے، جس کے باعث مقامی سطح پر پیٹرولیم مصنوعات کی قیمتوں میں اضافہ متوقع ہے۔

    اوگرا کی جانب سے پیٹرولیم مصنوعات کی قیمتوں میں چار روپے تک کا اضافہ تجویز کیا گیا ہے۔

    اوگرا نے پیڑول کی فی لیٹر قیمت ستانوے روپے اور ڈیزل ایک سو دس روپے فی لیٹر تجویز کی ہے جبکہ مٹی کے تیل اور لائٹ ڈیزل آئل کی قیمت میں تین روپے فی لیٹر کے اضافے کی تجویز کی گئی ہے۔

    انڈسٹری زرائع کا کہنا ہے کہ حکومت کے پاس ابھی بھی ڈیزل کی قیمت برقرار رکھنے کی گنجائش موجود ہے اور حکومتی حلقوں کی جانب سے وزیر اعظم کو ایک ماہ اور پیٹرولیم مصنوعات برقرار رکھنے کا مشورہ دیا ہے ۔

    پیٹرولیم مصنوعات کی قیمت میں در وبدل کا اعلان وزیر اعظم کی مشاورت سے اتوار کو کیا جائے۔

    یاد رہے گذشتہ ماہ حکومت نے مہنگائی سے بے حال عوام کو ریلیف دینے کے لیے پٹرولیم مصنوعات کی قیمتوں میں کمی کا اعلان کرتے ہوئے پیٹرول فی لیٹر2.41پیسے کم کردیا تھا۔

    مزید پڑھیں : پیٹرولیم مصنوعات کی قیمتوں میں کمی کا اعلان

    جس کے بعد پیٹرول دو روپے41 پیسے کم ہونے کے بعد 92.83 روپے فی لیٹر ہوگیا تھا جبکہ لائٹ اسپیڈ ڈیزل کی قیمت46پیسے کم ہونے کے بعد 106روپے57پیسے تک پہنچ گئی تھی۔

    اس کے علاوہ ہائی اسپیڈ ڈیزل کی قیمت میں6روپے37 پیسے کی کمی ، مٹی کے تیل کی قیمت میں 46پیسے کی کمی، مٹی کے تیل کی نئی قیمت83روپے50پیسے ہوگئی تھی۔

  • پیٹرولیم مصنوعات کی قیمتوں میں کمی متوقع

    پیٹرولیم مصنوعات کی قیمتوں میں کمی متوقع

    اسلام آباد: پاکستان تحریک انصاف کی حکومت نے مہنگائی سے بے حال عوام کو ریلیف دینےکی تیاری کرلی، پیٹرولیم مصنوعات کی قیمت میں کمی متوقع ہے۔

    تفصیلات کے مطابق یکم ستمبر سے پیٹرولیم مصنوعات کی قیمتوں میں کمی کا متوقع ہے، اوگرا نے پیٹرول کی قیمت میں دو روپے اور ڈیزل چھ روپے فی لیٹر سستا کرنے کی تجویز دے دی ہے۔

    اوگرا نے تین پیٹرولیم مصنوعات کی قیمتوں میں کمی کی تجویز دی ہے، مٹی کا تیل تیس پیسے فی لیٹر سستا کرنے کی تجویز دی گئی ہے تاہم لائٹ ڈیزل کی قیمت میں ستر پیسے فی لیٹر اضافے کی سفارش کی گئی ہے۔

    پیٹرولیم مصنوعات پر لیوی ٹیکس ختم کرنے کی تجویز بھی زیر غور ہے، جس سے پیٹرولیم مصنوعات مزید سستی ہونے کا امکان ہے۔

    پیٹرولیم مصنوعات کی قیمت میں در وبدل کا فیصلہ وزیراعظم آج کریں گے۔

    مزید پڑھیں : نگراں حکومت کا پیٹرولیم مصنوعات کی قیمتیں برقرار رکھنے کا فیصلہ

    خیال رہے کہ اگست کے مہینے کے لیے نگران حکومت نے پیٹرول کی قیمت برقرار رکھنے کا فیصلہ کیا تھا جبکہ اوگرا نے پیٹرولیم مصنوعات کی قیمتیں بڑھانےکی سفارش کی تھی۔

