ARYNews.tv | Urdu – Har Lamha Bakhabar

Tag: petrol pump

  • پمپ پر پیٹرول کی جگہ پانی نکلنے لگا، عوام مشتعل، شدید احتجاج

    پمپ پر پیٹرول کی جگہ پانی نکلنے لگا، عوام مشتعل، شدید احتجاج

    بھارت کے شہر حیدرآباد میں اپنی نوعیت کا حیرت انگیز واقعہ رونما ہوا، جب پیٹرول پمپ سے پیٹرول کے بجائے پانی نکلنے لگا۔

    بھارتی میڈیا رپورٹس کے مطابق حیدرآباد کے ایک پٹرول پمپ پر پیٹرول بھروانے کے لئے آنے والے افراد اس وقت حیرانی میں مبتلا ہوگئے جب پمپ سے پانی نکلنے لگا۔

    موٹر سائیکل سوار افراد نے معاملہ سامنے آنے پر پمپ کے مالک کو طلب کرکے وجہ معلوم کی تواس نے عجیب دلائل پیش کئے، جس پر موٹر سائیکل سوار افراد نے احتجاج شروع کردیا۔

    رپورٹس کے مطابق حیدرآباد کے مضافاتی علاقے ہستینا پورم میں پیش آنے والے واقعہ میں پیٹرول پمپ پر دھوکہ دہی کا الزام عائد کرتے ہوئے دھرنا دیا گیا، مظاہرین نے احتجاج کرتے ہوئے معاوضہ ادا کرنے کا بھی مطالبہ کیا۔

    ٹرمپ فائرنگ واقعہ، ایف بی آئی کا اہم بیان

    مظاہرین کا کہنا تھا کہ پیٹرول میں پانی ملنے کی وجہ سے گاڑیاں خراب ہوگئیں ہیں۔انہوں نے شکایت کی کہ اس پمپ میں سادہ پٹرول ہونے کے باوجود صرف پاور پٹرول ہی فراہم کیا جارہا ہے۔ مظاہرین نے پمپ کے مالکان کے خلاف فوری کارروائی کا بھی مطالبہ کیا۔

  • پیٹرول پمپ پر پولیس اہلکار آپس میں لڑ پڑے، فائرنگ سے اہلکار زخمی

    پیٹرول پمپ پر پولیس اہلکار آپس میں لڑ پڑے، فائرنگ سے اہلکار زخمی

    کراچی: شہر قائد کے علاقے بلدیہ سعیدآباد میں پیٹرول پمپ پر پولیس اہلکار آپس میں لڑ پڑے جس کے نتیجے میں ایک اہلکار زخمی ہوگیا۔

    تفصیلات کے مطابق کراچی کے علاقے بلدیہ سعید آباد میں دو پولیس اہلکار کی آپس میں لڑائی ہوگئی، جھگڑے کے دوران فائرنگ سے دوسرا اہلکار زخمی ہوگیا۔

    پولیس حکام نے بتایا کہ ہاتھا پائی کے دوران ایک اہلکار سے گولی چل گئی، جس سے دوسرا زخمی ہوگیا، جھگڑا کرنیوالے اہلکار مددگار ون فائیو یونٹ میں تعینات ہیں، موبائل ڈیزل بھروانے پمپ پہنچی جہاں اہلکاروں میں جھگڑا ہوا۔

    پولیس حکام نے مزید بتایا کہ زخمی اہلکار کو ہاتھ میں گولی لگی ہے تاہم حالت خطرے سے باہر ہے، حکام نے کہا کہ تحقیقات کررہے ہیں قانون کے مطابق  ایکشن لیا  جائے گا۔

  • پیٹرول پمپ پر 2 کروڑ کی ڈکیتی کرنے والا ملزم گرفتار

    پیٹرول پمپ پر 2 کروڑ کی ڈکیتی کرنے والا ملزم گرفتار

    کراچی: صوبہ خیبر پختونخواہ میں رواں سال کی سب سے ڈکیتی کرنے والے گروہ کے ملزم کو صوبہ سندھ کے دارالحکومت کراچی سے گرفتار کرلیا گیا۔

    تفصیلات کے مطابق کراچی کے علاقے بوٹ بیسن کی حدود میں پولیس نے خفیہ اطلاع پر کارروائی کرتے ہوئے ملزم شاہ فرید کو گرفتار کرلیا۔

    پولیس کا کہنا ہے کہ چند روز قبل صوابی میں پیٹرول پمپ پر 1 کروڑ 82 لاکھ روپے کی ڈکیتی ہوئی تھی، گرفتار ملزم شاہ فرید پیٹرول پمپ پر ڈکیتی کرنے والے گروہ کا کارندہ ہے۔

    پولیس کے مطابق ملزم کے قبضے سے ڈکیتی کی رقم میں اس کا حصہ اور اسلحہ برآمد کرلیا گیا، گرفتار ملزم پرجیکسن تھانے میں بھی مقدمات درج ہیں۔

