Tag: petrol shortage

پنجاب :لاہور سمیت پنجاب بھر میں پٹرول کی قلت پانچویں روزبھی برقرار ہے۔ شہریوں کو اذیت میں مبتلاکرنےکا ذمہ دار کون ہے۔

انتظامی نااہلی نے عوام کو نئی اذیت میں مبتلا کردیا ہے، پٹرول سستا ہوتے ہی نایاب کیوں ہوگیا؟ بتایا جارہا ہے کہ پی ایس اوکا سرکلر ڈیٹ دو سو ارب روپے تجاوز کر گیا ہے۔

اس بار مالی بحران نے صورتحال کو سنگین کردیا ہے، پٹرول کی قلت کی بڑی وجہ اثاثوں میں کمی ہے، مارکیٹ میں پٹرول کی قلت پیدا کر کے اشیاء کو مہنگا کر دیا جاتا ہے۔

اجارہ داری کے منصوبوں کے تحت کمیشن لے کر معاہدے ہوتے ہیں اور آخر میں تمام بوجھ صارف کو ہی اٹھانا پڑتا ہے، کمزور مالیاتی اداروں،غیر ملکی قرضوں اور بڑھتےہوئےحکومتی اخراجات سے ملک میں زرمبادلہ ذخائر خطرناک حد تک کم ہوگئے ہیں۔ جس کا تازہ ثبوت پاکستان اسٹیٹ آئل کا مالی بحران ہے ۔

وزارتِ خزانہ، وزارتِ پٹرولیم اور وزارتِ پانی و بجلی سے پی ایس او کے واجبات کی مد میں فوری طور پرپچاس ارب روپے کی ادائیگی کو یقینی بنانےکی ہدایت کی گئی۔

اگر بروقت ادائیگی نہ ہوئی تو پاور سیکٹر کو ایندھن کی فراہمی میں واضح کمی کردی جائےگی، جس کے بعد عوام کو بجلی کے اذیت ناک بحران کا سامنا ہوگا۔

پنجاب: لاہور سمیت پنجاب کے بیشتر شہروں میں پٹرول کی قلت پانچویں روز بھی برقرار ہے، جس سے شہریوں کو سخت مشکلات کا سامنا ہے۔

لاہور سمیت پنجاب کے بیشتر شہروں میں پیٹرول کا حصول بحران پانچویں روز بھی جاری ہے، پٹرول نہ ملنے پر دفاتر اور اسکولوں میں حاضری کم ہے، پٹرول کی قلت کا یہ عالم ہے کہ شہر کے نوے فیصد پمپ بند ہیں اور جن پر پٹرول پر دستیاب ہیں، وہاں گاڑیوں کی لمبی قطاریں لگی ہوئی ہے۔

پٹرول نہ ملنے پر رکشہ ڈرائیورز مسافروں سے منہ مانگے دام وصول کرتے رہے اور شہر کے بعض علاقوں میں پٹرول بلیک میں بھی فروخت ہو رہا ہے۔

لاہور میں پیٹرول کے حصول کے لیے آنے والے ایک شہری کا کہنا تھا کہ ذخیرہ اندوز دکاندار صورتحال سے فائدہ اٹھا رہے ہیں، پیٹرول کے متلاشی رکشہ ڈرائیور کو شکوہ تھا کہ اسے پیٹرول بلیک مارکیٹ سے خریدنا پڑ رہا ہے ساٹ ایک اور شہری نے بتایا کہ جہاں پیٹرول مل رہا ہے وہاں طویل قطاریں لگی ہوئی ہیں۔

گوجرانوالہ میں تمام پیٹرول پمپ بند ہیں جبکہ ایک پیٹرول پمپ جہاں پیٹرول دستیاب ہے، وہاں گاڑیوں کی لمبی قطاریں لگی ہوئی ہیں، شہریوں کا کہنا ہے کہ پیٹرول کی عدم دستیابی سے انھیں شدید مشکلات کا سامنا کرنا پڑرہا ہے۔

دوسری جانب وفاقی وزیرپیٹرولئیم شاہد خاقان عباسی نے کہا کہ پیٹرول کا بحران مزید ایک ہفتے تک جاری رہے گا۔

ضلعی انتظامیہ کے دعووں کے برعکس پی ایس او کے علاوہ باقی کمپنیوں کے پمپس پر بھی پٹرول دستیاب نہیں ہے۔ اور صورتحال معمول پر آنے میں مزید دن لگ سکتے ہیں۔