    یاد رہے کہ نگراں حکومت نے آتے ہی ایک ہی ماہ میں دو مرتبہ پیٹرولیم مصنوعات کی قیمتوں میں اضافہ کیا، وزارتِ خزانہ کی جانب سے سمری منظور ہونے کے بعد پیٹرول کی قیمت میں 7 روپے 54 پیسے اضافے سے پیٹرول 99.50 پیسے فی لیٹر ہوگیا تھا۔

  • نگراں حکومت کی دوسری بار عوام پر پیٹرول بم گرانے کی تیاری

    نگراں حکومت کی دوسری بار عوام پر پیٹرول بم گرانے کی تیاری

    اسلام آباد: آئل اینڈ گیس ریگولیٹری اتھارٹی (اوگرا) کی جانب سے پیٹرولیم مصنوعات کی قیمتوں میں اضافے کی سمری وزارت خزانہ کو ارسال کردی گئی ہے۔

    تفصیلات کے مطابق نگراں حکومت نے دوسری بار عوام پر پیٹرول بم گرانے کی تیاری کرلی ہے، پیٹرولیم مصنوعات مہنگی کرنے کی سمری وزارت خزانہ کو ارسال کردی گئی ہے، پیٹرولیم مصنوعات کی قیمتوں میں 12 روپے فی لیٹر تک اضافے کی سفارش کی گئی ہے۔

    ذرائع کے مطابق سمری میں پیٹرول کی قیمت میں 5 روپے 40 پیسے اضافے جبکہ ہائی اسپیڈ ڈیزل کی قیمت میں 6 روپے 20 پیسے اضافے کی تجویز دی گئی ہے۔

    لائٹ ڈیزل کی قیمت میں 10 روپے 50 پیسے اضافے کی تجویز دی گئی ہے جبکہ مٹی کا تیل 12 روپے فی لیٹر مہنگا کرنے کی سفارش کی گئی ہے۔

    پیٹرولیم مصنوعات کی قیمتوں میں اضافے کے حوالے سے وزارت خزانہ حتمی منظوری کل دے گی اور نئی قیمتوں کا اطلاق یکم جولائی سے ہوگا۔

    واضح رہے کہ گزشتہ کئی ماہ سے پیٹرولیم مصنوعات کی قیمتوں میں اضافہ کیا جارہا ہے، رواں ماہ بھی نگراں حکومت نے پیٹرول کی قیمت میں 4 روپے 26 پیسے اضافہ کیا تھا۔

    مزید پڑھیں: پیٹرولیم مصنوعات کی قیمتوں میں ہوشربا اضافہ، پیٹرول 92روپے لیٹر تک جا پہنچا

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ن لیگ نے جاتے جاتے پیٹرولیم مصنوعات کی قیمتوں میں اضافہ کردیا

    ن لیگ نے جاتے جاتے پیٹرولیم مصنوعات کی قیمتوں میں اضافہ کردیا

    اسلام آباد: ن لیگ نے اپنے دور حکومت کی آئینی مدت پوری ہونے کے آخری دنوں میں بھی جاتے جاتے پیٹرولیم مصنوعات کی قیمتوں میں ڈیڑھ روپے سے لے کر ساڑھے تین روپے تک کا اضافہ کردیا۔

    تفصیلات کے مطابق پیٹرول کی قیمت میں ایک روپے 70 پیسے فی لیٹر کا اضافہ کردیا گیا ہے جس کے بعد پیٹرول کی نئی قیمت 87 روپے 70 پیسے فی لیٹر ہوگئی ہے۔

    ہائی اسپیڈ ڈیزل کی قیمت میں 2 روپے 31 پیسے کا اضافہ کردیا گیا ہے جس کے بعد ہائی اسپیڈ ڈیزل کی نئی قیمت 98 روپے 76 پیسے فی لیٹر ہوگئی ہے۔

    لائٹ ڈیزل کی فی لیٹرقیمت میں 3 روپے 55 پیسے کا اضافہ کیا گیا ہے جس کے بعد لائٹ ڈیزل کی نئی قیمت 68 روپے 85 پیسے فی لیٹر ہوگئی ہے۔

    مٹی کے تیل کی قیمت میں 3 روپے 41 پیسے فی لیٹر کا اضافہ کیا گیا ہے جس کے بعد مٹی کے تیل کی نئی قیمت 79 روپے 87 پیسے فی لیٹرہوگئی ہے۔

    یکم جولائی سے پیٹرولیم مصنوعات کی قیمتوں میں اضافہ: پوسٹ بجٹ بریفنگ

    واضح رہے کہ پوسٹ بجٹ پریس کانفرنس میں وزیر خزانہ مفتاح اسماعیل نے اعلان کیا تھا کہ یکم جولائی سے پیٹرولیم مصنوعات کی قیمتوں میں اضافہ کردیا جائے گا۔