  • اسلام آباد: بارہ کہو میں تیز رفتار کار پٹرول پمپ سے ٹکرا گئی

    اسلام آباد: بارہ کہو میں تیز رفتار کار پٹرول پمپ سے ٹکرا گئی

    اسلام آباد: وفاقی دارالحکومت اسلام آباد میں تیز رفتار کار پیٹرول پمپ سے ٹکرا گئی۔

    پولیس ذرائع کے مطابق افسوسناک واقعہ وفاقی دارالحکومت کے نواحی علاقے بارہ کہو میں پیش آیا، جہاں تیز رفتار کار بے قابو ہوکر پیٹرول پمپ سے ٹکراگئی، دلخراش حادثے کے نتیجے میں 4 نوجوان جاں بحق جبکہ دو شدید زخمی ہوئے۔

    واقعے کی اطلاع ملنے پر ریسکیو ٹیمیں جائے حادثے پر پہنچی اور جاں بحق اور زخمیوں کو پمز اسپتال منتقل کیا، جہاں دونوں شدید زخمیوں کو طبی امداد دی جارہی ہے۔

    یہ بھی پڑھیں: ٹریفک حادثہ ، آئی جی اسلام آباد بال بال بچ گئے

    حادثے پر دلخراش منظر یہ تھا کہ جاں بحق نوجوانوں کی لاشوں کو گاڑی کاٹ کر نکالا گیا، جاں بحق ہونے والوں میں فرحان ،فہد اورحمزہ شامل ہیں جبکہ چوتھے جاں بحق نوجوان کی شناخت نہیں ہوسکی۔

    واضح رہے کہ وفاقی دارالحکومت میں ٹریفک حادثات میں تیزی سے اضافہ دیکھا جارہا ہے، گذشتہ سال اکتوبر میں بہارہ کہو میں شادی کی تقریب سے واپس جانیوالی گاڑی نمبر تیز بارش کے باعث نالے میں جاگری تھی، جس کے نتیجے میں ایک ہی خاندان کے سات افراد جاں بحق ہوگئے تھے۔

  • ڈاکو پیٹرول پمپ کے بوڑھے ملازم سے 5 لاکھ لوٹ کر فرار

    ڈاکو پیٹرول پمپ کے بوڑھے ملازم سے 5 لاکھ لوٹ کر فرار

    نئی دہلی: بھارتی شہر مظفر پور میں 6 ڈاکو پیٹرول پمپ کے 65 سالہ ملازم سے 5 لاکھ روپے لوٹ کر فرار ہوگئے، پولیس نے واقعے کی تفتیش شروع کردی۔

    مذکورہ واقعہ مظفرپور میں پیش آیا جہاں ایک پیٹرول پمپ کا 65 سال ملازم 5 لاکھ کی رقم بیگ میں ڈال قریبی بیگ میں ڈی پازٹ کروانے جارہا تھا۔

    پولیس کے مطابق بینک کے قریب 2 موٹر سائیکلوں پر سوار 6 مسلح افراد نے ملازم کو روکا اور گن پوائنٹ پر اس سے بیگ چھین لیا۔ عینی شاہدین کا کہنا ہے کہ اس دوران ڈاکوؤں نے فائرنگ بھی کی۔

    ملازم کا کہنا ہے کہ تمام ڈاکوؤں نے اپنے چہروں پر ڈھاٹا باندھا ہوا تھا جبکہ ہیلمٹ بھی پہنا ہوا تھا لہٰذا وہ کسی کو دیکھ نہ سکا۔ واقعے کے بعد وہ ہانپتا کانپتا واپس پیٹرول پمپ پر پہنچا اور دیگر ملازمین کو واقعے کے بارے میں بتایا۔

    عینی شاہدین کے مطابق ڈاکو پستولیں لہراتے ہوئے واپس روانہ ہوئے لہٰذا کوئی ان کے پیچھے جانے کی ہمت نہ کرسکا۔

    انتظامیہ کی جانب سے فوری طور پر پولیس کو مطلع کیا گیا جس کے بعد پولیس نے تفتیش کا آغاز کردیا ہے۔

  • کراچی میں پٹرول پمپ میں لگی آگ پرقابوپالیا گیا

    کراچی میں پٹرول پمپ میں لگی آگ پرقابوپالیا گیا

    کراچی: شہر قائد کے علاقے اورنگی ٹاؤن میں پٹرول پمپ پر لگنے والی آگ پرقابو پا لیا گیا ہے جبکہ کولنگ کا عمل جاری ہے۔

    تفصیلات کے مطابق کراچی کے علاقے اورنگی ٹاؤن ساڑھے11نمبرمیں پیٹرول پمپ پرلگنے والی آگ پرقابو پالیا گیا ہے،آتشزدگی سے پٹرول پمپ کے ایک حصے کو نقصان پہنچا۔

    فائربریگیڈ حکام کا کہنا ہے کہ آگ بجھانے کے عمل میں فائربریگیڈ کی 6 گاڑیوں نے حصہ لیا، آتشزدگی سے کوئی جانی نقصان نہیں ہوا۔