    خیال رہے کہ اس وقت حکومت پیٹرول پر ساڑھے 21 فیصد، ڈیزل پر ساڑھے 27 فیصد اور مٹی کے تیل پر 17 فیصد سیلز ٹیکس وصول کر رہی ہے۔ تجزیہ کاروں کا کہنا ہے کہ اگر ٹیکس 17 فیصد وصول کیا جائے تو پیٹرول کی قیمتیں بڑھانے کی ضرورت پیش نہ آئے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • تیل کی قیمتیں فوری آدھی کردی جائیں ورنہ احتجاج ہو گا،بلاول بھٹو

    تیل کی قیمتیں فوری آدھی کردی جائیں ورنہ احتجاج ہو گا،بلاول بھٹو

    کراچی : پیپلز پارٹی کے چیئرمین بلاول بھٹوزرداری نے حکومت سے تیل کی قیمتیں فوری آدھی کرنے کا مطالبہ کردیا اور مطالبہ پورا نہ ہونے کی صورت میں احتجاج کی دھمکی بھی دیدی۔

    تفصیلات کے مطابق پیپلزپارٹی نے پیٹرولیم مصنوعات کی قیمتوں میں اضافے پر درعمل کا اظہار کرتے ہوئے کہا کہ نئےسال کی آمدپرعوام پرمہنگائی کا بم گرایاگیا، ن لیگ کھلم کھلا عوام دشمنی پر اتر آئی ہے۔

    بلاول بھٹو کا کہنا تھا کہ حکمران معصوم پاکستانی عوام کا خون چوس رہے ہیں، پیپلز پارٹی ن لیگ کےمعاشی حملے کا مقابلہ کریگی، مہنگائی آسمان کو چھو رہی ہے اور اسکے ذمہ دار شریف برادران ہیں۔

    پی پی چیئرمین نے حکومت سے تیل کی قیمتیں فوری آدھی کرنے کا مطالبہ کرتے ہوئے کہا کہ تیل کی قیمتیں فوری آدھی کردی جائیں ورنہ احتجاج ہوگا۔

    مزید پڑھیں :  نئے سال کے آغازپرپیٹرولیم مصنوعات کی قیمتوں میں ہوشربا اضافہ

    ہائی اسپیڈ ڈیزل کی قیمت تین روپے چھیانوے پیسے فی لیٹر اضافے کے ساتھ نواسی روپے اکانوے پیسے ہوگئی جبکہ مٹی کے تیل کی قیمت میں چھ روپے اناسی پیسے جبکہ لائٹ ڈیزل چھ روپے پچیس فیصد مہنگا کردیا گیا ۔

    مٹی کی تیل کی قیمت باسٹھ روپے تیس پیسے ہوگئی ہے۔

    وزیر اعظم کےمشیر برائے خزانہ مفتاح اسماعیل نے کہا کہ پیٹرول پر سیلز ٹیکس میں کوئی ردوبدل نہیں کیا گیا جبکہ ڈیزل پر جی ایس ٹی کم کیا گیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیسبک وال پر شیئر کریں۔

  • پیٹرولیم مصنوعات کی قیمت میں ہوشربا اضافہ

    پیٹرولیم مصنوعات کی قیمت میں ہوشربا اضافہ

    کراچی: محرم الحرام میں سوگ مناتی عوام کو حکومت نے پیٹرولیم مصنوعات کی قیمتوں میں اضافہ کرکے ایک اور صدمے سے دو چار کردیا۔

    تفصیلات کے مطابق آئل اینڈ گیس ریگولیٹری اتھارٹی (اوگرا) کی جانب سے جاری کی گئی پریس ریلیز کے مطابق پیٹرول کی قیمت میں 2 روپے اضافہ کردیا گیا ہے۔

    کل یکم اکتوبر سے اطلاق ہونے والی ان قیمتوں میں مٹی کے تیل کی قیمت میں 4 روپے، جبکہ پیٹرول،لائٹ اسپیڈ اور ہائی اسپیڈ ڈیزل کی قیمت میں 2 روپے فی لیٹر کا اضافہ کیا گیا۔

    قیمتوں میں اضافے کے بعد اب پیٹرول کی موجودہ قیمت 73.5 روپے فی لیٹر ہوگئی ہے جس سے مہنگائی کے بوجھ تلے دبی عوام مزید مشکلات کا شکار ہوگئی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پٹرولیم نرخوں‌ میں‌ آج رات سے اضافے کا اعلان

    پٹرولیم نرخوں‌ میں‌ آج رات سے اضافے کا اعلان

    اسلام آباد: حکومت نے پیٹرولیم مصنوعات کی قیمتوں میں ردوبدل کا اعلان کردیا جس کے بعد پٹرول کی قیمت میں دو روپے اور مٹی کے تیل کی قیمت میں 4 روپے اضافہ ہوگیا۔

    تفصیلات کے مطابق وزارت خزانہ نے پٹرولیم مصنوعات کی قیمتوں میں اضافے کا اعلان کردیا جس کا اطلاق آج رات 12 بجے سے ہوگا۔

    اعلامیے کے مطابق پٹرول،لائٹ اسپیڈ اور ہائی اسپیڈ ڈیزل کی قیمت میں 2 روپے فی لیٹر کا اضافہ کردیا گیا۔

    اضافے کے بعد پٹرول کی نئی قیمت 73 روپے 50 پیسے، ہائی اسپیڈ ڈیزل کی نئی قیمت 79 روپے 40 پیسے اور لائٹ ڈیزل کی نئی قیمت 46 روپے ہوگی۔

    اسی طرح مٹی کے تیل کی قیمت میں 4 روپے فی لیٹر بڑھا دیے گئے ہیں۔

  • پیٹرول کی قیمت میں 2 روپے فی لیٹراضافہ

    پیٹرول کی قیمت میں 2 روپے فی لیٹراضافہ

    اسلام آباد: وفاقی حکومت نے پیٹرولیم مصنوعات کی قیمتوں میں ردوبدل کا اعلان کردیا جس کا اطلاق رات 12 بجے سے ہوگا، پیٹرول کے نرخ میں 2 روپے فی لیٹر اضافہ کیا گیا ہے۔

    تفصیلات کے مطابق اوگرا کی جانب سے بھیجی جانے والی سمری کو وزارتِ خزانہ نے مسترد کرتے ہوئے پیٹرولیم مصنوعات کی قیمتوں میں ردوبدل کیا جس کے بعد صرف  پیٹرول کی قیمت میں 2 روپے فی لیٹر اضافہ کیا گیا۔

    وزیر پیٹرولیم کی جانب سے ہائی اسپیڈ ڈیزل، لائٹ ڈیزل اور مٹی کے تیل کی قیمتں برقرار رکھنے کی ہدایت جاری کی گئی ہے، پیٹرولیم مصنوعات کی نئی قیمتوں کا اطلاق رات 12 بجے سے ہوگا۔

    قبل ازیں آئل اینڈ گیس ریگولیٹری اتھارٹی کی جانب سے پٹرولیم مصنوعات کی قیمتوں میں اضافے کی سفارش کی گئی تھی جس کے مطابق  پیٹرول کی قیمت میں دو روپے فی لیٹر جبکہ ڈیزل 78 روپے10 پیسے اور لائٹ ڈیزل 56روپے فی لیٹر بڑھانے کی تجویز تھی۔

    اوگرا نے مٹی کے تیل میں ہوش ربا اضافے کی تجویز دی تھی، جس کے مطابق مٹی کاتیل پندرہ روپے مہنگا کرکے انسٹھ روپے فی لیٹر ہونا تھا تاہم وزارتِ خزانہ نے اوگرا سمری کو مسترد کرتے ہوئے صرف پیٹرول کے نرخ میں 2 روپے فی لیٹر اضافے کی منظوری دی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پیٹرولیم مصنوعات کی قیمتوں میں اضافہ، پنجاب اسمبلی میں گرما گرمی

    پیٹرولیم مصنوعات کی قیمتوں میں اضافہ، پنجاب اسمبلی میں گرما گرمی

    لاہور : پنجاب اسمبلی میں پیٹرولیم مصنوعات کی قیمتوں میں اضافہ پر بحث کے دوران اراکین نے خوب شورشرابہ کیا، اپوزیشن نے ایوان سے واک آؤٹ کردیا۔ پی ٹی آئی نے اضافے کیخلاف قرارداد جمع کرادی۔

    تفصیلات کے مطابق ایک ماہ میں دوسری مرتبہ عوام پر پیٹرول بم گرا تو اس کی گونج پنجاب اسمبلی تک پہنچ گئی، اپوزیشن اراکین نے پیٹرولیم مصنوعات میں اضافے پر مذمتی قرارداد پیش کی۔