    فائرآفیسر کا کہنا ہے کہ پمپ پر آگ ٹینکرسے فیول کی منتقلی کے دوران لگی تاہم آگ پرقابو پالیا گیا ہے اور کولنگ کا عمل جاری ہے۔

    کراچی : سائٹ ایریا میں جوتوں کی فیکٹری میں آتشزدگی

    خیال رہے کہ رواں برس یکم ستمبر کو کراچی کےعلاقے سائٹ ایریا میں جوتوں کی فیکٹری میں لگنے والی آگ کے سے فائربریگیڈ کے 3 اہلکاروں سمیت پانچ افراد زخمی ہوگئے تھے۔

    یاد رہے کہ رواں سال 20 ستمبر کو کراچی کے علاقے شارع فیصل نرسری کے قریب کاسمیٹکس فیکٹری میں آگ لگ گئی تھی جس میں ایک شخص جاں بحق دو زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پارکس میں بم کی افواہ پھییلانے والے تین افراد گرفتار

    پارکس میں بم کی افواہ پھییلانے والے تین افراد گرفتار

    کراچی : شہر قائد کے تین پارکس میں بم کی جھوٹی اطلاع دینے والے تین افراد کو گرفتار کرلیا گیا۔  افواہ احتجاج ختم کرانے کےلئے پھیلائی گئی.

    تفصیلات کے مطابق اتوار کے روز کراچی کے تین پارکس میں ہل چل مچ گئی۔ ہرشخص جان بچانے کےلئےبھاگ کھڑا ہوا۔

    نیوکراچی کے ان تین پارکس میں بم کی اطلاع تھی ، لیکن یہ اطلاع جھوٹی تھی اورجان بوجھ کر پھیلائی گئی تھی۔ پولیس کے مطابق بم کی جھوٹی اطلاع قریب کے ایک پٹرول پمپ ملازمین نےپھیلائی تھی.

    پولیس نے بتایا کہ انہوں نے پیٹرول پمپ مالک کے کہنے پرپولیس کوفون کیا کہ قریب واقع پارک میں بم ہے۔ پولیس نے تینوں ملازمین کوگرفتارکرلیا۔

    تفتیش میں انہوں نے بتایا کہ پمپ کےسامنے کچھ لوگ پانی بجلی نہ آنے کے خلاف احتجاج کررہے تھے۔ لوگوں کوبھگانےکےلئے بم کی افواہ پھیلائی۔

  • بھکارن نے پٹرول پمپ کو آگ لگادی

    بھکارن نے پٹرول پمپ کو آگ لگادی

    یروشلم: اسرائیل کے ایک پٹرول پمپ پر سگریٹ کی متقاضی بھکارن نے انکارپرپیٹرول پمپ کو آگ لگادی۔

    پولیس نے ایک ویڈیو لنک جاری کیا ہے جس میں دیکھا جاسکتا ہے کہ عورت نے ایک کار کی ٹنکی کے قریب لائٹر سے شعلہ جلایا، اس وقت کار میں فیولنگ کا عمل جاری تھا۔ اور آگ بھڑکتے ہی جائے وقوعہ سے بھاگ کھڑی ہوئی۔

    ویڈیو میں دیکھاجاسکتا ہے کہ مشین آپریٹر نے ہوز کو فوری طور پر گاڑی سے کھینچا اور ہنگامی صورتحال سے نمٹنے لئے متعین عملے نے بروقت کاروائی کرتے ہوئے کسی بھی قسم کے جانی نقصان سے قبل ہی آگ بجھالی۔

  • چمن: منی پیٹرول پمپس میں آتشزدگی،1 شخص جاں بحق،3زخمی

    چمن: منی پیٹرول پمپس میں آتشزدگی،1 شخص جاں بحق،3زخمی

    چمن : منی پیٹرول پمپس میں لگنے والی آگ پر قابو پالیا گیا۔ آتشزدگی سے ایک شخص جاں بحق اور تین زخمی ہوگئے۔ چمن میں بوغرہ روڈ کے مین چوک پر قائم منی پیٹرول پمپ میں اچانک آگ بھڑک اٹھی،

    جس نے دیکھتے ہی دیکھتے نزدیک موجود دو گاڑیوں اور چھ موٹر سائیکلوں کو اپنی لپیٹ میں لے لیا۔ آگ لگنے کی وجوہات معلوم نہ ہوسکیں ۔آگ سے جھلس کر ایک شخص جاں بحق جبکہ ایک معصوم بچے سمیت تین افراد شدید زخمی ہوگئے ۔

    آتشزدگی سے ہزاروں لیٹر تیل جل کر خاکستر ہوگیا، جس سے منی پیٹرول پمپ کے مالکان کو لاکھوں روپے کا نقصان ہوا۔ اطلاع ملنے پر فائر بریگیڈ کے عملے نے جائے وقوعہ پر پہنچ کر آگ پر قابو پالیا۔