    قرارداد میں یہ مؤقف اپنایا گیا ہے کہ پیٹرولیم مصنوعات میں اضافے سے مہنگائی میں مزید اضافہ ہوگا اور پٹرولیم مصنوعات پر ٹیکس کی شرح کو بھی کم کیا جائے، اس موقع پر پی ٹی آئی کے رکن اسمبلی محمود الرشید کا کہنا تھا حکومت دن بہ دن مہنگائی بڑھا رہی ہے۔

    قرارداد پر اپوزیشن جماعت اورحکومتی ارکان کے درمیان بحث چھڑگئی، بحث بڑھی تو اراکین نے بھرپور احتجاج کرتے ہوئے نعرے بازی کی، اس دوران اپوزیشن جماعت نشستوں سے کھڑی ہوگئی اور ایوان سے واک آؤٹ کر دیا۔

    واضح رہے کہ گزشتہ روز وفاقی وزیر خزانہ اسحاق ڈار نے یٹرولیم مصنوعات کی قیمتوں میں اضافہ کا اعلان کیا ہے، مذکورہ اضافہ ایک ماہ میں دوسری مرتبہ کیا ہے، عوام کا کہنا ہے کہ قیمتوں میں اضافہ کرکے حکمران صرف اپنی جیبیں بھر رہے ہیں اور ان کو غریب عوام کا کوئی خیال نہیں۔

  • پیٹرول کی قیمت کم ، کرایوں میں کمی نہ ہوئی

    پیٹرول کی قیمت کم ، کرایوں میں کمی نہ ہوئی

    کراچی: پٹرول کی قیمتوں میں کمی کا اعلان تو ہوگیا لیکن ٹرانسپورٹرز نے پبلک ٹرانسپورٹ کے کرایوں میں کمی نہ کرنے کا فیصلہ کیا۔

     پٹرول کی قیمتیں توکم ہوگئیں لیکن بسوں اور ویگن جس پر سفر عام آدمی کرتاہے اس کے کرایے ٹرانسپورٹرز کی ہٹ دھرمی کی وجہ سے کم نہیں ہوئے ،سب ہی واقف ہیں کہ بس ہو رکشہ یا ٹیکسی اب یہ پیٹرول یا ڈیزل پر نہیں بلکہ سی این جی اور ایل پی جی پر چلائی جاتی ہیں ۔

    لیکن محکمہ ٹرانسپورٹ کی یہ لاعلمی ہے یا کچھ اور عوام کے لیئے کرائے ڈیزل اور پیٹرول کے حساب سے لیئے جاتے ہیں، یعنی اندھیر نگری چوپٹ راج ، ماضی میں جب ڈیزل پٹرول سے سستا تھا یویہی ٹرانسپورٹرز اپنی گاڑیاں ڈیزل سے چلا تے اور پیسے پٹرول کے وصول کرتے تھے اب جبکہ ملکی تاریخ میں پٹرول نوروپےتینتالیس پیسے سستاہو چکاہے تو ٹرانسپورٹرز بضد ہیں کہ قیمتیں تو تب کم کریں گے جب ڈیزل کی قیمت اور کم ہو، ساتھ میں ہے دھمکی کہ ایسا نہ ہوا تو ہڑتال ہوگی۔

    کراچی ٹرانسپورٹ اتحاد کے صدرارشادبخاری کا کہنا ہے ٹرانسپورٹ کے اخراجات پہلے ہی بہت بڑھ چکے ہیں۔ ڈیزل تیرانوے روپے ہوگا تو کرایوں میں کمی کرینگے۔کراچی ٹرانسپورٹ کے ساتھ ساتھ ریلوے حکام نے بھی کرایوں میں کمی نہ کرنے کااعلان کردیا۔

     سوال یہ ہے کہ کیا محکمہ ٹرانسپورٹ کی کارکردگی کیا ہے،کیا ٹرانسپورٹرز اور محکمہ ٹرانسپورٹ ایک ہی سکے کے دو رخ ہیں، کیا ملک میں مو جود ٹرانسپورٹ ما لکان اتنے طاقتور ہیں کہ حکومتی محکمے ان کے سامنے بے بس نظر آتی ہیں وجہ کچھ بھی ہونتیجہ یہ کہ قیمتوں میں کمی سے ریلیف عام آدمی تک نہیں پہنچ پا ئے گا۔